三田製麵所 (金朝陽中心二期 - Midtown)

Open Now

Now Closed

事緣之前喺尖沙咀分店食過正正常常，諗唔到食咩好又食下啦，點知中咗個大伏😩叫咗半熟蛋拉麵，湯係正常溫度，麵質係硬到似過咗幾下水就撈上來，我以為自己揀咗硬度，但其實都冇得揀同冇要求過，咁算啦，諗住比佢浸軟小小再食🙁之後再食叉燒，佢地舊叉燒先係精粹，無諗過比$90幾蚊去食舊可能煲湯豬肉都‘淋’過佢既肉，又嚡又硬又冇肉味，其實我已經冇要求你地好多，我只係想食碗正正常常嘅麵，你話拉麵可能再浸一浸冇咁硬身再食都算，但叉燒係入貨應該都改變唔大啦？🥺🥺🥺第一次嬲到要寫出來 希望大家喺銅鑼灣諗食咩之前，對面有譚仔，食完應該無咁嬲，感覺無咁唔抵😖

食評：1) 海老沾麵套餐（大）+蟹肉忌廉薯餅 $159櫻花蝦仔入口好香，沾麵汁超濃郁！麵質亦相當煙靭，好有口感XD最吸引係粒流心溏心蛋配埋大大塊叉燒，夠曬滿足~至於蟹肉忌廉薯餅咬落香脆，蟹肉忌廉味濃，食落非常creamy。2) 沾麵套餐（大）+煎餃子 $141呢間嘅麵分為大、中、細size，原本擔心中、細size會唔夠食（大食女表示XD），但叫完發現大size份量係非常多，最後搞到食剩差唔多半碗，浪費曬T^T所以自問大食嘅你都要思考清楚睇下係咪需要叫大size麵XD3) 柚子梳打&麝香葡萄梳打（跟餐） $40兩款梳打入口好fresh，唔會死甜，而且個樣好靚，飲完都想拎走支樽仔><

係銅鑼灣行到攰，見到三田製麵所而家岀緊期間限定嘅海老系列。我就毫不猶豫，行左入去試下。估唔到我叫嘅呢一碗沾面好有驚喜。點左濃厚海老沾面($98)，面嘅份量有小、中同大三種選擇，亦都可以加錢叫特大份量。我今次叫左大嘅份量，都已經好夠飽。而亦都可以選擇冷麵劃熱麵。我今次選擇左冷麵。整碗麵比我的印象是很濃厚，沾面汁的蝦味很重，上面的櫻花蝦更提升沾面的風味。而麵質也十分彈牙，配合沾面汁，很好食。叉燒的肉質亦很嫩，糖心蛋的熟度也掌握得很好。

本身食沾麵都鍾意較濃厚嘅湯底，三田正正係我其中一個選擇😉。基本上客人只需決定三件事就可以了：1️⃣. 湯底要唔要辣 2️⃣. 麵嘅份量 3️⃣. 麵嘅溫度。當日去到已經係晚上七點半，但店內仍然客滿，需要等待五至十分鐘。本以為三田嘅餐牌十年如一，事關實在好少見有出特別味道的湯底，估唔到今次嚟有驚喜。麵量大中小同價，特大加$10，我同男朋友通常都會叫兩個大冷麵(450g)再另外分贓🙈。🐖#濃香豚骨魚介沾麵 ($84)▪️粗身嘅麵條可以沾上更多湯汁，每一啖都好滿足▪️麵條自身帶微微麥香而且十分彈牙▪️配料有溏心蛋(半邊)、筍乾、叉燒▪️魚介湯入面仲有兩粒大叉燒，配料多多▪️湯底魚介味道濃郁突出但又唔會過鹹▪️當麵條沾滿醬汁就感受到豚骨嘅濃度剛剛好🦐#濃厚海老沾麵 ($98)▪️望見湯底充滿蝦油，海鮮味道極濃厚▪️同樣感受到招牌魚介嘅鹹香，但明顯蝦油更為突出▪️配料方面同樣有有溏心蛋、叉燒，但就冇荀變咗蔥花，同埋少量櫻花蝦▪️對於呢個季節限定嘅湯底十分滿意，如果可以放落去恆常餐牌就更好啦🥹🍱#三田流炸雞翼 (唐辛子風味) ($38)▪️啱啱炸起非常香口▪️翼身沾滿唐辛子粉，都幾辣嫁🔥有一段時間冇黎，整體感覺好食咗，另外三田其他小

