滄浪亭

Open Now

Now Closed

#fatxhunghom #fatxmeifoo #fatxwhampoa ‼️抵食上海菜小店‼️•① ［ 嫩 雞 煨 麵 ］ ｜大推(∩˙ϖ˙∩)✨✨✨個湯底嘅牛奶同雞味調配得好完美🫶🏻🤤仲要超大碗好足料！拜托大家一定要去試❤️❤️｜𓋪10/10·② ［ 糖 醋 排 骨 麵 ］ | 排骨炸得好鬆脆，份量真係多到要兩個人分享。湯底也好吃，不過都係及不上 嫩 雞 煨 麵 🖐🏻｜𓋪8/10·Tsong Long Ting (Hung Hom)Shop C1, G/F, Wuhu Resdience, 111 Wuhu Street, Hung Hom#hongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #whampoa #whampoafood #whampoafoodie #meifoo #meifoofood #美孚 #美孚美食 #hunghom #hunghomfood #紅磡 #紅磡美食

一講上海菜就會諗起滄浪亭，紅磡同美孚都有分店，餐廳應該系家庭形式經營，經營餐廳嘅叔叔同嬸嬸人都超nice, 好有人情味！嫩雞煨麵 ($53 )系我每次黎到都會必嗌嘅一麵，真係超濃郁嘅奶香味，而大排麵（$53)亦都系另一款人氣之選，佢份炸豬扒真係好大塊，兩個人食都覺得飽，真系食過滄浪亭返吾到轉頭！

香港自20世紀20至30年代開始，不少上海人由於各種原因，開始遷移至香港，於是上海菜開始在香港大行其道。時至今日，香港見到的上海菜店舖數量，已經多如繁星，而且各有不同特色，琳瑯滿目。至於系唔系正宗呢種問題...各位高手就自行判斷，小弟就唔講野。今次試ge呢間滄浪亭，其實都有唔少系上海菜式入面，見到的「基本款」，例如：獅子頭。不過，小弟選擇左以下呢款聞名的麵款－「嫩雞煨麵」。呢碗老闆親自推介的麵食，其實配搭頗為簡單：雞肉、小白菜、幼米粉（？）同埋加左奶的雞湯。但系呢碗簡簡單單的湯麵，卻令到小弟覺得驚喜十足又舒服。幼粉其實唔算多，不過湯麵的碗好大個，而且裏面的白菜同雞肉已經切到細細塊，相信牙力相對吃力的長輩，亦可享受；雞肉尚算嫩滑，配上小白菜加添健康成份，幼米粉同樣做到掛湯的效果，增添幼粉的爽滑感。但成碗湯麵最令小弟覺得出色的地方，在於湯底。根據老闆介紹，呢個白湯底（小弟隱約飲到雞湯味，有錯的話又要麻煩高手指正）原來加左奶（牛奶？），成碗白湯飲落醇滑之餘，充斥著濃濃的奶味，兼夾小小雞湯味；由於小弟細個飲左好多年牛奶，所以成件事令小弟感覺舒服，尤其天氣開始轉冷，呢個奶白雞湯可以增添些少溫暖。

📍地址: 紅磡蕪湖街111號蕪湖居地下C1號舖✿😋味道😋：4/5✿🏙️環境🏙️：3/5✿🤵🏻服務🤵🏻‍♂️：4/5✿👀賣相👀：3/5✿💰價位💰：4/5↠⏰時段：Lunch 13:00 ↞ ❀❀呢間上海店又係排隊小店，不過佢坐位唔多，加埋得十幾個位到，所以經常大排長龍，入座之後每人會有一杯好香濃嘅茶。————————————————————————🥛🐔🍜❝嫩雞煨麵❞ $53☞ 佢係用傳統幼麵，比較軟身；麵嘅湯底係奶白色，飲落好濃又好滑，而且有小小奶香味，湯底飲完唔會好口渴果種；麵上面有好多小棠菜同埋雞肉，雞粒會有埋雞皮，食落更加有口感，份量都好大份碗，性價比極高。————————————————————————🐖❝大排❞ $37☞ 呢個豬扒，炸粉唔厚，肉質都好腍，食落個皮都好脆口，醃料有小小甜味。

第一次黎食！門口次次都有人排隊勁大碗麵都係50幾蚊！！勁抵🤣🤣🤣我覺得夠2個人食🤣今次係食雞煨麵！湯係奶白色有d奶味😋😋飲完好舒服！唔經唔覺食到勁飽🤣食完仲有淨！下次要叫少麵！因為真係太大碗了！

