泰作

Open Now

Now Closed

青衣城曾經有過泰國菜，呢間算係新嘅，裝修幾靚。同一般泰式拼盤唔同，佢冇香葉包雞，換咗雞翼同埋炸到乾爭爭嘅雞肉燒賣其他蝦餅、魚餅味道相近，似炸完再炸，春卷就一般。味道偏甜，有椰香，餸飯、薄餅唔錯，如果有少少辣更好。以為好似餐牌相片用個大杯裝住，出來卻是一個類似烤魚的大盤，份量夠😂椰子味重，雞肉算滑，有大量菇類。其實唔差，但飲一碗就開始漏！雞湯加$25有一碗淨金邊粉，但遲遲未到。問一個侍應，原來佢唔識聽廣東話，只係攞咗啲調味料畀我。結果要再問另一個店員，佢話要時間煮，但上枱係凍咗結埋一嚿！當晚見餐廳有四個侍應，三男一女，其中兩個男嘅溝通唔知講乜嘢話，負責執枱。食物、服務都一般，好難吸引我嚟第二次呢

下午茶2個餐加配小食薯條豬頸肉，份量多過m記細薯小小。。。仲要係炸唔夠，上枱仲係淋身，豬頸肉就要讚，係幾好食嘅，起碼夠爽有口感，不過芒果沙冰連套餐都加3-40蚊會否過份了？同埋泰式奶茶一開始都預咗多冰，但個杯好細，200ml都唔知有冇，加十幾廿蚊飲幾啖。豬手海南雞飯唔好食，豬手炆唔夠，海南雞冇改刀，塊雞皮極厚。最後金邊粉就還好，建議落返多啲魚露，成碟得個甜味咁。。。埋單二百幾三百，我寧願去隔離食kfc。。唯一要讚下環境唔錯，而且服務都唔差，但唔會有下次，成餐飯好無奈，但又唔可以唔食

內容與描述嚴重不符佢個泰作豪華全日早餐 聲稱有「泰式土豆餅、茄汁豆、煎蛋、青芒果沙律、泰式辣肉碎配薄餅、泰式酸辣肉腸」但我食完個泰式土豆餅先發現唔對路 佢個所謂泰式都係普通廉價三角薯餅都算 青芒果沙律變左普通蕃茄沙律菜以為只係供貨不足換左其他野姐都都算（不過餐廳冇打黎提起過會換任何野）薄餅變左多士 冇肉碎 亦冇茄汁豆煎蛋變炒蛋 所謂酸辣肉腸 亦只係普通熱狗脆皮腸 完全冇酸辣味本來未試過泰式嘅all day breakfast好期待點知黎到變左西早 仲要係廉價果隻盛惠左我$106搵左平台跟進1月20到宜加終於有消息當然唔係餐廳主動回覆平台指負責人拒絕退款 但沒有提供原因有嘗試催促負責人提供相關回應但負責人不願意答覆不過其實由day one我都唔係想餐廳退款 畢竟都食左攞左禁耐只想要番個負責任及合理嘅解釋 道個歉都好但sorry係零囉唯有經一事長一智唔好再幫襯

好激氣！今日同媽咪兩個人食下午茶，本身下午茶餐包熱奶茶/咖啡，我哋點左熱奶茶，落單時職員再問我哋要咩野式奶茶，港式或泰式，然後我問有咩野分別，職員話泰式甜啲，就幫我哋落左單。俾錢時原來每杯加左$20！本身個下午茶餐都係$43，加左成50%，都無話俾我哋聽，然後收錢果個職員就話：我哋係無責任同你哋講架喎！但我哋有問有咩野分別喎！而且唔係加幾蚊！然後杯奶茶又唔係特別好飲或特別大杯！食到一吐氣！啲職員實在唔掂！仲有俾我哋睇果個餐牌係無寫到要加$20！

開咗一段時間先第一次食 間舖頭望落幾靚 但點知係嗰伏嘢食個賣相望落都okay 但點知原來係大伏個小食拼盤隻炸雞翼炸到岩岩慘慘 入面仲要係係未熟既 係明顯見到有粉紅色。。。。咁佢就換過第二碟就正常番少少個蝦棗仲離譜 第一碟小食拼盤發現係餿嘅 有同店員講 點知第二碟黎到都係餿既。。。無言 同左店員講希望佢地個日之後冇再出比客人啦冬陰功都唔好食 個味道勁奇怪 蝦醬炒飯同咖哩就正正常常 啲配料一般般 大蝦好似冇調味過 不過都係唔值呢個價錢 呢個價錢呢個質素真係 不可一 不可再

