翠華餐廳 (Closed)

星期五晚表弟同佢女友番咗嚟香港, 約我同Honey去食飯, 我表弟超鍾意食雲吞麵, 咁佢哋成個下晝响旺角行街, 我就約佢响佐敦等我收工, 加埋我舅父又話佢哋番嚟仲未見面, 齊齊去喎, 正!!! 我Honey個'Plan'係諗住去食麥文記雲吞麵跟住食松記糖水, 因佢哋講明之後想再SHOPPING, 叫我同佢哋行落尖沙咀; 所以最好唔駛坐低食幾個鐘咁........會面後, 佢話女友'投訴'嚟香港後食咗幾餐都係雲吞, 想試其他, 我見星期五晚, 霎時間都唔知點搞, 就提議去翠華. 好彩攞籌等咗幾分鐘已經有枱, 雖則迫的, 但淨係睇餐牌, 都 feel到各人好似好滿意咁, 就算迫都無所謂啦.....叫咗例牌的脆脆奶油豬, 熱狗, 公司治, 瑞汁雞翼, 喱腩飯, 燴豬扒飯, 豬軟骨撈公仔麵, 樽仔奶茶, 清翠利樂(薄荷葉檸檬冰) 等等等, 各位都話好食, 我覺得'OK啦', 預咗去翠華就係味道會OK, 加上全程侍應貼心服務, 招呼周到, 要水有水, 乾淨企理, 埋單都係三百頭, 唔錯! 唔太失禮, 嘻-嘻~

呢間翠華計環境.雖然衛生,但坐位排得很密..有種迫的感覺,而我入店內只有6成人,都俾待應迫我搭枱..落單前,見到待應的名牌標明識邊種語言..心中才知道呢間店主要是做旅客生意.一打開餐牌飲品要...15至20多元.餐蛋麵要28元....雖然貴..如果味道係好食...一次半次.我都不會計較...有一年我經常要去荃灣....時常去翠華食飯.當時我只知翠華貴...也沒有咁誇.可能呢間店真係做旅客生意...凍華田:17元上枱.冰粒少,而華田同奶的比例做得好..味濃.....餐蛋麵28元.上枱凍的..湯係一丁麻油湯,不過係加左好多水的麻油湯...而麵只係普通油炸麵..2隻蛋似煎左好耐舖上去..又凍又實...而餐肉連加熱都無做.同樣是凍的......係大碟...不過太差...我煮一定會更出色如果.係正常價25元左右我都俾喊面.......照道理係45元...天真的我俾錢時..都拿出45元...對不起!呢間店要加一....是49元....一個人飲下午茶要49元.餐廳要加一..我係有聽過...不過末試過...今天第一次試.感覺是難受的...呢間店給了我寶貴的經驗...多謝!

This is one of my favorite restaurants for breakfast! Seating is easy to find and the price is good!My favorite breakfast is the satay beef instant noodle w/ eggs, bun, and iced milk tea. The satay beef is always tasty and the instant noodles are not too salty. The eggs are always fresh and the bun is soft. The iced milk tea comes out strong and smooth, although a little on the sweeter side.Service is always quick and friendly. The staff uniform is similar to the IKEA uniform colors!

同仔仔周圍去食, 對我嚟講, 係人生一大怏事, 放學之後, 兩母子又去到翠華食TEA了 我地發現了一款叫做免治牛肉雞蛋潛艇, 好好食架 個包面頭D芝麻好香好香, 而個包本身就擁有脆脆的包皮, 免治牛肉同雞蛋的份量好多, 兩個人食, 用刀义去食, 將佢切開四份, 我兩件仔仔兩件, 食得好開心呀 不過以茶餐廳嚟講, 翠華就唔算平, 我地兩個人食件潛艇, 再一人一杯熱奶茶, 已經六十幾蚊了, 價錢就唔算大眾化, 但味道就唔錯呢

今日上晝11點 因為太得閑關係 喺佐敦逐條街掃諗唻諗去都唔知食咩好唔係太早未開門 就好似澳奶咁大排長龍 (按:好似得澳奶有咁既情況 哈哈)再唔係就無人食野 搞到唔敢入去終於行到來翠華....$38一個茶餐廳快餐式LUNCH....好貴 .... 不過都喺入左去入到去兜左兩個圈都無人帶位...半full 張張檯都坐左一個人咁唔想無端端坐低搭檯關係, 最後都系開聲問侍應: 一位坐邊好? 侍應點左我去個角落頭.....午餐得兩個選擇.... A. 豬扒伴香草雞翼 (個D形容詞唔記得 所以已被刪去) B. 唔記得左 哈哈坐低叫左個A餐 鴛鴦 白湯 (d忌廉湯成日都有個好聽D既名 雖然次次個名都唔同 但飲落都一樣...)飯意粉薯菜 佢問都唔問就走左 最後上左碟飯 奇怪佢居然個飯同鴛鴦早過湯1分鐘黎到....掛住影相之際 湯到啦....個人習慣飲湯先既... 稀巴巴的忌廉湯 哈哈 勝在無味精 夠暖肚 出面落左成日雨 室內冷氣又凍冰冰 個身一早已經感到好凍.... 味道方面就無咩特別架啦 一般般個種啦 飲完碗湯 當然輪到碟飯啦...(飲湯時間約2分鐘) D飯粒吹到硬梆梆 凍冰冰 連塊豬扒都凍曬

