廿一由八 (Closed)

叫左柚子蝦意粉同凍檸茶意粉調味食落同出邊既意粉唔同但幾特別會想食哂佢鐘意食創新意粉會鐘意鐘意食傳統意粉可能就未必岩凍檸茶正正常常重點隻駐店肥貓好得意然後有得睇唔同木制品又可以睇到店主/員工製木過程都係一個特別既體驗

九月同十月某日，造訪了這間cafe。呢度大概係目前我最想用黎避世的一個地方。成間野都好多木材，因為有個區係做木工的工場黎佢地logo是小狐狸，每件家品都有一隻金色的作標記menu都有喔~同友人去個次叫了個truffle pasta 同一杯latte，同媽去個次叫左個墨西哥餅同是日甜品什麼apple乜乜乜味道是中上的，對有環境的cafe來說真的非常不錯! 只係香港人唔太習慣慢活, 而侍應亦誤會左慢活等如漏單同放凍哂咖啡先比人。-入面有隻好似煤碳屎鬼的貓貓，佢勁細膽lol 佢地定期會有workshop比人整木工家品的, 文青同有生活品味要求的人一定中意呢到。

我通常都食開味道比較濃嘅意粉(Carbonara)，比較少食啲冇醬/汁嘅意粉，因為我驚會無味😂😂😂今次呢個意粉雖然冇汁，但味道完全唔淡，而且仲好fresh！唔知係咪因為落咗西柚汁，所以令到個味好特別😋其實除咗西柚汁，意粉裡面都有少少西柚嘅果肉！意粉嘅調味真係幾正🥰至於啲蝦，佢地就好似張相咁咁大隻！除咗大隻，仲好新鮮好彈牙，完全唔係嗰啲急凍蝦嘅味道同質地🤣呢個意粉嘅味道真係幾正，幾fresh，不錯！

依間餐廳除左有得食野，仲有傢俬買，好似仲有個Workshop可以做木工添。不過食野位置好少，而且周末無得訂位，只可walk-in，我地果日就等左20-30分鐘左右。餐廳Menu會定期轉，所以每次黎食都好大機會可以試到唔同既野。望到個Menu覺得啲菜式都幾特別，不過都好驚個配搭會好怪會唔好食。🌱鯷魚乳酪青提扁意粉 $118依個意粉望落去好Fresh，就咁食啲意粉唔覺得有乳酪味，要配合埋鯷魚/ 青提/ 芝士先食得出有味。我覺得依個意炒配搭好奇怪，完全唔覺得好味，雖然配搭係新鮮，但係食落去好似幾件事分開曬咁，啲味好唔夾。🌱味增南瓜豬肉碎大碌竹意粉$128開頭睇個名完全估唔到咩叫大碌竹係咩意思，但係黎到見到個意粉好似四條水管合併一齊咁樣。個意粉皮好厚好韌，口感好差，個南瓜味好淡，雖然依個意粉配搭無咩大問題，但味道就十分一般。🌱大蝦牛油果卷餅 $78呢個卷餅入邊好足料，有幾隻大蝦，而牛油果同大蝦都好夾。加上卷餅個皮好薄唔會太厚，食落去整體唔錯。🌱 波爾多可麗露 $35本來想試其他蛋糕，但係發現賣相唔太吸引，最後就試左依個。可能因為冇特別期望，反而依個甜品有啲驚喜。睇落去似係蛋糕，但係切開發現個皮

12點半左右去到，lunch時間等左20分鐘位，見到咁多人黎食以為實冇死啦。🌝 Order咗2個lunch set，鯷魚乳酪青提扁意粉同埋南瓜豬肉大碌竹意粉，個餐跟沙律同飲品。沙律係完全冇heart，沙律醋比得果幾滴不如唔好比。扁意粉個味道普普通通，不過$118 呢但份量略嫌少咗啲。之後到個南瓜大碌竹意粉，個賣相影相打卡真係一流但係食落真係默默講粗口，請問個意粉有冇煮過?凍嘅?啲麵粉好似泥膠咁嘅質地🌚唔敢相信再食多下，哇，難食得好出色，真係冇下次。食左一排飲品未到問左一下，個職員同我講佢切緊檸檬🌝小姐，我叫左杯flat white同black tea請問檸檬係點樣㗎呢。我第一個响openrice嘅食評就比左你🌝食完心情太差忍唔住反映一下。

店:同woodshop+木家品陳列室結合嘅cafe角落。好台日木系嘅氛圍，十零個用餐位置，平日去都幾寧靜嘅店。食:Set lunch睇落都好特別, 我望完食客嘅大蝦意粉都估到佢7成咩味, 就決定試吓個南瓜味噌豬肉碎大碌竹, 再叫咗杯Dirty。咖啡幾好味, 嘢食個presentation都眼前一亮, 食吓個汁唔係好夠熱但味道係cafe嚟講唔錯嘅, 點知食阿大碌竹, 即係好粗釀咗嘢嘅管意粉, 就好失望啦。好硬好乾,唔係即煮, 有返叮叮乾水但唔夠熱嘅感覺, 好左佢有個南瓜汁, 乾中都叫有汁食得到。總結:你話好唔好食就真係好麻麻, 但外表就真係靚嘅, 連埋間鋪個氣氛, 女仔打卡係可以打一次嘅, 成間店嘅人都可能咁嘅心態。所以話, 淨咖啡唔錯, 但食埋嘢就眼飽胃都飽, 個心就唔飽唔滿足啦。

