靠得住粥麵小館 (Closed)

未試過未食嬲到走！由於平日去，所以冇咩人，好多吉枱。於是行入去一張枱，點知個帶位（男人著西裝）沖過來，黑口黑面+做個「停」既手勢，我唯有向後退，一直退至店外。之後個帶位按了一下拿票機才帶我們進去，好古怪！但抱著快d食完心態，就照入去。一坐下，個侍應（女士）遞個menu過來，我伸手想接，點知佢竟然縮手，示意我放低手，佢先放個menu落枱面！！當然表情是衰到冇人有！！個刻已極後悔入左呢間野！跟住我同佢講想換杯茶做水，佢轉身走左，之後又嗌過來，大喝「係咪要水呀？！」其實好明顯聽到啦，仲咁嘅態度？？心諗唔係咁仲要貼錢幫襯呀嘛？？唔好話平日度度都唔使等位，就算真係冇得食要捱餓都唔會幫襯！！於是就起身走人！！之後上OpenRice,發現原來唔止我地係咁！ 真係豈有此理！市面上咁多餐廳食物同服務都比呢間野好，各位真係唔須要委屈自己，餐飲業朋友更應該抵制呢類害群之馬！建議大家不要助長歪風，堅決不光顧「靠得住」粥麵小館！！

近日腸胃不舒服，想食粥，叫公司姐姐去買一碟腸粉，一碗生滾魚腩粥，埋單72元。一打開蓋見到d粥出左水已經有點不妙感覺，一吃，唉加左粉糊的，口感好差，重有味精feel. 好彩魚腩有4片，份糧ok, 也新鮮好味。腸粉一食完全沒有布拉腸粉口感，似粉廠交貨那種，最不好是不夠熱，腸粉不軟，硬邊的。失望一餐。

雖然係米芝蓮食肆，但整體嚟講食物味道一般。蘋果茶 每人$3茶芥茶香順口，唔會有苦澀味。潮式韭菜蠔仔煎蛋$78有啲乾身，但又唔係香脆，味道就ok。蠔仔肉碎泡飯$68有蠔仔、冬菇、肉碎等材料，味道較淡，不過不失。菜遠蝦籽撈麵+雲吞$38+$15雲吞ok，蝦肉彈牙，麵身爽口彈牙，但太咸，個味精湯可以溝淡啲咸味，但飲完有啲渴。混醬腸粉$26混醬味道唔錯，但腸粉唔夠滑，較黏身。晚市每人消費幾十蚊，都幾抵食下嘅。

今日同我最愛的男人食好西，由於大家都飽飽地所以我們去食雲吞麵每粒雲吞一隻蝦，蝦都爽口同新鮮，口感唔差湯底唔會太鹹，ok 啦！口水雞麻辣味，麻多於辣，適合唔係樓好食得辣的我，整體黎講唔錯。另外菜心好好，出街食飯好多時菜都好油，但呢個唔會好油，唔錯！整體係好好，畢竟都係大型連鎖店，都唔會太差！唯一唔好係價錢少少貴，而且係連鎖店食雲吞面始終都好似少左少少風味！

黎到葵涌已近六時多了，已諗定去食晚餐，點知去到d日本餐廳已排滿人，咁再上兩層睇下，去到呢間“靠得住”等左大概七分鐘左右就有位秘制牛腩麵第一口好ok,之後就越食越鹹，牛腩好靭差不多件件都食唔晒有渣（除左d牛根）混醬腸粉一碟普通腸粉，not bad黃沙豬潤粥又一鹹味傑作，其實唔差？！只不過“可能”有味精？！吊味食飽呢餐已飲了他兩壺熱茶（蘋果紅茶）

今日係新都會等朋友收工，然後一齊食飯，朋友話無乜胃口，所以去咗靠得住，諗住清清地去食粥。叫咗個豬潤魚片粥，個粥底都幾綿，豬潤同魚片都新鮮，同埋幾多料，不過就覺得都幾多味精，越食越鹹。混醬腸粉，個腸粉好黏口，不過加埋d甜醬同麻醬，都算ok嘅。再叫咗個淨雲吞，真心個句真係麻麻地，佢都幾大粒，不過就只得肉，蝦就唔係好覺，湯底好鹹，我真係唔識欣賞。最後叫埋個油菜，都幾甜，不過就真係太少囉，成碟淨得5條菜，一個人都唔夠食。我係等位時見到係米芝蓮推介，諗住應該唔會太差，不過食完真係有d失望。

