徐記廚房點心 (Closed)

哈哈大笑 -粉絲炒蝦仁🍤 中伏！無味道, 用的碗崩晒, 要價$128賣點是燒賣口味, 馬馬虎虎, 辣椒油味道也馬虎！金錢肚味道最可以, 服務態度也馬虎. 不會在過來幫襯！ 需要真食評

見到太子呢間點心鋪推岀左20款燒賣口味，專程黎朝聖！20款口味分別為：粟米、洋蔥、西芹、韭菜、苦瓜、五香肉丁、豆豉鯪魚、蝦醬、腐乳、朱古力花生、麻辣、芥辣、勁蒜、夠薑、泡菜、梅菜、鹹蛋、芝士蘋果、青醬、鹹魚想一次過試晒 就可以嗌燒賣共和國 $220亦可以自由選擇$48/任選四款。另設$88/八款指定口味、$40/四款廚師發辦 徐記嘅燒賣偏實淨，豬肉蝦肉基底大致相同，皮唔會太厚。我就最鍾意夠薑、麻辣、咸魚！薑味夠岀，意外地夾！麻辣好香，麻得黎又唔會好辣！咸魚香氣獨特，仲有啲咸魚蓉嘅口感，但就未至於濃到搶晒肉味。萬聚期待嘅朱古力花生一啲都唔奇怪喎！不過就只係食到黑朱古力，無乜花生味，無話特別好食~整體黎講，二十款口味無乜邊款唔夾，大部分配料味道都算明顯，但又唔會話好濃而搶左肉味。唯獨芝士蘋果、西芹、鹹蛋、五香肉丁、蝦醬 味道唔算好岀，泡菜亦無左原有嘅酸辣風味。十蚊一粒其實都幾貴，但睇得岀佢地花左唔少心思，功夫應該都唔少。不過個人覺得一般，未必會encore燒賣。鍾意創新點心嘅不妨一試，但千奇唔好自己一個黎試廿款，最好兩三個人開心share~同場加眏巨型芝麻卷 $39/兩條質地偏軟腍，唔係我

特登去試廿款口味燒賣，適合喜歡新嘢嘅人，最好味係芥末燒賣，本身諗住試伏朱古力花生醬同蘋果芝士，但冇想像中咁伏。全部燒賣都係豬肉加蝦做底，撈埋唔同材料入去做唔同味，味覺視覺體驗。但$220一籠廿粒都唔平，同埋每款得一粒，喜歡燒賣可一試。除左芥末有幾隻味都幾特別，例如特辣，蒜味，粟米同青醬都唔錯，哩幾款嘅味好突出，粟米會juicy, 青醬好似食緊青醬意粉嘅味。今餐再加一兜窩蛋牛飯先飽肚，個飯普普通通唔突出都唔伏，用嚟送燒賣。

晏晝同朋友去完花墟買花，行到好攰，想坐下，突然想食點心，咁就搵吓附近有乜嘢好食，第一次黎幫襯，舖頭環境都幾舒服。是日嘅湯係冬瓜瘦肉燉湯，個燉湯都幾好飲呀，不過如果熱d上枱就好d薑汁糕一上枱，已經好大浸薑味散發出黎，味道非常濃，好夠薑，都夠大件，煙煙銀銀，熱辣辣好正！應該係我食過最好食嘅薑汁糕！另外再叫多個菜苗餃，蝦夠新鮮，同啲菜都配搭得好，好好味，都幾足料，大大隻咁再去開花墟買花都會再幫襯👍🏻

滿心期待嚟試吓芫荽餐，先叫一個芫荽黃豆做前菜，點知師傅魚露重手左，鹹到飛起。再叫左個椒鹽魷魚，就變左普通炸魷魚加上極之油膩，少少椒鹽都無。芫荽燒賣無芫荽味，再叫埋創新燒賣（泡菜，pesto, 芝士蘋果,鹹魚，蝦醬），侍應就話師傅唔喺度有好多招牌都無得order，order48粒燒賣有17粒無得叫。 到最後只有激辣燒賣有味，其他燒賣超煮過龍超嚡口，仲衰過淘大點心。埋單每粒12蚊，係我食過最貴最難食嘅燒賣。

