徐記廚房點心 (Closed)

呢間徐記廚房，我又係食過超過3次，之前聽老細講話會教d年輕人整手工點心，真係好有heart，值得支持👍🏻介紹下每次都會嗌嘅野啦！-金牌咖喱土魷🦑 $38呢個係大推，玻璃魷魚夠厚，爽滑彈牙，份量都夠多。-黃金流沙包 $22一上來熱辣辣，meet開流曬汁出來，超香😍食落冇想像中咁正🙈如果流沙再多d就好啦。-鮮蝦菜苗餃🥟 $27勁推介呢個餃，真係皮薄而且夠煙韌唔易穿，而且餡靚鮮蝦彈牙菜苗新鮮👍🏻-蟹籽燒賣皇 $33燒賣皇大大粒咬落去啖啖肉唔會好粉，足料呀。-翡翠鮮蝦腸🦐 $35佢唔會一夾就斷，裡面鮮蝦好彈牙呢，味道同出面茶樓食開差唔多。

早上睇完門診，下午遲了吃午餐，突然想去太子一間出名的點心店。餐廳位置看似偏僻，可是距離港鐵太子站 A 出口，只是步行約3分鐘。走進餐廳裡，店員姐姐說：「醫生，好耐無見。」 (我心想，咁都認到？)坐下點了菜，食物很快來到，當我在拍照時，店員姐姐又說：「你咁樣影，唔知啲人估唔估到，駛唔駛俾啲提示？」影了相，我將上圖放在面書，網民實在太強勁：一分鐘後，已經有人憑上圖猜到，徐記廚房點心。又有網友話，認得張枱的痕跡都認到啦，駛鬼俾貼士咩。另一網友說，張點心紙真係好明顯呀。(我心想，咁都認到？)言歸正傳春卷，即叫即炸，很脆脆、又熱烘烘的，又有蝦，好足料。蝦餃，好好味呀。皮薄、筷子夾而不破，餡靚，好多蝦，又彈牙。北菇滑雞飯，飯很熱很軟熟，可以接受。我每次來都會叫一次。今次，第三次寫食評：竟然有網友看食物圖竟能估出餐廳名字 2020-11-06店員姐姐哈哈大笑 2021-11-27總評味道：點心即叫即蒸，好味；環境：太子站旁的小店，大概有40個位；服務：上菜速度幾快，店員很有禮貌；衛生：OK抵食：都算幾抵食

太子戰士💛 - 去點心店都係食返點心啦～🎈 徐記蝦餃王 $33 🌝🌝🌝🌗🌚🎈北菇滑雞飯 $29 🌝🌝🌝🌗🌚🎈蜜汁叉燒腸 $30 🌝🌝🌝🌚🌚🎈香芒糯米卷 $30 🌝🌝🌝🌚🌚🎈徐記酸菜魚 $239 🌗🌚🌚🌚🌚🎈茄子青椒皮蛋薈 $178 🌝🌗🌚🌚🌚🎈惹味麻辣雞 $258 🌝🌝🌝🌚🌚蝦餃皮薄餡靚✨鮮肉彈牙大大粒北菇滑雞飯幾好食 一盅咁上暖笠笠🔥雞件大塊肉質嫩滑😋腸粉皮厚薄適中 份量有3條🤨最得意係叉燒夾埋生菜🥬口感幾特別香芒糯米卷嘅芒果肉唔酸🥭食落煙韌 但性價比唔高🤔跟住落嚟就到 #頭盔直升機成件事錯曬唔應該係食點心嘅小店嘗試去食小炒🥲首先個酸菜魚上菜時👷🏻‍♂️頭盔仔同朋友都驚訝左咁有「屋企」感覺一啲擺盆都冇好唔吸引😵 食落魚肉散曬又多骨 湯底好油仲出奇地魚肉酸菜都冇味🤢薯粉仲要好淋一夾就斷茄子青椒皮蛋薈唔好問點解會嗌😂食落有一片混亂嘅感覺 青椒食落好辣🌶🔥結論係呢3樣食材係做唔到friend❌麻辣雞整體不錯🤭食落雖然偏油，但感覺係食緊回鍋肉嘅雞肉版本🐤同埋有樣話都再講講就係圖10小菜menu係冇標示價錢🥺有價錢💵就癡左個膠版上面☹️嗌嗰陣真係冇留意CP值👎🏻🚩 徐記廚房點心太子花園街239號地

好耐都無飲茶，想食燒賣，就嚟徐記叫幾碟；同舊鋪比，的確係比較遠離地鐵站，但鋪位就大咗（但係無坐得舒服咗😭）。重點推介：🤎『養顏薑汁糕（3件）』$26佢個薑味濃而不膩，即使係熱食，糕體都彈牙；千層糕好考心機，要一層一層咁鋪上去⋯⋯💛『古法炸蛋散（大概4件）』$35炸得鬆脆，佢個蜜糖超清甜⋯⋯🧡『蟹子燒賣皇（4粒）』$33大大粒，足料又彈牙⋯⋯其他可參考圖片同點心紙🤣。📍 徐記廚房點心 (太子)太子花園街239號地舖。【小編的話】➡️🌀上菜速度都算快，大概15-20分鐘左右，已經上晒全部點心➡️🍀🤢佢仲有個「點心荽餐」，專為鍾意芫荽嘅朋友而設；對我來講其實都幾恐怖，但係如果你係芫荽控嘅話，即管可以試吓！➡️座位係比想像中「迫」嘅！

豬潤燒賣好大塊好厚.熟度剛剛好.老闆娘推介自家制鯪魚球.好彈牙同新鮮.叉燒腸粉很滑.點心非常出色😋即叫即蒸.食物保持新鮮下午時間比較小人.老闆娘好熱情招呼.環境唔錯舒適.