之前經過登龍街見到佢地既海老拉麵已經想食，星期一晚OT完要食返餐好既獎勵自己，夜晚7點幾8點都有好多人排隊，不過唔算排左好耐就入得一人套餐: 拉麵+小食+飲品 ($121)一人套餐有齊拉麵、小食同飲品，如果想轉期間限定既海老拉麵都只係加$30，我當然揀左限定既三田流海老拉麵啦，上枱嗰陣已經聞到超香濃既蝦味，飲返啖湯底先慢慢嘆個拉麵，拉麵掛湯力強，溏心蛋都好好食🤤小食方面我就揀左餃子，即叫即煎熱辣辣，配埋罐冰凍既Coke Zero就最perfect啦😊

已經唔係第一次嚟三田製麵㗎啦~ 咁啱試咗新嘢就打返個食評分享下先啦!濃厚蝦海老麵係呢度嘅季節限定, 見個樣幾吸引就叫嚟試下~個湯真係好濃郁好有蝦味, 算係重口味, 不過食哂成碗都唔會太膩呢碗麵有成三塊肉咁多, 都大塊, 啱啱好餸哂成碗麵, 同埋肥瘦適中, 醃得夠入味個麵夠哂彈牙, 又夠掛湯, 好味啲配菜都好多, d櫻花蝦好多又好香口, 隻溏心蛋好夠流心另一碗嗌咗沾麵, 平時都係食開呢碗, 個湯好香豬骨同埋魚介味, 味蕾好滿足個湯入面都有D豬肉個麵可以嗌熱麵或者凍麵我就鍾意食熱麵多D, 因為可以慢慢食, 唔驚個湯會唔夠熱嚟餸哂成碗麵個麵好掛湯, 麵質亦都彈牙跟餐嘅揀咗份炸雞, 係新鮮炸起, 皮薄酥脆, 雞肉有肉汁

好記得2019年10月尾，爆發Covid-19 前係我最後一次去日本旅行，當時在大阪幫襯《三田製麵所》食沾麵，店內播放天氣之子既主題曲；在疫情期間經過香港分店，都會話「起大阪食過呢間，幾好食㗎😚」；直到口罩令解封既2023年，終於再次幫襯《三田製麵所》，不過係銅鑼灣分店🤣🤣🤣店面同大阪差唔多，店內當然總會有啲唔同啦，不過最重要係碗沾麵☺️同朋友分別點左魚介湯、海老湯，魚介湯依然出色濃厚、海老湯有特色，入口有濃烈嘅蝦味，但不會重口味！麵底我地都揀左冷麵，冷麵麵質會比較Q彈，配搭濃湯係一流的👍🏻碗湯剩下3分1，再請店員額外加熱魚介水，令濃湯一下子變成一碗上湯，味道更加好美😍😍！聽朋友講，有啲鋪頭係加飯到濃湯內再拌吃，如有機會都想試試☺️除咗沾麵，亦點左小食炸薯條配明太子沙律醬，佢個名都改得幾有趣😄《福岡紅白混醬薯條》，同呢位朋友一齊食晚飯，甚少會食晒碟薯條🍟，起三田居然食得晒紅白混醬😯可想而知，個醬係幾咁美味🤤，果然明太子+沙律醬係絕配🩷🩷🩷個人覺得呢間沾麵算幾好，雖然打唔低我心中的第一位🤭🤭

