翠華餐廳 (Closed)

星期日中午既沙田廣場人頭湧湧，食個lunch都要排長龍。$28夏日特飲-少甜清翠利樂，呢個真係好正，青BB既顏色已經好清新，好冰凍，飲落酸酸甜甜，仲有好FRESH既薄荷味大讚$49無公害雞蛋公司三文治伴薯條，薯條又粗又大，可惜少左啲。公司三文治好足料，又整齊，足足有十層，口感豐富。

枱未抹乾淨就請人入座。食咗一碗冬陰公蝦球米線，＄49一碗充滿期待＄49一碗蝦球米線，應該會比起屋村茶餐廳或快餐店更好食的....理應！咪先住得太林，睇張相就知.....冬陰公湯底並沒有任何香料嘅味道。如果我從來冇食過泰國冬陰公，我真係會以為冬陰公係咁辣而且無香味，只係＄4包公仔麵入面嘅湯底粉。湯湯底差米線差都未係最緊要，最緊要嘅係爽口彈牙嘅蝦球，佢口感非常一流真係好彈。但係點解急凍蝦會彈牙過係街市買既新鮮蝦呢？用啲乜嘢去加工？我唔相信急凍嘅蝦會彈下得咁緊要....如果係手打蝦滑就有可能咁彈，原隻鮮蝦根本冇可能咁彈！

這間餐廳間中到來食早餐，環境都不錯，坐得舒適。今日我點了A set 仿鮑魚火腿絲湯通粉，湯底清甜，保持到水準，不過鮑魚絲略嫌少一點，反而火腿絲多了點，分配balance番點吧！炒蛋炒得夠香滑，些少奶香味，但今次分量少了，餐包一般貨色，若熱一點會好些。凍檸水鮮甜冰涼夠解渴。另一份c set 雪菜肉絲蝦米米粉，湯有一點辣，幾好味。小麥牛油豬仔包，加左小麥有營一點，但口感硬了點。凍檸茶夠清新冰凍，不太甜。最後慣常一樣叫左兩個蛋撻，落左單同上兩次一樣冇人攞嚟，仲要追兩轉都冇嚟，今次行左出去睇，碟蛋撻放左喺度，問麵包姐姐又話唔可以就咁攞，仲話應該係其他侍應攞嚟，最後先自己攞入去，d撻都凍左點。本身都知這間服務態度麻麻，不過環境同食物方面真係唔錯，如果員工能夠改善待客態度，相信更可提升餐廳的質素。

放假又黎沙田食翠華一如以往既多人，好多喼......等左15-20分鐘先有位！入到去即刻落單，菠蘿油係必叫的新鮮出爐既菠蘿包熱辣辣，非常鬆軟，甜度適中。配埋一大塊鮮牛油，一冷一熱，口感非常好！！凍鴛鴦～70%奶茶＋30%咖啡 味道香濃，奶味偏重令成杯野好滑！魚蛋粉都係必叫既招牌菜魚蛋魚片好彈牙，一d腥味都無，河粉好幼好滑，果然魚蛋魚片同河粉係perfect match～依碟炒貴刁就普普通通啦～配料略嫌太少，但味道尚可，頗香口！

啱啱係沙田行完街肚餓，一個人搵左間茶仔，揀左莪平時最中意食嘅叉燒腸，等左差唔多十分鐘先上桌。叉燒腸粉，白皙細膩，嫩滑軟糯，裡面啲叉燒，鹹中帶甜，肥瘦適中，醮上醬汁更加美味適口！

上班日的早餐都以麵包、麥皮等簡單食物為主，寧可賴床多睡一會兒，都不願早點起來吃個豐富一點的早餐。懶洋洋的星期日睡到十時多，還趕得及到翠華吃早餐。肌腸轆轆地趕到翠華，遠遠已看到有約二十人的人龍。如果選擇搭檯，通常可加快被安排入座。等侯了約十分鐘，透過被安排搭檯，加快了入座。翠華的早餐選擇不多，我如常點了沙嗲牛肉公仔麵套餐。除了麵外，套餐還包括炒蛋、小麥牛油朱仔包和一杯飲品。沙嗲牛肉麵公仔麵軟硬適中，牛肉約有五至六片，份量尚可，沙嗲牛肉的味道合乎預期。炒蛋炒蛋是整個餐的亮點。蛋炒得嫩滑，有點點的奶香味滲透其中，顯然是預先加入了牛奶進蛋液中。小麥牛油豬仔包非常難吃。豬仔包非比尋常的硬，吃罷後感覺到咀嚼肌又大了。識飲的來翠華當然是飲奶茶。奶茶如常的香滑，喝後還會有種微微在口中回甘的味道。