🍔食物質素：👍🏻👍🏻👍🏻------茶樓味道💵價錢性價：👍🏻👍🏻👍🏻👍🏻---同茶樓價錢差唔多，抵食📸打卡指數： 👍🏻-------------茶餐廳裝修🪑環境衛生：   👍🏻👍🏻👍🏻👍🏻---OK🤵🏻店員服務：  👍🏻👍🏻👍🏻👍🏻---即叫即蒸fai.lok去左徐記食點心，徐記係點心餐廳，徐記仲好特別有點心荽餐。想知道又靚又好玩地方，     fai.lok.mode仲會社交平台分享張相攝影心得。    ______________________________ 雪山叉燒飽 ( $24 )叉燒餡調味甜甜地好好食，雪山包又好香脆，好食。木魚絲茄子  ( $38 )好特別，茄子調味夠濃好入味，加埋木魚，口感非常好。醬皇蒸鳳爪 ( $22 )正常發揮，幾好食，飲茶始終要有鳳爪薑蔥牛柏葉  ( $29 )牛柏葉好爽口，又唔韌黃金流沙飽 ( $20 )奶皇包無咩特別，餡料唔係好多，奶皇餡唔算係流心，偏浠徐記蝦餃皇 ( $33 )蝦餃比平時茶樓大隻，餡料大粒豐富，正!但皮都厚。懷舊糯米雞  ( $31 )糯米雞好粘，但味道就幾香。芫荽燒賣  ( $38 )見有芫荽主題，特登點黎試下，無咩特別，

徐記點心搬鋪之後一直都未有時間去食，咁啱行過太子，就入去食啦！都叫咗唔少嘢食，但因為點心都係即叫即做，所以都要等少少時間。香芒糯米卷：糯米皮包住香濃嘅芒果醬同芒果粒，味道好正，係糯米皮較淋身。炸鯪魚球：鯪魚球都好彈牙，出面都炸得酥脆，但係唔鍾意食芫茜嘅可能就唔想要了。鮮蝦腐皮卷：腐皮脆，入面有好多蝦，蝦爽口彈牙。蟹子燒賣皇：入面係滿滿嘅蝦肉同豬肉！彈牙，足料！好食！鳳爪排骨飯：排骨嘅量都好多，下面嘅飯都飽滿彈牙。整體嚟講都唔錯，徐媽媽仲會同啲客傾計，食得好開心！

是咁的，上次我將一幅相放在面書，說踢完波，自己一個人食晚餐。竟然有網友看圖竟能說出餐廳名字。今次仲誇張，我在面書說在太子某點心店食晚飯。竟然有網友在留言區又估到，徐記廚房。有無攪錯呀，咁都估到？香茜牛肉腸 ($29)，即叫即蒸，腸粉很軟，幾滑，只需要加少少豉油，已經好食。茜味不多，我給中上的評價。北菇滑雞飯 ($29)，雖然只是一般，但是飯很熱很軟熟，可以接受。黃金流沙包 ($20)，流沙很流沙，也很金，流沙包要親熱食。香煎蘿蔔糕 ($25)，有蘿蔔，煎得也香。栗米南瓜豬骨粥 ($23)，粥好黃，少少南瓜，無豬骨味。好味，追加了一碗。我在面書寫：今晚在太子某點心店食晚飯，店員姐姐問我：「你係咪靚仔醫生？」我答：「我係醫生，不過唔係靚仔。我走食力派路線，不是偶像派。」逗得店員姐姐和太太哈哈大笑。然後她細細聲向我說：「多謝你。」總評味道：中上；環境：太子站旁的小店，大概有40個位；服務：即叫即蒸，上菜速度幾快；衛生：OK抵食：都算幾抵食

行到去太子，一出地鐵站附近都有幾間點心店，今次就去遠少少，喺車房隔離嘅點心店試吓其實而家呢啲點心店開得越來越多，價錢都差唔多，不過質素真係非常參差今次入到去試左最基本嘅蝦餃燒賣牛肉球，同埋流心奶黃包蝦餃都幾大隻，不過皮有啲厚燒賣都係大大粒，幾欣賞幾好食牛肉球正常發揮冇乜特別不過個奶皇包真係唔係幾得，好少餡料基本上比例係8:2最後咬咗中間就掉咗大半個包同埋入邊嘅餡料都偏浠，如果杰身少少唔好咁水就好了

