UCC Coffee Shop (Closed)

因為沙律自助引力，所以走入餐廳。再看餐牌，原來沙律自助只有一次機會，失望，兩人叫了雜扒及豬扒，叫扒的話可以跟飯或蒜蓉包。自助沙律需加47元，沙律外亦有咖啡及湯。我對沙律吧的選擇不太滿意，罐頭桃，菠蘿，粟米，紅腰豆，全是罐頭！而綠色菜十分殘。對於這樣的沙律吧很失望。主菜的份量大，有一隻近乎炸嘅煎蛋，另外碟上都有薯蓉，意粉，再加上飯及包，澱粉質實在爆燈。而成餐最滿意是杯飲品，無論檸茶或咖啡都有質素，果然UCC.

前兩天跟閨蜜一起食飯。她住奧運，我又想行行奧海城看看商場的聖誕佈置，所以相約在奧海城晚飯，我們選擇UCC，主要是因為喜歡它可以自取沙律。點選了芝士海鮮焗螺絲粉（＄97）和白汁蘑菇雞肉燴意大利飯（＄93），然後加了＄47跟餐，有一湯一飲品，還可以到沙律吧任選沙律一次。無論是餐湯，還是海鮮焗螺絲粉或雞肉燴意大利飯也沒有甚麼驚喜，算是不過不失。最喜歡到沙律吧取沙律，食材選擇包括粟米薯蓉沙律、車厘茄、水蜜桃、啫喱等。由於只能選一次，所以每次都裝得滿滿的才滿足。我們弄得像甜品一樣😃然而可能我們比較夜才吃飯，所以感覺沙律不太新鮮。

紫薯窩夫🍠～～～～～～～～～～～～～～～～～～UCC最近做緊秋季限定係同紫薯有關，紫薯控可以一試。紫薯窩夫（$61）比較驚喜嘅係窩夫入面都有紫薯蓉，甜度適中，窩夫好大份，可以兩個人食，外脆內軟，上面都有紫薯cream,但其實窩夫入面嘅紫薯蓉已經夠，紫薯雪糕有D太甜。～～～～～～～～～～～～～～～～～～

星期日訓醒已經係食下午茶時間3點幾到唔駛排隊直入我就食甜品 男朋友就食正餐《焦糖咖啡窩夫》個窩夫夾得唔夠時間 好冧唔脆 好似食緊麪包但好滿意粒士多啤梨係甜架雪糕同Cream都好食 至於個意粉...晚餐價錢但下午菜既Size...味道不過不失啦

與同事決定到UCC午餐，沒想到餐廳轉了午餐選擇，現在是由餐牌選擇主食再加配自助沙律吧及飲品。我點了芝士菠菜三文魚焗螺絲粉。限定一次的自助沙律吧提供了很多選擇：粟米薯蓉沙律，水蜜桃，菠蘿，車厘茄，吞拿魚等.....還有看似不太新鮮的生菜。最滿意的算是粟米薯蓉，薯蓉和粟米的配搭令口感加分不少。芝士菠菜三文魚焗螺絲粉則比較中規中矩，芝士味很重，唯一比較驚訝的是沒想到小小的一塊三文魚也會有魚骨........最後就是UCC招牌的咖啡，作為招牌，算是沒有令我失望

Afternoon tea at UCC Cafe! ☕鮮果 Waffles waffles 微溫, 真的外脆內軟, 配上冰凍雲呢拿雪糕球, fresh cream 及新鮮生果, 正's! 因為同行友人有個小朋友, 我 order 多一個咸嘅, 有 d 熱嘢 (熱氣嘢) 比小朋友食 waffle 都係外脆內軟, 沙律菜配有芝麻汁, 我最愛! 炸魚有2件, 一口雪味, 無味道可言, 可取之處係唔係比魚手指! ! 沙律汁偏酸, 可能係我自己本身唔鍾意啦! 註: 我哋另外 order 一杯咖啡, 原來同餐飲一樣 size, 抵啊!

又夜放工，又想快d醫下肚，見到高級版的薩利亞，應該都可以唔貴又飽飽吧.....結果，後悔了~見到個"Today's Dinner"餐牌，覺得OT之後要對自己好d，所以叫了個西冷牛扒餐，西餐廳的話牛扒應該不錯吧。結果個main course上檯，賣相ok，但塊牛排薄薄的，而且好似雪藏牛扒，都無鮮味ge～個餐湯得個酸味，無了羅宋湯最基本的番茄味lol...可能我地差唔多收尾先落單食，所以個餐湯先可以咁......出色吧～相比起頭先Main course, 呢碟煙肉忌廉意粉都算是最好的。但如果有得選，我會選擇樓上cafe~哈哈。最後，一直期待的甜品，以為可以挽救呢個可憐的一餐。結果，真系好難忘......宜家寫食評，我仲記得個甜品是牙膏味的大菜糕......好恐怖...兩個人都食了兩口就算了吧～都是早d返屋企訓覺好了......如果再黎UCC，環境適合吹水飲野......其他就......口味不同，可能你okay呢～～keke

開完會成九點鐘，大家都攰到一個點，求其係附近搵間野食完算🤧意粉，飯既價錢around $7x-10x，正正常常，唔算特別貴。如果有住户證仲有平添海鮮湯意粉$101有茄汁、白汁、咖哩汁揀，我都係揀我鍾情既茄汁❤️一上碟，嘩，比我想像中大兜。而且無諗過係甘多湯👍🏻 蕃茄味濃，海鮮份量都唔少，有魷魚🦑，蝦，帶子，青口，蜆，大部份都有2-3隻。不過部份海鮮就老左啲，特別係魷魚同青口Menu上仲有幾款waffle，睇相十分吸引。不過實在太飽，無位置食，唯有下次再戰🙈整體黎講，食物就不過不失啦。不過服務就真係好好，值得讚👍🏻👍🏻

