十二味 (LADDER Dundas) (Closed)

去屋企人同男朋友去旺角買野我話想食川菜 佢地二話不說陪我去食即刻上網睇下附近有咩四川菜最後就揀咗呢間麻辣鍋 加牛肉呢個係午市餐 麻辣鍋入邊有蓮藕 薯仔 油麥菜 木耳 可以選擇加雞翼同牛肉 我地揀左牛肉 跟餐配白飯同埋一杯嘢飲 呢個係媽咪叫 佢見到隔離枱食話好似幾好食就叫黎試下😂媽咪本身唔係一個太食得辣嘅人但佢都食到呢個 唔好見佢好似好多燈籠椒就好辣但其實個辣度都可以接受到 所有配料都炒得好入味 不錯不錯酸菜魚加寬粉因為我地四個人都想食酸菜魚 所以叫咗一份大既如果唔多人一齊食 午餐都可以叫一份細既酸菜魚我地叫咗小辣 對於我鍾意食辣既人黎講會吾夠喉如果鍾意食辣可以試下叫辣啲魚肉好嫩滑 入面好多酸菜好正 寬粉吸收晒個湯 夠入味好食最驚喜係酸菜魚鍋入邊有落埋萵筍！麻辣口水雞 (午市餐)口水雞啲肉好滑 但係唔夠辣 我諗可能係因為我地同左店員講酸菜魚要小辣所以就連口水雞都小辣埋60蚊黎講 都算抵食唔怪之得餐廳都坐滿人四川回鍋肉男朋友係一個超級鍾意食回鍋肉嘅人呢到用尖椒韭菜炒 回鍋肉份量都算多不過回鍋肉口感唔係特別好好 所以男朋友都覺得呢個一般總括嚟講 餐廳食物唔算貴 而且份量都可以接受突然口痕

十二味功夫午市超抵食酸菜魚套餐都只係$68份量十足，魚片滑嫩無骨酸菜同湯底都好惹味，個湯系用豬骨及鱸魚骨熬成濃湯，用嚟撈飯不得了麻辣香鍋可以自己選擇配料，我就揀咗油麥菜，金菇，鮮腐竹，寛粉，滷水肥腸。香辣鍋底，辣而不麻。而且我地叫既餸都好易入味，佢個香辣味真係越食越過癮。份量超多！涼菜拍青瓜就唔辣既，酸酸地加上蒜味好開胃蜜瓜牛奶，好解辣，而且不是假甜既蜜瓜味，好好飲，不過就細杯左小小午市好抵食，人唔多環境不錯，唔會好噪。

午市去到七成滿座，鋪頭唔大，但環境座位都算舒服，午市最平$58一個餐，算幾平喎。前菜叫左個拍青瓜原來唔辣既，系蒜蓉味，清爽都幾開胃。夏天最啱食乙麻辣香鍋自己選擇配料，最小要揀五樣，揀咗油麥菜，金菇，鮮腐竹，寛粉，滷水肥腸。香辣鍋底，辣而不麻。而且我地叫既餸都好易入味，肥腸仲要干炒過，脆皮，香辣味好過癮。幾個人食一鍋都夠，份量十足！酸菜魚套餐係$68，好大碗份量夠兩個人食，跟埋白飯同餐飲。魚片滑嫩無骨酸菜好惹味咸酸味岩岩好個湯系用豬骨及鱸魚骨熬成濃湯，難怪十分香。

之前行街街想試十二味功夫，奈何太多人。唯有放棄啦… 但又加強決心下次去試試.. 上網一睇... 原來都幾多分店... 而其中一間仲旺角.. 甘方便，無奶油唔try try … 今次我就打電話去book 定位一上去... 好旺場坐滿曬人，book 左都好都等左一陣。一路等一路聞到香噴噴麻辣味,聞到已經吞口水。本身想order 酸菜魚《推介的》，但份量好似好大，我地怕食唔曬。。 最後試左炸子雞同炸大腸。其實2碟配料都好相似, 又麻又辣，好開胃。辣得有層次，但食得多，真係有d熱氣。不過大大碟，呢個價錢食到呢個質素，無疑性價比係高.相比下，我比較愛吃炸大腸，一來呢道菜出面少有d啦～ 2來炸子雞炸太細粒，又有點乾身《by the way, 我有點後悔無叫到酸菜魚😅😅, 因為枱枱都order 😫😫》