唔知係咪服侍II多，成班待應態度惡劣。叫人叫左5分鐘。落單又錯又漏。紅湯又菠蘿味牛排又硬又無味咖哩雞，好難食。總之就差差差菜芯仲老過我屋企90歲個阿婆，又黃。意米檸檬水又多渣又勁甜難食到嘔

今日(29-4-2016 Fri)晏晝同老公請假返荃灣整o野,先食個晏,去邊間食?睇見翠華唔多人,於是入o黎食,睇o左餐牌好耐,set lunch冇乜,老公就要$52.00o既鹿兒島風豬軟骨鮮蝦菠菜餃米線,加$3.00要凍鴛鴦,我要$38.00o既吞拿魚滑蛋白潛艇伴薯條,飲茶走.冇耐,老公o既鹿兒島風豬軟骨鮮蝦菠菜餃米線到o黎,之後係兩杯o野飲,最後係吞拿魚滑蛋白潛艇伴薯條.我先將吞拿魚滑蛋白潛艇伴薯條切開一半,但….麵包唔脆,都幾難切,切好食得,蛋白唔熱,正常滑, 吞拿魚都係凍罐頭吞拿魚,下面重有番茄片同生菜,呢啲正常不過;而薯條呢,共有六條,都係粗條,冇落鹽,淡淡o既,亦唔係熱,口感都一般.而茶走呢?係我第一次飲,因為以前成日唔記得叫呢樣,錬奶唔夠(唔知係味應該咁少),唔甜兼澀,只有滑.而老公o既凍鴛鴦,咖啡味偏重,一般.至於鹿兒島風豬軟骨鮮蝦菠菜餃米線,豬軟骨好夠腍,原本唔錯,但味道有啲怪,原來加o左陳皮;鮮蝦菠菜餃呢,老公幫我揀走o左啲蝦,其實個餃好普通;至於米線,可能我太遲食,差唔多腍晒喇.味道係1.5分環境:裝修好有特色,似坐o係60年代o既街上.費用:唔知茶走幾錢,所以出

尋尋覓覓想找一間好食的海南雞飯，始終唔係咁容易，今日就去了翠華試下海南雞飯先。先講講沙田翠華嘅環境，入門口左手邊的於位，經常都不夠冷氣，次次坐低食野都會滿頭大汗，真係感覺有點犯賤，點解要貼錢買難受呢，但次次鬧完下次又再去。另外就係服務，侍應服務差已經係茶記通病，叫他們拿杯水飲都難過登天，最後只好死死地氣自已去拿杯自己倒水，但叫野食就好快有人應你喎。翠華上菜速度超快，呢頭落單，轉頭又送餐嚟到了。海南雞飯跟湯和醃青瓜蘿蔔。排骨蓮耦湯味道也不錯，亦不覺有味精味。好可惜飯不是雞油飯，而是有香茅和椰汁味的白飯，味道都頗香、軟硬度適中。海南雞份量也不算少，去骨雞肉好嫩滑，皮也好爽、配以豉油和薑蒜醬料，可惜無我喜歡的辣醬，但整體表現也不錯。

聽人話，這店早餐好食，不過價錢就貴D，如果是好食，就不是問題我最喜愛沙爹牛麵，就選這個吧！嫩滑炒蛋，滑滑有奶味，吾乾好juicy，牛油豬仔焗得好脆，牛油好香配炒蛋一流，沙爹牛肉有牛肉味，份量都幾多，麵爽口彈牙，都吾錯，奶茶茶和奶配得剛剛好，互抯配合好香濃，這$33都ok。

翠華餐廳我都去過，經常都大排長龍，今晚真幸運，因為每日放工都晚上九時，麵包多數賣完，所以日日都失望，但今晚却買到菠蘿包皮很脆，不太甜，皮包圍整個包面，真好因為其他店没有咁大，所以每次吃别店的，就會想起翠華，還有每次吃它都是熱的，應該是店員會把麵包放入焗爐，所以每次都很好吃。

