靠得住粥麵小館 (Closed)

舉左手3分鐘最少三個員工見到我，都無人理，店員內得一半檯有人，見到我舉手都唔過嚟，最終我去收銀機度落單，個收銀員喺度玩微信，叫佢幾次都唔應人！我企喺佢面前，佢send足兩個訊息先態度好差問我要咩。啲粥愈來愈細碗、愈來愈咸。米芝蓮食肆，笑死人。

最近經常來靠得住，全因它的鱔球。白鱔球粥最得母親的歡心，成為了必點菜式。今晚還點了䜴汁蒸鱔球，有六塊，菜式精緻，比較少骨。雲吞撈麵味道偏鹹。味道中上。服務不錯，裝修環境明亮，增添了數分食慾。

靠得住都有下午茶，主要是食粥粉麵，點了個套餐，有粥和麵/油菜/油條等。艇仔粥十分足料，有花生、魚、豬皮、咸豬肉、菜，魷魚愛好者表示很可惜沒有，粥完全不會過稀。我選了炒麵，炒麵的份量很大，不過略嫌有點咸。抵讚的是現在不會主動奉上蘋果茶強行收茶位費。經過的話不妨一試。

平時早餐同下午茶都會黎靠得住食👍🏼其實自從裝修後味道真係差左少少可能因為廚師唔同咗啦 靠得住主要食粉麵粥品佢嘅糭同粥係做得幾出色 因為佢嘅粥係真係攞魚湯煲出嚟嘅 而佢碗粥嘅質感唔會稀 係一碗食得飽肚嘅粥🤣今次一於去佢嗰度食一餐晚餐 蒜蓉粉絲蒸蝦蝦肉雖然唔厚 但蒜蓉味好夠👍🏼如果可以再多d粉絲就好啦小炒王 份量雖然唔多但啲腰果同埋蝦乾仔好香口而呢個蒸魚 蒸嘅時間啱啱好唔會多骨其實靠得住嘅晚餐菜牌周不時會轉下所以唔同時間去菜式都會變咗 留意一下😄每個跟餐嘅晚餐套餐都會附送一碗白粥或者飯而佢嘅白粥係好鮮甜大家一定要試吓 👍🏼👍🏼👍🏼

呢間野 一句講 冇下次 都唔推薦大家試收銀員工態度極之差明明4-5張台冇人 有人等位又唔比人入 話未汁好台 好心唔夠人手 就請多幾個人啦仲有 我地一坐低 就比壺茶黎唔係熟客係唔會知係要收每位3蚊茶錢比單我地先睇到 就問收銀點解要收茶錢 我地冇叫收銀員工 態度惡劣咁講「你地斟左就係你地」我地好嬲其實唔係錢既問題 係夾硬黎有咩可能咁樣？收茶錢之外 仲要收服務費兩個午餐 收142 又唔係好食 態度又唔好 叫人落單都好似求佢黎咁 等餐時間又耐 如果要講優點 就只有一個 地方大 坐得ok舒服囉 其他真係冇優點可言

放假日子最喜歡與家人嘆個舒舒服服既日餐，靠得住環境比較寬敞，所以都係常去食早餐之選。今日食西式早餐沙茶牛肉麵，加多士炒滑蛋，熱奶茶。平時上菜速度較慢，今日出奇地快。 沙茶牛肉麵唔錯 麵硬度適中炒蛋唔夠熱

靠得住除左早市唔駛加一服務費，其餘時間都要收取，所以基本上只會黎食早餐。早餐方面有中式同西式，最鍾意就食呢度既沙茶牛肉麵，個醬汁係重點。但如果趕時間就未必考慮呢間，因為上菜真係化較慢。

今日放假，同男神食早餐，行到商場嚟都靠得住，入到去，剛好過咗早餐時間，所以11:00就食午餐囉，叫咗豬膶魚腩生滾粥，男神叫咗皮蛋瘦肉粥，再拼混帳腸粉，鹹肉糭豬膶魚腩生滾粥，粥底綿滑，豬潤爽口冇異味，魚腩新鮮皮蛋瘦肉粥，好普通冇驚喜混帳腸粉爽滑配搭甜醬麻將辣醬，真係冇得頂鹹肉糭分量十足，餡料有綠豆，肥豬肉，鹹蛋黃，冇偷工減料，而且糯米夠晒煙韌，配豉油食又得，砂糖食都得而壺蘋果茶，真係好好飲，唔知啲茶包可以喺邊度買呢

屯門市中心一帶要食粥，有一粥麵同靠得住，靠得住有米芝蓮加特，咁又係咪好食d?先負評呢條油炸鬼先，溫度係暖既，合格脆口程度ok可惜，油益味超重，好有可能昨晚油今日炸係就慘嘞!呢個港式早餐 ，上次係元朗永順食，可以是用"激情"形容，大量花生醬嘛！靠得住是平淡的，光身麵好味過一丁。炒蛋就有d碎，落左牛奶炒蛋，明顯有牛奶味個粥水準保持到啦！無咩特別料就有咸肉綠豆 都係無咩特別。2個餐加 咸肉粽，89蚊算平價服務先開一段講，一如其他食家所言，服務真係麻麻一搭枱係無問題，唔搭就等都係無問題，問題係收銀姐姐太繁忙，又要分位又收錢，我企離開少少行列，我唔啱，2位侍應以為我外賣，我開口講我先架，佢先比我 其實收銀員知架，佢太繁忙冇出聲。阿姐可能太多野做，無笑容回應短促都感到無咩服務好言。算啦！今日都開心無內地朋友長坐，唔係就有置身深圳既感覺。