今日lunch去到，啱啱前面入左位男士，尾隨佢入去咁啱無位，樓面有兩個女人，一個老啲一個後生啲，老啲嗰位態度非常非常差，趕客，我打開門行入去，已係門口勁大聲呼喝”無位喎，出返去等，企返出去”。外面三十四度，企出去等無問題，眼見餐廳仲有位，都無問題，但那住女侍應隨即行過黎再呼喝”企返出去”，之後關門。企左一陣，因為中午太曬太熱，想知道大概等幾耐，所以入去好有禮貌請問一句大概等會唔會好耐，自問有禮貌，佢再呼喝”我答你唔到喎，點知你等幾耐，出返去”。一間餐廳不停趕個客人出門口都幾奇怪。既然咁唔想做生意，我都無謂等落去，就走左。尖沙咀分店同樣差，之前去冷氣又唔夠，舖又滴水又無冷氣，好似爛舖咁，加埋今次經歷真係唔會再幫襯。上fb 專頁反映，隔左一排有人打電話比我唔好意思，但見呢度好多食評都有提到呢位女員工啲態度差，應該都會繼續架喇。

三田製麵所，日本沾麵連鎖品牌，係日本旺區周圍都有分店，今次食銅鑼灣分店，外表同日本店基本上無分別，連鎖既保證，座位唔迫幾舒服下既😌餐牌當然係以最人氣嘅沾麵為主，濃骨魚湯，仲有4款麵既份量俾你揀，唔想食沾麵都有幾款拉麵，仲有最新既季節限定 — 海老湯🦐🦐🦐🦐🦐🦐🤤濃香海老沾麵，中麵量，已經好大碗🍜豚骨湯真係好濃，加埋蝦湯頭同櫻花蝦，一落麵就掛晒係麵上😳麵偏粗身，幾彈牙下既，入口都滑既😬湯汁超濃蝦味，調味都屬重口味既，好正，一流既沾麵👍🏻叉燒唔太燒烤feel，但肉質都幾嫩，味道唔錯😌仲可以點下汁食日本唐揚協會金獎炸雞，好香，外面好脆，非常薄皮，一咬就到肉，肉質好嫩好多汁，唔會太濃味，肉汁真係好大嘅賣點❣️Yebisu惠比壽頂級生啤，配隻惠比壽Premium專用杯，加分✨超級幼滑，好新鮮好順滑，非常高質既生啤😳麵質優質一食就知係鮮麵，夏天食沾麵好味但又唔會食到太熱或者流汗🥳加埋超正生啤就成個夏天限定set咁，正🖖🏻

上星期去登龍街食飯時，見到對面三田製麵所嘅沾麵幾吸引，今個星期約埋朋友去食😋 估唔到平日晚市都要等一陣先有位😯 本來想點限定沾麵，可惜當日已售罄🥲 點咗🍜濃香豚骨魚介沾麵($84)，麵嘅份量可選小、中、大或特大，照顧到細食同大食朋友嘅需要，仲可以選擇冷麵或熱麵，非常貼心🥰 另外亦有一人套餐($121)提供，配小食及飲品冷麵條揀咗中份量，原味粗麵條帶淡淡小麥甜味，口感彈牙🐟 魚介沾汁熱辣辣，味道非常香濃，內有豚肉粒，麵條浸入沾汁中會變得熱辣辣，好好味😋 叉燒亦軟嫩小食及飲品有日本唐揚協會金獎炸雞及罐裝檸檬茶，炸雞即炸熱辣辣，外層酥脆，內裏肉質非常滑嫩，好味！餐廳環境整潔，座位空間唔算大，簡單食晚餐都係幾好嘅選擇👍🏽

*濃香豚骨魚介沾麵 $84（未包+1）佢呢款沾麵有3個size揀，小size約250g，中size 約350g，大size就約450g，3個size同一價錢，特大（670g)就要+$10。個人覺得女仔食中size已經夠，男仔怕唔飽就可以叫大～味道方面，佢個湯底真係勁濃味（褒義）！有淡淡嘅鰹魚味配上味增味，配埋沾麵超級夾挺好食～而辣味嘅湯就係原味湯嘅基礎上多咗七味粉嘅味道，都幾惹味同埋有啲辣🥵麵質偏粗，超級彈牙，好好食！不果我覺得塊叉燒有啲太瘦，沾咗湯汁都係好乾，如果可以肥翻少少就好～溏心蛋好味🤤