太子在晚上以酒吧街聞名🍻在日間也有不少的點心小店營業，以前總習慣一大家人去酒樓飲飲食食聚會一番，但近年社會風氣不同，更因疫情令聚會減少，反而令小型手作點心店如雨後春筍般湧現🥕 徐媽媽開的徐記就是其中良心店的表表者💛點心絕對是抵食夾大件，真材實料即叫即蒸靚點心，餐牌可見有數十款選擇📜皇牌的蝦餃燒賣必然有，還有蒸飯、煎點、粥、小吃類如咖哩土魷、腸粉和甜品 10點幾到來，剛好避過了早茶人潮，但仍有兩三檯客嘆茶中，餐廳裝修帶點古風🏠一句｢無論香港點變，味道依然不變｣足顯出誠意 蟹子燒賣皇 | $33 | 8/10即叫即蒸，大約要等15分鐘，內裏蝦肉夠爽彈，混著的豬肉肥瘦適中有香味，熱辣辣入口有暖意😋 北菇滑雞飯 | $30 | 7.5/10蒸飯很快就上來，比例上也不錯，北菇的香氣十足，小小醬油有助提味🐔滑雞早已去骨，入口嫩滑有汁，飯就較軟身易入口 鮮蝦腐皮卷 | $28 | 7/10煎點的腐皮卷包法較獨特，原來是一邊鮮蝦一邊西芹蘿蔔絲🦐口感多了層次，蝦肉調味後不會偏鹹，腐皮外面酥脆

我係街坊食客 其實點心食物好一般 價錢偏貴 員工服務ok但收錢嘅老闆成日面黑黑 走時仲發現一疊大紀元報紙放喺隔離櫃面上面就知道係黃店 唔係有張大梳化坐得舒服 唔會有第二次幫襯 ~

徐記廚房點心太子一帶都幾多點心鋪，但大部份門口都有一級，最後搵到呢間徐記就方便輪椅人士。一去到門口開門就見到係嵌入式斜板，應該抵讚！👍👍👍入到裏面見到12個大字寫住「無論香港點變，味道依然不變」，呢12個字非常搶眼，心諗就睇你哋係咪真係咁有料到先~😂🤣🤣🤣仲有佢哋有做點心團購，仲會開班教人整點心，做埋傳承，唔錯呀～1.蟹子燒賣皇$33（9/10）一籠四粒，粒粒都好大粒，內嘅蝦好爽👍2.徐記蝦餃王$35（10/10）一籠四粒，粒粒都皮薄餡靚，蝦又超爽，食得出係用靚蝦整😋3.懷舊糯米雞$32（6/10）入面料少，咁嘅價錢雞翼都無半隻，有d失望😭4.煎釀虎皮尖椒$32（10/10）呢間尖椒暫時我食咁多間最辣，辣得好過癮😅5.北菇滑雞飯$30（6/10）入面大約有5舊雞同1舊冬菇，而且每舊雞都好滑好嫩，不過飯就太濕，無飯香，下次要落少d水🤦‍♂️6.金牌咖哩土魷$38（9/10）份量算多，好似有6舊，每舊都好爽脆，唔會硬👍7.古法炸蛋散$35（6/10）第一次食蛋散，以前舊式酒樓成日見到，但以前媽咪話唔抵食，所以無叫！今次初次食感覺覺得入面好空，最初諗以為好似薯片咁咁實，再加出面蜜糖咁應該好好

朋友上星期到這店食完後，向我極力推介，我哋就好快相約今日去食下午茶。店舖位置較為偏靜，在花園街尾，接近界限街，但非常易搵的，遠遠就看到靚靚嘅門面。店內裝修寬敞舒適，下午茶時段不多人，坐得更舒服，傾偈更暢快。先叫了下午茶餐：一籠蝦餃、一籠流沙奶黃包。流沙奶黃包熱辣辣，包夠軟，咬一口，流沙即流晒出嚟蝦餃皮薄，蝦肉爽口彈牙。一籠「牛鬼蛇神」，被名字吸引，但全部都係差不多嘅燒賣，味道一般，不是太特別，下次不會叫了。鹽水鴨不似潮州滷水鴨，味道小小鹹，鴨肉質嫰滑，值得再試。整體這店食物不錯，一定會再來食的，本來好想試芫荽嘅食物，可惜今天午餐吃得太飽，惟有下次嚟試。😋😋😋😋

留意左呢間點心專門店好一陣子，因為佢除左會做團購點心自己可以拎返屋企蒸之外，仲會開班教人整點心傳承。有心思、有生意頭腦（話晒飲食業都經歷左一段艱難時期⋯）店員都好有禮貌好歡迎，店內環境都整潔舒適。到左野食喇，店員都推薦左佢地最出息既點心，最後叫左蝦餃、山竹牛肉、蝦腸、金錢肚、菜苗餃、雪山叉燒包、芫荽燒賣 & 芝麻菲林卷。整體都好食，非常足夠。特別有蝦既都好彈牙，蝦好新鮮。山竹牛肉較出面既重牛肉味。金錢肚完全唔痴牙，難怪店員會痴牙既比返我🤭芫荽燒賣非常夠芫荽味，如果你係芫荽愛好者唔可以錯過佢既芫荽餐單。芝麻菲林卷有凍有熱，今次叫左熱，好夠芝麻味，又唔會太甜。一定會再黎幫親