以前經常幫襯灣仔克街老店，覺得他們很用心做，食得出粥底是用鮮魚熬出來的👍🏻今日五一勞動節，到屯門市廣場走走，輕鉄杯渡站天橋往下走就見到靠得住，嘩，好耐冇去食，入去回味下先😊未到十二點就要排隊，大約等咗十五分鐘就可以入座👍🏻一坐低侍應馬上奉上一壺茶，原來店內提供的是蘋果紅茶🍎🔸蘋果紅茶🍎$3這是必收的荼錢😬用茶包泡的茶，但蘋果味突出，飲完覺得好清新 ，不錯😉🔸心肝寶貝粥$69所謂心肝寶貝，其實就係豬肝加帶子，我係極度喜愛豬肝的人，但係唔能夠成日食，今日破例就點咗😛豬肝緊熟，不會嚡口，帶子鮮甜、滑👍🏻🔸魚鮫粥$50 加配銀芽炒麵$15魚的份量都算多、冇腥味，但感覺粥底亦有師傅到，食完有點口渴😌反而炒麵幾好，不會油也不會乾👏🏻兩碗粥加炒麵一碟埋單$154，覺得貴咗d😅大集團收購後，品質行咗，價錢貴咗，睇來回憶要付出代價啊😕🙁☹️

今日途經屯門靠得住，有衝動入去試一試，睇下佢哋同以前灣仔克街係咪一樣，但係要等位，等不是太久，只是約莫十五分鐘左右，後來才得知他們给太興集團收購了餐廳場面都很大，再睇下餐牌，同以前完全不一樣，星州炒米都有得食，完全唔係以前嗰回事，加了一點點太興的影子。 兩個人叫咗兩碗粥加一碟炒麵，咁就150蚊，真係太貴喇， 都明嘅，可能係租金太貴喇。心肝寶貝粥就係帶子加豬肝，食落仲好似有少少口渴㖭，但係以前灣仔克街就冇呢回事，我都唔知佢哋有冇改到以前嗰條配方，anyway另外魚較粥，魚較就頗多啦，亦都好鮮甜，呢個就要畀個like佢啦，真係讚炒麵呢，其實真心覺得唔錯，好乾身，但係份量就細細碟，不過亦有讚嘅地方，就係個碟有另外一小格畀你放醬料，咁就唔使麵跟醬混到一pat一pat啦世界就係咁㗎啦，個體户經營跟集團式經營，你話會唔會一樣呢，大家心照啦

叫左一碗心肝寶貝粥加一個鹹肉粽，鹹到底。另外碗粥比較粘稠，完全不見水。仲話係招牌菜，我真係覺得唔可以咁樣搭配，推薦去食嘅人可以叫白粥加其他小菜，會比較淡味，上菜速度都還好。

早上剛剛十一點到靠得住，諗住食碗粥清下腸胃，見到店內有位就諗住行入去，加上又冇侍應叫我地等一等喎！之後行到入去店鋪一半，個收銀肥肥嘅阿姐突然用不太禮貌嘅語氣問：「你幾位？出面等！」我心諗之前我未入來又唔問，行到一半先叫我行出走等！但都行出去等咗5分鐘，其實唔係好耐，只係唔明白成場都有吉枱都唔俾人入，我明白可能係轉午餐要等一等啩！但入到去個肥肥收銀阿姐係死都要二人坐四人枱，之後佢個同事又叫我地坐其他位，真係帶位都亂過人！唔係諗住坐得舒服D，都唔會再去囉！最失望係個豉油皇炒麵，明明招牌菜但炒麵又乾又硬，好明顯係凍咗，難食到一個點係普通炒麵都好過佢好多囉！而魚片牛肉粥同皮蛋瘦肉粥都OK，混醬腸粉都能夠保持水準！就係炒麵失手同啲侍應嘅服務真係一般喇！

據知小店向來都好多顧客惠顧食物質素不俗 但服務態度卻惡劣d呀姐會有不耐煩的態度本人於早上落單外賣早餐叫左兩個餐 另外再詢問欲加其他物品詢問原因是鑑於餐牌上並無表明呀姐則不耐煩地回答收線時更ee唉唉 話係甘啦係甘啦我好明白繁忙時段 但呢個吾係應有既態度！

嗌左多次都冇人理，還收加一，啲嘢上來都係凍冰冰，雞仲有毛未清理乾淨，找數時職員服務態度勁差，我張八達通唔夠錢，可以好聲好氣講，鬼死咁惡話我張八達通冇錢，第一次遇到，以後都唔會幫襯了