月詠

Open Now

Now Closed

復活節假期最後一日，同朋友去咗奧海城 theSky睇忍忍忍者亂太郎劇場版毒菇城乜乜乜，支持吓嘉禾大銀幕戲院嘛。套戲都幾得意，忍蛋新丁繼續為食攪到我睇完套戲都即刻想搵野食，咁啱戲院隔離有間「月詠」日本拉麵店，裝潢以木為主配黑灰色系格調十足，決定入去試試。睇睇餐牌，選擇唔多，於是嗌咗《檸檬牛油雞白湯拉麵》，《 原味雞白湯拉麵》和《月詠炸雞》，8分鐘左右，香噴噴嘅拉麵送到面前。首先個奶白色湯底打到起哂泡上面仲放咗塊「牛油」已經夠特別，飲落去味道非常濃郁唔油膩帶少少甜味少少芝麻味完全唔似一般雞湯令我幾Surprise；D拉麵係全麥麵小彈牙幾獨特；3塊雞胸肉處理得幾好唔太嚡；溏心蛋好流心；D蔥好香原來係來自京都的九條蔥，食材真係唔惹少。再講份炸雞，炸得外脆內嫩爆肉汁，大大舊味道唔錯$68算係咁。後記：由於個湯底實在幾特別，所以問咗待應姐姐有關資料，原來佢個湯底係用日本雞肉高溫熬到奶白色的，冇加其他配料或人工調味料，唔怪得咁濃味咁飽肚啦。

這是日本拉麵店在香港開設的分店。最近，店家在做白雞湯拉麵買一送一的推廣。我很喜歡白雞湯，覺得這種湯頭沒有豬骨湯那麼油膩。這店的白雞湯香濃而不油膩，非常美味。每碗拉麵有慢煮雞胸叉燒兩片和糖心蛋一隻，雞肉雖是雞胸，但非常嫩滑，溏心蛋的生熟度也控制得很好，唯一美中不足的是拉麵的麵質比較軟，我是比較喜歡Q彈一點的麵質的。現在這拉麵買一送一，人均只是$53，實在十分超值。我們還點了一客魚餅，這魚餅不但份量少，味道也很一般，卻要$48 ，我覺得有點不值。

🍜 輕食晚餐 @ 月詠 午餐食得飽飽地，所以夜晚諗住輕食啲，就去咗奧運嘅月詠。見到佢哋嘅鹿兒島雞白湯拉麵有買一送一優惠，即刻入去試吓！整體體驗好滿意，湯底濃郁，拉麵彈牙，係一個好舒服嘅晚餐選擇。ଘ(੭*ˊᵕˋ)੭* ੈ♡‧₊˚ଘ(੭*ˊᵕˋ)੭* ੈ♡‧₊˚🍲 原味雞白湯拉麵 湯底好濃郁，雞味鮮甜，而且有滿滿嘅泡沫，睇得出好用心熬製，完全唔會膩。拉麵用咗全麥麵，口感好有咬口，彈牙得嚟又唔會太硬，同濃郁嘅湯底好夾。雞肉雖然用咗雞胸肉，但一啲都唔嚡，反而好嫩滑，吸收晒湯底嘅精華，好好味！流心蛋亦都係亮點，蛋黃流心，蛋白滑溜，調味恰到好處，為成碗拉麵加分。ଘ(੭*ˊᵕˋ)੭* ੈ♡‧₊˚ଘ(੭*ˊᵕˋ)੭* ੈ♡‧₊˚🌟 月詠嘅雞白湯拉麵真係好出色，湯底濃郁鮮甜，拉麵彈牙，雞肉嫩滑，流心蛋亦都好好味。加上買一送一嘅優惠，性價比超高！如果你鍾意濃郁嘅拉麵，呢間絕對值得一試～

本身對拉麵有一定要求，但喺香港亦唔會有太大期望。今日黎到，「月詠拉麵」奧海城。簡單叫左$98 檸檬牛油雞白湯拉麵🍜麵底：全麥麵。份量口感所有正常湯底：夠熱，入口有陣，味精湯既甜味，之後有罐頭蘑菇湯既回味。 雞叉燒：薄薄的慢煮雞胸，有雞味，夠滑溏心鹵蛋：有原隻開半，熟度剛好，鹵味可以再濃啲Overall: 真係一般貨色，未能感受到日本「過江龍」對拉麵既誠意同溫度🫢有機會其他店排隊既話，呢度唔洗排會入黎。

