十二味 (LADDER Dundas) (Closed)

我自己就未食過酸菜魚同干鍋 今次係第一次！我朋友就話麻麻地 大陸食會好食D🤣 但因為未食過就覺得都唔錯！味道唔濃 唔會太酸 魚肉都滑！啖啖肉！食干鍋我最鍾意食寬粉🤣朋友話佢唔夠乾身 味道似沙茶醬 口水雞 味道唔錯！雞肉嫩滑🤤反而一致好評係糍粑🤣真係好好食 外脆內軟👍🏻 而飲品 真係好大杯兩個人share 就好！

天氣開始凍，除咗打邊爐，食辣都係一個唔錯嘅選擇。講起辣，四川麻辣嘢當然係其中嘅代表，今次就去咗旺角嘅「十二味功夫」，呢間鋪頭唔算大，但人特別多，等嘅需要係LIFT門口排隊，侍應們有時都會經過呢條「通道」，所以有啲逼。最後等咗大約20分鐘就可以入座。等咗咁耐，當然要試呢間鋪頭嘅主打「人見人愛酸菜魚」+「寬粉」、除咗酸菜魚外，仲叫咗「招牌自選香鍋」及「紅糖糍粑」，而飲品就叫咗「桂花冰釀」。上菜時間都好快，而且好大碟！其實呢三款都夠3-5個人食！「人見人愛酸菜魚」，魚肉嫩滑無骨唔腥，湯底小辣夠麻，酸菜份量十足，味道出色！「寬粉」充分吸收湯汁，開胃！「招牌自選香鍋」，點咗小辣，無乜辣味，而且無乜麻味，不過就好香孜然味，而且勝在夠大份。「紅糖糍粑」，糍粑外脆內軟，紅糖重黑糖味，我覺得呢款菜色係必叫！「桂花冰釀」，個酒樽外型超級中國風，味道唔錯，而且有啲似「酒釀桂花丸子」入邊嘅糖水，不過份量偏少。總結，「人見人愛酸菜魚」同埋「紅糖糍粑」係必試，食得辣嘅最好叫少辣就唔係幾夠喉，其他嘢食有待之後挖掘。

又好掛住日日飛大陸食四川菜既日子，所以今晚放學就搵左十二味功夫試試佢！夜晚十點無乜人，兩個人但係就比最近lift口既位我哋吾比其他入面既位，每次開門關門都見到我哋食相，座位安排上可以更好🥺餐牌主要係香鍋為主，重有小小涼菜熱菜甜品，我哋兩個人叫一個香鍋都夠食經典香辣鍋 (中辣) $38 中辣對我嚟講已經好辣，因為人地正宗嘛！我男朋友辣到要過水先食到，我就ok 成個煲勁大完全足夠兩個人食 因為至少要嗌5款或以上既配菜 我哋嗌左娃娃菜🥬金針菇、寬粉🍜午餐肉🐖豬頸肉🍖就算係乾鍋無湯浸住，佢哋都勁香勁入味，入面重有好多麻椒、辣椒🌶️蒜頭🧄洋蔥🧅令到個味道昇華左，正😋熱情果蘇打 $28估吾到佢咁大杯！有成隻手掌咁高🤚味道都吾會太淡襯住香鍋就最岩👍🏻

受疫情影響，無得離港，實在太耐無北上食好西，終於比我發現呢度有正宗口味嘅川菜喇😍無辣不歡嘅我，一坐低就揀咗水煮魚，wow...勁大盆，啖啖魚肉好嫩滑，仲配埋薯粉，滿足哂我對川菜嘅要求。「麻辣香鍋」都好值得推介，店員一放低喺枱，未放入口已經陣陣香味，唔怪得叫香鍋啦...午餐時後段好抵食，多種素菜配料+$10仲有我至愛...田雞，炸到好香口。以前香港食川菜好貴，終於遇到呢間抵食又有質數，以後想食辣野，一定會再嚟...

