靠得住粥麵小館 (Closed)

呢度，粥就食得多！港式早餐真係第一次，估唔到又幾好食！沙爹味濃又夠香，牛肉份量算 ok多多士厚身軟熟煎太陽蛋，蛋邊香脆，不會一口油茶走煉奶分開上，可自己調味，100分啦！又可以自助落單員工防疫意識夠太好！又多一個選擇！

今日放假自己晨早去食早餐，諗住去屋企附近呢一間，平時冇食過，所以就嚟食下，但係實在太失望！員工質素相當差，食物質素一般，價格出奇地貴！員工好奇怪，一直叫佢哋都冇人聽，叫天不認，叫地不聞，好奇怪🤔！鹹肉糭$30 ，有蛋黃，不過完全冇肉，只有一舊肥膏，相當普通，唔可以話係難食，不過絕對唔係好食！腸粉$30 ，呢條腸粉係我人生食過最貴嘅腸粉，既然咁貴，質素係咪應該好好呢？點知原來質素只係一般，唔係難食，只係一般薏米水，又係奇怪，冇乜薏米味道，不過有薏米的樣子，而且有好多薑，辣辣地，點解係餐牌上面寫明呢？唔係個個都接受到咁多薑，我又唔係要飲薑茶！！唉😮‍💨店舖門口寫到明咩米芝蓮推介，真係嚇死人，以後唔使跟呢個標準了

今天下午到屯門「靠得住」分店食下午茶，忽然想起有一張「支付宝」coupon ，可以用半價$16食一隻「鹹肉糭」。問侍應，侍應叫我問櫃位，櫃位有位女職員說可以堂食，埋單計數，我於是叫了一隻「鹹肉糭」。但埋單時，櫃台另一位職員不懂處理便叫了經理到來，但位經理卻說coupon 只可在週一至週五使用，叫我明天再來。可是，因為coupon 已經被激活，不能再使用！最後我只好照原價結賬！屯門店出名出品慢，坦白講，嗰隻「鹹肉糭」亦唔好食！今日食到一肚氣，下次再幫襯都要諗清楚！

食物質素越黎越差，效率更加差，無服務可言，無野食都唔會再幫襯😡我係門口見到個餐都出左，問個收銀又話未有，問個經理哩個咪係，個粥都放到出晒水，個經理見我發火至幫我換個，如果我唔出聲佢都唸住包返比我，真係火都黎

午餐點了牛柳絲炒河，牛柳得四、五粒，係粒，何來有絲，差不多淨炒河，仲要收七十大元未計加一。真心，冇下次了，越來越差，食物、服務，不值這個價錢，所有也大不如前了。

門口等位收銀已經對客人發泄，入到坐位仲好似欠左啲侍應咁，一啲禮貌都無，但不是個個都係咁，😡😡😡大佬我係想食野啫，我無做錯到，仲差過茶餐廳🤬🤬希望靠得住會有人關注一下，

今日同家人去靠得住食晏，叫咗招牌淨雲吞配鹹肉粽，淨鳳城水餃同香酥排骨配菜飯飲熱柚子蜜。職員有提醒過香酥排骨配菜飯需時三四個字。點知家人食哂都未黎香酥排骨配菜飯，落單後等咗半個鐘都未黎，所以同職員講，之後等多陣說拎黎🤦🏻‍♀️但發現唔係好熱，似整好咗一段時間先拎黎咁。不過味道唔錯，如果熱d會好食d😛但整體都一般，份量比較少。

一直都知道依間係米芝蓮食店,但就未曾光顧過。今日第一次嚟先知除粥麵以外,原來仲有菜飯,叫咗個水晶雞菜飯🍗雞肉嫩滑,夠新鮮唔會食到有雪藏味加埋下面鋪嘅芽菜索晒鼓油汁好好食。至於個菜飯白菜量多,飯亦香軟,夠晒健康。

早前天氣凍，同Mr Wong外出去買日用品前，食個粥暖下身去左間有米之蓮水準嘅粥店『靠得住』價錢就比一般粥鋪貴少少，但地方闊落，同食物水準都高————皮蛋瘦肉粥：粥底綿。瘦肉一給絲，又唔會太咸。皮蛋份量一般，同未係起花既皮蛋————艇仔粥：粥底都係一樣綿。材料都豐富，但無左魷魚，變左魚片（唔知關唔關，過年未返貨）————銀芽炒麵：幾乾身，豉油味唔會咸，比一般粥鋪食既，無咁油膩，幾好————咸肉糭：糯米多軟熟，咸蛋同肥肉就只係一般大細