紅磡真係唔少臥虎藏龍既小店🤣 鍾意發掘唔同小店感覺CP值好高👍🏻 今次想介紹呢間上海菜雖然店鋪比較小 但係設計異常地舒服重點係好光猛✨ 菜式有種親切感住家的風味 特別推薦嫩雞煨麵🥰 係有水準既Comfort Food 🏠⭐️ 嫩雞煨麵 🐔奶白色嘅湯底好濃郁 奶油香偏濃🤍 鹹度稍為重手但可接受😅 反而雞粒同白菜嘅調味比較輕 所以中和返出奇地岩岩好🥬 雞肉足料而且夠嫩滑 有種暖笠笠既感覺😛⭐️ 菜肉餛飩麵 🥟麵底幾清澈🍜 麵條係普通嘅上海麵 軟硬度合適 菜肉餛飩有一般Homemade水準 未算太大亮點🤪⭐️ 雞絲粉皮 🍗份量以小食黎講不算少🤫 粉皮夠爽口同滑溜 但係麻醬有少少重同單調😮

店鋪細小，員工算用心服務客人，入到去幾乎每枱客人都係食嫩雞煨麵，一於都叫碗食下，碗麵粉量十足，雞肉同菜超多，雞肉切粒易入口，加上個奶白色湯飲落唔鹹，麵亦好索湯，呢碗麵$53都算值嘅！

紅磡街內有好多野食，而相信好多理大學生都會黎過呢間試過，呢一間主打上海麵，舖位真係幾細間要坐得好迫，成日都要等位；而今次決定試招牌大排麵～___________________🍽 大排麵💰 53 ⭐️8/10✍🏻 麵底嘅份量大，呢隻係幼嘅上海麵✍🏻 上海麵好彈牙又掛湯，而湯底又濃又香✍🏻 豬扒都好大塊，炸皮好薄，而肉質仲保持到鮮嫩，咬到肉汁噴哂出黎___________________🏠 滄浪亭上海麵📍 紅磡蕪湖街111號蕪湖居地下C1號舖⭐️ 8/10___________________

呢間小店專賣各種上海嘅麵食 自己都keep住食咗好多年 久唔久經過紅磡一定會嚟食 價錢唔貴 份量又大 值得encore!紅燒軟排麵 $52紅燒湯底清澈帶甜味 豬軟骨大概有3-4大舊 炆得超級軟腍 啲筋位有如啫喱嘅口感 超級入味 好食嫩雞煨麵 $51湯底乳白色 睇落好似一碗好稀嘅忌廉湯 飲落其實帶有好濃郁嘅牛奶味 好鮮甜 飲哂啲湯都完全唔覺得口渴 都係因為煨嘅關係 所以麵條會比其他麵食嘅腍身雞肉份量好多 Size容易入口 好嫩滑 冇雪味 加上有大量切碎咗嘅小棠菜 啲料多到鋪滿咗成個麵 十分足料 食量較細嘅人可以同友人一齊share

去呢個位，近乎每次都係去對面買完滷水野就走，今次有人 carry 試下呢間細細間嘅上海小店。 店內位置唔多，不過餐牌上麵嘅款式都幾多，但係幾乎每一枱嘅客人坐底都係叫同一樣野：嫩雞煨麵！ 佢個湯真係不得了，好香，好濃，奶油香撲鼻，亦都好足料，難怪咁多人叫。 店員介紹佢地咁啱有新野時令限定：蟹粉伴麵，作為「蟹魔」梗係要試下佢。 唔錯喎，蟹粉份量夠，唔係1比99嘅，調味都幾好，唯獨係如果佢可以剪一剪啲麵，咁就非常好喇～食完發現其實好耐無食過上海麵，還記得讀書時期 嫩雞煨麵 都係經常食嘅午餐，食完 滄浪亭 都令我諗返起以前嘅味道，下次再嚟試下佢嘅蔥油麵。題外話， 佢個餐牌嘅英文，寫得幾好。

以前成日搭車經過見到, 想食好多次, 今次終於有機會食到不過小店坐位較少, 如果係繁忙時間可能要等位拍青瓜 - 就係飯碗咁一小碗, 比我想中細份好多, 味道OK嘅, 主要係醋做調味, 加少少芝麻係拍過嘅青瓜到, 20蚊係平但又唔係好抵食嘅感覺嫩雞煨麵 - 好多foodie心水推介, 嚟到好多枱都有叫, 用咗特大湯碗, 滿滿切咗粒嘅小棠菜同雞肉, 奶白色湯底有濃郁奶香同雞味, 未知係咪加埋雞骨同咸肉去煲先咁奶白, 可惜嫩雞就唔太嫩, 飲哂啲湯都唔會口渴 蟹粉拌麵 - 秋季限定, 個麵底同嫩雞煨麵一樣都係上海幼麵但就冇湯, 蟹粉份量非常多,  不過蟹粉有少少腥同落咗薑, 喜歡蟹粉但又唔想拆蟹嘅朋友啱食未知男店員係咪老闆啦, 佢好似好趕急但又會錯會漏招, 不過體諒得佢一個樓面