青衣 📌泰作貴為一月之🌟 今個月我會瘋狂食生日飯。 先多謝閨蜜 ( 相識 2x 年) 同我食生日嘅第一餐， 每次同你都有講唔完嘅話題 💙🦐 泰式生蝦刺身 $118生蝦夠大隻，夠厚肉， 生蝦辣汁亦惹味，同蒜頭一齊食不得了，整體賣相、味道都唔錯 😋🍢 炭燒泰式串燒 $82至於串燒真係好乾爭爭，乾到阿媽都唔認得😑 應該係燒完之後凍咗，接著再燒過， 所以又乾又韌，食食下我同閨密都反白眼，應該係我食過最乾嘅串燒😑 應該係乾過我甩緊皮嘅咀唇。🥬香辣肉碎生菜包 $98生菜包用豬油爆過，用紫洋蔥再炒，而碎肉亦都好juicy，有一些泰國餐廳係比較吝嗇生菜，但係佢嘅生菜🥬 係大大塊，最重要係好新鮮，呢一個生菜包係必食。🍆金不換豬頸肉炒茄子 $98呢個又係食！我幾乎食咗三分二😆 一來，我好鐘意食矮瓜 🍆 二來，豬頸肉好嫩，肉汁好juicy; 三來，真係炒得好香，個醬汁好惹味，正斗！🥥 班蘭椰汁QQ彈 $48首先我覺得個性價比爭d， 成個感覺就係椰子冰 ( 因為真係好多冰 ) 聲稱入面有嘅 QQ， 但係啲QQ 係冇味嘅。🍯焦糖泰茶沙冰 $48呢個泰茶嘅甜品我覺得都幾出色， 呢個甜品係可以當飲品， 泰茶味道係好

2023年最後的晚餐, 一家人選擇了青衣城呢間泰作 Twinkle Elephant. 一坐低就即刻落單, 之後職員要求我哋轉枱, 因為有客人要張長枱(11人), 我哋明白人家都要做生意, 我哋願意轉枱。食完晒主菜都未見頭盤, 之後問職員, 佢哋先話賣晒蝦餅, 但最攪笑係我地見到11人張枱剛剛上碟蝦餅頭盤, 遲來先上岸。同個高級職員(經理)反映, 佢嘅態度真係想同你開戰咁, 完全一句sorry都冇, 好似係我錯咁。明明就係你哋漏咗張單, 冇煮到, 我問先話冇。仲要遲來先上岸, 咁請問係邊個嘅錯?服務態度差, 食物好一般, 不會回頭的餐廳❌

聖誕節去酒店Staycation, 諗住叫外賣拎番去食。第一次試吓尼間。叫咗泰式海南雞飯、加埋兩份串燒雞、等等。點知返到去發現成盒海南雞飯無俾到飯，又無豉油或者汁，點食呀?? 跟住又發現俾漏咗成份串燒，但明明張單有計到錢🙄第二日番去揾老闆娘了解，希望可以退番漏咗單嘅錢…點知佢態度非常差🙄🙄🙄仲賴話係我地/有人攞錯，自己唔睇…唔通我要自己行入去你廚房自己攞?? 食物一般 Food taste just average 外賣漏單 Takeaway missed order 服務態度惡劣 Terrible service of staff

不知所謂黎兩次條魚都有血。 第一次黎經理仲話我地未等佢滾就食（哦。一定係咁啦😤）第二次黎到我成家人望住條魚祈禱超過十分鐘又係有血，經理仲要埋黎講一堆英文is not my problem,我條魚今日買，我都係而家先知啫，下….咁問題一定係我地到啦⋯⋯完全唔自得自己有錯，怪條魚，唔會怪下自己廚房嘅做法。