有邊個同小我一樣都係無辣不歡嘅先🥵🌶-🍴人見人愛酸菜魚($208) + 寬粉 ($20)食唔到好辣嘅朋友可以由酸菜魚入手 呢個酸菜魚嘅辣到相對比較溫和 反而酸味好突出 越食越開胃😋 最驚喜嘅係佢上面有啲炸蒜同炸雞髀菇 係估唔到同酸菜魚咁㗎~ 另外魚下面亦都有好多萵筍同埋酸菜 食極都食唔完🤪Rating:7️⃣/🔟-🍴夫妻肺片($68)食內臟嘅朋友一定唔可以錯過呢度餸 有牛肚牛展同埋豬脷 內臟滷得好入味 再加埋辣油、香料、花生同埋芫荽 食落超惹味 💦 Rating:9️⃣/🔟-🍴涼拌土豆絲 ($38)呢個涼菜睇得出師傅刀工好好 每條土豆絲粗幼相若 而且煮得啱啱好 好爽脆🤟🏻 但係相對地比較油 怕肥嘅朋友就要諗清楚啦Rating:6️⃣/🔟

平時甚少食四川嘢，因怕太辣。今日跟同事去了一間樓上舖，環境不錯。午市套餐有多款，價錢是合理的，誰知一上枱，嚇得我眼儍，好大碟，餸料咁多，超級抵食啊！酸菜魚套餐 $68一片片魚塊，起碼有十多片，非常嫩滑，完全冇骨放心食。配菜有萵筍，鹹菜，菇，辣椒，好豐富。初初的幾口酸味重啲，慢慢辣味漸濃，又酸又辣，惹味十足。大熱天時都喜歡食啲凍嘢，冰粉最佳甜品。晶瑩剔透，甜度適中，散發著桂花香，還有葡提子乾增加口感，清涼透心！

今日午餐去咗十二味，呢度係食四川菜嘅，所以呢有好多嘢都落好多辣椒，鍾意食辣嘢嘅人就最啱黎呢度食飯。叫咗兩份午餐，嗌咗個兩隻辣椒程度嘅水煮魚： 水煮魚有魚肉，有闊條河粉，闊條河粉煙煙靭靭，仲要係好超好食，佢嘅湯可以嚟撈飯食，飲一口， 你會即刻大嗌超好飲， 魚肉嘅肉質超正，十分足料。嗌咗個蔥油拌麵， 蔥油拌麵麵質煙煙靭靭， 醬汁濃郁，仲好香㖭，呢個係素食嘅麵。跟套餐配咗杯酸梅湯同埋菊花蜜， 食辣嘢飲杯凍冰冰嘅嘢飲就最啱。嗌咗個小食蒜泥青瓜 ，蒜泥超級香濃，青瓜超級爽口，食到停唔到口。另外嗌多杯熱情果梳打，呢杯熱情果梳打好大杯，好足料，好好飲。

午餐黎食，發現呢度嘅嘢食唔算貴，一個普通嘅午餐，大約60幾蚊，而且午餐免+1 ，我自己食咗個酸菜肥牛肉麵，份量比我想像中大，一碗應該可以夠兩個人食，再加埋其他前菜，例如酸辣木耳，就非常惹味。佢嘅麵條🍝非常粗，亦都好有口感，配埋一個非常濃烈的酸菜湯，成碗面就好開胃，而且肥牛份量亦都好多，可以邊食麵邊食肥牛，絕對唔驚唔夠肥牛食，好好。飲品方面我叫咗個蜜瓜牛奶，雖然佢嘅蜜瓜唔係鮮榨，但作為一個夏天飲品，絕對非常解渴同埋透心涼。之後我再叫咗個甜品，紅糖糍粑，糍粑軟綿綿，而且一大堆紅糖在表面，好甜好好食。最後我在叫咗個桂花冰釀，亦都係我食川菜嘅新嘗試，起初我仲以為係好濃烈嘅白酒，但原來係非常清新嘅桂花味要配上香甜米酒，只有甜味，沒有酒味，令我飲得好𣈱快。

今日出左旺角行街，順便試下一直好想食既十二味功夫（皆因我老死食過 話好正！）今日一試 已想再試 點左一個酸菜魚，已經係大大盤👍🏻好多我最中意食既酸菜，魚滑又冇骨 有少少花椒香味 。再搵埋佢d湯撈飯一流👍🏻另外點左個大盤花草（辣）有些肉一齊炒 幾香🍽 然後點左杯蜜瓜奶飲 唔會好甜 ❤️ 正！我係一個酸菜熱愛者 下次一定要再捧場👍🏻

無諗過5點幾到已經有兩枱食緊嘢👀我哋叫咗佢嘅招聘酸菜魚🐟，好快10分鐘已經上菜，因為嗰面有一層油，所以唔會擺一陣就凍，keep住食都暖暖哋以200幾蚊價錢，個酸菜魚分量正常，不過酸菜味唔算出，好彩d配料加咗好多分，尤其記得一定一定要加20蚊配寬粉！！！😍個寬粉吸曬湯汁嘅精華，越食越入味，超好味！成餐係咁食！另一個驚喜係d菇同炸蒜🧄🍄，個菇脆口得嚟好入味，而個蒜配埋魚一齊食好夾，夠曬香口梗係要加多份紅糖糍粑做甜品喇😈💗，表面炸到好金黃，外脆內軟，本身帶少少甜味，如果本身好甜或者重口味嘅，仲可以連埋配嘅大量紅糖同黃豆粉一齊食，個人就覺得紅糖個味夾d最後提提大家如果想食嘅話就早d book位或者早少少去，我哋走嘅時候6點幾已經full咗7成，可能遲多少少將要等下先有得入座