平時以為這間店比較冷清，原來晚市都很多人來吃火窩。原本我單拖晚餐，快食不會寫食評，點知原來這個拉麵真不錯，都係要動手寫。我討厭只得個咸字的垃麵，檸檬牛油雞湯拉麵，湯底適中，帶有雞肉的甜，檸檬我很喜歡，甚至咬一口檸檬喝一口湯，配料葱，溏心蛋及雞肉很高質素，吃到一半我才發現了瓶白松露油，我好像吃意粉加芝士粉的狂熱般加到拉麵，聞下才吃下去，感覺好像找到新大陸。雞皮餃子一客六件，比較特色亦很香。最緊要吃飽了，全身暖暖，但沒有一點"負擔"或罪惡感。

雞白湯，一黎到，見到D泡。店員話飲左湯先試左再落白機露油。湯一見好白好滑嘅感覺，第一啖試飲無乜味，再試一啖雞，係滑嘅，去晒皮嘅雞慢煮左一段長時間，所以滑得黎都保留到淡淡雞肉味。但一落白機露油，成年湯唔同左，強列建議輕輕諮一啖湯就直接倒一大湯匙白機露油提升個味嘅層次。麵條算爽口嘅，個流心蛋都係我最愛，夠流心，唔會得少少黃流，係成個黃都流心。個雞肉餃有驚喜，雖然食到雞皮，但都脆口皖以唔覺好漏好滯，但個雞肉餃值得一試，只係嫌佢炸嘢多左少少油，如師父再留意下呢一點，我可能會買coupon嫁。蔬菜魚餅，裡面有芝士，都幾好味，但應該同超巿買分別唔算大，尚可。呢個視乎自己喜好加，污係必食。

這個雞白湯拉麵湯底，一入口真的在心裡嘩了一聲，就某某罐頭的忌廉雞湯味！真的沒有更貼切的形容，也不需要更精細的形容！原價$88加一的話，這種味道未免太廉價。但今次有半價優惠係一試無妨。雞胸肉兩薄片不是slow cook那種，有少少乾但也可接受。味道當然是意料中地淡啦。糖心蛋反而幾好，真正流心，調味也剛好，與傾向西化的湯底沒有衝突。麥麵配搭也好，吃起來較清爽，平衡忌廉的奶味。整體不過不失，但日本拉麵湯底來說，這個不值正價價錢。小食炸雞幾大件厚實，但肉汁不夠。調味出奇地淡。爽著拉麵食淡一些反是好事，如果湯底更鮮濃的話。還是要去日本試試地道的雞白湯，印證一下日本人是否對某罐頭湯特別有情意結呢？！

每次收工同fd食飯通常都會揀旺角😂但今次我地轉場轉左去奧海城🤣鍾意食日式菜既我地緊係揀間日式餐廳啦。我地就叫左個二人餐，盡可能都叫d特別d既野食。芝麻醬拌青瓜雞叉燒：平時食拉麵配既叉燒都會有d肥，但雞叉燒就唔肥，配埋芝麻醬同青瓜一齊食，一啲油膩感都冇，又容易咬，再食多d都冇問題🤗鹿兒島月揚庵魚餅：有3隻味：原味，芝士，蔬菜。兩個人食啱啱好😆每隻味都可以食到。原汁原味，濃味d，健康d，一次過滿足哂你3個願望😁檸檬牛油雞白湯拉麵：一直都想係日本食雞白湯拉麵。冇諗過去咗咁多次日本，一次都冇食過😂結果第一次竟然係香港食，雖然今次配埋檸檬牛油，但個湯真係好soft，檸檬可以中和牛油嘅油膩感，油得黎又帶出清新，味道冇得彈☺️ 平時好少飲湯底嘅我，今次都飲咗一大半🤣雞叉燒嘅軟硬程度都整到啱啱好👍雞白湯咖喱拉麵：濃郁嘅咖喱湯底，對比檸檬牛油湯底有好大分別。不過都好好味。抹茶生朱古力：係自家製的🥰鍾意甜品既我真係好滿足，唔會死甜，抹茶同朱古力各自既味道都平衡得好😋想一食再食～套餐當然唔少得野飲啦～

