翠蓮素食

Open Now

Now Closed

吃完晚飯，經過荃灣，就被那廚窗裡的精緻小點心所級引，還記得那是兒時才見到的呢！回憶返曬來！十分可愛、十分精緻，令趕著時間的我，也不禁停下來拍拍照，待下次有機會再買品嚐一下。這是一間素菜館，真估不到素材館裡，也有著這麼精巧的小點心呢！全是素食，先讓大家先睹為快吧！不知大家吃過了嗎？歡迎大家分享及留言。　

是曰初一，中午到荃灣食素，我們三人叫左四個點心一個炒河，點心全是凍，侍應還說點心係凍的因為吾會再番炸😤幸好叫左個炒河粉可以暖吓胃，下次吾會再來😓還有很多蚊子飛來飛去

今日感覺好開胃想食自助餐，但又想同朋友聚舊傾下偈，食自助餐要行嚟行去攞嘢食點傾?想起荃灣翠蓮素食，自助餐係即叫即煮的，即是無需離開座位都有得食，正。嚟得食齋，齋滷味當然唔少得，先來一碟。酸齋係我最鍾意食的，齋叉燒亦夠軟腍，碟齋夠乾身，唔會咖哩汁同酸汁撈埋曬，好味。👍五柳素仙班同香荔酥卷，係我必叫嘅素食，果然冇令我失望，熱辣辣，好脆口，好好味。即叫即煮就有這個好處，椒鹽炸豆腐，外脆內軟，脆卜卜，唔太鹹，一流。(^з^)-☆三菇扒時菜，冬菇唔算大隻，但都夠厚肉。涼瓜炒蛋，好有住家菜感覺，涼瓜一啲都唔苦。再來一碟豉椒炒鵝腸，雖然味道唔似鵝腸，但爽彈的感覺，非常有嚼勁，用豉椒炒，非常匹配。話明今日開胃，當然未食夠啦。再叫啲點心。麻香蒸燒賣由於賣相太似肉，望落去好似好大嚿豬肉，好飽滯的感覺，但食落口，果然夠麻香，一點也不滯口。鹹水角, 沙律卷， 正常水準，交到貨。春卷超脆好味。最後來個甜品，脆皮蜜瓜奶。點心甜品叫咗馬蹄糕，水晶餅，糯米糍及西米布甸糕。馬蹄糕同水晶餅都唔會太甜，好好味。但糯米糍同西米布甸糕就有點失望了，糯米糍的芝麻餡唔夠芝麻味，可能放得太耐，有點乾的感覺，除此以外，可以接受的。晚

最近睇左套YouTube ,見到有介紹一間素食自助餐，我見好似幾多野食及幾好味，咁我當然要去試試啦！我地食2點左右，今日是星期五，但個場都已經坐滿9成，估唔到咁多人食睇睇任食餐單先中午連埋茶錢$84，都有好多野食，其實仲有張點心紙，但我忘記左影相，我哋叫咗齋滷味，咕嚕肉，蜜瓜奶，酸辣湯，雞絲生翅，炸饅頭，素先班，全都係高質野，難怪咁多客啦飲品方面，有茶及豆漿，正，食物值得推介，至於服務方面，全都是老一輩，睇之前食評，好多都話惡劣，但係今次比我嘅體驗就係明顯有改善，當然冇高級餐廳嗰啲咁好啦，但係老一輩來講都算唔錯啦，建議大家去試吓

喺寶蓮素食未執之前我都成日來食同買外賣，以前係又平又好食，執咗之後一年先知原址開返間相類似的餐廳，話係原本的股東在原址重開喎，點知Ｄ價錢貴咗好多不特止，Ｄ食物份量又縮晒水，咁都算啦，有時真係想食返多少齋我間中係會買吓佢Ｄ發糕，２年前舊鋪只係賣＄６一個，但最近真係好嬲好嬲，過年買過一次係＄１２，心諗過年貴Ｄ係正常，諗住佢會同上年一樣過埋年會減返，佢伙計都話過年賣貴Ｄ，點知再去買多次都仲係咁買，都仲係成＄１２個，你個飽無料又比以前縮水好多又細左都賣成＄１２，唔好去搶

