東方小祇園齋菜

Open Now

Now Closed

I went there with two locals on a Sunday evening - very spontaneously. At first we thought we get seated down at the normal Store/Restaurant but then the server showed us the way up to another seating area (there are stairs outside the restaurant, so u exit the restaurant and enter the building again next to the place to walk up to the first floor). It was quite busy (18:30) and we were happy we actually got seated immediately because after a while people had to wait for getting seated. The menu

每年農曆新年去呢到買豆沙角已成為習慣,前兩年買不到,今年專登早上去,終於買到了!豆沙角依舊好吃,服務員姨姨也很親切,但那位企檔的叔叔就......我同佢講"唔該我要一斤豆沙角",佢用凶狠的眼神望住我兼回我一句"咩呀???"語氣同態度都十分差,有待改善,希望下年再去買時唔駛對住佢/佢改好左啦哈哈....

今次聚會咁啱喺舊曆十五,朋友提議不如食齋,所以要搵定一間就早啲book 定位服務員大多數都是上左年紀,但很親切,知道我地第一次來食就推介左幾款必食嘅菜.翡翠法輪卷,香荔酥卷,齋鹵味.......香荔酥卷,賣相好吸引喺用腐皮包住芋頭茸,炸得很鬆化,一點油膩感都無.再沾上酸甜汁,好醒胃好好味翡翠法輪卷,用腐皮包住髮菜,金菇,紅蘿蔔粒,生菜墊底再用蠔油勾芡,味道好清新齋鹵味,有叉燒,酸齋,鴨腎,份量十足,酸齋特別好食粟米粥都幾足料....就不過不失....豉椒腰花炒河,炒得好惹味,用菇做成嘅腰花非常爽口福建炒飯,材料十足,炒到乾濕度啱啱好

記得還是細路的時候，「齋舖」不是常去的地方，是有特別日子才會光顧的；還有那裡會看到的佛像和聽到的誦經錄音，令我覺得那是很有「神秘感」的地方。去年上半年開始吃素，突然之間常常上網找素食餐廳，和朋友多數去新派的西式素食店舖，但自己吃，或者和母親大人吃，還是喜歡老式的齋厨。臨近春節，要和媽媽辦年貨，又懷念起傳統素食店的齋菜，於是一起又到這老字號光顧。沒有來一段日子，門口和內部都裝修過了，感覺光亮了。我和媽媽最愛吃齋鹵味，和錦鹵炒麵；加上一個餐牌上排得美美的羅漢如意卷，吃得滿足又盡興。服務一貫的親切，味道一的合意，加上懷念的感覺，是十分快慰的飲食經驗。

以前係灣仔返工偶然會到這兒吃午飯，昨晚路過這一間老店突然有想食齋菜的衝動，就係因為呢一個衝動而吃了一頓美味的晚餐😋先講講這兒沒硬銷的前菜😁，沒有華麗的裝修而是平常不過的裝修但座位都坐得舒服只是有某些枱與枱的距離就比較近一些😅服務員雖然都已經上了年紀但態度親切依舊如以往一樣，因為晚餐時間多半是熟客來吃晚飯，如果太多個良好他們也不會再回頭吃吧所以值得一讚👍🏼👍🏼我們叫了一個細嘅齋滷味、一個紅燒豆腐、一個藜麥米錦繡蛋炒飯。三樣都非常好食尤其個炒飯😝👍🏼 這二不失為一個晚飯時的好選擇。

今日朋友想食素食，本想帶佢去試新式素菜，但佢好似想試舊式料理多點，所以決定這間。今次點了三個素菜：這三個素菜都算熱門。其實有想過要套餐，但套餐一點都唔吸引，還比較貴，所以決定散叫。芋頭魚剛炸好，很香口、很脆，當然都超熱氣。素曼魚一直係本人至愛，這次炸得很平均，唔會好似上次光顧一樣散曬，但味道唔夠濃，曼魚汁唔夠多、只是感到食一大堆腐皮，這個希望會改善。最後那個滷味拼盤，本人覺得非常差，一點都唔入味，其實滷味最緊要就係個汁，一點味道都無，真係無意思，我地因爲只有兩位，所以只叫兩個白飯就算，沒有試炒飯和炒麵，不過這樣簡單一餐都很開心。職員態度尚可，可能因為當日工作量唔算大。

