十二味 (LADDER Dundas) (Closed)

一直都是川菜的粉絲 十二味更是我最常回頭的川菜館 抵食又好味 不論是午餐還是晚餐 都十分推薦 💜人見人愛酸菜魚毫無疑問是他們的招牌菜 魚肉非常嫩滑 湯底酸辣開胃 唔會死辣 仲有配料萵筍芽菜同寬粉 完全吸收湯嘅精華正！ 🤎霸王辣子雞是有骨的雞肉 雞肉比想像中少 不過炸得很脆口 味道非常香辣 整體都不錯 送飯一流 🧡超級推薦佢哋嘅皮蛋！用咗黃色嘅皮蛋 很少見 蛋黃流心 好香濃嘅皮蛋味 調味酸酸甜甜 真係必試之選 旺角分店嘅樓面不太大 所以都需要等位 但啲姐姐都好好 會比定餐牌我哋睇 態度都非常友善總結：8.5/10

人見人愛酸菜魚（4/5）呢個酸菜魚唔錯，叫咗小辣，啲魚冇骨夠晒滑，一食咗就好似停唔到咁係咁食，不過就覺得佢個味淡咗少少最佳拍檔寬粉（5/5）個人來講好鍾意寬粉，用來配酸菜魚非常夾，煙煙韌韌，好有口感霸王辣子雞（3/5）雞的份量有點少，而且有骨，大部份都是辣椒，味道不錯，好食的乾煸四季豆（4/5）味道幾好，不過佢有啲麻辣，我自己就鍾意辣但係唔鍾意麻嘅感覺蔥油拌麵（2/5）味道不錯的，不過就有點油膩幺妹兒冰粉（4.5/5）這個解辣一流！甜甜嘅冰粉有一種冰涼嘅感覺，好好食！不過甜度就甜咗少少，整體不錯的！可以試吓桂花冰釀（2/5）好淡，不過都飲到少少桂花味，我就唔太鍾意因為太淡

星期日呢度都有午市套餐，2個主菜加上飯跟飲料，合起來先HK$138。份量超大，性價比高！！我哋叫左份水煮魚、同香辣鍋加上牛肉。水煮魚： 無骨，肉質嫩嫩的。裡面仲有芽菜、薯粉等配菜，超豐富。經典香辣鍋：蔬菜跟肉片都超多，裡面的炒蓮藕，也特別可口😋😋店舖有貼心既🐼口罩紙套送，會再Revisit！------------------------------【地址】🏡：旺角彌敦道575號LADDER Dundas 2樓。

忽然好想食酸菜魚，網上睇話呢間有一人份酸菜魚， 一於來試下啦！午餐都有 A-K款選擇， 最貴嘅係酸菜魚$68， 但係都抵食嘅， 因為大約都有十件魚， 湯底有萵筍，菇，酸菜， 跟埋前菜、白飯、飲品添。不過除咗午餐仲有其他散叫選擇嘅。我來呢度嘅目標係酸菜魚，就梗係叫咗個酸菜魚午餐啦，個酸辣湯底味道都👌🏻，酸辣度對我來講就剛剛好。可能係下午兩點，客不多，可以一個人靜靜地慢慢嘆午餐，而樓面得兩個人，不過都冇乜問題。

#十二味功夫 一直都好掛住大陸啲#酸菜魚 同埋#乾鍋 咁岩朋友介紹呢間店🤤一於買外賣返去試下🤓叫左：香辣乾鍋💕配料揀左雞軟骨、豬大腸、牛肉、蓮藕&田雞（家人食😅）比左兩大盒我😍份量好多，夠香夠辣所有配料都好惹味！最愛雞軟骨☺️人見人愛酸菜魚💕一樣係比左兩大碗我😏魚塊完全冇骨，好滑，份量都幾多！湯底夠酸，都幾夠辣（冇得揀辣度）我最鍾意食酸菜🤣夠哂酸同爽口！咕嚕肉💕純粹鍾意食先叫😛份量都幾多，咕嚕肉唔會柴！好味紅糖糍粑💕外脆內軟，食落非常甜，我好鍾意😍總括黎講，呢間真係好高質，而且價錢唔貴！味道同大陸食既真係有9成相似！返唔到大陸，食下呢間過下癮都唔錯😋我用外賣平台外賣自取優惠埋單$4594個大人食都食唔哂🤣以上只係個人食評感受💕🏡店舖：十二味功夫📍地址：旺角彌敦道575號LADDER Dundas 2樓 🍚類型：川菜☎️電話：57401605*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*5個🌟滿分賣相：🌟🌟🌟味道：🌟🌟🌟🌟驚喜：🌟🌟🌟🌟🌟回購：🌟🌟🌟🌟服務：🌟🌟🌟🌟🌟拎外賣時職員好友善，有笑容我18:30拎外賣，當時禁堂食（21年2月尾）我見職員仲好勤力