朝早一行三人食個早餐，排完隊，坐低落完單，等咗十幾分鐘，仲未有野食到，心諗餐廳人多廚房做唔切，等多陣先啦，再等多十分鐘，隔離枱遲過我地落單，啲野食都到了，問店員催單，竟然話無落到單，完全無表達歉意，施施然問我地食啲咩，真係嬲，直接唔點餐走人算。以前都食過呢間，出品係唔錯，漏單唔係未試過，但全張單3份餐無落過真係太過份。侍應服務態度好差，坐好耐都未比杯水，加上明明入面好多枱，但無人執，搞到外面排曬隊。

Weekend我去咗lee間舖頭食lunch,但其實已經係下午3點幾原來星期日都有下午茶，我order咗豬肉丸生滾粥＋菜芯都好抵食，四十幾蚊埋單。我次次去幫襯都會叫生滾粥佢D粥真係綿綿地又有味道，肉丸feel都係人手自家制。大家都不妨食下。每次佢都有壺蘋果茶都幾好飲

靠得住？見到成日都有人排隊，諗住以為太興集團冇乜好嘢，一於就試吓佢叫咗個唔知係唔係米芝蓮推介的芽菜水晶雞，見到都好多人嗌，雞肉好厚身，入口有雞味，仲有少少雞油，似清遠走地雞，食落都有少少un，不過都明白，而家呢個年代好難食到唔un嘅雞，下面鋪滿熟嘅芽菜，個人覺得配搭幾好，可以一試另外叫咗個鳳梨蝦球，點知嚟到個賣相真係好吸睛，原個鳳梨🍍應該係一半，不過都好吸引，鳳梨裏面裝着蝦球，先落去啲蝦都好新鮮丶又彈牙，唔似啲低級貨另外加咗少少錢跟燉湯，同埋跟魚湯白粥，個湯就一般，都可以飲下，魚湯白粥就好好味😋當然漁味唔重，不過食落就好鮮味丶特別總結：價錢係貴啲，不過品質係高級啲，唔怪之成日都咁多人排隊幫襯，仲以為連鎖集團冇乜好嘢

靠得住重之前裝修之後都未食過， 今晚嚟食下， 好彩都算早 ，六點半到我入咗冇耐之後就要等位啦薑汁芥蘭， 唔係好覺得有薑汁不過都炒得幾爽脆。本身兩個人諗住叫兩個餸，但係見到隔離個紅燒乳鴿好似幾好食。紅燒脆皮乳鴿， 隻乳鴿$58仲要有蝦片跟其實都真係幾抵， 又有4塊蝦片仲有青瓜車厘茄伴碟韭菜蠔仔煎蛋，會跟過魚露上菜，蠔仔唔算多但係個韭菜同啲蛋都煎得幾香送飯一流，不過加埋魚露就略為鹹咗一啲。 魚湯白粥 略為鹹咗少少嗌嗌下就食咗$300

我依個無飯煮婦，好多時都係出街食，因為自己煮仲貴又要洗又要買，諗起都麻煩好多時都會嚟靠得住開餐，又有粥又有小菜，價錢又唔太貴，任君選擇今晚見門外放咗個招牌，新推出花甲蒸水蛋，當然要試下啦～水蛋好滑，花甲份量都好多又大粒肉，好鮮甜！而且最窩心係豉油分開上蒜蓉粉絲蒸蝦，好新鮮又爽口，粉絲吸曬d蝦汁，送飯真係好味喇！不過略嫌太多蒜蓉，食落會偏咸通菜炒牛肉，d菜好嫩，無渣，牛肉唔會韌，只係依碟菜78蚊嘅價錢，份量我覺得少咗d

今日只係普通打算入黎同家人食個lunch, 竟然還要排隊入座! 現在都什麼年代了，有拎飛嘅，有電話拎飛嘅。竟然要排隊。。。。。。然後不同嘅店員問了我無限次幾多位，先帶到我入坐。我真係無言至極。。。然後大家小心!!!! 服務員係問都冇問過客人意見，就強行塞了茶比我，最後原來係要收錢!!!!!!! 如果冇需要飲記得一定要拒絕!! 到叫野食，人手明顯不足，都要等了一陣先叫到人過黎幫我地落單。等野食到都等咗好耐。。就算啲野食幾好食，我都唔會再幫襯，體驗太差!