徐記廚房點心 (Closed)

點心廚房小店 老師傅出品必定精品所有點心都每日新鮮做,唔係用來貨 食到特別新鮮美味落單先蒸,即蒸即食!煎虎尖椒好香蝦米味 魚肉釀入椒身再煎香 口感彈牙外皮香脆 微辣好惹味鮮蝦餃 皮身薄口感煙韌有彈性 蝦肉爽甜大隻好鮮味叉燒包夠大隻 個麵包身鬆軟 咬開叉燒汁香甜叉燒肉碎多!棉花雞同鮮肉燒賣 棉花雞大平賣 雞肉多到不得了又大件 墊底係魚肚又厚身 好入味口感嫩滑蝦腸，皮薄餡靚 蝦仁大隻肉爽甜太子花園街239號地舖平均消費$100評分8/10

中午差不多2點突然想午餐食點心，但附近點心鋪排隊的人太多，所以選了這間也是食中式點心的餐廳。我們去到時剛有人離開，所以基本上不需要等就能入座。點心紙的選擇不多很快就能下單。原先打算食一輪之後再追加點心，可惜上菜慢，因已落單唯有坐在餐廳內等，其他枱也有相同情況。叉燒包：大大個包夠熱，料足。外層鬆軟調味剛好，叉燒半肥瘦比例剛好，不會食落一口油。牛肉腸粉：份量較少，腸粉皮略厚，中間一層的內餡少，味道偏咸。鮮蝦腐皮卷：炸得鬆脆，但內裡的餡少之又少，蝦肉比例只有1/3，所以一直只食到外層的腐皮。而師傅調味時可能重手了，令到味道偏咸。整體評價：餐廳食物質素只是基本可以接受，但價錢太偏貴。加上餐廳內人手不足，店內只有2～3個侍應負責執枱，上菜，落單，出單，所以每枱客人落單後大多都要等一段時間。而衞生方面，不時見到有些烏蠅及小昆蟲在飛，所以有待改善。

都有幾個月無去徐記，唸住今日去支持下，點知d野食差左好多，雪山叉燒包一碟兩個，入面幾乎無陷，得塊厚包皮。牛肉腸粉好厚皮，又係無乜陷。燒賣塊皮乾身，係未蒸透果隻乾身......唔怪得門面少左人黎

太子除左cafe林立其實仲有呢間點心深黃店💛 餐廳有其他黃店貨品寄賣🥺 聽講呢間係新鋪所以座位都闊落左😆 不過到訪當日冷氣壞左🤦🏻‍♀️所以好熱🥲呢度嘅點心全部即叫即蒸熱辣辣👍🏻 對比出面點心既價錢都算幾抵食水準同預期中差唔多，冇好大嘅驚喜但絕對唔差🤣蝦餃燒賣大大粒彈牙新鮮，腸粉皮都夠薄同滑～ 流沙包既奶黃餡甜度都適中😛山竹牛肉球 $21蟹子燒賣皇 $30徐記蝦餃皇 $33黃金流沙飽 $20除咗平時食開嘅傳統點心，佢哋仲推出左「點心荽餐」😂 芫荽控可以試試💚

慕名而來，曾經係某雜誌睇過介紹，又openrice左，聽閒又抵食又好食，加上當日朝早又有點心癮，打去book 位又有位喎，入去坐環境夠大，樓底高，就算係坐長枱要搭枱，同身邊嘅人都有1個位距離2個人叫左6個點心，蘿蔔糕，蘿蔔夠多，煎得夠香合桃馬拉糕，好鬆軟，唔算甜，第一次食，加左合桃好香小籠包，蒸過龍，得半湯匙嘅湯，皮穿左，但係肉味冇比薑味蓋過菜苗餃，蒸過龍，水晶皮溶左，不過材料足夠叉燒腸粉，腸粉夠滑，唔中意食芫茜嘅朋友，依度嘅叉腸係冇芫茜嫁！！！燒賣，味道冇咩特別點心價錢～30蚊／個，餐廳仲有其他小炒，算抵食，而且冇限時，可以慢慢傾，會encore

脆脆啤梨 $38蟹子燒賣王 $30徐記蝦餃皇 $33鮮蝦春卷 $26翡翠鮮蝦腸 $33鳳爪排骨飯 $29香芒糯米卷 $30食點心一早已經唔局限於時間，越黎越多點心店開到三更半夜，你就知香港人有幾鐘意食點心啦😍 今次黎到徐記廚房點心，徐媽媽支持年青人💛 當然要好好懲罰🦾 搬左去新鋪空間感更大，仲有好多寄賣品，去食點心當去左個小市集😙 款款點心都好好食，最緊要食完一啲都唔口渴，無味精fact checked😋 所謂徐媽媽出品，必屬佳品😎 晚市全場坐滿係有原因的，誠意推介俾大家👐🏻