生日的那天本來預備到南丫島一日遊，可惜那天早上雨勢頗大，又一次要取消，那便轉戰葵芳商場啦！先到吃過早午餐先(^_-)，不過要一提此店服務態度很不濟，先係有檯唔比客(得我倆在門口)到頭來等了5min才叫入坐，但內裡只有四，五檯客而且侍應有最少三人。叫餐仲差個個見到扮睇唔倒仲要黑面的，最後有位男店員拋下一句等陣，過了一陣終於肯幫我哋落單！此時我們已坐了差不多15min喇。 生日要和氣算吧食嘢啦！頭盤要爽脆鯇魚皮，而混醬腸粉係精選套餐的小食。

早前窩夫在海皇粥店吃了一碗不好吃的豬膶粥，某晚自己一個人吃晚飯，很想吃一碗好吃的豬膶粥，便走進靠得住粥麵小館，看看是否靠得住。一個人一大壺私家茶，窩夫的3元茶錢很抵啊！沒想到在粥麵小館會喝到蘋果茶，很特別的配搭。點了靠得住鎮店三寶之一的心肝寶貝($62)，其實即是豬膶帶子粥，黃沙豬膶好吃，大大隻的北海道刺身級帶子切成三片，煮得剛熟不會過火，味道很鮮甜，粥底是靠得住的招牌魚湯粥底，絕對不會叫人失望。除了粥，窩夫還點了混醬腸粉($26)，腸粉卷得很美，口感亦不錯，加上芝麻和混醬，味道非常好。靠得住粥麵小館@葵芳

第一次到米之蓮推介的靠得住用餐，當晚從迪士尼離開到餐廳已快9點，不用等位直入，餐館內仍有一半左右客量。揀左卡位，待應生立即開茶位，原來係斯里蘭卡的蘋果茶，味道清香，沒茶的苦澀味，淡淡的蘋果味，易入口叫左一碗粥，撈面，甜品就是我最愛的紅棗糕。上菜速度很快，五至十分鐘粥及面已經到齊。用餐後點叫甜品，紅棗糕需時15分鐘，到桌時的確是很熱，亦見到糕面仍有水分，相信係即刻蒸，而甜味適中，仍有紅棗皮在內總括而言，好的嘗試，可以下次再試其他菜式

今日係葵涌廣場血併左好幾個鐘頭, 戰鬥力減弱中.行到攰攰地諗住搵個地方休息下, 5點幾其實好多餐廳都係岩岩轉做晚市, 未有太多人流, 自己行入去就幾乎有位坐。貢菜海蜇頭 $40海蜇頭太過林身, 唔知自己食緊d咩 , 反而d木耳食落好爽口, 有d妹仔大過主人婆既感覺。 貢菜都幾脆身, 總係覺得呢個小食聞味有d似曾相識。我知喇！ 食落好似譚X米米果d麻辣伴XX果D花招八角個味咁, 香料味都幾濃, 有D似食緊米線味既海蜇頭咁。爽脆鯇魚皮(全熟) $46每次黎到『靠得住』既必食3寶, 一定會叫既就係鯇魚皮 鯇魚皮爽脆無比同好彈牙, 而且佢係以冷盤方式, 配上少少豉油食落口感真係冇得頂! 口感同平時出去食既勺魚皮完全唔同, 但可惜份量有點少, 食得唔太過癮. 秘製牛腩撈麵 $46牛腩煮得好夠火喉，食落好軟熟而且好入味，牛筋食落太軟身，欠左一種有咬口既感覺，雲吞麵既梘水味有點過重，感覺差左少少。

菠蘿咕嚕肉分量不多，大約只有五、六嚿，甜酸味道還可以，咕嚕肉炸得不夠，唔夠香脆，肉質也麻麻地，有點硬。熱cappuccino，咖啡味道都幾甘香，但泡沬唔夠多，奶味不足。