很愛食川菜，在旺角行街，見到這個跟著樓形高度的獨特電子招牌"十二味功夫" 非常矚目"，所以今日的晚餐當然選擇了食川菜十二味。裝飾新潮中帶著古雅，令人感覺舒適。menu有較多的選擇。I揀了2個最具川味的菜式，夫妻肺片及水煮牛肉。夫妻肺片$68夫妻肺片有牛及金錢肚，見到面上有芫茜及芝麻，碟邊有一圈的誘人的川式紅油，口感帶點煙韌及爽，麻中帶辣的，非常的入味。水煮牛肉$148水煮牛肉，面上非常多的乾辣椒及有一粒粒的花椒，上枱已聞到一陣的香辣，麻中帶辣的，牛肉非常嫩滑，味道及口感都極佳，好味哦！！值得一讚的還有裏面的寛薯粉，煙煙靭靭的，吸收了牛肉的鮮味，麻辣又好味。

午餐想食下辣野，同同事到了Ladder的十二味功夫，新開的商廈（？）暫時只有三間食店進駐。兩點多才來，已過了繁忙時段不用等呢。店員告知餐廳三點落場，ok啦，反正lunch time也只有一小時。店很小，一出已經係坐位位置，香港嘛，也是沒辦法的啦，幸好樓底蠻高，沒有局促感。餐具很新淨，果然是新開的店。餐飲點了哈蜜牛奶＆菊花蜜，兩款都很甜，正好解辣，哈哈，而且夠冰凍，啱哂夏天飲。附送的前菜涼拌雲耳，酸酸的很開胃。自己點了泡椒嫩牛肉，餐牌上有兩只辣椒的，似乎係較辣的一款。牛肉跟配菜也很多，意外地大份量呢。牛肉如其名呢，真的很嫩滑，滿滿的辣椒味好正，一口接一口的吃不停呢。配菜有雲耳，芹菜，蒿荀等，吸了辣汁好正啊。同事點了麻辣香鍋（全素），同樣意外地大碟，滿滿一盤蔬菜。內裏有蓮藕，薯仔片，油麥菜，雲耳等，炒得很香口，爽口的蓮藕同軟綿綿的薯仔片帶來不同口感，略微不夠麻失色了點。個人覺得兩款菜都不夠辣，初哥辣度而已，但不嚐辣的同事就覺得啱啱好，是調節辣度去迎合香港人口味吧。

今日收工突然想食酸菜魚，所以就同男朋友去食，原本想食第二間，但我行錯路，行左上呢間，一坐低覺得唔對路，點解地方咁細嘅，之前在open rice睇介紹話地方好大，再望下個餐牌，點解唔同嘅，openriceD人介紹又話有2人、3人份量咖，點解呢度冇嘅？點知原來我去錯左地方🤣🤣！咁坐低左就照叫嘢食啦，因為男朋友唔食辣，所以叫左個唔辣嘅酸菜魚，叫多左個清炒萵筍絲同叫左個冰釀桂花露，個酸菜魚好大盆，而且我加左個水晶扁粉，內裏有小量菇類及䈑筍片，勁多酸菜，同比較油，但味道唔錯，清炒萵筍絲第一啖覺得味道偏淡，但越食越好味，果個桂花露好重桂花味，勁正👍👍環境迫左D，我見有人訂左位，但都冇枱比人

酸菜魚 $228+粉味道不錯，加配左個粉，不過魚嘅份量真係幾少，3個人食少少就無哂夫妻肺片 $68少少麻辣，味道唔錯涼拌皮蛋味道比較淡，唔太入味，可能我個人鍾意濃味啲紅糖糍粑 $48炸起就上菜，外脆內軟，仲熱辣辣，配上黃豆粉同黑糖漿，好食

環境方面...首先 樓上鋪..地方比想像中細... 要準備坐係lift隔離 。座位較少，預咗一定要搭檯食物方面，口水雞夠麻夠辣（辣度：小辣）但酸菜魚比較失望 唔夠辣 （食小辣嘅人都覺得唔辣）唔夠香 得個酸字..魚肉都少 淨係得面頭呢幾塊，下面攞咗一大舊酸菜鋪底，而且d酸菜又唔係話特別好食，就係周街都可以買到嘅酸菜味。lunch價錢正常70蚊度一個餸，包飯，一杯野飲。但份量方面我覺得真係有d少.. 男仔應該一個餐食唔飽。