食物方面：泰蛋咖喱炒大蜆($148)，個汁嘅味道夠濃，咖哩味夠香。啲蜆就好少、得九隻，同埋啲蜆雖然肉質彈牙，但完全冇鮮味泰隆鑊炒金不換沙嗲肥牛鍋($128)，上枱時會一直加熱保持溫度，份量正常味道尚可，金菇都幾多，味道方面有濃郁嘅沙嗲味，正常嘅沙嗲肥牛鍋，但係就冇乜特別炭燒泰國爆高大頭蝦配野味泰式蝦醬炒飯($138)，個飯炒得幾入味幾香，有埋啲臘腸粒都幾好食，大頭蝦就燒過龍，燒到有啲乾，味道一般環境方面：坐位舒適但就有少少油漬，餐具都算乾淨服務方面：正常待客，唔會好熱情同你傾計或事事招呼周到，但又唔會黑面無禮貌，對客有笑容同正常語氣P.S.有加一服務費

經常到這店吃早餐，主要因為店員服務好，環境舒適及味道OK。但今天早餐叫了一份豬扒冬陰功湯米粉， 豬扒只得半件！猪扒雪雪白白，不似曾經煎或炸。不知是否開始優化成本了？

Intro: 青衣城最近開左唔少餐廳，人流都多左唔少，而有一間泰國餐廳吸引到唔少青衣居民食飯，呢到假日午餐大約100左右，總有幾款可以揀得落手～___________________🍽 ”泰作”泰式海南雞拼無骨豬手飯💰 88（假日lunch，凍飲+3）⭐️ 7.5/10✍🏻 海南雞同豬手嘅份量多，但豬手皮佔嘅比例比肉嘅多；✍🏻 海南雞有鞋有滑，最緊要有汁可點，味道唔錯；✍🏻 呢個餐包埋油飯同湯，冬瓜湯反而唔似坊間泰國餐廳咁鹹。🍽 泰式車仔船河（拼雞扒、豬扒）💰 76（假日lunch，凍飲+3）⭐️ 8/10✍🏻 今次就試左兩個餸嘅泰式船河，揀左檬粉，呢到嘅檬粉浸左湯好正，索左船河應有嘅香味，仲好彈牙爽口；✍🏻 雞扒豬扒都好大塊，大塊到差唔多佔左船麵嘅80%，口感同味道都唔錯；🍽 碳燒菠蘿海鮮炒飯💰 88（假日lunch，凍飲+3）⭐️ 8/10✍🏻 炒飯配料極多，有肉鬆腰果、菠蘿粒（非罐頭、一大片燒菠蘿、大蝦同三色豆等等✍🏻 碳燒菠蘿嘅表面好似好乾咁，但其實充滿菠蘿汁，唔算酸仲帶點甜；✍🏻 炒飯炒得幾惹味，粒粒分明又乾身，加埋肉鬆腰果嘅配搭幾好，食過菠蘿粒真係幾開胃。🍽 “泰作”鮮蝦金邊粉

今天跟幾位同事外出吃飯🍚去了青衣城廣場這間餐廳叫twinkle elephant 外觀也不錯，野食也不算貴🤞🏼我叫了個青咖喱牛腩飯少少辣，味道撈飯也OK 另外兩位同事叫了海南雞飯👍🏻食落普普通通另外一位同事叫了豬手飯💕這個幾好味職員的服務態度也很好🥰👍🏻

平日下午12:15左右去食野QR code落完單好快飯品就黎之後一路等一路等，等左45分鐘不斷入客人但唔出野食只係見到間唔中出飯同小食個d,叫湯河嘅客人至少要等30分鐘以上，每枱都係咁催幾時有D staff都好混亂苦等到食物出黎，d staff又唔知係邊張枱，要次次禁番部機睇番單，等左45分鐘都係黎錯要再等過好唔好食已經唔係重點，等咁耐食咩都唔覺好味同特別唯一可以讚係QR code落單方便同多選擇唔會再幫襯😂

本人好鐘意食辣野，同埋食泰國菜，小朋友開學後又有metime時間，相約了一位媽媽可以享受一下美食，呢間之前已經食過好多次，最欣賞店內的咖哩，水準超級穩定，每一次都唔會失望已回，座位都非常闊落，座得非常舒適椰香黃咖哩飯朋友比較細食，又唔食太辣，點了一個黃咖哩飯已經有好多配料，有薯仔、洋蔥等等，醬汁充滿奶油香，口味純厚又易入口，味道偏甜香脆魚柳配青咖哩飯魚柳即叫即炸，香脆可口，青咖哩味道獨特，辛辣度比較強，啱曬嗜辣者必叫冰凍棷汁味道香濃，飲落好滑溜，甜味適中，味道真的不錯呀