通達食店

Open Now

Now Closed

每次一支公出旺角食飯，第一時間都會諗起花園街的羅坤發麵家的油渣麵……自從羅坤發結業後，試咗好多間食油渣麵的店，只有對面街通達的油渣麵最有油渣的香味同咬口，而且油渣麵的配料，如冬菇絲，辣菜脯等也相當惹味……喜歡油渣麵的朋友絕對值得一試，仲有記得落order時可以要求多d油渣…

位置旺角嘅「通達食店」，真係可以話係我由細食到大。以前中學，成日同同學仔去花園街買衫，經過親都必然會入去食番串辣魚蛋、碗仔翅，有時仲會整番碗豬油渣麵。人大左，咁高膽固醇嘅野，真係唔敢成日食。但係越唔健康嘅野，偏偏越好食。三個月無食過，今日同同事食飯，終於忍唔住提出想食，同事竟然話OK。招牌豬油渣麵 $36每次食材都會放得好靚，好有色彩。材料有冬菇絲、火腿絲、豬油渣仲有我覺得同樣係主角嘅辣菜圃。冬菇絲、火腿絲份量正常，豬油渣有4-5件，炸到有少少脆口，食落很爽口。不得不提佢嘅辣菜圃，激讚~ 我自己就勁鍾意，浸落個湯度，個湯變得辣辣地，菜圃又爽脆，今成碗麵加晒分~

自細就係旺角通既我，最好食既魚蛋，就自然係呢到10蚊有6粒，係旺角黎講唔算貴魚蛋夠哂彈牙，而重點係辣汁非一般不過，今次黎食，魚蛋雖然同以前一樣但辣汁好似無咁入味，可能係岩岩落，有點兒可惜另外，佢既碗仔翅都好正，夠稠身

搭完地鐵到達油蔴地, 有D餓意, 醒起mtr碧街A出口有間名叫通達食店, 於是走過去。ㄧ坐低叫咗碗油渣麵同ㄧ串魚旦, 食落無以前咁好味, D麺有少少硬, 同埋D魚旦又過淋, 好彩D咖喱汁幾好味。

兩間通達食店，都係覺得花園街個間最好食！😍佢既招牌油渣面 hkd34 😳佢啲菜寶辣係辣，但真係好頂癮！熱辣辣食真係👍🏿啲冬菇好入味✨加埋火腿幾夾既～好大碗！食得辣既一定要試😃另外佢既炸魚餅hkd17蚊😳有3大塊！油係油架啦😂但愈油既野愈好味😏佢啲魚餅炸到好煙un好有咬口😍重點係一啲都唔腥！加埋啲是油好好食😭必食呀呀呀✋🏿

當天獨自在旺角遊走，走到太子的花園街時驟覺肚餓了。但獨自一人也不想吃得太飽，只想找個地方坐下，吃點小食便好了，隨即便想到了在附近的通達-店內人流不少，既有堂食也有外賣食物方面既可單點也可散叫那就先有一個魚肉翅配凍檸茶，然後再來一份腸粉（走甜醬辣醬）吧魚肉翅有著通達的特色正方形魚肉，翅的配料也算不少凍檸茶就正常水準腸粉是小妹的至愛，而通達的腸粉尚算滑溜，偏愛店内的姐姐每次下麻醬和芝麻都很重手通達可算是我從小吃到大的小食店之一，所以即使他味道不是特別好，價錢又不是特別便宜。不過，有時亦會偶而光顧，也許在吃食物的同時也是在吃回憶罷了-香港一向被譽為美食天堂，近年的旺角、太子更引入更多世界各地的地道小食，中日泰意印美星韓日法俄，林林總總，可算是包羅萬有。好奇的試過、嘗過後，並沒有令我貪新忘舊，反之還是覺得港式的小吃最合我心，最是吃得滋味自在

一串魚蛋都要$10的年代百物騰貴,而家掃街都一D都唔平行行下街口痕想食下魚蛋我見呢間都幾多人排隊應該唔會差得去邊,差唔到排到我先發現原來要成$10蚊一串但係排左咁耐先走有D唔好意思所以我就買左2串,試下佢D魚蛋係咪真係$10既質素佢兩串魚蛋係用碗裝住的應該係怕D汁滴到周地都係吧魚蛋係大粒既,而且都算幾彈牙我嗌左小辣, 辣味都幾重下老實說魚蛋質素只係一般, SIZE就算大既不過又未做到爽口彈牙既不過D汁搭救 叫做不過不失不過你話值唔值呢個價就真係見仁見智