今日去開灣仔....晏晝想食餐素食....甘啱係軒尼詩附近.... 就揀咗呢間懷舊素食店...東方小衹園...我相信你間素食店係灣仔都屹立好長時間....佢亦都係一間比較懷舊嘅素食店....而且裏面嘅侍應哥哥通常都係上咗年紀嘅叔叔....但係見佢哋同客人都好熟絡.... 可能呢啲就係難得一見嘅人情味其實餐牌都唔係有好多特色野....但係都叫做多選擇我叫左呢個菜遠素肉炒麵其實未到就唔係好有驚喜...而且仲有少少油膩...不過喺度食就食佢哋嘅人情味.....因為依家懷舊認識嘅素食店已經買少見少啦都值得支持下嘅

天氣熱無咩胃口，試下食齋清d。齋舖地下係做外賣，樓上先係堂食。上到去有空大榙，細榙暫時要等，我地前面仲有三張榙等，有人已經等到唔耐煩走左。終於有位，坐到去叫開茶，我地叫普洱同滾水。個阿姐好嬲咁叫出黎，得普洱，無茶壺牙🙄佢一路講一路行開左，而家係自己屋企咩😑野食就一般，相對上d齋好貴，低成本製作。同埋長期被阿姐黑面對待，我地坐埋邊既真係叫天不應叫地不聞。自問都唔係無禮貌同無笑容，但食完呢餐勁受氣，以後都唔會再黎！

忙碌的工作，相約同事晚飯暢談一番，舒解一下工作壓力。同事想吃清淡一點，就想到了食齋，不約而同，大家都想吃一些比較傳統的齋菜，就想到了東方小祇園。一坐低，少不了的就一定是齋鹵味！😋😋😋是我們的至愛！主食我們點了三樣：頭漿炒河粉，法海蒲團，五柳仙斑。齋鹵味仍然保持水準！👍🏻👍🏻👍🏻我們本來想叫一個大的齋鹵味，因為太愛吃，但待應叔叔叫我們叫小的就可以，因為我們只是三個人。十分體貼！🤣🤣見到法海蒲團個髮菜，鋪天蓋地的把整個冬瓜莆都蓋過了，喜愛髮菜個我暗地裏很開心。😆😆😝😝豆漿河粉的味道是可以的，但我偏愛濃味的五柳仙斑。😋😋仙斑的造型很可愛！是，是炸芋蓉，很香，很好味！只可惜五柳汁太細碟，要再向待應索取。😆😆

第一代齋菜店有濃濃的佛教色彩，由店名已反映出來。祇讀奇，是指神；祇園是佛祖講道的園地。此齋舖有112年歷史，最有價值是霓虹招牌的書法字體。樓上的格局，服務和食物性價比都不敢恭維，獨愛樓下的外賣部。農曆新年前，買年貨的人把店前弄到水洩不通。口碑最好是甜酸齋，銷路好，常保持微熱的，不會太酸，開胃醒神。價格便宜，11元有半小碗，可作街頭小食。如買一盒，可考慮併豉油，咖哩齋，只需33元，便可加一碟餸。我推薦併齋燒鵝，說明要多汁，甜酸齋醮汁後起了變化，味道更多層次。齋燒鵝有咬口，16元有大半小碗。汁有微辣，銷路居第二位。如想豐富一些，建議點齋燒鴨，是一大片的，皮頗脆，店員會剪成長條形，醮齋燒鵝汁液很好味。冷門選擇是蒝荽餅，即中國草餅，綠色，7元一個，無餡料的。懷舊的選擇是棋子餅，即縮水月餅，椰絲餡料較特別，4·5元一個。外賣飯麵賣36元，羅漢齋飯較好；羅漢是指初級品位的神，數量多，所以泛指雜齋。至於南乳齋則指媽媽，婆婆煮的那種。粟米粥18元一碗。

星期日同阿媽跟好姊妹一齊要佈道會，我們在中場休息的兩小時去咗食這間的素食作晚餐。我們叫咗3樣餸：芋頭魚，豆漿竹笙豆腐麵，咕嚕肉我們最愛芋頭魚，好香又好食 好多芋頭。豆腐麵好特別 好彈牙 又有菜圍在碟邊咕嚕肉是用素雞 這個反而無特別 味道普通 但開胃 有菠蘿