中同聚會前的下午先跟其中一名同學茶聚,地點由她選了著名的翠華餐廳,理由是她以為我要去一些較好的餐廳吃東西。哈...同學你真的不了解我了,要是讓我選,我寧選對面街的維多利茶餐廳,這才是我會選擇的耶。兩層餐廳皆座無虛席,冷氣非常充足,在這個炎夏實在不可缺少。肚子餓得咕咕響的時候,每款食品也想吃,無骨海南雞飯想吃,瑞士雞翼撈公仔麵想吃,咖喱飯想吃,最終選了看似豐富的常餐,因為她包括了牛油豬。熱奶茶先到,依舊用上那小丑模樣厚身茶杯,保溫程度來說真不錯,燙口奶茶稍為攪拌己有一層皮出現,花奶份量應該不少,令奶茶飲來有點厚身及夠香滑,紅茶味是有但可以更香濃,在加糖不多情況也能飲用,這杯奶茶還算可以。侍應送來一碟煎雙蛋及迷你牛油豬,A....方才發現原來這個餐有蛋吃的耶??!! 早知要求炒蛋啦! 煎雙蛋煎成反蛋,蛋白沒有焦邊,外表好看但失了香氣脆口感,蛋白也煎得不太夠滑,相反蛋黃反而夠生,水水的生蛋黃也有點雞蛋香,味道雖不錯但炒蛋會更合口味。這份煎蛋油份極度充足,雞蛋凹凸處盛著不少油,要是需要補充油份真不錯,。迷你牛油豬放在煎蛋上,以致包底成了吸油紙,吸了不少油! 豬仔包烘得外脆內軟,包身鬆化已很好吃

作為茶餐廳的大哥大，一定有過人之處。除了曾拿過不少獎項之外，其消費也是茶記的領袖。不過在眾多的食物中，其推介的豬仔包確實是值回票價。今天一時多到達，原本以為午飯時間等位時間一定耐，點知剛好有人走，所以一進門口便能入座了。當我們在決定的時候，短短三分鐘已經有三位侍應問可以落單未，香港人確實十分忙碌。栗米忌廉豬扒飯($52)餐牌上已經指明栗米忌廉是選用金寶湯罐頭，所以一開始的期望不大。我的飯係最早上菜，所以大可以慢慢享用。豬扒有兩大塊，第一塊很容易就切開，第二塊則要用盡九力二虎之力才能把它切開。不知道為何兩塊的水準可以如此差異，但明顯第一塊是比較容易入口。豬扒既不太韌又不會像肉餅般鬆化，而且煎得香口，不錯!第二塊同樣煎得很香口，但就比第一塊韌好多，令人覺得莫名其妙。忌廉汁就如一般罐頭湯的味道，沒甚特別。低脂吞拿魚蛋白潛艇友人的潛艇試了一小口。這個潛艇其實也有特別之處，在不同的分店，餐廳都會選用不同的配菜。這兒選用生菜，而位於油麻地的則是青瓜，各有各的特色。裡面有蛋白丶吞拿魚丶蕃茄和生菜。蛋白不是熱騰騰的，配上惹味的吞拿魚，雖然未有不同的層次感，但也尚算令人滿意。長長的麵包配上芝麻，如果可以

又在佐敦找早餐吃, 在出地鐵站時就見到翠華的奶油豬廣告 (就是標題的那個), 覺得勁搞笑之餘, 就決定了食奶油豬做早餐!廣告裡的推薦組合是特脆奶油豬仔包 (簡稱奶油豬) ($7), 跟無糖奶茶 ($14), 一於照跟。熱奶茶其實本身都沒有下糖的啦 , 要了少奶的不過奶味都著實幾勁, 幾乎有蓋過了茶味之勢; 而奶油豬就不太夠熱兼烘的不大夠脆, 所以吃的時候都要經過一番牙力的搏鬥。包面上搽滿煉奶加牛油, 絕對是膽固醇前萬歲, 不過又香又甜, 幾時都是最佳拍檔, 但如果個包爭氣一點就更好了。

四月上旬近期吃過唔少炒蛋，而最油膩的推介，要數24小時茶記的鹹牛肉潛艇。麵包烘得過火，較無烘底難吃，而為了令蛋滑及不黏鑊，下的油實在「很」不少，吃起來濕而不覺鬆軟，鹹牛肉是罐頭貨，吃起來是又鹹又油又濕，認真難頂。這潛艇賣成$25左右，這價錢，在勝香園、裕興已可吃個豐富的蛋牛烘底加杯奶茶了！

