翠華餐廳 (Closed)

想不出的外脆，想不出的內軟，想不到的酥香，重點是一定一定要新鮮出爐，即時堂食或外賣蹲在街頭即吃，犧牲少許儀態與C9對壘搶購也值得，不吃有憾。題外話，不明為何寫食評規定要80字，不是簡而精更好？

叫了牛柳要5成熟，來了個十成！不知是否天氣太熱？餐廳位處商場，商場涼快，餐廳內則十分悶熱，一路坐一路流汗，看換位是否能解決問題，其實每處也差不多。問伙計是否冷氣壞了？伙計説已經開最大冷氣。我説熱到那樣，你也辛苦吧？伙計說其實已說了許多次，建議我同寫字樓說。埋單後我們去旁邊的太興、大快活，全部有冷氣，很明顯翠華要省電費。吃得那麼辛苦，又那麼多選擇，幹嗎要貼錢買難受？

一向是常客，港9新界都會食，因個麻辣雞絲米線，同埋個冬陰公蝦球米線，都是我每次必食首選，時間一耐了，人流多了，食物水準就差很多很多了，加上服務態度越來越差，同埋沙田分店，周不是發現一種臭味，實在令鼻子好辛苦，好似d爛菜，（酸叔味)，已經不是近廚房那邊，實在感覺好差，你開咁多間分店，賺咁多錢，加上食物已經非常貴，不要只顧賺錢，保持一下食物水平，員工態度，其實市民還有很多選擇的！當然有d姐姐態度都好好！我都唔會光顧了！實在我最愛的兩款也差很多了！

今日早左起身所以就去咗好耐都冇食過嘅翠華餐廳度幫襯下喇，叫咗一個魚柳早餐，魚柳好大塊成條上，記住食嗰陣時一定要落埋佢果個千島醬因為真係好正，而滑蛋都整得唔錯幾滑，豬仔包就好鬆化，自己跟餐餐飲叫咗杯凍鮮奶，如果奶味濃啲就再好啲喇，埋單＄42 價錢合理。

放工相約男朋友晚飯，但大家已經十分疲倦啦，又唔想等太耐位，又不想動動腦吃甚麼，如是者當我們路過翠華便二話不說走入去開餐啦！黑毛豬餐肉煎蛋飯傳統的茶記頹飯，很難會唔好味，因為有精華所在的甜豉油呢！雞蛋如再煎得香脆一點會較好，餐肉切得較厚身，用上的吃得出不是一般的豬仔牌餐肉，但價錢就一點也不親民了！！焗豬扒飯豬扒已經切件上碟，也有三大片厚厚的蕃茄，茄汁變也夠香濃！奈何內裡的飯及豬扒不夠熱，可見不是與飯，豬扒等材料一同焗起！價錢不夠親民，味道不過不失，可有更好的茶記選擇！

今早返工時有點趕，經過翠華，買了一個雞尾包外賣回公司食。翠華用作袋麵包嗰個紙袋有改善。以往白色嗰種紙袋，如果裏面放雞尾包或者菠蘿包，包上面嘅油會令那個白色紙袋吸滿油，影響食慾。反而而家嗰種啡色紙袋，可能用料比較厚和隔油，油沒有再印出來了！雞尾包看起來脹卜卜，吸引上面亦有好多芝麻。翠華雞尾包麫包鬆軟，𥚃面的混合砂糖及椰絲作為餡料，帶有濃郁的甜味。雖然砂糖加椰絲的餡料有點甜，但由於餡料與麵包嘅比例剛剛好，不會太多又不太少。

對翠華好感不大，不過同行嘅母親大人想食，就入去食個下午茶。招牌咖喱牛腩飯咖喱喺我心目中嘅地位係不容動搖嘅，既然係招牌菜，當然要試下。一望落去賣相普通，似乎好多薯仔好少肉，但係其實牛腩只係俾咖喱汁蓋住咗，肉嘅分量係OK嘅。已經好耐無係沙田廣場食野，工作完畢後今次攝影師不停催促我們成班人去翠華，唔講仲以為佢有股份，anyway, 我地就順佢意去左排隊，須知道10個人要食翠華好有難道架嘛! 不過其實呢間翠華真係好大，好多獨立區，這裡室內裝修讓人懷念童年時去茶餐廳的時光，燈光很有幾十年以前的茶餐廳夜市的感覺，好有舊式嘅冰室嘅感覺。啱啱係沙田行完街肚餓，一個人搵左間茶仔，揀左莪平時最中意食嘅叉燒腸，等左差唔多十分鐘先上桌。叉燒腸粉，白皙細膩，嫩滑軟糯，裡面啲叉燒，鹹中帶甜，肥瘦適中，醮上醬汁更加美味適口！還有這裡的燈光好像老香港茶餐廳一樣。

所以選左翠華～一入去就見到代言人張繼聰既紙牌公仔，到坐落見到餐牌都係張生做封面。我只點左招牌魚蛋河粉，唔好睇少個魚蛋粉， 個湯好夠甜，感覺係似鮮魚湯， 河粉煮得剛剛好好， 同啲湯好夾好掛到湯，條條河粉都好滋味。我覺得沙田翠華餐廳室內設計特別加入了具有舊時香港的文化元素。

叫佢要杯水，態度兇惡，仲要拎杯裂開五條痕的滾水，我在不知道的情況下手就被滾水燙紅了，過了一陣間功夫時間，水流到成臺都係，佢仲要視而不見，繼續黑面。之後叫另外一個人過來，佢睇了哦完之後，就甘換了一杯水就算，連句抱歉都無。最後要我聲音提高分貝，問了佢地一個杯爛成甘仲要係滾水，甘都會拎比客人，最後就係佢的一句很不情願的抱歉。工作辛苦有時會有情緒，但不是出氣係客人身上，自己都控制唔到自己，不如執包袱返歸。食物很一般 ，服務質素差，見到任何一間都不想再入去。