吾知食咩好，去左靠得住，反正未食過，睇下係吾係咁靠得住星期日晚未夠7點，三個人等左10分鐘左右就有位。靠得住有茶位，每位$3。只有蘋果紅茶招待。淡淡既蘋果香味，好清香，加水後茶味及果味仍在，吾錯。食物就點左幾款:1.招牌雲吞麵同水餃麵- 蝦份量足，夠新鮮及彈牙。麵就無特別。2 混醬腸粉 - 腸粉上淋上色彩繽紛既醬汁，有甜醬豉油麻醬及芝麻，賣相已攞分。旁邊放上辣醬，體貼吾食辣既朋友腸粉算滑，但其實跟葵涌廣場地下既腸粉分別不大。3 魚片粥 - 粥品不是靠得住既招牌食品。粥底夠綿，魚肉夠鮮，而且魚片份量好足，每啖粥都啖啖魚片！題外話，胡椒粉好香，加上粥品內令魚片味道提升，食粥既朋友記得要加點胡椒粉。4 咸肉粽 - 又一招牌食品，餡料有開邊綠豆，五香肥肉及咸蛋黃。肥肉既油脂及蛋黃既香味完全吸收在粽內，熱辣辣上枱，非常吸引。而糯米不似一般外面既粽咁實，咁難夾開，令油脂及蛋黃香不能分佈在整隻粽入面。值得一試。價錢比一般粥品店貴，而且有加一。一分錢一分貨，食物都有一定質素，但驚喜就未有

蘋果茶好香~ $3 位茶好抵~新出小菜套餐~ 有飯有野飲~ 咕嚕肉又幾精緻喎👍🏻 肉條好好食又唔多肥膏~ 唔會好似其實餐廳一大舊炸粉都唔知包住咩肉碎溝埋~ 果然靠得住另外 order 蠔仔粥~ 好多蠔仔又乾淨無沙~ 好好味😋仲有呢個蝦膠冬菇~ 蝦膠夠彈冬菇又香~ 正下次要試下蒸魚先😁

話說 我同我老公 去葵芳行街老公見到米芝蓮推介之外 招牌有鯇魚皮 就想去試下一入到去 無招呼咁老公主動問個經理 係未可以自己行入去經理就話 未得 但唔點解一開頭叫我地等一陣 而唔係對我地視而不見呢咁入到去喇 就諗住叫野食喇大叫左幾聲 唔該 都無人理我因為佢地掛住唔知傾計定嘈交有個女侍應係咁同個經理理論但理論係唔需要咁大聲既因為係兩個相隔好遠 佢地大嗌既內容係聽到晒最尾又人蘇我地 我地諗住叫燉湯飲咁一碗湯 $48碗 其實就唔介意既但個經理呢 就講d唔講d又話嗌小菜 個湯可以平d但又唔可以轉頭嗌 一定要一次叫 話電腦出唔到咁唔緊要喇我地order 兩個燉湯 同 鯇魚皮佢就話鯇魚皮唔當小菜就行左去入機咁佢入緊機既時候 我就嗌左個廣島蠔點知又話 太遲 我老幺就嘈喇 話佢入緊機咁好喇 最尾佢都肯改既 就算喇服務差都唔緊要 最重要最重要食品個方面個魚皮好腥 但係爽既不過唔入味咁個燉湯 so far so good個廣島蠔 經典勁腥 我同老公食左一舊仔 成碟 無郁過未見過服務咁差既 餐廳仲要係米芝蓮推介

今日收工急不及待買飛睇新上映既蝙蝠俠大戰超人，我地只有45分鐘時間食晚餐，上到新都會頂層就見到呢間食店，見到有我最中意坐既卡位有枱就同阿羊入左去喇。侍應都很有禮貌，今次全由阿羊發板食乜。爽魚皮都算爽脆，但份量太細 心肝寶貝粥，內有豬肝，帶子味道有點咸味精多，豬肝幾爽，帶子大舊但冇鮮味 腸粉夠熱，醬汁多，腸粉幾滑 呢個茶味有點似香葉茶 鹹肉稯不過不失，夠熱