今晚男朋友等我收工之後一齊出旺角搵野食，無辣不歡既兩個人又搵啲辣野食。上到去好彩岩岩好仲有位，見到隔離枱個干鍋已經流哂口水🤤同男朋友掙扎左一陣，諗緊食干鍋定係酸菜魚好，最後都係決定叫干鍋😂我地叫左個經典香辣鍋，一黎就試一試個中辣，呢度啲配菜選擇都好多，我哋叫咗鮮魷、肥牛、萵筍、寬粉、蓮藕片同埋鹵雞腳。大大盤干鍋，我地揀啲配菜全部都好索汁，所以食落都好入味，另外不得不讚個鹵雞腳，索哂個辣汁之餘，本身煮到夠淋，好好味😋😋最後食辣野一定要叫返支啤酒啤啤佢🤣平時對食無咩要求既男朋友都覺得下次要再encore👍🏻

自從上次試完十二味既酸菜魚魚一直好想試埋佢個香鍋🤤因為可以自選配料😻 又多選擇諗起都興奮🤣🤣十二味既香鍋秘製香油由大廚用十二種香料炒制而成🤤————————————————————————-💁🏻‍♀️招牌自選香鍋（秘製醬香鍋） $38 威威味蕾：👅👅👅👅👅👅👅👅（👍🏻=👅x 6-10👎🏻=👅x 1-5）一定要最少揀五款或以上配料✋🏻我地最後揀咗👇🏻👇🏻👇🏻👉🏻田雞$48👉🏻萵筍$26👉🏻娃娃菜$26👉🏻土豆$26👉🏻鮮魷$38炒出黎嘅份量超級多適合大概兩至三人份量😍我地已經冇嗌白飯🤣好適合吹水飲下野🤣咬下咬下好過癮🤣🤣🤣🤣加埋個味道都好夠味個土豆切成片狀 好林好入味田雞既肉質鮮甜 唔會炒到乾爭爭魷魚就好新鮮 咬落都係爽脆😚要再去幫襯先🥰下次要試埋麻辣味應該會更好味😍😍

原來㕵角開左十二味功夫😍😍一個人挑戰酸菜魚💛酸菜魚個盤勁大，起碼係3~4人分量，有得擇辣同晤辣，我今次擇左小辣，湯底係重點，小辣岩晒我口味，個湯酸酸辣辣，有陣陣蒜味，好開胃魚好滑，一啲都晤腥，好難得係香港食到啲禁滑嘅魚，正！成盤酸菜魚好多配菜，有萵筍，菇，勁多酸菜，食酸菜魚有呢d 配料無得輸😍同埋食完一啲都晤會口渴，真材實料👍🏻👍🏻待應姐姐們好有禮貌，值得一讚十二味幾時係沙田會開分店牙？期待中🤗🤗十二味功夫 (旺角)旺角彌敦道575號LADDER Dundas 2樓

呢間酸菜魚之前都有食過，今次係再番去食，因為上次食已經值得再食多次，而家想食酸菜魚都會黎呢間食多🤣🤣🤣我地兩個食唔算太餓所以就只係叫左兩樣野食過下口引😍😍😍人見人愛酸菜魚$208 一定要+$22寛粉，因為同酸菜魚好夾😋😋呢間既酸菜魚整到偏似大陸口味，所以係好食既😋魚肉好滑唔會腥但有少少泥味，酸菜辣辣地好好食😋😋入面仲有萵筍，連埋寛粉一齊食真係超好食😋油渣燴包菜-雖然佢有放辣椒🌶️但係唔辣既，好川菜風味😋😋一樣超好食😋😋

本身已經好鍾意食辣野，尤其鍾意食四川菜，好享受又香又辣又麻嘅感覺 😆今回試咗呢間十二味功夫四川菜，佢同另一間好出名嘅四川菜名字差唔多，菜單睇落有少少相似。川香回窩肉（$88）夠鑊氣，唔會過分辣，份量十足。葱油拌麪（$38）的麪夠爽口，又有咬勁！啲醬油值得一鑽！因為真係好好味！酸梅湯夠濃味，酸味和甜味剛剛好，襯托辣的食物啱啱好👍午市時間套餐抵食，以上嘅蔥油拌麵已經送前菜同飲品。仲有好多其他嘅選擇，下次會想試吓酸菜魚、口水雞同埋麻辣香鍋❤️餐廳環境乾淨企理，亦有可愛熊貓提示離開座位是要戴上口罩😷整體感覺良好👍👍👍十二味功夫📍 旺角彌敦道575號Ladder Dundas 2樓