今次係第2次嚟食嘅，第一次因為同屋企人食所以冇影相留念，但係好食嘅，所以覆桌食第2次。今次晏就去食嘅，個男waiter唔知係老細定員工，佢真係好奇怪的，成日都好心急咁，又叫人掃定針卡，隔一陣又大大聲講5分鐘有枱，我心諗人地都未食完，雖然人地都食到尾聲，但好明顯係講比人聽你仲有5分鐘坐，又叫人坐係食嘅人張枱度等，感覺好似係咁吹人走咁🤦🏻‍♂️，我覺得哩方面真心有待改善🤷🏻‍♂️🤷🏻‍♂️講返野食先，其實野食都幾出色嘅叫咗個紅燒軟排麵，其實即係豬軟骨麵，咁豬軟骨都有3件大嘅，幾淋嘅，但紅燒湯底就唔似出面啲台灣麵咁，冇帶少許藥材味，啲味都唔似紅燒湯。之後叫咗糖醋排骨麵，個排骨我覺得係好出色嘅，好酸嘅，個人鐘意食酸，好岩我口味，好開胃，同埋係即炸嘅，真係食落好熱嘅但個湯底就同紅燒果個冇乜分別，只係紅燒湯啲咁解。但食到最後，我地又係變咗同一樣嘅劇本，又係有人入嚟食要等位🤦🏻‍♂️🤦🏻‍♂️🤦🏻‍♂️🤦🏻‍♂️之後嘅唔講同上面一樣🤦🏻‍♂️🤦🏻‍♂️

店舖唔大，座位只有十四五六個左右。每次食出邊都有人排隊，繁忙時間食可能要預番啲時間排隊~強推嫩雞煨麵($53)！第一次食個陣真係覺得好好好好食，面頭鋪咗好多雞同菜，湯底有奶香，差啲唔小心飲晒個湯底🌝今次叫咗個香菇雞煨麵($70)，其實同嫩雞煨麵一樣只不過係多咗啲冬菇，我就覺得叫返普通OK仲平返$17🫣另外都推介埋糖醋排骨，亦都係每次必點的，醋味比較重，唔鍾意醋味可能要留意番~帶過好多朋友黎食佢哋全部食完之後都念念不忘😈

今日過黎紅磡探朋友，朋友話一定要試下滄浪亭，2點幾黎到等左大約25分鐘先入座。⚪️ 嫩雞煨麵 $53 ⚪️黎到每枱都一定會叫嫩雞煨麵，上枱後首先飲一啖奶白色湯底，果然名不虛傳十分濃郁，再配上不少的菜和雞肉令湯底唔會太單調，增加番d層次感。雞肉就正常發揮，唔係十分嫩滑果種，不過呢碗麵重點都係湯底。佢的上海麵掛汁能力唔錯，一啖湯一啖麵，非常滿足。🟠 糖醋排骨麵 $63 🟠呢個口感同嫩雞煨麵完全唔同，佢嘅賣點絕對係糖醋排骨。剛剛炸起十分熱，份量又好多。糖醋排骨炸得剛剛好，完全做到外脆之餘肉質又嫩又有汁，再配上佢嘅濃郁糖醋汁十分惹味。係我食過糖醋排骨當中，係少數做得咁出色。總括而言，絕對值得再幫襯!

滄浪亭🇨🇳排長龍小店同親切店員🥰上海菜而呢個價位嚟講好平民 又有水準﹎﹎﹎﹎﹎﹎﹎﹎﹎﹎﹎﹎﹎﹎﹎/嫩雞煨麵🍜 $53/ (4.1/5)超足料夠兩個女仔share嘅麵😍性價比超高 湯底濃郁奶香味🥛質地濃稠加上爽口白菜🥬粒同雞粒好豐富 雞部位瘦 雖然比唔上好嫩但都唔算柴🤩而麵係用幼身上海麵 略嫌浸得耐會變淋身 但係好掛湯好夾🍜/糖醋排骨🐖 $50/ (3.8/5)糖醋酸甜汁調配得好開胃 唔洗擔心太酸會嗱喉 排骨炸到外層炸衣脆身 就算沾滿汁都唔會稔咗🤩但係肉嘅比例如果多啲就好 有幾舊偏細食落得炸粉有啲空虛😭另外見到隔離枱嗰碟好多軟骨位好正🦴所以好睇運氣🥹/醉貴妃🐣 $30/ (3/5)花雕醉雞翼 酒味越食越出 雞翼皮冰震凍食好爽口🧊雖然雞翼size偏大 但係只有兩隻唔太抵食/雞絲粉皮🍗 $40/ (2.1/5)麻醬撈幼薄而捲身嘅粉皮 重花生🥜味道正宗 可惜個醬太杰身 幾重手夠撈晒粉皮同雞但食落有啲膩 同埋得一細碗份量少🥲﹎﹎﹎﹎﹎﹎﹎﹎﹎﹎﹎﹎﹎﹎﹎﹎