粗菜館

Open Now

Now Closed

上次見好多人要等好奈,無食到. 尋晚專登早D 6點半去攞7個位點知........ 吓! 要全部人到齊先可以入坐!!! 唔係嘛!無位點叫一家大細落樓. 難道有老有嫩咁企街吸塵嗎? 如要一半人到先比位我都覺得合理D囉. 有名氣的食店就是這樣的嗎?

我人生第一次食豬油撈飯就係粗菜館發生.........味道: 有d好濃味，唔識形容，又有一陣奶味口感: 唔落豉油會有d"杰"，落完豉油就好d好彩一早已經訂左位，外面打晒蛇餅一行11人，坐大但都好迫當晚菜式:炒豬雜- 夠鑊氣，不過我只會揀豬肚食梅菜扣肉- d扣肉好鬼肥!!!食落似喱，想健康就唔好點e味菜招牌炒魚腩- 好好味，(我)阿媽都話好!!!口水雞- d味唔濃，淡左d蜜味東坡骨- 份量太少了，不夠分，我最鍾意e味，好彩我揀左一大件黎食蒜蓉蒸勝瓜- 好味，但好貴囉，一碟要成$38 !!!蒜蓉蒸勝子- 又係好味，幾新鮮，但太新鮮啦...有d唔熟爽藕炒豬頸肉- 好野味，但都幾辣下至於其他菜都同外面差唔多整體上粗菜館d菜式大部份偏油，想食d清淡菜式就唔好去服務唔錯，但餐廳裡面坐滿晒客，d侍應都幾忙下，唔可以即刻理你，要叫多幾次等下

看看這將有點失焦的相片,估下這是什麼?不是菜甫蛋,不是大堆頭,煎到過晒火的菴烈,而是鳳凰煎豬腦.十年沒嘗此味,於某日下午的特價套餐中重遇.跟套餐的例湯,菜乾雞腳湯味道清甜,不含味精.鳳凰豬腦份量同晚市相若,外貌如菜甫蛋,同菜甫蛋的做法一樣,不過加上豬腦,如果直接叫"豬腦菜甫蛋",一定嚇怕人.豬腦質感如海膽,香滑溜口.只是份量不夠多.希望只是午市的豬腦落得比較少,而不是將就食客的"又要怕,但又要試"的口味.來得粗菜館,一定膽固醇萬歲.對嗎?

見好多明星都去,所以就去試一試!我同我男朋友去,兩個人食左3樣野:1碟炒豬雜:份量適當, 味道非常好,適合送飯食^^1碟梅菜扣肉:第一次食倒唔"un",易咀嚼的梅菜扣肉!正1雞酒湯:個賣相睇落係好普通,但係味道非凡!酒味適中! 令到人想飲多幾碗~最衰我地得2個人,如果多d人可以再試多d^^不過如果真係去食晚飯, really去得過^^價錢都OK! 叫左3個, 2個白飯,都係$152落樓

黎得呢到, 充要放低有咩人SER既感覺,基本上, 所有人都忙到唔得閒理妳,不過D食物味道幾好, 其實好耐之前都有食過,唔係阿蘇介紹番, 我諗都唔會再食, 因為始終比較唔健康, 因為高膽固醇既關係籠仔梅子蒸鱔, 咸旦節瓜, 炒豬雜, 豬油撈飯係個飯唔夠香, 不過整體黎講都係好食

因星期六晚看了穌絲黃有關此食肆的介紹來到這間食肆一試，結果大失所望。我和女朋友兩個人來到時，已經看到有很多人在等位，但大部份人都是等大枱，我們大消五分鐘已經有枱了。本以為我們十分幸運但原來只是失望的開始。坐下後，我們聽到周圍的食客都是談論昨天穌絲黃的節目，看來有不少人都是和我們一樣看了節目後冒名以來。我們因只有兩個人所以只點了兩味餸黃金蝦和西芹腰果帶子，並沒有點穌絲黃介紹的梅菜扣肉和炒豬雜。因多人的關係，我們等了好一陣子才來餸。先來的西芹腰果帶子上面有很多鑊屎，賣相已經很差，我需要很小心的挑去鑊屎才可以吃。我吃下去完全失望，腰果沒有走油，丁點兒也不香脆，像在吃橡皮糖，帶子很咸，能勉強吃下去的只有西芹。後來的黃金蝦更差，咸蛋黃不平均的沾在蝦上。吃的時候，一口很咸、一口沒有味道。另外，蝦外的粉醬很厚，吃下去滿口是粉。最過份的是，他把鑊底的沾不上蝦的咸蛋黃也上碟，整碟好像垃圾一樣，我以為是附近的食客吃剩。總括今次經歷真的十分失望，此店之差完全超出我的想像。我不清楚是因為我們沒有吃那些招牌，還是那天太多人的關係，以致廚房把食品粗製濫造。我看如果只有那些招牌菜才做得好的話，不如你們只賣那三數樣菜

今晚六點黎到已有人龍, 侍應話等十幾分鐘就信佢啦, 等一陣就入到去, 前一次去已是數年前, 以前食過炒豬雜, 沒有興趣, 不試了! 二人今晚要了乳鴿, 魚湯浸勝瓜及古法蒸紅...是晚好多人, 勝瓜先來, 魚湯既pepper 味甚濃, 勝瓜硬硬地! 乳鴿就似水汁, 甜甜地, 鴿肉好腍, 好食過龍華好多, 不過食半隻之後就出事, 味精敏感發作, 條魚黎到食少少都食唔到...敏感得好緊要- 個胃灼熱, 不過, 我都試少少, 魚肉蒸得岩岩好, 面頭有少少肉絲同冬菇!