搬咗新舖第一次黎，空間大咗好多坐得舒服好多👏🏻兩個人嗌左燒賣、腸粉、糯米雞、金錢肚、雪山叉燒包、小籠包同棉花雞。燒賣無記錯比起舊舖大粒左！大粒同啲蝦🦐夠爽必叫之選👍🏻腸粉都夠滑，但略嫌唔夠熱雪山叉燒包大大個，兩個人食完都飽曬🥹金錢肚味道同口感都好好，係份量可以多少少🤏糯米雞餸就少左啲，可以嘅話建議試下蒸飯！最後唯一唔推薦嘅就係小籠包、餡料太少無肉汁啲皮亦偏厚🥲下次我會留肚食甜品，見老闆娘推啲芝麻卷出嚟見到唔錯😀

今日同朋友一行2人嚟開花墟買花，想搵間坐得舒服嘅舖頭傾下偈。諗起佢搬舖後好耐無嚟幫襯，一於嚟飲啖茶嘆吓點心😂原來間舖都幾大，座位都闊落。我哋叫咗蝦餃、燒賣呢啲一定唔少得啦！值得一讚個蝦餃彈牙，食得出蝦係靚貨，唔馬虎，真正做到皮薄餡靚喎👍🏻 燒賣餡比例都啱，唔會好似出面啲酒樓咁成口肥肉。我哋仲叫咗棉花雞同菜苗餃，棉花雞就正常不過不失咁啦，菜苗餃就有驚喜喎，隻隻非常飽滿，皮好薄，睇相都應該見到😆菜同蝦嘅比例都好啱，算幾好食😋

去花墟買嘢，行到街尾見到有一間好似幾大間嘅新式點心店，見啲點心價錢差唔多就試吓。 入到裏面見得幾張枱有客，不過諗住也是快食，所以也OK吧！ 一坐低就已經放上一壺茶，但係茶唔熱又冇茶味，以為唔使茶錢所以係咁，點知原來是要收茶錢的。 不過奇怪在見到另一張遲入嚟客，佢又有問人飲咩茶，真奇怪。 用點心牌mark完點心後，唔使1分鐘，就上咗個蒸飯，但係啲飯係唔熱。 另外店裏面冷氣十分唔夠，基本上只得少少涼風感覺。鳳爪排骨飯細盅唔熱，只係暖，排骨夠大粒，不過冇嘜味糯米雞都係唔熱，只係暖，裏面啲飯太濕，叉燒好重雪味蝦餃味道係最正常嗰款，夠熱餡都多牛肉腸粉粉皮算滑，但餡料少，不過裏邊加咗馬蹄口感都幾特別山竹牛肉味道不過不失總括嚟講依幾款點心味道一般，但除咗蝦餃同山竹牛肉熱之外，其他也只是暖。 旺角太子咁多選擇，應該都冇下次。

最近到訪了太子一家人氣手工點心小店，蒸點特別推薦徐記蝦餃皇 ($33)，外皮晶瑩透薄，蝦仁爽口！雪山叉燒包 ($26) 也有驚喜，新鮮出爐很燙手，甜甜的叉燒配搭鬆軟的麵包，一流！養顏豬腳薑 ($78)也很美味，這款雖特別貴，但非常夠薑味，豬腳份量也頗多，齊集酸甜辣味，非常開胃！喜歡香口點心的話，不妨試試鮮蝦腐皮卷 或春卷，足料又炸得很脆，兩款裡面加了些香芹粒，我個人不太喜歡，不過朋友們就覺得很出色。⁡這裡還有平時少見的點心，如茶粿、芫茜天婦羅、合桃馬拉糕等。整體價錢中等，不過留意有些點心價錢特別貴。假日午市來到等位約十五分鐘，閒時想飲茶都是個不錯的地方！

坐低洗完茶杯，一個後生仔拎住茶果和芝麻卷問我哋要唔要，我好喜歡食芝麻卷嘅，於是就話好吖，然後喺點心紙上㨂點心，大部份點心係廿幾至三十幾蚊，落完單見張單有個雜項$56，原來係芝麻卷，全餐最貴嘅點心竟然係芝麻卷，真係估佢唔到😅