今日訂了一張6位枱，入坐時間6:45 分，在今天大約六點收到通知用餐時間九十分鐘，在六時四十五分到達目的地，現場人頭湧湧，向服務員講述已訂咗，回覆訂咗枱都係要等.比張紙寫住排第四張，當時已經七點了，現場未見會有六人枱會走，唔係繼續等呀，真心失望

上次去赫德道分店吃lunch ，因太滋味吃了一半才記得拍照，今次來旺角分店，決不會犯同一個錯誤，於是早早拿出電話來，一上菜就讓相機先食。今次點了乾煸四季豆，及鮮菌爆牛肉。牛肉除了個別一兩塊較硬，其餘都大致OK，很入味嫰滑，菇片也夠厚有口感。乾煸四季豆簡直不得了，麻辣到飛天，當一口咬下那顆香料時，舌尖麻得一陣陣! 絕對適合嗜辣一族來挑戰。兩味菜都真正做到色香味俱全，服務方面都OK，阿姐會在斟水時，主動聊兩句，給人印象不錯。

星期五嘅晚上 口痕好想食酸菜魚咁今次我哋二人黎到旺角覓食搵到呢一間酸菜魚過嚟試試因為今次得兩個人 我哋就叫咗一個人見人愛酸菜魚加寬粉 同埋一個土豆絲涼拌菜人見人愛酸菜魚加上寬粉真係人氣配搭寬粉加上酸菜魚嘅湯 真係非常滋味酸菜魚魚肉好滑 小辣亦都唔會好辣魚嘅份量亦都唔少 我哋兩個人食好足夠酸菜配合埋魚真係冇得頂 令人回味而土豆絲涼拌菜味道比較普通 下一次會再試其他小菜本身都好想試埋麻辣香鍋 但今次只有兩個人食唔晒 下次多啲人再試埋先得！

天氣冷，就想食辣暖暖身😛所以去左食川菜又去酸菜魚😂今次去食十二味功夫，午餐好抵呀！🔹酸菜魚 $68有辣有不辣，湯底好夠酸味，但再辣多少少就好了，撈飯好好味呀！好多塊魚、無魚骨、魚肉好滑😍好抵食呀！但湯撈飯撈到最底既湯，味道好酸🤣🔸麻辣香鍋 +牛肉 $68就是辣椒炒油麥菜、薯仔片、蓮藕、雲耳，所以要自行加牛肉（+$10），否則就是「素菜」😀 我覺得只是少少辣，純粹用辣椒炒，普普通通，但不差。比起來，食酸菜魚是首選😂🔹蜜瓜牛奶，好好飲，不會太甜，我覺得應該無落糖👍🏻蜜瓜味好自然。（跟餐+$10）

因為太掛住大陸既酸菜魚物色左香港兩間比較出名既酸菜魚唔係十二就係十三🙈十二味位於商廈入面差啲行過龍午市人唔多set lunch包一個餸一碗飯一杯熱飲同朋友叫左一份辣一份唔辣酸菜魚set lunch.辣果份辣味唔算太勁，朋友能吃辣覺得唔算辣。本人不能吃辣也覺得一般辣。//餐牌係過左膠，用marker筆寫係上面落單/魚肉滑，冇咩骨，夾上黎唔會碎，湯底香，酸菜唔會太酸好食，配料都多，整體而言係好食，但未到好出色，送飯一流，份量都好多。依個價錢都值得黎食。/店鋪後樓梯有一洗手間🚻。