《十二味功夫》🥢酸菜魚酸菜魚係我嘅all-time favourite，除咗酸菜湯底好味，起晒骨嘅魚片都係重點🤤魚片厚薄適中，其中一兩塊會有骨絲，不過大部份都係無骨㗎，魚片吸到酸菜味之餘又有口感，無得輸！最後再用酸菜湯撈飯食，好味到核爆🤤🤤.🥢麻辣香鍋呢味餸辣味較重，食落唔會太麻，炒得夠香、夠辣，切片薯仔入晒味，一啖接一啖令人停唔到口😍仲有加咗油麥菜，估唔到呢個煮法嘅油麥菜都好好食，辣得嚟又保留到油麥菜本身嗰種獨特嘅菜味，鍾意食辣嘢同香口嘢嘅朋友一定鍾意！.🔹🔸🔹🔸🔹🔸🔹🔸🔹🔸十二味功夫旺角彌敦道575號LADDER Dundas 2樓🔸🔹🔸🔹🔸🔹🔸🔹🔸🔹

聞說十二味呢間鋪頭專係食麻辣野，本身入到黎我都想試下麻辣野食，但由於一個人，好似叫一煲或者一碟野食，太過誇張。唔緊要，改食無辣食品，試下呢間野唔辣嘅野食見唔見得人都好。口痕想食香口野，叫左個咕嚕肉，再加個蔥油拌麵先。咕嚕肉比我想像中大碟，可能晚市緣故，成碟上係預share嘅，份量比較多，同lunch時間預一人份量唔同。咕嚕肉十分香口，配料亦都好足。至於蔥油拌麵，應該係京川滬菜系嘅常見菜式，做得都唔錯，呢個就真係一人份量喇，食完剛剛好嘅。

話等三張台又冇話拎飛 然後最後等勁耐浪費我時間都算。同佢講番問佢要拎飛咩就當我冇到 當聽唔到 好心服務態度咁差就唔好開鋪頭啦 忙我理解 但係點解可以冇諗過解決呢個問題😅😅

之前去過奧海城十二味, 食完印象深刻, 味道非常惹味😋😋, 唯獨抽氣系統超差👎, 煙霧瀰漫, 食完由頭至腳成身味. 所以今次試第二間分店-旺角十二味.未夠晚上6時已經入座, 席間已有幾檯客人進食中. 我們3人點菜如下:燒椒皮蛋:外相麻麻地, 味道怪怪地, 可以不叫酸菜魚加寬粉:味道可以, 辣度都不算太辣, 魚片肉質比較鞋, 應該煮過火, 幸好寬粉滑捋捋招牌自選香鍋:首先選擇鍋底, 有辣有唔辣. 配菜可自由選擇自己所想食的餸, 今次選擇花菜(椰菜花), 萵筍, 蓮藕, 午餐肉, 魚腐, 鮮腐竹, 豆皮&牛柏葉. 中辣🌶️🌶️味道還可以, 香辣惹味, 味道不會太鹹.總括來說, 本人覺得旺角店味道比奧海城店遜色. 店舖細細, 食到晚上7點多, 門口已經好多人排隊等位, 最好預先電話訂坐

朋友一直都想試吓旺角嘅十二味，平時好多人，諗住weekdays夜晚去試吓，希望唔使排隊，但係入到去發現平日都好滿人。．一坐低我哋二話不說就揀咗佢哋其中一碟招牌菜，唇齒留香水煮魚同埋回鍋肉。因為兩個人應該呢兩碟都好夠食☺️．個水煮魚一上枱已經覺得好大碟，睇圖都已經看到。最緊要食落去覺得好有親切咁，同埋魚質鮮滑，份量足夠兩個人嘅份量。有東粉同芽菜，材料豐富。．食四川菜，也不可以少了叫回鍋肉，我又炒得恰到好處又唔會太肥又唔會太瘦，個人唔係太食得辣，呢碟餸啱晒我。

今日行開旺角信和，見斜對面有間十二味功夫， 咁我都知道呢一間係食川菜嘅，咁自己都鍾意食辣咁就同朋友去試。唇齒留香水煮魚: 呢一條魚我覺得一上碟嘅時候 ，睇落都好似幾多料同辣，此餸有我最鍾意食嘅芽菜， 因為我嗌咗少辣，所以都唔算太辣，魚亦非常嫩滑食，到魚肉中有魚味， 魚亦切得適中， 魚肉滑易入口 ，湯易唔算太咸， 建議叫個飯餸條魚嚟食， 最後我食埋個飯，飲左成D湯。 因為本人真係好鍾意食水煮魚。 另外佢個透明粉都幾好食，煙煙靭靭咁樣其實我哋食完條魚再叫多個飯都已經飽，因為其實呢碟魚對我嚟講都算幾大碟， 所以如果大家鍾意食川菜或者鍾意食魚嘅朋友大家可以一試。