過江龍🌜月詠🌛TSUKIYOMI TORI-SOBA。月よみ 鶏そば今日去左來自日本鹿兒島。月詠雞白湯麵專門店，這間也是第一間海外分店🍜檸檬牛油雞白湯拉麵🍋🐓(附雞胸叉燒及溏心蛋🥚) $98湯底將蛋白，奶油和雞湯打成豐厚泡沫，加上檸檬清新酸味 和牛油 🧈感覺特別全新口味😋配菜有溏心蛋🥚。雞胸叉燒，使用日本國產雞肉和低溫慢煮烹調，可保持雞肉滑嫩，口感柔軟👍▫️▫️▫️▫️▫️▫️▫️▫️▫️▫️▫️▫️🍜鹿兒島魚餅雞汁冷麵(香港限定) $118 套餐加小食和茶 🍵加$20冷麵併上京都九條葱，鮮檸檬🍋和酸酸甜甜伴汁吃起來好醒胃👍配菜有溏心蛋🥚，雞胸叉燒 和 鹿兒島魚餅，魚餅甜甜地好有魚香味。小食有青瓜 🥒，雞胸叉燒和魚餅▫️▫️▫️▫️▫️▫️▫️▫️▫️▫️▫️▫️店舖裝修設計也帶鹿兒島店的風格，採用好多天然原木，好有大自然日系風格 😊📍大角咀海庭道18號奧海城二期1樓146A號舖

是日去咗月詠食雞白湯拉麵，店舖已開始有聖誕氣氛，貼有唔少聖誕裝飾叫咗雞胗同原味雞白湯拉麵，湯底話係鹿兒島直送，比起一般嘅雞白湯無咁膩，雞肉亦嫩滑，麵係全麥麵，但感覺偏幼，我個人覺得一般般反而有驚喜嘅係雞胗，幾彈牙一試便可

平時食拉麵多數揀豬骨湯拉麵, 今日經過奧海城, 見到呢間拉麵店標榜雞白湯拉麵, 門口電視播放緊煮麵的過程, 話係來自鹿兒島的日本過江龍, 好似幾吸引, 即管入去試下. 朋友食「原味雞白湯拉麵」, 我就揀咗香港店限定的「鹿兒島魚餅雞汁冷麵」, 起初見到個碗咁大, 好似好少嘢食咁, 所以追加咗兩個小食, 點知原來個碗好深的, 有好多麵和好多配料, 最後係眼闊肚窄, 食唔晒. 碗麵入面有成隻溏心蛋, 一開二, 流心的蛋黃味道濃郁, 另外有兩塊魚餅, 一大片雞柳, 三片檸檬和一大堆蔥絲, 麵底有啲雞汁, 全部撈勻先食, 咸咸地酸酸地, 好開胃, 魚餅彈牙, 夠實淨, 唔會淋 pat pat, 片雞胸肉大大塊, 好似 slow cook 的質感, 都好滑. 小食選擇方面大部份都係炸物, 食拉麵一定要配餃子, 但係呢度既餃子同其他拉麵店好唔同, 呢個係雞皮餃子, 幾特別, 啖啖肉, 好香口, $48 有五件. 另外叫咗炸魷魚圈, 有小小炸過火, 但味道不錯, 魷魚亦彈牙, 香脆可口. 店舖座位唔算迫, 坐得幾舒服, 乾淨企理, 收費中規中矩, 拉麵 $88 起, 可以再來.