天氣凍冰冰，就好想食熱辣辣或者超級辣嘅嘢去到平衡一下。夜麻麻自己一個走咗去食麻辣干鍋，諗起都覺得有少少痴線。一個人，都唔知食咩好，最後揀咗要乾鍋，咩都可以自由配搭。梗係要揀蓮藕、肥牛、豬頸肉同埋鮮腐竹啦！蓮藕嘅爽口，鮮腐竹嘅吸汁，仲有肥牛同豬頸肉沾上充滿麻香嘅辣油，送飯一流！不過有少少睇高左自己，以為咁嘅份量，都可以一個人食晒。點知原來係唔得嘅😂打包左返去屋企，最後都要分兩餐食先食得晒。咁嘅價錢，咁嘅質素，咁嘅份量，我覺得非常之抵

中午剛好在旺角，天氣轉冷，朋友提議去吃川菜刺激一下。十二味，功夫在香港有好多連鎖店，是港式新派中國風川菜廳，環境寬敞舒適。有十多款午市套餐選擇。套餐跟有白飯和餐飲，麻辣香鍋夠香夠辣夠重味，加上田雞好大盤，配有蓮藕、木耳、油麥菜、薯仔片等幾足料，田雞外脆內嫩，非常香口，蓮藕和薯仔片入哂味好下飯。招牌菜夫妻肺片：有牛肚、牛舌、牛肉，牛肚彈牙爽口，牛舌和牛肉入味有咬口，微辣，我不能吃太辣的我也可以接受。十二味的味道：辣而不辛，麻而不嗆，是非常正宗地道的川菜。

自己平時都好少食四川菜，但放工經過呢度，就上嚟試一試。呢間嘅價錢唔算特別平，所以我淨係叫一個前菜、一碟炒飯同埋一個飲品就算。前菜我叫咗呢度嘅涼拌土豆絲，涼拌土豆絲係辣嘅，下面有唔少辣油，鍾意食辣嘅朋友應該都幾開心，土豆絲切得好幼，都幾好食。之後我哋就照左呢度嘅暗然銷魂炒飯，$78，嚟到嘅時候份量比我想像中大碟，足夠一個半人食，裏面加咗辣椒，麻麻辣辣的，配料方面就用咗雜豆去炒，食完之後都幾想飲可樂😂一場黎到，我就係咁呢度嘅特色飲品，我揀咗桂花冰雕，嚟到嘅時候細細支，再俾咗個細隻杯仔，花雕第一下係米同埋桂花，飲落嘅時候唔會太嗆口，甜甜淡淡的，幾唔錯。用嚟解辣嘅話真係一流。

這間十二味功夫餐牌好像有點不同，感覺跟吃過的十二味有點不一樣。不過酸菜魚是一樣好吃，人見人愛酸菜魚，酸菜爽口開胃、魚肉嫩滑、湯頭鮮甜， 每次吃都很有水準，而且餸飯一流😻🍚其實除了酸菜和魚以外，其他配料像萵筍、秀珍菇也很好吃😋既酸辣又開胃的湯，直接喝或當做湯飯也好吃😋清炒萵筍絲爽脆清甜，緩和一下濃味的酸菜魚吃一碗「幺妹兒冰粉」作結，冰粉甜而不膩，晶凝通透的冰粉像透明啫喱般，看得見冰粉內有桂花，伴有桂花蜜糖，清涼可口👌☺️

有日工作晚了到附近吃晚飯，在旺區中的彌敦道LADDER Dundas 中有間《十二味功夫》即使時間有點晚，這裡人流暢旺，約坐40人小編還等了一陣子！ 地方開揚，防疫如量體溫、隔板也做足。 餐牌上有小菜、乾鍋、小食等等，而我點選了 魚香茄子飯、100% 椰青水及白飯～味道濃烈，茄子惹野熱騰騰香噴噴的餸菜上枱了！ 多汁外覲又不錯～ 茄子🍆份量對女仔可能還有點多 😂 服務員態度友善也很專業，旺區中價錢也貼地。後來發現同名原來紅磡也有分店～～