Restaurant: | Tsui Wah Restaurant (Hong Kong International Airport) |
---|---|
Info: |
To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.
For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Restaurant: | Tsui Wah Restaurant (Hong Kong International Airport) |
---|---|
Info: |
To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html
奶油豬,到底放左幾耐,硬過石頭,毫不鬆化脆口,刮到我幼嫩口腔好痛。又凍又硬,您想點呢?焗到有點燶,蓋過牛油練奶味道,兩啖講 bye bye。好懷念大埔翠河高質奶油豬,食過返唔到轉頭。
雙太蛋沙嗲牛肉出前一丁,麵條腍劈劈又勁粉口溶溶地,一早煮定?湯只係暖暖地唔夠熱!煮定麵落滾水落湯粉撈勻泡一泡出貨,完全無火喉,劣得出奇!我真係食到黑面火都黎!
沙嗲牛肉凍既?又乸到軟撻撻,味道甜帶濁,差到無影!低於水平收我四十幾蚊?哼!
價錢:晚餐食咗一碟炒飯,一個淨墨魚丸,2杯凍飲,散叫要$176,係機場算差不多喇。
環境:認真麻麻,唔合格。坐係放(乾淨的)水杯附近的卡位,都聞得到一陣"up"味,即係調位,調位之後明顯睇到梳化隙位有食物殘渣,帶住個小朋友係閹尖D,唯有搵野遮住,當時運高,睇唔到。
服務態度:真係想拍枱走人。
1.想調位,禮貌上都要通知吓樓面,同個姨姨講想調去另一張枱,佢係聽到我哋講野,個款又好似想問下人先,呆咗差不多一分鐘先俾我哋坐過去,奇奇怪怪咁。
2.落單,哥哥仔落單準確無問題,想問佢拎隻小朋友匙更,佢話得一個size,可以俾多一隻匙更...... 仲話香港機場有幾好,仲話係國際大都會,一啲都唔方便,難道翠華無諗住做小朋友生意? 咁我就問佢拎咗茶匙(証明哥哥唔夠細心轉數唔夠快,咁都諗唔到),佢無答我好唔好就走咗去拎,我都未講完,我仲想要杯熱水,所以佢行完拎茶匙又行多一轉拎熱水,當然係黑住面咁拎,放係杯面就走咗去。
3.改單,原本叫咗杯凍檸茶,想改做凍華田,咁又揮手叫人,哥哥2號係我哋張枱後面再隔多一張枱,佢係見到我哋,亦都係問我哋咩事,不過就唔諗住行過黎,我朋友就同佢講想改單,佢好似聽唔到咁,咁我唯有大聲啲講想改單,佢先至行過黎問咩事,我朋友就同佢講原本叫咗杯凍檸茶,想改做凍華田,佢好似唔明咁又黑面問咁即係點,我又大聲啲清楚同佢講多一次,佢依然係黑面問咁即係點.....真係吹漲,你唔識做就搵人幫手喇,需要黑面嗎?真係想講粗口拍枱走......最後係哥哥幫我哋改單,但係凍檸茶已整好,所以叫多杯凍華田。
4.上菜,各位上菜既侍應都好一致,放低就走,8笑容,唔會同你講係咩,唔會問係邊位,更加唔會講請多謝晒,慢用之類。
機場翠華無下次
服務方面-服務員好有禮貌,出餐速度都好快。
首先講下個下午茶B餐單-沙嗲美國肥牛撈麵加三粒珍珠雲吞先!
肥牛方面味路唔錯,佢冇煮到太韌口感幾好,但D沙爹汁就好重味同有D咸,麵就啱啱好,夠彈牙!我建議大家食之前花小小時間撈好個麵同d沙爹肥牛,撈得要匀循一D,如果唔喺你會覺得D肥牛好咸!雲吞方面,真喺好好食,皮薄餡靚,用嘅蝦夠大隻,口感好彈牙!
冰鎮菠蘿油
如果大家去開機場時又想食嘢,依間翠華都可以話喺個好選擇!
::: 沙嗲牛肉公仔麵 + 炒滑蛋 + 奶油豬 + 奶茶 ::: $39
呢個堪稱係典型茶餐廳早餐加翠華招牌組合~ 沙嗲牛肉公仔麵係預設嘅, 由於係一做煮好擺定喺度所以唔可以轉其他通粉米粉, 雖然煮定但公仔麵勝在依然爽口彈牙, 沙嗲牛肉嫩口入味, 兼溶入湯底都有沙嗲惹味~
炒滑蛋份量多, 而且真係夠滑, 有蛋汁又濃蛋味~ 加埋d蔥粒更添香味!
奶油豬都算係翠華名物~ 雖然奶油豬個size比平時散叫一份細一半, 但能夠喺早餐食到佢都係開心嘅! 豬仔包烘得鬆脆, 奶油下得慷慨, 無敵配搭唔會失手~
奶茶都係比例剛好嘅代表, 茶唔會太澀, 奶唔會太膩.