最近到了奧海城的月夜軒,嘗試咗佢哋既檸檬牛油雞白湯拉麵 感覺相當不俗。湯底味道鮮甜清爽,飽含雞湯精華。麵條QQ彈牙,吸附住湯汁。而其中軟嫩多汁的雞肉,更是點睛之筆,令整碗拉麵層次豐富、滋味十足。我特別欣賞佢哋採用新鮮的蔬菜配料,如翠綠的芝麻葉,不但增加色彩,更為這道經典日式拉麵注入別樣風味。環境方面,月夜軒雖然不算奢華,但裝修溫馨舒適,氣氛悠閒惬意。服務員也非常殷勤周到,讓我用餐感受良好。總括而言,月夜軒的雞湯拉麵實在是一道驚喜之作,不僅填飽肚子,更能滿足味蕾。下次來到奧海城,我一定會再光顧,希望能發掘更多此等佳餚。

之前有聽聞過奧海城開咗呢間鹿兒島過江龍🇯🇵，主打雞白湯麵🐓，嗰時已經心思思想過去試吓但一直都無機會，上兩星期咁啱去嗰頭探朋友，就提議不如一齊去試試。以木色為主調嘅餐廳設計就最得朋友歡心，因為佢真係一個木系粉絲。餐廳有個二人set menu，最後我哋都係揀咗散叫，當然唔少得order埋suntory啦 🍺我揀咗「檸檬牛油雞白湯拉麵」，因為加檸檬🍋嘅熱湯麵唔太成日食到，朋友就叫咗「擔擔雞湯拉麵」。個雞白湯有種綿密嘅口感，加咗牛油令到個湯更濃郁，但檸檬又增添咗啲清新感，成個combination都幾match，唔錯唔錯。朋友個擔擔雞湯拉麵有微微辣感，味道比白湯再濃厚啲，啱晒重口味嘅人。呢度嘅叉燒係用雞肉整嘅，食之前我哋都有concern會唔會好乾好「鞋」，點知一咬落去有驚喜，係好軟腍的，我哋兩個清晒👍🏼 麵底唔係一般嘅拉麵，係全麥麵，同自己講又再健康啲🤣我哋仲叫咗啲小食一齊share，有雞皮餃子、炸雞同魚餅，一致認為個炸雞腌製得非常出色，鹹中帶微甜，如果唔係太飽真係想order多碟，等下次拉第二位密友嚟食過先。

約咗好耐冇見嘅中同re-u，見呢度做緊秋季promotion就去試吓😋一坐低太肚餓，就二話不說嗌咗個雞皮餃子食住先，雞皮炸到脆卜卜，入邊包住啲雞肉同椰菜，熱辣辣幾香口。跟住一齊嗌咗個二人餐，揀咗兩款唔同嘅湯底share，第一款穩穩陣陣就揀咗個原雞白湯，係好溫和嘅雞湯味同埋第一次食到咁多泡泡嘅拉麵湯底，好似飲緊Cappuccino咁幾得意。第二款湯揀咗檸檬牛油雞白湯，喺原本個雞湯底上面加咗幾塊檸檬同埋牛油，撈埋一齊濃得來又有少少清新嘅感覺，就算我平時唔係食得太重口味，但飲多幾啖湯都冇問題。尤其是呢排天氣開始涼涼哋，飲返啖暖笠笠嘅湯就啱曬。跟餐有兩款小食，炸雞味道都正正常常，炸得都幾脆得嚟啲肉又唔會好乾；個雞叉燒伴青瓜加咗啲甜甜地嘅芝麻醬撈埋，食完晒咁多樣濃味野之後，慢慢夾嚟咬吓，消下濟都幾正。最後個甜品係自家製抹茶生朱古力，朱古力味好香又唔會話好死甜，本螞蟻人表示approved 😌🙏🏻

本身都想嚟試但新開時日日排隊見過咗一排同老公夾岩時間就去呢間拉麵話係主打無添加、無添精、無添激素試咗佢個signature雞白湯再加個辛味擔擔拉麵小食叫咗雞皮餃子 + 黑酢伴炸雞雞白湯幾啱我呢個大肚婆好神奇湯底有好多泡泡口感好得意雞肉叉燒好滑同埋愛吃蔥的人最欣賞佢個京都九條蔥🤣食完又真係唔口渴有D surprise~我老公就中意辛辣濃少少🌶️仲有流心蛋~ 至於個炸雞炸得好出色配埋少少黑酢好開胃好好味雞皮餃子脆卜卜，我地都好中意店員超nice好細心見到我大肚就安排卡位 + 自動比杯暖水我呢個服務態度都真係💯