今日行開去旺角做野，見肚餓就一路行一路搵野食。經過呢間見有位坐，就諗都唔諗行左入去坐底。平時好少有食腸粉魚旦既地方有位坐，呢間有梗係舒舒服服甘坐底食啦。叫左魚旦腸粉食，但無人地講到甘好食囉，連同枱對情侶都話唔好食。腸粉同魚旦好明顯係成品，唔係自己整，會有幾好食丫。腸粉皮厚又少許硬身，要點好多醬汁麻醉自己食落肚先得。魚旦都街邊既一樣。勝在夠平又有位坐。不過我諗讚佢既大多都係國內遊客，又或者佢地以前好食d,出左名就退步啦。

係樓上返part time ，夜晚肚餓就落樓下買野食。眼見都裝修比較簡單，見到無咩人食，就try下會唔會伏啦！叫左碗招牌油渣麵，辣味好正，偏重口味多d，不過就有啲鹹。 餐牌有啲污糟，油渣太肥，冇咩口感，有辣菜譜，似係狗仔粉d fd。 都ok，賣31蚊。

我們旺角花園街食完格仔餅之後，再過隔離店「通達食店」買咖哩魚蛋食！他們嘅咖哩魚蛋好爽口彈牙，食到有魚肉嘅鮮味，咖哩嘅味道非常惹味濃郁，醬汁嘅濃稠度調教得恰到好處，唔會好稀，而且有啲香甜味，真係好好味呀！

一個人出開旺角整野 突然想到食油渣面 以前中學時成日行花園街 都會去食 食下食下油20蚊碗左右到宜家$34 一碗都會去 碗面大至上無咩變呀 面底一樣 湯底充滿麻油香 冬菇絲 火腿絲 全部一樣 唯獨我覺得菜脯比以前辣 將菜脯浸埋落湯 成碗面變左 少少辣 （我食唔到好辣） 加$9要枝豆漿吧 我諗下次去要叫佢少菜脯😂😂😂 有時去食 也許係想食番以前既感覺 😊

一個人係旺角行完街。食個快飯。煩惱緊食咩之時。經過見到我好中意嘅糯米飯。當然食返碗啦。$24 有蔥，蝦米，花生。糯米飯都算多。已經唔會太硬。不過略嫌蔥少左啲。如果多啲蔥會更香。

太耐冇食通達食店，很懷念舊時味道，就特登去食。一黎就叫左 { 生菜魚肉 }通達既生菜魚肉湯，將啲魚肉切成粒狀，好適合細嘴既人，好方便進口。一碗滿滿既魚肉爽甜彈牙，配上麻油湯底，正。但，已加價加到不貼地。一碗生菜魚肉竟然要索價$25另外，叫左 { 煎炸韭菜餃子}煎炸韭菜餃子落左好多油，建議大家放一陣先。煎炸韭菜餃子炸得香脆可口，食落脆卜卜，一碟有6隻韭菜餃，餃子皮同餃子餡適中，點上醬汁就更好味。環境就一般，細細間，需要搭抬。員工多以中年姐姐為主，態度好好，但說話大聲。同朋友食飯，環境略嫌嘈。

實在太耐太耐冇食過生菜魚肉喇！旺角通達既生菜魚肉湯係我既最愛❣魚肉切成丁粒狀，口感彈牙。加上濃濃麻油味既湯底，真係食過番尋味！但應該加左味精，所以先咁好味！食完都會幾口渴！$25一碗，魚肉同生菜份量少，實施物非所值！偶爾吃一次就好了！

每次經過花園街都係幫襯通達既油渣麵材料係非常豐富!望見都會覺好飽個種佢成個面既顏色好多色彩入面係有豬油渣,冬茹絲,火腿同埋辣菜脯豬油渣食落很爽口,炸得少少脆口,呢個我只比合格,因為覺得唔夠脆正既豬油渣應該係內脆內淋,但係成碗麵咁多料係加分!