2010年3月27日 ( 4-2 ) ( 翠華餐廳 - 1 ) 下午茶日程：( 明洞 - 翠華餐廳 -Jenny Bakery - 必勝客 )明洞午餐後，我倆漫步至佐敦，喉乾頸渴，但仍未肚餓，原本想到( 澳牛 )飲杯嘢，但見到條人龍，轉軚去咗( 翠華 )，兩個人要了兩杯茶及一隻奶油豬。熱奶茶：( $14元 )這裡的茶色帶褐紅色，非常吸引，奶茶仍然香滑好飲。奶油豬仔包：( $12元 )包身軟脆，今次好多練奶，正呀...好味道呀！

今日一落機就去翠華食下午茶平時聽就聽人講得多,今日終於有機會一嚐傳說中既奶油脆豬仔包果然外脆內軟!! 又唔會太多牛油又唔會太多煉奶加上濃滑既凍奶茶! 只可惜越飲越淡... 下次都係飲熱既穩陣d!不果始終都係太貴啦..下次可能都係去番澳洲牛奶公司好啦

午餐- 茄牛蛋意粉($4X)份量雖說稱不上值40幾蚊,不過要讚既係個意粉, 佢用既唔係普通比較粗身既意粉反之用左比較幼身既, 入口好滑, 唔會痴埋一舊午餐既靈魂已在, 而個牛肉唔少, 亦可見唔係完就算,係有炒過下, 加埋個芡汁唔會太傑 金寶湯系列- 白汁雞皇意粉( $5X)可能呢D只係支線, 個朵 係吸引可惜就算係最經典既雞皇飯/意粉 都帶唔出香濃之感雞亦冇味.... 但我欣賞做茶餐廳既熱誠香港好似比較少茶餐廳可以開暈分店,仲要 成日係MTR見到有廣告!繁忙時間亦冇迫你走, 可以細嚐 奶茶既細滑之感,不失港式茶餐廳既特色,黎HK食咩地道野? 茶餐廳啦

同男友一直係佐敦街頭搵理想的晚餐食堂, 後來經過對面街見到翠華招牌, 想起成日經過見到佢的招牌"奶油脆豬包仔", 於是暫時抛低對茶餐廳的偏見(因我出街唔去茶餐廳食野).好彩有卡位, 但佢的位擺得幾逼. 好似週圍都被人包圍住咁. 我一坐低巳被佢的"鐵板京川蝦兩面黃麵"廣告吸引左, 再加多個我一直想試的咖喱豬扒飯, 幫我寫餐的女侍應向我推介新出的野飲"粟米汁", 我本身好鍾意粟米的香味, 試下都無妨. 等左一陣, 咖喱豬扒就上枱了, 我將咖喱汁撈左小小飯試下, 好好味~~不愧佢寫上馳名咖喱, 夠咖喱香而且有少少辣味, 我好鍾意食, 而男友而認同我的講法, 認為呢個咖喱飯有水準, 當我們正向咖喱進攻時, 鐵板京川蝦兩面黃麵巳"吱吱吱"登場, 鐵板上令到成個麵等一陣食都保持熱辣辣, 麵炸得好脆好乾身, 麵上面有幾粒大大的蝦仁, 再加上特製的京川醬, 果然無擇錯反而杯粟米汁麻麻地, 有粟米味但味道味味地, 試一次就算. 男友就叫左杯汽水.夠晒穩陣.埋單一百四十幾元, 茶餐廳黎講算幾貴, 不過祇要味道好, 貴小小我都覺得抵. 下次有機會再來試, 愛上了咖喱豬扒飯.

今晚平安夜行到攰晒，所以就去入翠華坐下飲杯嘢凍金桔檸檬用這個樽盛載飲品好有趣、份量又好似好多。好夠味道，但感覺甜了點點，但如果不怕甜的話是好不錯的飲品。檸檬薏米水(熱)這個比較清，會飲到薏米味道，都OK。特長熱狗見到都嘩了出來，真是好長，其實都不是好餓，所以最後是吃不清的。味道也不錯，熱狗包焗得夠香脆，配上醬汁好吃。

從沒寫過食評，但第一次就要投訴。身為香港人，翠華茶餐廳沒去過也應該聽過。但自從薄有名氣後，食物質素和服務就每況愈下，價格反而不斷上升。佐敦這店最離譜的要算是服務態度，幾個月前國內的朋友到香港考日文試，住的酒店也在附近。於是就順理成章帶他們嚐嚐著名的翠華茶餐廳，怎料服務態度差勁不堪而且還給我面色看，令身為東道主香港人的我尷尬不已。自那天起我決定以後不會再去任何一間翠華茶餐廳，也會把這事告知我身邊的朋友叫他們不要再去。翠華茶餐廳請好好改善你的管理，不然最後只會落得關門大吉的收場。還有，如果不能勝任服務行業的，請盡快轉行。這樣只會令香港的旅遊業蒙羞！