- 奶油豬
禁區外的翠華佔地不少, 裝修比起禁區內翠華的food court格局高檔得多, 坐位闊落, 坐起來也很舒適. 餐牌上的早餐選擇不多, 只有ABC餐, 奶油豬和麥片散叫有優惠.本來只想吃個招牌奶油豬和奶茶, 但落單時 侍應大姐說"你點呢兩樣夾埋都三十蚊, 不如俾多幾蚊多碟沙嗲牛麵食啦!". 事實的確如此, 所以最後都是點了份B餐, 而同事們也分別點了ABC餐.
一如餐牌所見, A和C餐都是牛角酥, 分別只是在煎蛋和炒蛋, 以及雪菜肉絲米和仿鮑魚火腿絲通粉. 我沒有試吃, 不過據同事說, 牛角酥香脆而不油膩, 雪菜肉絲米也不俗, 不過仿鮑魚火腿絲通粉就吃不到鮑魚味或鮑魚絲, 比較失望. B餐和A,C餐有明顯的分別, 首先是牛油豬仔配炒蛋. 一個小小的豬仔包, 中間切開, 塗上牛油. 豬仔包的大小比平常單點的奶油豬細小很多, 拿上手不熱, 而且香脆程度也有所不及, 但牛油份量尚可, 而且也滲入豬仔包內, 所以仍然尚可. 至於炒蛋, 不可說它差, 因為的確比普通茶記的出品為佳, 而且也有蛋汁. 不過個人認為炒得有點老, 不夠滑, 品質也及不上華星和澳牛. 至於店家強調用無公害雞蛋, 倒吃不出與一般的蛋有甚麼分別. 沙嗲牛肉湯麵, 餐牌標明是用即食麵, 味道像大光麵, 入口爽身, 浸久了也不易變腍. 沙嗲醬味道濃郁而夠杰, 正正就是小時候在茶餐廳吃到的那種沙嗲牛肉味! 牛肉份量頗多, 切的得較大片, 入口不韌, 可能是因為沙嗲味濃郁, 所以吃不出有雪味. 雖然我們點的早餐不同, 但餐茶都不約而同地點了熱奶茶. 上枱時, 禁不住"嘩"了一聲, 因為這個盛裝奶茶的瓦杯實在太可愛啦, 真是一個驚喜! 至於奶茶方面, 色澤對板, 茶底也頗濃, 不過奶味不足, 入口比較嚡身, 於是向 侍應要求加點奶. 加奶後的奶茶, 茶味充足, 入口香滑, 不過如果店家在沖奶茶時可預先多加點奶, 不用客人要求就更佳.
服務方面, 侍應清一色屬大嬸輩, 雖然有禮, 但手腳較慢, 送食物上枱時也有點手忙腳亂; 而且也比較善忘. 我要求的加奶, 也要催了好幾次, 才有人端上一小杯奶來, 這方面大概也有進步的空間.
今時今日百物騰貴, 吃一個早餐要接近四十元埋單, 在機場來說也不算很貴.
- 奶茶
- 沙嗲牛肉湯麵
我哋原打算去飲茶,慢慢嘆,然路上有些許阻撓,離登機所剩時間並不多。大魔童突然嚷著要吃M記,大好人的Mr. LAM帶他去,我哋四人就去左翠華覓食。
脆嘩奶油豬$17是我哋的至愛,每次必點,是次要了兩客。不過,今次食後的感覺係既「唔脆」又「唔嘩」了,反而是「唉」﹗不知何故,奶油豬烘得未夠香脆,入口沒有脆卜卜的質感,包身反而有點硬和韌。縱使有牛油及煉奶的香甜搭救,但整體仍是較為失色的。 友人C一見有秘製海南雞飯(無骨)$78,就雙眼發光,故也要了一客。 侍應端上來時,海南雞飯的賣相確是頗為吸引,份量也頗大,小妹嚇了一小驚﹗以機場昂貴租金來計,翠華的定價也不算太過高,可以接受也。海南雞尚算嫩滑,但味道偏淡口了少許,不過不失之作;菜膽豬骨湯也算清甜;油飯蠻有咬口、有淡淡的黃薑味,然香茅和雞油味較弱。 海南雞飯水準一般,然XO醬海蝦球撈麵$58就教我哋食到舐舐脷,意猶未盡﹗一客的撈麵有五隻以熱油爆過的爽脆海蝦球,全蛋麵爽口彈牙而不太油膩,再灑上少量的蝦籽,香味撲鼻。吃時,可隨個人喜好拌入自家製XO醬同吃,既有口感,又香中帶辣,把味蕾一一喚醒過來,煞是過癮﹗對吃興趣不大的小魔怪吃完後,史無前例地讓著要再吃。可惜,撈麵早被我們瓜分了,一條不剩。 隨撈麵送上的一碗湯,是奶白色的魚湯,味道頗為清甜。 小結:
小妹和C原打算請客,奈何M一手搶過張單,表示要慰勞我們一大早起來送機。我們也不再推讓,只簡單一句「多謝晒﹗」千言萬言,在心中……
- 皇牌馬來咖哩牛腩