醉瓊樓飯店 (西貢街)

Open Now

Now Closed

奀博士剛做完學術研究從祖國返港，我決定同佢洗洗塵，順便聚聚舊。歷史人當然鍾意老酒樓，所以本蟲提議重遊依間老店。四個人點一個大眾化套餐，白果豬肚湯照舊老火煲，飲完一碗又一碗；鹽焗雞當然無走雞，例必好食；再加上人人都讚不絕口梅菜扣肉，即使膽固醇再高大家都唔理得咁多。食過依三味鎮店之寶基本上餐飯都已經好完美，其他小菜則可按人數而另行斟酌，但晚我都食唔晒上。臨尾侍應專誠問我要唔要送甜品，因為再遲就送晒，咁正所謂食得唔好，我當然係卻之不恭啦！

去到時3層都滿晒, 好彩剛剛有人走, 唔洗點等位8個人黎食晚飯, 叫佐好多野食, 我地散叫既, 冇叫餐, 但佢d餐都好抵食白果豬肚湯, 好味鹽焗雞, 好味梅菜扣肉, 好味炸大腸, 細個時覺得好好食, 點知而家覺得唔好食咕嚕肉, 只係整得一般(太多地方整得太好食)苦瓜煎鯇魚, 好味炒通菜, ok啦仲有一個忘記佐咩菜仲叫佐好多啤酒汽水, 白飯埋單八百蚊唔洗, 講真, 而家食番佢d野食, 覺得出面好多食店整得好食過佢, 但佢d餸幾十蚊一碟而且好大碟, 算好經濟, 最開心既, 就係聽老公同佢d細佬妹, 講佢地細個時, 係度開心既時光, 好開心的一餐飯^^

呢一間又係歷史悠久, 真係好細個已經去食, 最出名係梅菜扣肉, 鹽焗雞! 我次次去呢度食野一定要叫梅菜扣肉, 一叫就可以食兩碗飯, 其他野已經可能唔食喇! 如果你鍾意食肥豬肉, 呢度d扣肉一定滿足到你, 夠晒肥但唔膩, 加埋d梅菜汁, 配飯一流! 講起都口水係咁流!以前呢間野唔收credit card, 要比現金, 但佢又值得一讚佢地係會與時並進, 而家已經可以用credit card埋單喇! 伙計係就係老左d, 想搵個靚女waitress睇下都冇, 不過食野咪可能專心d囉, 唔使兩頭望, 食都食多件啦!價錢唔知喇, 通常同屋企人去, 不過唔好預佢平, 但我諗唔會太貴, 一般啦!環保又係冇架喇, 估老feel. 你去都咩都唔好諗, 淨係食就會覺得冇介紹錯!

之前去過二次，都係半推半就引女友一同去，樓上有雅座，很古舊，樓低矮，但很有古惑仔加PTU feel，食物水準一向不差，不比泉章居遜色。點了自己必食的紅燒豆腐，送飯一流，輕易幹了二碗飯，很有年青發育的感覺。女友破例lift, 點了梅菜扣肉同枯椒豬肚湯，比日只吃半碗飯都失控了，只吃好淋的肥瘦適中扣肉都成碗飯，加上梅菜同很有家庭感覺的汁，又吃多半碗了，講返個湯，很正，很spicy, 仍保留到豬肚"聲聲地"的感覺，客家菜一向份量十足，要預備去放開去吃會更開心呢! 服務就是無人理你，話知你，我就喜歡這些自由，不用人為你添酒，加啤酒等等。晚上十點多到員工會吃宵夜的，唔想阻人開飯，又唔想等太久，早點order 喇！

和家人路經此地吃午飯，點了一個$238套餐，可供四人用。1. 鹽焗雞(半隻)咸香味足夠，有雞味，肉質有彈性，不過不及泉章居的鹽焗雞滑。2. 梅菜扣肉夠稔夠入味，肥瘦相間，水準之作。3. 客家釀豆腐將豬肉釀入炸豆腐內，以生菜墊底，不過份量也不少！4. 青炒菜心菜心新鮮脆口，很難會差的！5. 白果豬肚湯清甜，湯內還有少許爽口馬蹄，不錯！6. 紅豆沙普通，不太沙，帶點果皮味，糊狀。整餐蔬菜不少，頗均衡。但套餐另叫兩個白飯埋單要$312，檯頭那些辣醬、沙薑、蕎頭、茶錢、加一算了不少錢。但在泉章居，午市三個小菜套餐連加一都是二百元左右。如果要和泉章居比較，還是泉章居環境較好，價錢便宜得多(午市計)，所以午市絕對冇下次。

我地一行六人叫:1. 鹽焗雞(一隻)2. 客家釀豆腐3. 炸大腸4. 栗米班塊5. 梅菜扣肉除了炸大腸外,每樣都大大碟,好夠味.唔知點解個炸大腸,炸完唔脆(好似炸起好耐),而且....好似洗得唔夠干淨,有一陣嘎味.(真係唔會再試)總括來說,野好食,環境同人手一般,但如果下次再有一大班人去,我會提意再去食！！

上星期日同埋屋企人去食晚飯,叫以下菜:東江豆腐煲鹽焗雞白果豬肚湯炸大腸白飯個豆腐都幾滑,煲底D黃豆好好味,送飯最好.鹽焗雞都算入味同有雞味,不過肥D!白果豬肚湯都好OK.炸大腸好脆口,但炸得過火搞到有D"隆"同好乾.最估唔到係我散叫居然有糖水(綠豆沙)送!另外, D侍應好醒目,反應好快(收碟仲快!).如果多人去最好訂位,因為都幾多人!

兩個人食飯叫咗客家釀豆腐、清炒西蘭花，最後再加個金牌鹽焗雞。後悔叫個鹽焗雞，因為好咸，雞肉唔算嫩，唔食都無損失；客家釀豆腐，豆腐唔算太滑，但有好多薦底的黃豆就好入味；清炒西蘭花雖然好簡單，不過炒得好好食，可以話夠镬氣來形容，水準好過好多酒樓酒店。不過食完這餐飯後，好口渴要飲好多水，佢o地一定落了唔少味精。

I go there for dinner with 2 friends yesterday night, we order the $220 set menu,included 4 dishes and a soup as follow:鹽焗雞例牌～好好味，好耐無吃個雞啦，客家豆腐～清清地都唔錯；梅菜扣肉～它們的招牌菜，個然正，甜梅菜好味，扣肉好食，唔太肥，送飯一流，蒜茸保菜～ok，白個豬肚湯～唔錯架，叫了3碗白飯，仲有湯水送，埋單$288，delicious ^_^　�S

四個人，叫o左半隻鹽焗雞、油浸筍殼魚、三鮮骨髓、蒜茸炒介蘭同腐竹白果豬肚湯！「腐竹白果豬肚湯」清清o地、幾好飲呀！「鹽焗雞」都幾入味，唔會太鹹。其餘果d 就一般咁啦~四食送一湯加埋送o既綠豆沙糖水都係三百六蚊左右~另外亦有二百零蚊o既抵食套餐供應添！