嘩！好耐冇去過啲餐廳既菠蘿焗飯係原個菠蘿上！可惜食唔晒，咁啱自己有帶袋，決定成個打包走，唔好浪費食物丫嘛！隔左陣職員姐姐A行過，見到碟上成個菠蘿唔見咗，姐姐A：「個菠蘿唔可以帶走架！」，姐姐B：「（個菠蘿帶走）要收錢架喎！」，男職員：「從來未聽過有人帶走個菠蘿！」，最後又聽到某姐姐話：「由佢啦，今次比佢帶走…」，其實一路食飯，個菠蘿已經沾滿小弟嘅口水，我覺得個菠蘿彷彿係我條女，已經係屬於我既。加上個飯成 $80，加埋一即 $88，大拿拿 $88，比左錢點解唔可以打包走／加錢先可以帶走？再者，餐單上面又冇寫明原個菠蘿炒飯打包走要加錢／唔比帶個菠蘿走，係咪？！況且我又唔係拎埋隻碟走，另外，諗住成個菠蘿連飯拎走，咁就唔使用隻匙羹仔慢慢畢啲飯落袋（好浪費時間），坐太耐又怕阻人做生意丫嘛！我真係唔明點解個沾滿我口水既菠蘿唔可以拎走／加錢先可以拎走，唔通佢地發現我啲口水可以做燕窩？不過，最後佢地都係比我拎走個菠蘿，仲冇加收我錢添呀！真係大發慈悲，阿彌陀佛！好滾動哦！我呢，下次一定會叫多啲朋友去幫襯原個菠蘿焗飯，一人叫一個，然後一齊打包走！最後，補充少少，啲芋角、咸水角凍既，我好相信熱既時候幾好味，

話說朋友的媽媽一直好想食‘寶蓮’的素鴨同想試下這裡的齋菜，但我和朋友之前已食過‘寶蓮’，都已覺得不太特別及好食。見Auntie 咁想食就帶她去一次，點知上網搵下先知原來執咗，變咗家族分家嘅「翠蓮」。見都有素鴨食就算啦，照帶Auntie 去。一行三人差不多行到門口見咁多人，心諗唔係嘛轉咗名好食咗咩？？行到門口先知原來啲人係買門口啲齋小食。😓咁好啦，直接推門進入，一個黑面著便服嘅女人大聲問幾多位，朋友答三位，黑面女人回應直入啦，咁我地就一路入經過類似行仔廚房廁所嘅地方入到去坐低。朋友打開餐牌研究時，就同Auntie 說好似有自助餐齋食，但搵唔到餐牌有寫，心諗可能轉咗名冇，就嘗試問下侍應有冇啦。叫了部長來問一下「唔該有冇自助餐呀？」，個部長好大聲一句飛埋黎答：「今日初一呀⋯⋯」就走咗。我地不是拜佛何來會知道今天是初幾呢？？？你有必要用這種態度回答嗎？？？😡咁我地就慢慢睇餐牌食咩，另一侍應走埋黎大聲問食咩？我地只想到兩樣餸同要叫碟齋鴨，我地話畀碟芋頭魚呀，佢又一句大聲飛埋黎，「講Number 呀！！」大佬呀鬼知道落單要講Number 呀？你有必要咁嘅態度嗎？落完三樣菜，我地話再睇睇餐牌一陣先再

同屋企人family day去左荃灣搵野食 見到齋舖就貢左入去一坐底 見到有個menu寫任飲任食自選餐？仲要唔貴 問清楚個staff之後仲要發現佢$88除左可以叫哩個餐牌上既野？仲有張點心紙都係任嗌真係太抵食了吧因為佢碟碟都係即叫即炒 所以d野上到枱都仲熱辣辣 唔似d素食自助餐 只係用個熱水keep住助熱d野不得不讚佢個五柳素仙斑真係炸得酥脆又熱辣辣 沾埋個酸汁減低d個油膩感一個人食一碟都唔係大問題🤣除左芋頭魚 香椿素肉炒飯都大推好香香椿味 炒得又夠火侯 好好食😋😋😋而佢個錦鹵雲呑個人唔太推薦 一黎上枱時唔係熱的 二黎佢似外淋內硬似冇糖既蛋散🤨認真麻麻地而佢個酸辣湯 都麻麻地 因為我地都叫左個雞絲生翅 冇乜特別 但酸辣湯係似喺個翅做底再加一pat豆瓣醬搞匀😂又咸 經過喉辣會辣 好奇怪😂唔係我認知既酸辣湯小菜冇試好多 試過既當中冇乜太特別的了而點心都不過不失既 一d都唔hea $88+1食咁多唔同種類既齋真心抵呀

成日經過呢間見到有得食自助餐!! 我本人就未試過食中式素食任食，$88一位，加$8茶介，免加一，咁計落加埋茶介唔使$100就試試啦🧐🧐！講真我 唔會抱太大期望🙆‍♀️， 唔使一百蚊有任食已經估到水平去到邊度🤭! 呢間應該係改咗名，同埋裝修過!我記得細細個嚟嘅時候唔係咁嘅樣! Anyway, 我哋前前後後食咗好幾款餸，和粟米粥， 一般嚟講都係中規中矩同我期望嘅冇好大出入，但係有一碟蜜桃炆鮮竹，可能啲蜜桃擺耐咗有啲餿味，令到成碟嘅味道都怪怪哋😰最令我滿意就係個粟米粥 我食咗三碗🥰 話雖如此， 我坐低食咗個幾鐘見到都唔少客人， 我坐嘅係四人圓枱，坐我對面不斷有人搭枱，可想而知呢間店舖喺某程度上嘅唔少舊客仔愛戴

