泰作

Open Now

Now Closed

呢個舖位對上一間泰國菜又貴 份量又勁少 味道又唔好食仲要職員趕客難得終於執笠 開左間新既泰國菜戰戰兢兢都要試下架啦▫️我地叫左四碟▫️♦️無骨豬手：呢碟高質！無骨啖啖肉，估唔到好juicy又好滑，肥瘦適中，值得encore♦️印度薄餅：個份量真係O左嘴，少到⋯⋯雖然話$2X但誇左，大家千祈唔好叫！♦️豬肉生菜包：食開譚仔三哥五小辣既我，估唔到會頂唔順呢個辣度，下次可以叫少辣或BB辣😅♦️菠蘿海鮮炒飯：正常發揮，份量都大架▫️題外話：老闆(我估係) 如果心情好會請客人飲凍椰汁🥥😋我同隔離枱都有🤣所以大家可以落單時唔使叫野飲住睇下佢會唔會主動提出🤣🤣

又到咗下午茶時間🤤去咗青衣城間Twinkle Elephant🐘迷你無骨豬手飯🍚豬手同飯一啲都唔迷你🙊份量都多,豬手醬好食,有驚喜,餐飲我揀咗淡白咖啡☕好香,好飲又唔會太甜餐可以追加小食+$28泰式無骨鳳爪輕量馬沙文咖哩飯🍛可以選配牛、雞、魚雞扒炸得香脆,不過最欣賞都係個汁咖哩汁味道啱啱好唔會太辛辣,入面仲有薯仔,入味又夠淋送飯一流😋餐飲揀佐港式凍奶茶同樣好可以！裝修好泰式🌿🌴🌳🐘牆身配畫令人感覺置身熱帶雨林中,有動物,植物圖案,充滿泰國風情。環境舒服,值得一試🔥❤️

呢間餐廳，喺青衣城開咗幾個月，之前食過兩次晚餐，質素唔錯，最鍾意個咖喱。今早有時間，所以去咗試佢嘅泰式早餐，點左一個泰式冬陰功豬扒金邊湯粉，一杯熱檸水，不用加一，$41。由於環境舒適，入座時都有八成客滿。當我一收到食物，先試咗個冬陰功湯底，酸酸辣辣， 十分惹味，而豬扒煎得香口，惟獨未夠酥軟！整體食得開心愉快，雖然款式未夠快餐甜繽紛，但總算有一個冬陰功湯底嘅早餐，我就覺得滿意🥰🥰🥰下次再食，我都會再點呢個餐。

平時行過見到下午茶嘅餐牌，好似好吸引，又有泰國菜又有印度菜，有一日有時間突登去試，坐低，用QR code點左個串燒加印度薄餅，然後飲品我揀左泰式手打朱古力(+$18), 先係杯飲品到，睇到我傻眼！根本就係一般朱古力粉沖嘅，仲要加勁多冰，好淡接近冇味😢 隔一陣上主食，份量比兒童餐細，成碟菜同我隻手掌差唔多大，埋單$70，串燒有好大舊肥肉(唔記得係豬定雞，因為一雞一豬)我之後都有同其他街坊講開，原來大家都有幫襯過，都話價錢同質素唔成正比，喺度都分享一啲相片，講到底都要有圖有真相。

中午時段嚟到，都幾多人，座位都尚算寬敞。鮮蝦金邊粉，$88，份量幾多，會比較乾身，有4-5隻蝦，肉質尚算彈牙，但係冇乜調味。金邊粉味道豐富，甜甜地幾惹味，加埋啲配料食會有唔同嘅感覺。蒜蓉金磚，$28，有4舊，都有充滿蒜蓉嘅香味，鬆脆，唔會話好硬好難咬。用嘅包都幾厚，食落有口感。炭燒泰式豬頸肉，$35，調味幾好，配埋個汁食都幾夾，但係唔夠香口，口感偏淋，同預期中脆邊嘅感覺有出入，不過份量都足夠嘅。凍奶茶，$3（跟餐價），正常餐廳水準，冇咩特別。

嚟到其中一個美食沙漠青衣，估唔到誤打誤撞都食到好嘢 今次喺lunch hour 嚟到呢度，原本以為呢個裝修食物價錢都唔平，但係點知睇一睇個餐牌又OK！叫咗個椰香青咖喱雞扒飯，個咖喱甜甜地，啱晒啲想食辣，但係又唔係好食得辣嘅朋友，椰香味亦都好正。個雞扒都好above average, 大大份，個皮脆脆地幾香口，成個餐都好夾仲要價錢相宜，Cp值幾高！

