翠華餐廳 (Closed)

這家翠華在沙田已經一段時間，近來在這邊上班，試試買早點。半年前在東涌翠華，只是$9的吞拿魚包，想不到，現在在沙田已收費$10。吞拿魚包不太大個的，而且溫度不夠熱，取得在手時已有點頹廢了。內餡不多，酸得來不夠熱，冷吃麵包沒癮即使另一次再去買菠蘿包，雖然放在熱爐入邊好像樣子不錯，但拿來吃其實已經凍了，除了頂上的脆皮叫做夠脆，中間的麵包又凍，又不夠密的質地，質地偏鞋又乾。既不飽又不便宜的連鎖店，更加值得抵制

今日的午餐用咗Deliveroo Apps叫咗翠華餐廳兩個午餐套餐，分別係鹿兒島豬軟骨飯+例湯蓮藕豬肉湯另外加多$8飲品叫咗蛋白杏仁茶$94&咖喱牛筋腩飯加凍檸茶$89，加埋$183，另加$20送餐費，平均每位消費$102。最好食係蛋白杏仁茶，已經夠甜，屬於少甜，所以另外有個盒仔裝住三粒方糖，比嗰啲覺得唔夠甜嘅加糖。豬軟骨太鹹，湯也鹹。咖喱牛筋腩不是以前馬來西亞咖喱牛筋腩的配方，宜家呢個配方味道好一般，最重要係炆得唔夠稔。凍檸茶冇得好似堂食咁叫少甜，白飯的白米質素很好，煮飯的技巧也很好。我哋兩個人只係食咗一盒飯，留返的一盒用來炒飯。包裝方面好穩陣。

放工去開沙田, 定必到翠華看看仲有冇麵包賣的. 無他的, 他們的麵包新鮮, 自給自足, 口碑不錯. 還有優惠呢！“買二送一” 比A1還要平, 靚, 正,怎麼不吸引？只是選擇性不多. 晚上7点多, 很多時經過麵包都已經賣完的. 菠蘿包： 皮脆, 麵包鬆軟, 有微回彈, 食食下碎碎掉下來了.菠蘿红豆包： 有菠蘿包的外層, 內包着紅豆蓉, 不甚甜的, 量頗多的, 吃到的是真材實料.墨西哥奶皇包： 我的至愛. 外面有着一層薄薄甜甜的, 內有好似麵包燉蛋的奶皇, 嫩滑可口, 又似布丁, 濃濃的奶蛋味, 一食就迷上了！吞拿魚包： 一般般, 不過不失.

It wasn’t something fancy, but it was always my comfort food. What is it? Pineapple bun from Tsui Wah. I can’t resist ordering one whenever I passby Tsui Wah with an empty stomach. I really like the crispy pastry of the pineapple bun here. The bun itself is also not bad; just not exceptionally delicious. Anyways it is just $7, a great deal I will say.

今日來到沙田呢間翠華食lunch，叫左個午餐set，茄茸香煎原條魚柳，配上白飯，加埋一個白湯忌廉湯，湯未到，飯餐到左先，一入口，d飯好硬，好失望，白飯都可以咁失色，而煎魚柳就可以的，都算香脆，雖然同個茄茸汁不太夾，但總算可以食魚柳頂頂，唔食個飯，因為唔想換來換去，忌廉湯就普通。價錢偏貴，質素不太OK，實在失望

去做 facial treatment ，好肚餓，路徑翠華聞到d 包好香，個樣又好靚仔，就買個 8 蚊菠蘿包依肚。 熱啦啦，軟綿綿，上面層菠蘿少少脆，感覺良好，只係... 比較淡，如果甜d 就好啦。

今朝一個不愉快的經歷。由服務員帶位開始，我地講明係兩位，但該員工帶到一張只有一座位的桌前便離開。我叫過另外2位侍應生幫手，但他們可以完全無反應，睇你唔到的反應。最後有人走，我自己坐落去。等左一陣都無人執枱，叫第一個執枱嘅，又係睇你唔到。第二個終於有回應，執完枱就幫手落單。落單時就問我之前埋單未，我估係前食客未埋到單……我將之前帶錯位和自己搵坐位嘅事同佢講，佢知道後就照落單，然後佢俾單我嘅時候講左句唔好意思，我覺得該員工算係最交帶最好gala。講返早餐食物質素，算一般，以前覺得好味嘅脆脆朱仔好食些。朱仔改左做3.6牛奶軟包，唔差，不過朱仔好食些。華田沖得好差，根本係杯有顏色的污水，水鬼尿。說可以透過QRCode給予寶貴意見，但卻係用唔到，流的。枱面餐具仲有一灘蛋漬，竟然冇人處理，感覺非常差。

一心食個靚早餐，不過侍應帶到埋位，發覺冇位，竟然不了了之，走開了沒有善後招牌早餐食物屬一般但連華田都沖得唔好枱面餐具有一大灘蛋漬一般員工似乎很盡責及忙碌價格上升，但食物質素似乎已下降了