星期六2點幾，2位，等左大概15分鐘。用餐時間60分鐘，人齊入座。鋪位一半係木工房賣傢俬/飾品，用餐位置就係得咁多。其實係超級細。 鮮蝦西蘭花扁意粉配西柚汁｜$128(Set包咖啡/紅茶/檸檬水 同 沙律）大蝦不錯，算幾爽口，可惜麵條偏腍，沒有al dente，面頭配料和好多杏仁片，增加口感，西柚味欠奉，整體不過不失啦。鯷魚乳酪青提扁意粉｜$118抱住探險心態order鯷魚意粉，諗住會鹹魚咁鹹，點知同青提出奇地夾，加上面頭焦糖杏仁條，整體比大蝦意粉好食。同埋呢碟有cream sauce，冇咁乾。敗筆都係意粉太腍。黑醋沙律(跟餐)調味好重手，黑醋味太濃。Flat White(跟餐加$28)味道偏酸嘅咖啡。煙熏海鹽70%朱古力曲奇(3 pcs)｜$38朋友買咗呢個返去食，佢話味道同質地都麻麻，佢俾負皮，我無試到所以唔評論。麻薯提拉米蘇｜$38好甜好濕，我不喜歡。可能因為星期六，成間餐廳好迫好多人，同埋食到一半，後面張枱加咗位，我同後面嗰個人差唔多係背貼背咁坐，完全零social distance，感覺好差。文青cafe只係賣點，食物打卡一流，味道真係好一般。60分鐘就要交台，chill唔到

✨焦黑鯛魚配奶油檸檬米形麵雖然表面好似好濃，但其實好香口，入面肉質好細嫰，好鐘意。米形麵好得意，質感彈牙飽滿，細細粒好適合細嚼慢咬，個汁醒神開胃，但份量有啲少，食完唔太滿足。✨Single Original手沖咖啡好失望，好淡，相信係比例有啲錯，或者咖啡豆放太耐走哂味⋯⋯ 仲淡過Americano。✨Hojicha Latte焙茶味唔夠香，不過茶奶比例OK，中中挺挺。✨香梨薑黃吉士蛋糕個texture幾得意，唔係好軟淋淋嗰種，幾有顆粒感，薑黃嘅香氣都好特別，但有啲過甜，同埋糕體鬆散。✨可麗露質感唔錯，同埋雖然明白本身呢個甜品都係甜嘅，但係有啲甜得令人發膩。總括而言，呢度環境裝修係唔錯，隔離係傢俬舖，但餐廳座位唔多，唔可以話坐得好舒服；食物嚟講幾得意，鹹食幾好味，甜品就有啲過甜，咖啡質素亦有待提高。

«904»﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷味噌南瓜豬肉碎大碌竹意粉 $128▶鯷魚乳酪青提扁意粉 $118▷Latte +$28▶包飲品+意大利黑醋沙律呢間cafe聽咗個名聽咗幾年，仲要勁近以前返工嘅地方，終於有機會一試😂意粉嘅配搭好有特色，唔係常見款式，味噌南瓜豬肉碎大碌竹意粉其實就係千層麵🤡 南瓜同味噌有啲衝擊，第一啖食落覺得怪，但食食下又覺得ok最後食晒😂質感係cream cream地又有啖啖南瓜蓉，勁！飽！肚！杯啡都唔錯，仲有是日甜品好吸引但太飽食唔到了😗整體都坐得好舒服，環境好靚，好多花草木木，隔離仲有賣木製品同手工藝品，食完可以行埋添～💛﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣廿一由八觀塘鴻圖道59號鵬光大廈11樓

以食乜來講就真係一半半啊，不過環境，逛下街都可以嘅，主要都係木製家具，用品叫咗個柚子大蝦意粉，味道好清新，好有泰國嘅味道，有啲柚子，少少西蘭花，小小沙律菜，加咗檸檬皮，有一股夏日嘅感覺再叫咗麻薯Tiramisu，真係唔得，味道係可以嘅，但係個cream打得唔夠，可能又唔夠說得唔夠硬，好似啲溶咗嘅雪糕總括來講，服務係OK嘅，嘢食真係麻麻哋，非常整潔，如果假日，人都會比較多，晏晝午餐，都滿晒座如果路過，想去行吓，都唔錯