青衣新開的泰國菜餐廳，今次係LUNCH 去食，環境唔錯，裝修以Tiffany blue 為主調，座位都算寬敞，12點半去到客人唔算太多， 1點度就開始Full 啦，lunch set 選擇都算多，有14款，每款跟一杯野飲價錢由五十幾到六十幾不等。泰式車仔船河泰式船面可以配河粉/檬粉/金邊粉，配料有豬扒/扎肉/貢丸/肥牛/雞扒/雞翼/墨魚丸，兩款60蚊，3款68蚊，加5蚊可以轉冬蔭公湯。今次選了金邊粉配肥牛和雞翼，雞翼外皮有煎過，好香口，炆得好入味，入口一咬就骨肉分離，好正！湯是典型既船面湯，濃度適中，配上炸得很脆既豬皮和金邊粉，一流！泰作泰式海南雞飯海南雞飯配左一碗湯同埋少少雜菜，海南雞大約有6件，味道正常無咩雞味，雞油飯分量很多，不過略嫌唔雞油唔夠多，唔夠香，湯就係普通冬瓜湯，雜菜有椰菜和少少酸萝卜， 食完飯再食酸萝卜，可以清清油膩感，唔錯的配搭。涷檸檬茶檸檬茶看得出是用茶葉泡出來的，沒有平常茶涩感，也沒有假甜的味道，配上鮮檸檬，好飲！

一直都偏愛泰國菜，但是又很少有機會去到九龍城覓食。所以在青衣城見到這間泰作就決定試一下！Set lunch 的menu選擇類別都幾多，都是比較大路的選擇。（不為意影了下午茶的menu和價錢添）我揀了泰式車仔撈檬（豬頸肉+扎肉），豬頸肉好好味、好香口，扎肉正正常常，值得一提的是它的撈檬汁和魚露是分開的，撈檬汁酸酸甜甜很好味，魚露就充滿辣椒，我怕太鹹太辣所以只落了兩小匙。餐飲我揀了淡白咖啡，也很好味，很香卻不會太甜。整個裝修也很泰式，店名有可愛的泰文，墻紙也是熱帶雨林的樣子，充滿了泰國風情。總體來說，第一次試，有驚喜！價錢也很合理，埋單70蚊有找，是我在青衣城的新歡！

要搵地方同屋企人食團年飯，見青衣城有間新開泰國菜就即管試下。當晚一行8人，8點左右到，先講環境，佈置好有泰國feel，座位寬敞，唔會坐得逼逼咁，職員都好主動招呼。打開menu，呢個價錢係青衣城黎講絕對係"平"，種類亦算多，都係叫d大路野試下先...煎蠔餅，好似98蚊... 估佢唔到咁大份，至少4-6人份量，真正外脆內軟，半點腥味都冇，d蠔仔又大隻又新鮮，絕對必食!! 🌟🌟🌟🌟🌟 (太好食，唔記得影相，真係好大碟...) 菠蘿炒飯，又係非常之大碟，大大隻蝦，仲有原條燒菠蘿，炒飯十分入味，但估唔到個燒菠蘿都好甜，水準以上 🌟🌟🌟🌟🌟冬蔭功，因為我唔食辣，所以就唔評，不過屋企人話好足料同味道夠正宗之後係XX魚，因為小弟唔食魚所以唔知叫咩名，家人話條魚夠新鮮大條仲有就係豬手，(唔記得影相... ) 炆得夠晒淋，塊皮做到入口即溶，超入味，我最愛之一 😋😋總結，性價比極高，計返每人百鬆d蚊，飽到想食埋甜品都唔得... 另外見佢有早餐同tea set，真係大家樂價錢，搵日會再去試下，推介: 豬手，煎蠔餅，菠蘿炒飯 (份量偏大，食得晒先好叫)