太攰, 周未瞓晏咗, 起身已過午飯時間, 局住食下午茶, 諗住喝杯咖啡提吓神, 就入咗UCC, 環境唔錯, 排咗幾分鐘就有枱, 下午茶選擇唔算太多, 我叫左意粉, 味道唔錯, 可能因為我未食晏, 分量稍為太少, 但作為下午茶份量是剛好的, 咖啡亦唔錯。

朋友們都中意挑戰沙律bar，要集我哋嘅喜好於一盤，其實唔易，尤其我哋當中有人唔食醬汁，冇得黏住，少啲功力都片地開花。日式西餐廳嘅咖哩係唔辣，而吉列亦係好出名嘅，個咖喱吉列豬扒飯做到正常水準。另外叫了2款意粉都好彈牙，香草鮮蝦有濃郁香草味，豐盛野菜意粉雖然齋咗啲，但顏色搭夠，令食慾提升返。日式餐廳除了食物、賣相，服務都兼顧到。我哋用餐時唔小心掉了餐具到地上，服務員主動比新嘅我哋，仲拾起它送到廚房，行為相當細心!

今次同親戚出黎奧海城食飯，佢地好鍾意食沙律所以已經決定黎呢間食，因為有沙律吧質素都ok算係幾多款式。呢間野原來都幾旺場，要等十幾分鐘先有位，不過我地呢d閒人緊係照等。而由於我地有六個人，所以都試左唔少野食。overall黎講侍應都幾nice，無問都主動答埋+45蚊有沙律、湯同飲品，所以叫少d主菜都可以。兩個risotto都唔錯，雖然妹妹再挑剔啲但我覺得已經幾好食。其中白汁雞肉個個risotto仲有流心蛋，加埋都幾夾而另外我地仲叫左公司三文治同埋個甜品多士。其他我無掂，但我試左三文治個薯角熱辣辣一咬落去d薯仔香香的，yum yum 總括黎講都係一間唔錯既餐廳，如果有機會行過會再黎食，不過又未到會特登山長水遠心思思黎既地步啦

沙律吧啲生果蔬菜好新鮮，加上鷹嘴豆薯蓉就好好味。茄汁海鮮湯意粉仍然保持高水準，湯汁非常好味可能是有海鮮的關係，海鮮有青口，蜆，魷魚，蝦。芝士白汁雞肉焗飯，就好普通嗰啲雞肉一陣雪味。咖啡仍然保持一貫非常好味的水準。

未食過咁難食既UCC!!鮮蝦帶子意粉套餐 ($128)包括餐湯，主茶，餐茶同甜品。餐湯係粟米湯，粟米味唔濃，普通可以接受。到主菜，意粉揀咗白汁，一上枱就覺得伏，呢個既白汁唔似平時食到既忌廉意粉！ 佢啲白汁又稀又透明，帶子細粒到1毫子咁。食落都當然唔好食了，成個意粉都好硬，個汁又冇味，唯獨是啲蝦都算新鮮爽口。而個甜品係咖啡凍，一粒粒人造啫哩，仲要個口感好怪，又唔爽又唔係煙韌另外散叫咗漢堡扒咖喱蛋包飯，成個飯係得咖喱同飯係俾人食！個漢堡扒又乾又散，味道又咸，個蛋係一層乾咗既薄蛋鋪係飯上，完全稱唔上蛋包飯食物質素有待改善。

閒日黎食UCC，人流比較少，環境亦唔錯，傾計都幾舒服嘅，但食物質素有點退步UCC Signature嘅沙律吧係唔錯，薯蓉沙律依舊美味，但主食方面就麻麻哋分別order左漢堡扒蛋包飯& 忌廉煙肉溫泉蛋意粉，賣相係不錯的蛋包飯還可以，漢堡扒好味，汁又多多，同個燒汁都好夾，不過炒飯多了少少油不過意粉味道有啲奇怪，好甜，雖然煙韌度適中，煙肉蘑菇亦好足料，但真係偏甜👀還有餐湯係忌廉湯，都係好奇怪，好稀，冇乜味道

 2018年3月13日 (星期二) 4:08pm 23°C 非繁忙時段，環境格外寧靜，配合歐陸式風格，彷彿置身於外國，高雅貴氣。❤❤ 餐具杯碟都經過高溫消毒，我用手觸摸仍感到微熱，提高對餐廳的衛生信心。 環境光亮整潔，餐具乾淨。 不用等位 人數：2人 HK$143  菠菜什菇雞肉意粉(輕量) - 雞肉煮得過熟，質感偏靱，反而菇類軟滑，散發香濃菇草味道。意粉麵質滑溜，煮得恰到好處，洋蔥爽口，菠菜新鮮，色澤綠油油，含豐富鐵質，十分適合女士們。【推介之選】❤❤❤ 熱奶茶 - 散發花香，獨特清新，叫人一飲難忘。如果是獨立單點的玻璃瓶裝紅茶，更可以命侍應加添熱水的。【推介之選】❤❤❤《 餐 牌 》：【 溫 馨 提 示 】：❶ 提供下午茶套餐❷ 憑住戶證可享折扣優惠❸ 另收加一服務費