差劣的服務態度已經漫延至不止一間翠華分店上次係尖沙咀加拿分道今次就係沙田店內大把位，卻要人等位等到埋左位，又無人俾 menu 你到你攞到 menu，又無人幫你落單侍應掛住捧餐，唔會望下有無人舉手叫侍應落 order突然有個侍應打瀉桌上的豉油辣椒油樽，一地都係咁梗係要拖地啦！個地拖係你幾米範圍內拖來拖去，一陣異味傳過來，即刻忍唔住要換位另一個侍應仲好唔明點解我要換位我係黎食野，唔係黎作嘔，望住個地拖，加埋陣異味，我想嘔囉！真係很差很差的服務態度！至於食物方面，薯條份量少左，由扁闊變左細細條，無咁好食。蛋白吞拿魚潛艇味道差不多，奶茶就差左味淡左。需知道去餐廳食野，俾錢除左買食物，仲有買服務。差劣既服務，幾好既食物都唔會好味。我對翠華既整體質素係越來越失望！

趁著復活節跟愛人到沙田血拼一番,由3點開始戰鬥到晚上十時,打完一場持久戰後,才發覺肚子空空如也,雖然新城市廣場內有各式各樣的著名餐廳,但十點後已逐一打烊了,正當擔心要空著肚子回家之際,突然想起翠華總有一間在這兒想像不到沙田翠華十時還是要排隊進場呢,還好不用等太久已有雙人座位,雖然十分肚餓,但來到翠華還是有選擇困難証,幾經辛苦之下,愛人幫我選擇了一個復活節大餐,想不到質素竟比想像中出色很多餐湯是黑松露磨菇湯,一般$100以下的餐湯,黑松露湯都是騙人的,但想不到翠華的竟是真材實料,黑松露的部份相當充足,跟中環的名店非常近似,熱辣辣的黑松露湯在口內翻滾的感覺是非常感動的,極力推介!!!多士方面,是跟澳洲牛奶公司非常近似的厚多士,非常可口,伴湯一起吃的話感覺良好餐前沙津也絕非湊數之用,半生熟蛋加上新鮮生菜,配上特製的輕怡沙津汁,味道跟POLKA CAFE的不惶多讓,酸酸的感覺讓你非常開胃主菜是燒春雞配意粉,燒春雞肉質鮮嫩,味道不算太濃,口感一流.但朋友們要練習一下切功呢,因要完整地切下所有的肉是要有相當的技巧意粉方面,早已受夠街外普通茶餐廳,一方面加價一方面用劣質意粉,幸好翠華堅持他們對品質的

we go there for dinner after shopping and ordered set dinner, the toasted bread with butter was crispy Kagoshima style cartridge with seasonal vegetables with tasty, pork with soft bone was really juicy and tender, a bit salty but it's good to eat with rice...beef with potatoes and vege look good, it cut into beef slices with sauce was a bit over cook and tough soup was nice and rich lemon tea was good

唉，我同老公不嬲都係翠華 fans，未試過有一次食到咁難頂...先要講帶位，明明就好多吉檯，明明入面好多企堂喺度傾計，負責帶位果個帶左人埋位仲企左喺度等落埋單先帶第二檯客，攪到幾 pair 人排隊等人帶，望住有吉檯我地都等左成十分鐘先坐底。一坐底張檯未抹，檯底仲恐怖，有圖有直相自己睇吧。我叫左個 set dinner，有湯、包、意粉同一杯野飲。個忌廉湯 ok 好味，招牌奶油豬都係無得彈的。主菜係照燒豬扒鮮茄意粉，成碟嘢係凍冰冰的。豬扒又乾又硬，啲鮮茄意粉根本無味，我地自己要落鹽同茄汁撈埋先食到。老公叫焗豬扒飯等左好耐，我個 set 成個食完再催左兩次先到。呢個好熱，不過太濕喇啲飯好爛，好在啲茄同塊豬扒幾好食咋，如果唔係老公應該會爆炸。埋單 $132，已經唔係錢嘅問題，我一定唔會再幫襯!