最近回家途中看到这间新开的泰式餐厅人就好掛住泰国旅行暫时無得去就決定揾日食下佢地个早餐试下水温…… 这个post係分左兩日去，点解？咪想比个机会佢地囉本人决定一間餐厅好唔好食就係佢地有冇用心煮 ☺️咖啡及面就可以试到了第一次我来就点了一杯多奶咖啡及泰作雞扒公仔面，原因叫得「泰作」该是本店招牌掛😜- 咖啡👎🏻👎🏻完全唔热 (唔通因为多奶🤔）- 雞扒面👍🏻👍🏻湯底好味夠熱、面質夠爽，但雞扒夠乾夠老🙅🏻‍♀️今日再給第二次機會點了－杯少奶熱咖啡 “備注：好熱”及泰作豬扒麵- 咖啡👎🏻👎🏻👎🏻原來少奶及備注什麼都一樣NOT HOT- 豬扒面👍🏻👍🏻👍🏻湯底及面質一样，豬扒比较淋些☺️

下午茶時間，如圖 冬蔭公不過不失， 沒有驚喜， 豬手反而量多， 豬手的醬好食， 有驚喜，對於無食中午的人來講， 量好夠。 奶茶係正常普通奶茶， 可以選擇奶多/奶少。 坐得舒服， 可以一試

同一位置原身都係泰國餐廳無咗之後都少咗個就腳嘅泰國嘢選擇終於開咗呢間新嘅泰國菜今日就嚟試吓新嘢🤭下午茶時間都要等咗陣先有位可能大家都想試吓新嘢有10個餐可以揀，價錢都算抵包一杯咖啡或者茶，小食有加配優惠我哋今日叫咗兩個粉⬇️海南雞冬陰功金邊粉本身諗住海南雞會另外上點知原來擺埋咗一齊所以唔係太試到個海南雞味但啲肉質都算嫩滑個冬陰功湯底都幾正，成碗飲晒🤪仲有船粉嘅炸豬皮，整體唔錯⬇️泰式香茅豬扒扎肉船河本身叫咗金邊粉，但係嚟錯咗檬粉不過唔緊要啦，我哋兩種粉都鐘意食豬扒，醃得入味，都幾大塊扎肉都有厚厚兩片我哋覺得下午茶份量啱啱好不過如果大食啲嘅，食完可能會有啲空虛⬇️咖啡咖啡正常發揮，都算香濃餐廳嘅裝修都好靚，坐得幾舒服會搵日再嚟食過👍🏻

Tried a newly opened Thai Restaurant that replaced So Thai So Good in the same shop location. They have about 10 different tea sets that are under $60. The food was quick. They arrived within 5 minutes of ordering. We ordered a Tom Yam Gong Roast Pork Neck Vermicelli and A Massaman Curry Beef Brisket Rice. The taste and the portion are fair for the price. The decor is simple yet elegant and the spacing between tables not too close. There are aisles separating the groupings of tables giving a

見青衣新開左間泰國嘢，好似幾正咁，就入咗去試啦🤩🤩🤩💰總消費: $38 (早餐冇加一)・　泰作冬陰功雞扒/豬扒湯麵🍜 ($38)呢個餐真係超級大份🤪🤪，雖然係早餐，但係個份量可以當做午餐🫢🫢，食完之後晏晝唔會肚餓😂😂😂 佢有得揀雞扒或者豬扒做餸，我就揀咗雞扒😋😋😋佢嘅雞排好大塊🐔，又夠厚身，煎得啱啱好，好香口❤️❤️❤️而麵嘅種類都好多，佢可以揀公仔麵、金邊粉、河粉、檬粉💕💕我就揀咗金邊粉啦，佢面嘅份量好大，夠晒飽肚，金邊粉口感好爽滑😋😋😋而個冬陰功湯底都好好味，一啲都唔會太鹹或者太酸，調味啱啱好🤩🤩🤩・　咖啡☕️ (贈)呢間泰國餐廳真係特別，因為見佢有專屬嘅咖啡調製區域🤫🤫證明佢所有咖啡都係即磨嘅🥰🥰🥰其他種類嘅咖啡要加$8，我就試咗最原始嗰隻咖啡，免費唔使加錢😂🤣😂咖啡豆味道濃郁，而牛奶係自己加嘅，鍾意飲齋啡嘅人可以唔落都得㗎😇😇・　環境🏡因為係新裝修所以坐得好舒服，佢啲二人座位好靚，好有泰國風味😍😍😍啲燈光幾靚，嘢食影得幾靚😌😌😌總體評分:8.5/10⭐️