欖菜菇粒炒飯，嘩﹗完全改變了我對齋菜既觀感呢。估唔到無肉的全齋炒飯都可以咁香、咁有鑊氣架喎 ﹗飯粒乾爽飽滿嚥韌一粒粒，撈上菇粒飯香十足，濃郁料味香而不濁，還散發陣陣蛋香添。好食到一路食一路讚，真心好好味呀 ﹗炒功了得，非常有水準。一碟炒飯 $68 蚊，物有所值 ﹗難怪得樓面班阿姐阿嬏一幅唔憂做咀臉啦，服務態度極雖要改善。等位食客排晒長龍、外賣食客人頭擁擁，太誇張喇麻。先返公司，後回會展，逢旨買外賣。去完再興燒味再到東方小祇，唔洗食會展劣質飯盒真的太高興喇 ﹗

先看日曆, 今天不是齋期, 比較容易有位, 我和朋友決定今晚去灣仔區的 東方小祇園齋菜館 吃晚餐.這餐廳地下是小食外賣部, 餐廳設在二樓, 要行一層樓梯上去.面積不算大, 樓底也不高, 座位一般.  特別是店員很多, 大約有5 ~6位在樓面, 服務態度頗好, 点菜埋單特別快. (普遍食店只會有 2~3 個伙計. 因工資高啊)這間歷史悠久的素菜館, 食物款式很多.  客人看彩圖更方便選擇,價錢適中.水滾茶靚, 並備有濕的抹手紙, 很細心.我們点了:  酥炸双拚:   香荔酥卷/大明蝦  $85-    擺碟賣相不錯,  令人食指大動.    香荔酥卷 -  腐皮卷外皮炸得香脆,  内饀芋頭鬆軟, 入口即化, 酥炸大明蝦 - 外皮夠脆, 口感理想.羅漢齋炒麵  $95-材料豐富, 有雲耳、豆腐、粟米筍、草菇、紅蘿蔔、麪根、小白菜等, 調味很好, 不太鹹, 炒得乾爽.  炒麪很脆, 麪質感優.  好滿意.又有備浙醋, 更添好味.要吃有質素的齋菜, 去歷史悠久的素菜館, 一定正確.

很久沒有吃過齋菜了，經常行過這間東方小祇園，但都沒有衝動入去。那天感覺肚子有些滯，我便提議到這間老字號吃一餐齋菜。齋鹵味拼盤整個拼盤有八種不同的齋鹵味，但只有三至四樣比較好吃，有些鹵得不夠入味，但酸齋、咖哩齋和齋雞粒都很好吃。豆腐竹笙撈豆腐麵（$90）看見餐牌，寫著豆腐麵，好似很特別，於是便試試，但上枱後，麺質一點也不似豆腐，於是問侍應，這個麵是否豆腐做的，他說這只是一般刀削麵，所以我覺得有點誤導。其實個麺的整體味道都不錯，湯底是用豆漿做的，幾清淡的。羅漢齋飯（$72）羅漢齋味道都幾好，很入味。粟米菇粒粥（$43/碗）粟米菇粒粥就一般般，但清淸腸胃也不錯。

自從之前係大澳試完之後，就一直想試試灣仔呢間，但食素既朋友唔多，今日朋友竟然主動提出更係唔放過呢個千載難逢既機會！餐廳係第二層，要行一層樓梯先見到。lunch time通常都坐無虛席，但人數唔多的話通常等一陣就有位中式菜館的裝潢，大部份都係中年人，可能有部分健康考慮的因素吧黑松露十分足料，素肉味道同真肉無分別，令我一度向朋友質疑呢間係咪真係素食店。配料有火腿，炒蛋，青菜粒，豆同埋蝦肉，每樣分量都好平均唔會比某一種配料霸佔炒飯味道，真正配得上「錦繡」二字呢道菜唔記得左全名，好似叫三笙xx,味道都好好，通常有茨汁浸既菜味道會偏鹹，但呢道菜就唔會，燴得好入味埋單每人約140，其實食剩好多，下次黎會考慮淨叫一碟炒飯兩個人share!