一人套餐 ($121)濃香豚骨魚介沾麵金獎炸雞三田特制拉麵 ($84)芝士年糕 ($38)鋪頭嘅沾麵真係好出色，湯底好濃稠味道亦都好足夠，有好重嘅豬骨味，就咁飲落去都已經好正🤤🤤(不過唔係鍾意重口味嘅就唔好咁做🤣)湯底嘅溫度唔係話好熱嘅個一種，而係一上枱就啱啱好嘅，如果過左陣凍左嘅話亦都可以叫店員整返熱佢(呢個服務好好😍)而沾麵嘅麵質都幾煙靭，亦都係好掛湯嘅，即使係冇湯但啲麵都唔會話一pat咁黐埋一舊，好容易就夾到🤓而比較起嚟，拉麵就算係清淡啲嗰一種，要讚嘅就係佢嘅叉燒，咬落口好淋，脂肪嘅比例都好好唔會太過肥膩。如果叉燒可以再厚多少少就會更加好🤩🤩另外再叫多咗一份芝士年糕🫢一上枱面就記住要即刻食，因為即刻就會感受到半融嘅芝士係中間流出嚟，加上年糕嘅口感真係好豐富，值得推介俾大家試吓😚👍🏻評分：9/10

今次嚟到日本過江龍的三田製麵所，喺日本這間餐廳非常多分店。亦獲得不少好評。今次嚟到香港銅鑼灣分店食，今次係嚟食晚餐去到餐廳已經排長龍非常多人，但係我今次自己一個人嚟比較快有位置坐，餐廳整體環境不錯比較寬敞唔會太逼。呢間餐廳主打係沾麵，我就普普通通叫一個沾面，我鍾意啲面系凍嘅所以就叫咗凍面沾麵湯嘅部分非常濃郁，比較有少少鹹。唔建議直接飲用。建議點湯來吃，點樣湯嘅面味道啱啱好容易落口而且湯點完亦都可以免費添加！炸雞方面做得非常好，落粉嘅分量啱啱好唔會太厚完全啱我口味非常推薦總括而言呢間餐廳非常值得去試👍👍

好鍾意食沾麵嘅我一直都係三田嘅忠粉，仲記得當年香港店第一日開業排咗成個鐘先有得食。雖然而家想食拉麵有好多選擇，但三田多年來水準穩定，所以久唔久都會去食。最愛佢招牌濃厚豚骨魚介沾麵，次次都係食佢。而且麵有得揀size，大盛都唔使加錢，有成足足450g咁多，一定食得飽（圖中前面係中350g，後面係大450g）湯底用豬骨、雞骨同大量蔬菜熬煮12小時，再加入特製魚介高湯造出濃厚湯底。湯底夠濃郁但唔會太鹹，加埋魚介粉令魚乾鮮味更突出自家製粗麵條口感煙韌もちもち，就咁食帶微微小麥香，掛湯效果出色叉燒唔係用腩肉比較瘦，怕肥嘅我食得開心味道清淡蘸沾汁食就啱晒除咗原味沾麵，炸雞都係必食！自家製唐揚炸雞單點一份有五件，新鮮炸起表面酥脆，內裡多汁總括嚟講食物質素高，份量多而且價錢抵食。餐廳環境企理乾淨，座位唔會太逼坐得舒服。

好耐冇食沾麵呀，放工想食個快晚餐，經過銅鑼灣登龍街的三田製麵所，記得佢地既拉麵、沾麵質素唔錯，好多人食幾受歡迎，門口一路keep住好多人排隊。<三田特製拉麵> $94拉麵配料有豚肉﹑筍乾﹑洋蔥粒﹑蔥粒，豚肉切成薄片，軟身質地軟腍，味道唔會好鹹，脂肪比例剛好，主要賣點喺湯底運用咗大量既雞骨、豬骨、蔬菜、仲有魚介等落去熬製。整體以豬骨味為主，麵中既生洋蔥粒喺精華所在，湯底飲落唔會膩。<辛辣濃香豚骨魚介沾麵> $88沾麵大中小份都可喺同價，亦可以選擇冷麵或熱麵～我一向鍾意冷麵，比較彈牙啊嘛。麵質比拉麵更為粗身，夾起麵條，沾上豚骨魚介濃湯，咬落去口感煙韌+掛汁。香濃魚介味，胡椒味重，沾麵同樣配上叉燒、半熟溏心蛋及荀乾蒽粒，辛辣惹味唔會好辣，夏日大熱天時食更為開胃。