星期六花墟膠遊遊～本身成日去徐記，平時唔會點影相，果日去到突然身痕想影低粒最愛燒賣老闆娘見到好開心咁叫我影多啲比多啲人識💛🍬蝦餃、燒賣一向都係必點嘅！話好好食又未算，但水準都唔錯，餡料豐富，蝦餃比燒賣做得好🐖雪山叉燒包嘅叉燒無雪味，調味幾好，包餡好食～雪山包超香脆⚡️🦐蝦腸嘅腸粉皮都唔錯，蝦肉大粒彈牙🫑 煎青椒最好食！！用半煎炸方式處理鯪魚肉好香，青椒脆口唔會腍啤啤🐂 金錢肚切得幾大件，炆得入味夠腍，咬落非常滿足！唔似連鎖酒樓果啲細細片食物水準算非常唔錯，而且價錢好合理，最重要係服務態度好好，對答有禮貌，加水抺枱好勤力做，講講下想食個雪山叉燒包🏔🏔

至從肺炎之後都冇同婆婆出黎飲過茶。今日婆婆有興致想同我地兩個孫坐下食下hea下，就揀左呢間良心點心店食早餐。總括而言，雖然佢可能比出面好多正統大茶樓貴少少，但質素絕對比佢地高。啲點心啱味——好似碟燒賣咁，蝦多過肥豬肉，唔會好似其他地方咁食到成口油咁。仲有個牛肉球，難得真係有牛味。味精唔重，食完唔洗狂飲水。我嘅重點推介會係佢嘅薑汁糕，煙韌唔甜，我地數過有成11層咁多！（其實千層糕好晒功夫嫁～）服務好，大家都好有禮貌，地方有乾淨企理，疫情大家都係求食得安心姐☺️😇

🍵徐記廚房🥟呢次同老細一齊食中式點心 ♪(๑ᴖ◡ᴖ๑)♪事實係我老闆話好耐無飲茶所以就去食絕無僅有嘅手工點心小店如果覺得沙田富東閣太遠九龍區嘅你可以嚟呢間食以前去窮臨可以叫好多款點心而徐記廚房一樣可提供呀呀呀邊個話飲茶一定要去窮臨呢個蝦餃個皮無酒樓咁厚雪山叉燒包無啲酒樓咁甜香茜牛肉腸好滑嘟嘟好香鮮蝦腐皮卷好脆好香口因為得兩個人冇辦法嗌太多點心其實仲有好多點心都想食黑椒金錢肚煎釀虎皮尖椒燒賣皇山竹牛肉球北菇棉花雞鳳爪春卷而呢一間仲有稀有點心—蛋散我地已經決定下次再去食啦咁正既店傍晚時段竟然冇乜人去食九龍區嘅朋友可以去食多啲

行開太子附近，刻意幫襯下小店。。。點心總算正常。 特登叫下"無論香港點變，味道依然不變"的小菜啦 - 鳳梨咕嚕肉！ 沒有太大期望好好食的，但都不要沒有味呱！點心紙沒有標價，埋單才知道一碟鳳梨咕嚕肉要$188 ...嘩。。。本人真係吾識欣賞！

今日又黎一盅兩件，黎到太子哩間點心專門店試試去。正值平日中午時間就無坐滿，但都有幾枱客用緊餐😋。一坐底，員工無問我地要咩茶，就俾左一壺茶🫖，唔知係咪預設左，我地就無多問。然後點左幾個點心試試🥢，就重點簡評一下。鳳爪排骨飯 $29排骨比較肥，飯偏爛唔夠分明。黃金流沙飽 $20一盅兩件，大大個，夠哂流心，但包皮好厚。芫荽燒賣 $38無咩特別，就咁放芫荽係面，豬肉燒賣正常。翠綠叉燒腸🐷 $30最唔推介，個皮幾層厚，啲餡好碎又少。香煎蘿蔔糕 $25好粉，唔夠蘿蔔咁。徐記蝦餃皇🦐 $33咁多款算最好食，皮係薄既，煙煙韌韌。唔知點解全部點心都唔熱，除左蝦餃🦐之外，幾乎可以用凍黎形容，其實都好影響食用感。而後來有食客入座都聽到侍應有問佢地飲咩茶🍵，成件事好離奇，但正題係食物質素真係有待改善🥲，連平日有衣食好少比劣評既朋友都檸哂頭。

放工突然想食點心上網睇睇下呢間好似好評唔多但係都聽人介紹過話好好食就特登入太子試試佢係喺警署附近嘅橫街酒吧街差唔多去到街尾先見到佢入到去都好多位 位與位之間都唔算好逼叫咗幾個基本點心燒賣，鳳爪，牛肉球食落都正正常常跟住仲叫左小籠包，皮蛋瘦肉粥兩個都質素唔錯小籠包算係薄皮入面有湯汁 幾好幾好值得一提嘅係有好多款芫荽點心不過就正常版本貴$5至$10本人唔係芫荽控所以就冇叫到呢個冇芫荽版本既炸魚餅即叫即炸超脆超香口老公鍾意食到要叫多一碟😂😂😂總括嚟講點心合格炸物唔錯下次想食點心都會考慮再嚟