成日覺得無乜特别都唔食翠華，想食平啲，會選譚仔或冰室，茶記。食好啲就食放題，川菜等，今次都係因為要傾project,又唔想食咁貴，又可以坐耐啲，無人趕，所以選左翠華～一入去就見到代言人張繼聰既紙牌公仔，到坐落見到餐牌都係張生做封面。我只點左招牌魚蛋河粉，唔好睇少個魚蛋粉， 個湯好夠甜，感覺係似鮮魚湯， 河粉煮得剛剛好好， 同啲湯好夾好掛到湯，條條河粉都好滋味。 魚蛋粒粒彈牙，夠大粒，又有重重既魚味，有口感之餘，口中重有餘韻, 而魚腐個皮有炸過咁,不過我就鍾意魚蛋多啲，純一啲咁。用友點了北海道豬軟骨米線，佢話豬軟骨夠淋，而且入味，酸酸甜甜。依度環境幾好， 坐得舒服，傾耐左又唔會有人趕，食物又快送到，質素都幾有保証呢～

由伙記以至食物質素都是垃圾級別  海南雞飯個油飯係爛飯  叫一碟炸魚皮佢夠膽好似街市賣咁連膠袋上  四個人攞三份餐具 叫佢攞返就黑面 然後十分鐘都冇影  貼錢買難受  冇心機做好一盤生意就執咗佢啦  

對翠華好感不大，不過同行嘅母親大人想食，就入去食個下午茶。1. 招牌咖喱牛腩飯咖喱喺我心目中嘅地位係不容動搖嘅，既然係招牌菜，當然要試下。一望落去賣相普通，似乎好多薯仔好少肉，但係其實牛腩只係俾咖喱汁蓋住咗，肉嘅分量係OK嘅。咖喱汁有香料味辣度亦可以，幾香濃，對食得辣嘅人黎講可能唔夠辣，但整體做得唔錯。敗筆位係牛腩，雖然唔會韌，但係好幾塊都好似瘦肉甘，喺碟度已經散開咗，完全無咬口。2. 奶油豬仔包食完飯先食奶油豬，可能因為擺耐咗，食落一D都唔脆，味道OK但係偏甜，無咩特別。3. 生磨蛋白杏仁茶杏仁味濃，唔會過甜，飲落舒服，但係蛋白已經完全結塊，唔滑溜。蛋白要配合飲品嘅溫度，掌握到啱啱好唔會過熟絕對係功夫，呢一杯就做唔到喇。

今日偶然經過呢間翠華，聞到好香嘅麵包味，就俾佢吸引左入黎。呢度長期都好多客人，仲好受自由行歡迎，翠華喺大陸都幾出名吓。叫左個冰鎮菠蘿油，係香港本土美食。大大塊牛油用冰冰鎮住，要自己動手放入菠蘿包入面。菠蘿包好大個，菠蘿皮香甜酥脆，麵包軟熟，可惜只是微暖，並唔係熱辣辣，令菠蘿油做唔到冰火嘅效果，失敗。呢個包並唔係啱啱出爐，下次要睇準佢有啱啱出爐嘅菠蘿包先好叫(雖然有啲難控制)仲叫左杯清翠利樂，翠綠色，好大杯。其實係用薄荷同青檸製造嘅沙冰，青檸嘅酸味加上薄荷葉清新嘅味道，真係好正，透心涼，爽呀!

好耐無去翠華餐廳 所以就去幫襯下喇 7點15分入席都有位 不需要等位 看完餐牌 最後決定都係點了鐵板雙面皇 由於是即叫即整的關係 所以制作一定需時 請耐心等候☺️樣靚味道還可接受 醬汁濃味 都幾惹味嘅 有5粒大蝦 係啖啖肉 食唔到到有雪味 okay喎 另外 仲有幾粒辣椒係度裝飾....食落又真係無咩辣味 麵的質素不多好 淋嘅麵仲多過脆嘅......食食下仲發覺有燶味😱😨😰😳麵底完全燶唒兼黏底😱😡到底係咩玩法？點樣食得落姐？如果繼續食就真係危害健康囉 價錢又唔係平 仲要咁嘅質素 真係好失望囉 無下次👎🏽👎🏽

唔理價錢， 食物質素一般，杯奶茶係唔錯嘅 豬仔包係凍嘅.... 我唔推介係因為服務態度我已經唔係第一次不滿佢地嘅服務態度。我唔係咩港女、大爺，絕對冇對啲侍應諸多要求，但點解我每一次食翠華都要受氣呢？唔係淨係沙田呢間， 當落單嘅時候唔係繁忙時間，舉手示意落單時，不止一位侍應扮睇我唔到，都算。 送餐時，order式口敏叫我搬開啲野比佢放低我份早餐，fine 呢度唔係高級餐廳 我都知要自己航位比佢放 但唔係咁冇禮貌囉 其實當時我係佢開口前已經移緊比佢放。重點係我食佢個豬仔包果陣口好乾 叫左最近嘅侍應同佢講唔該比杯水 真係好近嘅距離 佢竟然扮聽唔到 咁我叫另一個啦 佢就同我講 你叫第二個啦 我唔係負責比水你 要叫到第4位侍應先得到一杯水 等到我正想自己行去拎嘅時候先等到一杯水我唔唔係冇比機會呢間野 但每一次食佢都要受咁多氣 我真係唔會食囉 唉