跟朋友去開荃灣行街，我們都無食午餐，行到肚餓，晚上有飯局不想吃太飽，於是選擇吃點素菜。找到位於眾安街的翠蓮，望入去都幾乾淨，於是就入去。有下午茶點心，不過想食多些蔬菜，所以我們都不叫點心了。點選了兩個麵和一個小菜，其實已經忘記菜名，單單記得味道不錯。其中一個麵有菇菌和竹苼，味道清甜質爽，麵條沒有梘水味，不錯吃。另一個麵係素水餃麵，雖然其貌不揚，但係有驚喜，餃子粒粒爽身鮮味，麵質亦係爽彈有蛋香，好OK。小菜材料新鮮爽口又鮮甜，醬汁惹味開胃。

呢間素食店不會再去，看見門口的小食都幾吸引，便打算入去坐低食，首先點了菜，便出去看小食，芋素魚仔$10條，幾吸引試下啦，通常好食嘅，我以後都一定幫襯，怎知服務員說，芋素魚仔$10條不可在店食，要叫店舖$70條才可堂食，跟著看店小食單什錦荔芋角$16，她來了廚椻兩件迷你，即是$8件啦，但出面廚櫃是$5件，3件都是$15，你兩件收我$16，做生意的經營方式太差，而我叫的全是你店舖食物，但價錢又吾清吾楚，加上嗰個內地店員嘅服務態度，吾會再有下次!

臨近新年很想和爸媽一起吃素菜. 因為近來也不想吃肉類. 這天和爸媽行完荃灣的花市, 走到了出名多美食的眾安街. 加上一直很想嘗試素蘿蔔糕. 走到這間店前很多人排隊買酸齋相信應很不錯吧. 也看見了有一底底素蘿蔔糕賣, 決定入去試試其他素食. 再買一底回家. 我們叫了3款菜式. 豉汁素黃魚, 很惹味. 有少許辣辣地. 黃魚是由豆品製成. 豉汁也用了來撈飯了. yummy碧綠法輪卷, 軒汁太多. 有點油的感覺. 腐竹包著冬菇紅蘿蔔.有點膩. 枝竹素腩BOWL. 也是軒汁太多. 入面有冬菇麵筋, 腐竹生菜. 另外買了一底蘿蔔糕回家吃. 占米粉過多. 很少蘿蔔. 味道亦較淡. 整體也是可以的. 只是有點油膩. 其他也是可接受. 

話說師父到，又係時候食素。 今次去咗荃灣一間素食店， 未來不是太突出， 比他好的大有人在，但地方尚算寬敞， 而且職員都很友善。我們 一行六人，大約食了千2蚊， 價錢方面都算頗貴， 而且在荃灣區。

態度真係惡劣到令人要寫食評,原本都覺得算數，但真係覺得佢地咁樣既態度實在太唔掂，假日自助餐$88／位講平又唔係平。基本既服務都要有掛，d侍應好似人哋欠佢十萬九千七咁樣。我哋同人搭枱，對面走咗，執枱執到發脾氣咁樣。大大力掉餐牌，落單時d語氣十分差，表現唔耐煩。收碟時我哋對筷子擺喺碟上，語氣極差咁話“你對筷子阿”。最終只係食咗六樣野就走。因為唔想成個乞兒咁。亦全程按捺住自己的脾氣，因為好幾次都想鬧佢地。不過算數，唔想嘥氣。呢d餐廳下次就算貼錢比我都唔會嚟食。

由於今日系大年初一，按照多年的習慣，今日必須要吃素或吃齋。跟往年一樣，先去荃灣拜神再去食齋，本來屬意眾坊街的「寶蓮」，今日發現改名叫「翠蓮」；見人多不堂食了，轉買外賣返屋企食，結果今日可能系新蒸頭，此家「翠蓮」以最低消費HK$50才能外賣「齋鹵味」，無所謂，大年初一，理解！但在整個「剪齋」過程，真的「無語」！你收得貴大家理解，但比D咁嘅「不知所謂齋鹵味」確實離譜！有圖為證！今日新蒸頭大年初一，你可以收一舊水都冇問題，但要對得起觀眾！從來就無見過咁「齋」嘅「齋鹵味」！食齋食到「媽聲四起」，你都算係香港第一家喇！