老闆姓黃，拆開就係「廿一由八」，真係幾有心思🥰呢到一半係賣木製傢俬，一半係café。傢俬就買唔起住，食住野先😂————————🔸牛油果大蝦卷 $78大蝦幾彈牙，同埋都幾多隻，加埋牛油果幾fresh!評分：🌕🌕🌕🌖🌑-🔸薑黃香梨吉士蛋糕 $42好好食🤩蛋糕外層加左燕麥(?)，焗到脆脆地，好香。入面既梨用薑黃煮過，少少甜而不膩。隔離仲配左檸檬醬，點埋黎食更加fresh! 唯一要彈既就係個蛋糕入面太鬆散，一liu就變哂蛋糕碎咁，但味道同外層口感係好正。評分：🌕🌕🌕🌕🌘-🔸Chocolate $42口感幾濃郁，似係溶左d原粒朱古力落去。但杯朱古力既味道好似苦版既金幣朱古力，好假既味道。。麻麻地😟評分：🌕🌑🌑🌑🌑-🔸Matcha Latte $42抹茶幾易入口，唔苦，飲落去幾順滑。因為我平時唔食抹茶，所以要求好低，我覺得ok😂評分：🌕🌕🌕🌖🌑

Girls’ talk 想搵個文青位hea下，而家觀塘有好多cafe，但爆多人。呢間成日都有人打咭，見好 feel, 今次就試下佢。Tiramisu👍🏻全店最出名係好似係佢🤔上面有 Mochi, 口感幾得意，幾好食。不過個 container 好似罐頭，同埋好膠咁🙈如果用質感好d既 container 會襯d，又環保d 唔洗即棄。大蝦意粉佢好多食物都整到好清新咁，但太特別有時好難幻想到係咩黎。呢個意粉可以，但唔特別。Dirty 都係中規中矩環境方面，因為疫情落哂膠隔板，感覺坐得有啲迫，但明明好多位。人都好多，唔算好 chill, 可能平日黎會好啲。服務方面，我地話想叫甜品但驚會賣哂，店員建議我地先落單👍🏻。另外，我朋友到先過我，入面好多位都唔俾佢入去坐。明白驚人 hea 太耐, 想到齊先俾人入，不過外面30 幾度，如果好多位既情況下，建議照俾人入去，可能佢會叫住野飲先，都係做緊生意呀🙈好彩門口有位坐住等，唔係真係熱死🥵

廿一由八，一間我幾年前一開店就黎過既咖啡店，有創意既店名一直留在我腦海中，原來店名既由來係因為三位老闆都姓黃，所以將廿、一、由、八分折，正正就係個黃字😜😜坐落於鴻圖道之中，在一眾工廠內的一間咖啡店，也是一間木製家私店，陳列品供客人參考及訂製，店裏好大，有製造工場、有傢俬陳列位置及咖啡店😚店裏播放著輕鬆的音樂，又有日光既照射，感覺好寫意呢🤩環境相當Cozy。透明的廚房，窗位置是咖啡☕️位置，客人可透過玻璃廚房看到蛋糕製造過程，還可以看到沖咖啡☕️呢，自助既茶水、餐具，放便客人取用😛廿一由八有不同的食物和飲品款式❤️咖啡香醇不苦澀，咖啡豆是哥倫比亞🇨🇴的單品咖啡☕️所以味道遍酸☕️ 咖啡味濃而且拉花有質感，飲落好幼滑☕️廿一由八地址：觀塘鴻圖道59號鵬光大廈11樓

木製傢私店Cafe 意大利芝士蛋糕Tiramisu $38有驚喜！入面加左少少麻薯，食落有口感，又唔會太甜，濃既芝士味。值得一試！熱情果茶 $35濃濃既熱情果味，唔係茶包沖出黎既淡淡感，有誠意，有真果味。焙茶Latte $42茶同咖嘛既苦澀味道，又帶點奶既香。幾特別。。📍坐位較少，只有張靠窗長枱，幾張枱，要搭枱或等位。

兩位姓黃嘅追夢者將「黃」字拆開四個部首 而命名 「廿一由八」, 相當有創意.店內所有嘅木具傢品全部都係人手製造, 嘆咖啡食cake嘅同時, 仲可以欣賞傢俱, 被木具包圍著, 真係好relax！ 如有興趣,仲可以訂造tim！.聽聞呢度嘅主廚係喺法國藍帶廚藝學院畢業，menu同甜點都係佢一手包辦, 細至曲奇, 小蛋糕, 都烤得恰到好處呈金黃色, 一D都唔馬虎, 好有heart.餐廳皇牌薑黃香梨吉士蛋糕 $42蛋糕口感鬆軟帶濕潤，十分creamy，配上用薑黃煮過嘅香梨片喺 中間，甜甜嘅梨子果肉，再加上自家製檸檬醬，好有咬口, 又有層次感.同樣受歡迎嘅有:草莓朱古力蛋糕 $32得番最後一件, lucky!!! lucky!!!草莓朱古力, 係我小時候好愛吃嘅朱古力, 但原來呢個組合整蛋糕都咁好食草莓香甜帶微微嘅酸味, 再加適量濃度嘅朱古力, 味道突出好清新, 又開胃, 明明係點俾媽咪食, 自己忍不住差點吃光haha .Hot Mocha $42咖啡味比朱古力味重, 唔太似mocha, 同埋呢隻咖啡豆帶微酸, 一般般.手沖咖啡 Laos咖啡豆 $32 平時習慣飲咖啡要落糖落奶, 喺無添加嘅情況