落到九龍城，忽然唔知食乜嘢好(都好少係咁)，行過呢度，忽然有D掛住佢嘅炒豬什，就行咗入嚟..都未曾試過晏晝嚟食，原來亦有午巿套餐，有成十幾二十款餸揀，再加例湯及白飯，賣三十零蚊，算OK la..例湯係西洋菜豬骨，夠晒消暑，味精唔算太多，合格有餘..豬什仍然精彩--- 夠鑊氣，豬潤豬腸爽口，豬肚及豬腰全無異味，再加上大量葱段，吃得不亦樂乎。水準依然無出其右...

豬油撈飯又一選擇這裡的招牌飯係豬油撈飯, 比桶飯你, 加一碗豬油, 一碟豉油, 味道還可以, 但米則不太靚, 所以飯香不足.而最正的, 應是薑魚尹(即魚頭), 魚頭較厚, 亦夠乾身, 薑片脆卜卜, 與利園此可較一高下.其次椒鹽軟殼蟹亦不錯, 沙薑雞平平, 炸魚腩也不錯. 但取好不要在假日去, 水準較……。

D嘢好灟, 味道又一般, 服務又麻麻, 成日會望住你張枱, 好似暗示你食完快D走, 攪到好唔志在

如果大家想試下食豬油撈飯,呢度係一個不錯o既選擇,唔駛特登走入元朗名人酒樓食,而又未必有位..一行六人,懷緬之前响度食o既豬油撈飯,於是星期日特登駕車去九龍城,七點零又唔駛點等位喎..環境:地方較陜窄食物:豬油撈飯(大),沙薑雞半隻,椒鹽軟殼蟹,雜菌菇煲,咖喱薯仔牛尾煲,牛展小食,白飯兩碗服務k是次消費共$380

I went there todayate 炒豬什.....too many ginger....very few 什...the taste is not good...just very very 普通sauce as the seasoningthe "pork oil rice"....cannot compare with 大榮華...I can make better one overall service is not good, when I asked the waitress to give me more pork oil, she looked at my bowl and said "you still have some left wor!" ...Pork oil is jsut cheap stuffhowever, the price is not cheap, environment is poor

今晚行0左落去幫襯, 4 個人叫0左個炒豬什, 鹹魚茄子煲, 半隻海南雞同一個魚湯浸雜菌.除0左海南雞, 全部都very good for 送飯. 炒豬什好好爽口, 無異味, 尤其係豬心同豬腰, 好好食! 不過個別一兩條豬粉腸有d 苦.海南雞其實係凍食白切雞, 得d 蔥/薑茸, 無黑豉油點0既. 我覺得唔ok, 味道怪怪0地咁, 無雞味, 肉質連雞翼都嚡口, 唉.鹹魚茄子煲撈飯一流, 不過我唔食得辣, 始終覺得佢落少d 辣椒會好d. 個人亦唔鍾意佢落咁多薑絲.魚湯浸雜菌... 雜菌幾juicy, 夠熱辣, 幾好食. 魚湯底落0左好多胡椒粉去腥, 係好事, 但個人覺得佢重手0左少少. 當我知道係魚湯, 上菜時第一時間'畢' 0左一啖飲, 點知發覺係超級鹹的, 只可撈飯, 不可就咁飲. @_@冷氣好大, 勁凍... service 就ok 啦.(題外話... 點解隔0左咁耐都依然係我之前留個comment 係最新0架呢? 無人鍾意幫襯嗎?)

我最鍾意食佢0既炒豬什, 鑊氣夠, 豬潤無苦澀味, 豬腰又唔會有"壓" 味, 口感仲要出奇地"彈牙" (even for 豬什!), 正!炸辣魚腩好香, 但我本身唔食得辣, 嗜辣的人可能會嫌唔夠喉.鹵水乳鴿夠肥美, 鹵水汁又甜甜地咁, 送飯最正.有時餐廳on promotion, 會有$20 一盡雞燉翅, 但唔好睇佢, d 料都幾多幾"貨真" 0架!大部分餸菜都好油膩, 好有鑊氣; 但間唔中食0下, 無壞0既.Service ok 啦; d 櫈坐得唔舒服, 又要搭檯, 表現出老闆幾有生意頭腦-- 客人食飽都唔會坐0係度傾偈唔走, 等佢可以做多檯生意!

約左fd去九龍城搵食，今次目標係粗菜館~ 話晒係總店，期望水準應該高d~ 三個人，試左以下菜式：　- 招牌炒魚腩：雖然係招牌，但賣相味道皆一般，okay~- 粗菜扒豆腐：素菜，所謂既粗菜竟係金針菇？但味道的確好，食出有腐乳香味~- 蜜汁東波肉：我冇打錯，佢真係寫東波肉，一上枱，冇想像中肥膩，反而似鎖江骨，都唔錯~- XO醬蝦球節瓜（蔡瀾推介菜）：味道細膩，節瓜清甜中帶有金華火腿絲、椒干、榣柱絲香味~- 老火湯：我對中湯唔在行兼唔太好，但覺得依度既湯都幾好味--> 飲左兩碗~　食物水準幾好，雖然環境狹窄d(冇出面新分店咁靚tim)，但我認為味道緊要過裝修~ 繼續努力~!