見網上咁多好評應該會好好食😋吾會點中伏，仲要系黃店更加值得試下誰不知。。。。每1樣嘢都好難食，我叫咗11個點心，個個都難食，無論賣相同味道都差，吾知系咪廚房換咗師傅所以咁，但系令到我吾會再光顧第2次所謂嘅雪山叉燒包就系番蒸熱再拎出黎，賣相已經吾好睇仲要食落去又淋又有少少蒸完嘅倒汗水，簡直可以用不知所謂黎形容😡😡燒賣嘅味道同以往食嘅都吾1樣，吾知系咪因為肉嘅問題，山竹牛肉又太粉等等。除咗系因為黃店之外真系吾值得再光顧！就連街邊嘅店舖點心都好食過佢，太失望😞我寧願買包點達人個d點心都吾會食佢😤😤

💛💛💛💛有冇人間唔中好似我咁都會想食下一盅兩件🙋🏻‍♀️呢間係少有黃店食點心嘅💛💛💛徐媽媽接受過好多訪問佢係好早之前喺大陸落嚟香港運動之後都出心出力幫過好多手🤗所以真係好多人排隊懲罰佢🤪同埋值得一讚嘅係好少食點心嘅地方個環境係舒服同埋乾淨嘅😌😌唔係噏噏dupdup咁🥶食物選擇都算多有最重要最重要嘅咖喱魷魚不過佢哋嘅流沙包就唔算太流沙而且覺得奶黃比較少但整體來講都非常之唔錯🥰

原本想食串燒，可惜誤會令到我哋無左張枱唔緊要，出嚟食飯為開心一於轉食點心坐低見點心紙唔太多選擇，所以都樣樣點點點可能咁，令到我哋眼闊肚窄。叫到成枱野食點心背後有些小食。其實都唔可以話係小食，你睇果碟椒鹽鮮魷，大碟到嚇死人🤣🤣但由於佢後面啲野食無價錢，我哋見到個碟無論價錢同份量都嚇親🤪🤪🤪🤪最鐘意佢啲野食，全都熱辣辣咁上，超正豬腳薑亦都係後面小食有大約4舊豬腳，2件薑同1隻蛋好食芫茜燒賣唔算勁大芫茜味，芫茜迷可能會失望流沙包蒸排骨小籠包本身嚟到似無湯，但食落又有湯。但唔多鳳找燒賣

約咗好耐無見既朋友飯聚, 朋友提議去食徐記廚房點心, 之前聽人介紹過但未食過, 所以即刻讚成! 以為晚餐食點心就無野啱食&食唔飽? 咁就錯啦! 佢個menu款式好多, 除咗點心重有小菜, 同埋點心的話可以叫多啲唔同款式, 啱晒我呢啲眼闊肚窄樣樣都想食既人! 😆我地叫咗好多點心, 蝦餃, 燒賣, 山竹牛肉球, 叉燒腸, 鮮蝦腸, 叉燒飽, 金錢肚, 咖哩土魷, 鮮蝦菜苗餃, 木魚絲茄子, 黃金流沙飽... 等等走唔甩, 食物質素唔錯! 另外想講粟米南瓜豬骨粥認真好味喎! 重有個椒鹽鮮魷 & 東洋軟殼蟹超大碟!!! 🤤喜歡芫荽既佢重有芫荽menu.... 朋友們叫咗個芫荽燒賣話好食, 可惜我好憎芫荽... 比唔到意見... 🙈整晚大家都食到好飽, 唯一美中不足既係古法炸蛋散唔係好夠味呢!

端午節果排，上網見佢賣好大隻糭所以留意到佢。門口有部單車機好搞笑，係米比人等位可以踩下😂內裏環境幾大，容納到好多客人。☕️茶芥每位$5。✨味道68味，服務70分，環境70分。.🔸琵琶鴨($118)❌要介紹呢個先，原因係唯一超級唔推薦，呢個鴨肉又乾又鞋，而且冇味但冇醬汁提供調下味。.🔸鮮蝦菜苗餃($28)⭐️推薦⭐️ 皮薄又彈牙，餡好足料，夠香。🔸徐記蝦餃皇($33)唔錯，蝦幾新鮮，彈牙。.🔸煎釀虎皮尖椒($27)🔸木魚絲茄子($37)兩個個魚肉都釀得幾好，熱辣辣好香口，少少脆身。.以下既都正常，冇咩特別缺點，唔伏的。🔸咖喱蒸土魷($38)🔸黑椒金錢肚($30)🔸北菇棉花雞($29)🔸上海小籠包($28)🔸鳳爪排骨飯($29)🔸芝士蝦春卷($26)🔸豬腳薑($78)