陪寶寶來沙田睇醫生星期六早上當然就食個悠閒早餐啦☺️一去到雖然門口好多人排隊但由於我地得兩個人所以好快被安排入座早餐大致上$40-$50左右價錢合理👍🏻👇🏻仿鮑魚火腿通粉（嫩滑炒蛋、北海道3.6純牛乳軟包 ）$39我地叫左一合餐兩份share事關我早餐唔係食得好多野😛😛😛仿飽片好好食湯底夠味但唔會有好濃味精嘅感覺蛋同包都唔錯但如果可以多舊牛油搽下會更好事關淨食包味道有d寡🤔🤔🤔港式熱華田熱飲唔需要加$😌😌

雲吞麵個湯係清湯黎，我去咁多雲吞麵舖，都係飲清湯，但今日去翠華食，個湯完全唔清，個湯仲要有一灘油，好似拉麵定公仔麵個D湯底，咁都算咪試下濃湯囉，濃湯都有濃湯好飲，可能人地發明左濃湯雲吞麵......但問題個湯仲要好難飲。唔鮮甜唔清但又無濃湯或奶油湯的風味，飲左一啖就唔想再飲。我勉強食曬D雲吞同麵算啦。雲吞同麵仲食得落，但個湯就完全唔得。個蝦子雲吞麵仲要係招牌菜之一，完全唔知點解招牌菜可以煮得咁差。

好少食翠華，間唔中想食奶油豬，先會幫襯下。下午茶時段去到六點，下午茶餐價錢算合理。兩個人，點了茶餐加奶油豬和菠蘿油。公仔麵太淋，唔熱，肉片幾淋。秋葵炒蛋唔滑，牛奶餐包唔錯，幾香軟。期待既奶油豬都幾失準，冇焗脆係一太敗筆，練奶偏少，好失望最後既冰鎮菠蘿油算係全餐最好食，舊牛油用冰佐上，不過菠蘿包唔算熱，所以無明顯冷熱對比，而牛油餘有一陣微微騷味，在口中不散。跟餐點既咖啡好醒神。總括黎講，水準平平，填肚之流。

那天不用上班約了朋友出來逛街購物，到下午茶時間就去了附近的翠華餐廳食，畢竟翠華集團都出品不錯，去到超級多人，坐滿位，又要排隊！好彩排了15分鐘就有位～我地叫左2份嘢食，係美國空運西冷牛扒意粉和法蘭克福珍寶熱狗皇～超肚餓，個牛排等左20分鐘就有得食，速度都算快，個牛排🥩我叫左6成熟，夠嫩滑又好味，點埋d醬汁食口感係一流，碟牛排超係超大份，難怪要$116，呢個價錢不太貴吧！還有的就是熱狗包🌭️，食落去超級香脆，有茄醬，沙律醬，芥末醬，3種醬加埋一齊食好好味，而且條熱狗卜卜脆，仲要咁大條，$33 好抵食，夠飽夠滿足！最後埋單$150，有嘢飲有湯送，我覺得呢個下午茶超抵食，食到好飽好開心！

早上同同事要去科學院工作，要在沙田轉小巴。那就在沙田吃早餐吧，原來沒甚麼選擇，要到沙田廣場才有幾家餐廳，同事說好久沒去翠華了，好吧。店面挺大，多位置，服務員一般吧。早餐選擇不多，我們點了沙嗲牛肉麵和自製魚蛋片頭河。竟然有比較中式的早餐。上枱賣相不錯，吃著感覺一般。自製的魚蛋片頭功夫未到家，魚蛋太軟，片頭太硬，河粉湯底太鹹了。沙嗲牛肉好一點，只是牛肉也偏硬，反而炒蛋味偏淡，不知是否先吃面影響了，餐包普通。奶茶比較澀，不是很滿足。

話咁快又到星期四，輕輕鬆鬆，準備迎接假期，返工前梗係買個早餐先。行過翠華餐廳，望下個餐牌，有幾吸引喎今朝就要個早餐A啦，有煎雙蛋，前得好靚嘅太陽蛋啊～蛋黃汁濃厚有蛋香，仲有條腸仔，不過一食就知唔係廚師牌，但條腸甜甜地，又幾好食嘅，仿鮑魚絲火腿通粉就無咩特別，勝在有分開湯上，因為我真係好怕沈到d通粉淋曬，值得加分。而個脆豬包，可能我外賣嘅關係，一食落口，個包淋咗又變到好韌，而且只有牛油，無咩味道，認真麻麻地

杯奶茶來到台面已經倒左1/3系個碟到，叫都叫吾住個侍應走左，碟意粉無落盬完全系無味的，我吾系等一次吃呢個素意粉，今日真系好差吃到想嘔，最後一次幫襯沙田翠華，除左個波羅包其他野都無法保持水準