Geo條👅評分：⭐️⭐️⭐️⭐️ (5⭐️最高）燒賣 $30蝦餃 $33金錢肚 $30煎蛋牛肉飯 $29合桃馬拉糕 $26好耐都冇食徐媽媽嘅點心，今次咁啱經過就去食🤤 3個人叫咗啲點心，燒賣同蝦餃正，特別係蝦餃入面有3粒蝦，彈口彈牙👍🏻金錢肚係黑椒好惹味，鍾意食辣辣哋嘅朋友仔可以一試！我外甥女好鍾意食合桃馬拉糕，一個𡃁妹仔都食咗兩舊仔😂😂牛肉飯就冇乜特別，ok嘅賣單時，徐媽媽問買唔買糉，梗係支持啦所以就買咗兩隻支持吓💛💛

呢間位於花園街238號地下A號舖，店名叫徐記廚房點心，今日佛誕假期，約姑媽、姑姐來飲茶，11點多已經差不多坐滿人，幸好行快一步，唔使等位，重有一張四人枱，坐低點心紙很多選擇，我們四人叫左十款不同點心，點心質素唔錯，牛肉、蝦餃、粟米南瓜粥、腐皮卷、鳳爪、椒鹽鮮魷、蛋散、糯米雞等，樣樣都好食，可能是即叫即做，熱辣辣，又好味。地方唔算大，但老闆好落力招呼客人，態度熱誠，呢間店重有特別招牌點心套餐，主要用芫荽加入點心內整造，下次我一定要試吓。

係太子行完單車鋪順便搵食，好耐無飲茶決定夜晚黎食下點心💛💛位置係花墟再前比較小黎，星期六7點黎到無咩人唔洗等😆懷舊糯米雞($31)肚餓澱粉質是需要的😂岩岩蒸好好新鮮，都算大隻😍入面都好足料!食糯米雞我最怕啲糯米蒸到林晒濕晒一pat pat咁，呢隻啲糯米蒸得岩岩好 糯米粒粒分明有咬口夠煙韌👍🏻👍🏻香茜牛肉腸($29)勁耐冇食腸粉🤤腸粉好滑!重點係甜豉油同腸粉真係好夾呀呀呀🔥北菇棉花雞($29)呢個一上有啲失望🤔得兩舊雞同兩舊棉花，少咗啲囉🤔啲🐔有啲雪味，麻麻地🤔黃金魚茜餅($39)呢個十分呃錢😂其實姐係普通menu上既煎魚餅再加啲莞茜碎係面就加成$9😂勁油膩係普通餃子都不如🤔芫荽同個餅分開曬完全唔關事🥲🐷潤燒賣最後先黎到但係最好食既😍豬潤超大塊又厚身!!完全包住左啲豬肉同蝦🤤豬肉都好彈牙十分不錯，略嫌🐷潤蒸過佐小小，但都推介🌟🌟Overall黎講唔錯既，地方大坐得舒服，店員都好有禮貌好好態度，係太子咁多人既地方唔洗等位又要良心小店又大既餐廳好難搵~👍🏻為食指數: 3./5性價比指數: 3/5推介指數:3/5

想試左好耐，今日就同阿媽試吓，撐吓同路人可惜一入到去已叫我坐張又細又面壁既檯，當時頂多都係得5 成滿，大把吉檯，我就問可唔可以比後面那張4人檯，佢都冇詐型，不過我都已經唔係好gur 之後佢問我飲唔飲茶，我以為有茶葉揀，原來係冇，咁你問我把鬼咩，我又問有冇凍飲，佢又要問人，汽水要15 蚊罐，真貴Order左6個點心逐一點評雪山叉燒包，24蚊 2個其實同普通叉燒餐包冇乜分別，真係唔講唔知有層雪山皮，味道ok但24蚊得2個唔抵香芒紫米卷，30蚊 3粒類似芒果糯米糍，係凍食既，味道不錯，但式份量小得可憐煎蛋牛肉飯，29蚊1盅Size正常，味道也可以，只是煎蛋過熟，不過大部分酒樓茶居都係咁，算最正常的一味了香茜牛肉腸，29蚊3條腸粉係咁多碟最正，現在大部分地方也少了一條，難得呢度重有3條，皮也夠薄，餡料也好吃，算值回票價雜醬蒸鳳爪，22蚊4舊味道還好，但可以更惹味，分量都ok，只係未夠腍，也是有進步空間皮蛋瘦肉粥，23蚊1碗估不到最易攪的卻是最伏，畢左好多次都見唔到有瘦肉和皮蛋，真係大開眼界，之後換了一碗也只有一些皮蛋碎，伙記說是他們係咁做，我都無言了還有的是他們會將你的order紙貼在你檯邊（