UCC Coffee Shop (Closed)

叫左兩set dinner,首先來了忌廉湯。都好明顯飲得出係金寶忌廉湯既味道黎既，算啦哈哈男朋友叫的凡立貝墨魚汁飯，帶子煮得有點過頭吧，質感不爽，有點un呢。墨魚醬汁不錯。再來的是牛肉咖哩蛋包飯。一直以為蓋住飯的蛋應該是半熟的，誰知上菜先發現是熟蛋它的咖喱汁也很有現成咖喱醬料包的味道...跟我在十二蚊店買的咖喱汁沒什麼兩樣。桃配雪糕～罐頭桃都甜，再加一球雪糕，正常的甜品。這裡有很多人覺得職員服務態度不好，但那天我遇到的還不錯。

今日係爹哋嘅農曆生日，我們一家四口去咗奧海城嘅「UCC Coffee Shop」一齊飲下午茶慶祝！我們叫咗蟹柳蜆肉意粉「白汁」嘅意粉質感就比較諗身，而蜆肉亦有啲腥味！茄汁海鮮湯意粉因以前食過湯嘅份量唔算太多，但媽咪非常鍾意飲呢個湯，所以喺落單嗰陣我們向店員要求要多湯，店員都幾有禮咁話好，嚟到真係多湯，味道好清甜鮮味，海鮮嘅份量都幾豐富！和風鮮菇帶子意粉嘅味道比較清香，帶子都幾彈牙同都幾鮮味，意粉嘅質感好煙韌彈牙！海鮮意大利燴飯「龍蝦汁」嘅蝦肉都幾大隻，肉質好爽甜彈牙，而濕濕地嘅意大利飯配上都幾鮮味但唔算好濃郁嘅龍蝦汁一齊食，真係幾滋味！海鮮薄餅焗得好香脆薄身，雖然芝士嘅份量都幾多，但食落唔會有好膩嘅感覺！

是日本來一心想食「金滿庭」，但唔知點解每次都總係人山人海，喺退而求其次之下唯有去隔離既「UCC」！「雜扒餐」幾乎係我每次去UCC都會必點既食物，再加埋$35 upgrade去沙律吧同埋果杯非常香濃既咖啡真係一個perfect match呀！而今次食物既水準都叫做勉強合格啦！豬扒雖然有點鞋口，但都叫做可以接受，而雞扒亦都算係香滑嫩口，不過薯蓉就相當失色，口感係一粒一粒咁，一D滑漏既感覺都冇，令人失望！不過，我今次想提一提佢地既服務態度。唔知係咪職員唔夠定係工作壓力太大，佢地成日漏單要不斷去追都算，當我同佢地講佢「落錯單」，黎錯左一碟我地冇order既食物既時候，佢竟然用一句「真係咩」然後用好不滿既眼神拎走左。事後雖然見到一個類似主管級既「亞姐」細細聲同佢地訓話，但已經為時已晚喇！今次黎UCC俾我既感覺真係同以前好唔同，果種日式cafe相對親切有禮、恭恭敬敬既態度已經再不復返，有點失望！

同朋友想唔到去邊度食, 又唔想價錢太貴, 或者排太耐隊一人叫左一個飯,我叫既omelette飯好大碟, 味道一般, 係油左少少舊肉好大舊但比較乾另外個碟就唔夠咸甜品完全唔得首先係雪糕拎上黎時已溶左d, 雖然份量係好大, 以呢個價錢60幾蚊算好抵個士多啤梨醬似藥水味同好酸, 同埋佢放得太多, 整到個格餅淋pat pat藥水味再溝埋朱古力雪糕, 味道更怪, 食得越耐, 舊餅唔似餅, 已經淋到海綿咁食飯個時坐係我地隔離係麥明詩同佢父母, 有waiter 認到佢, 都望多幾眼

進來這家咖啡廳絕對是因爲外在的裝潢很好很棒。地方夠空曠也乾淨企理，位置也夠闊。和朋友在澳海城逛完街，想找個地方休息下。點的是下午茶tea set ，這裡是咖啡廳，一定要叫杯咖啡，咖啡認真不錯，雖然價錢有點貴，不過從賣相和品質都算可以接受。另外連了一個意大利海鮮燴飯，非常正！蔬菜都新鮮，燴得剛好。朋友叫的是甜品set ， 有格餅和雪糕，我try 了一口，都okay ，普通西式甜品。服務都okay，最重要係位置好好，朋友聊天很方便，地方清潔，梳化都舒服。

自從幾年前UCC coffee shop 位於Harbour City 分店close 左，已經很久冇惠顧今天經過奧海城，見到呢度有分店最懷念喺自助沙律吧因為可以自己盛一次，可以自由發揮，好好玩沙律吧有粟米、生菜、桃、菠蘿、呑拿魚、啫喱⋯⋯等，生菜新鮮，呑拿魚唔腥，栗米伴千島醬汁，好味

今日中午同同事食午餐，諗住搵間坐得舒服D，就選左ucc coffee，貪佢坐得舒服，同食套餐加$19有個自助沙律，只可夾1次, 有生果，生菜及薯仔,自由配搭, 好扺食!今日叫左個意大利忌廉飯，味道不錯，及忌廉湯意粉, 湯味香濃, 好好味! 凍飲係出名既咖啡, 好好飲, 充滿香濃咖啡味!

環境和裝潢唔錯，收加一服務費的關係，侍應都比較熱心小小，每隔5分鐘就行過來幫我們加水 (我們見到他個 trainee 牌，就不和他計較了)這個朱古力西多士，賣相漂亮，但其實吃下去和普通的厚多士沒什麼分別，只是灑上了朱古力醬，奶油和被切成一個正方形方塊。意粉和焗飯都 ok 。 橙汁好新鮮。

今個星期六很忙，到2點30先有時間開餐。見到UCC下午茶餐牌大大隻字寫住$58 。見到有rissotto,有意粉跟咖啡，賣相不錯。就係咁入左去試下。坐低先知，原來出面個牌有個好細既「起」字。又俾個架遮住左。只有一個夾餅餐係$58.其他都餐都要$78.但 既然坐低左，咁就食個好少少既下午茶。 我地坐低叫左兩個我至愛既risottos餐， 食物嚟到就明白咩叫做「圖片只供參考」。我以為自己去左間茶餐廳，食緊白汁雞皇燴飯。賣相差都算，食落去淋到好似食BB爛飯仔。味道仲要好奇怪。講真有啲難放入口裡面。雖然待應服務是不錯，他也願意換另外一個餐。我們不想浪費食物，只是換了一個。但換來都只係一碟快餐店既餐茄汁意粉。我寧願去茶餐廳食焗海鮮意粉仲好味。真係唔知幾時UCC質素變成咁。

為左就大家方便, 今次同朋友仔就黎到奧海城的UCC食平民西餐. 由於不能預先訂位, 門口一早已經排長龍, 等了30分鐘先有得食, 可見呢間餐廳幾受歡迎.晚餐加43蚊可以係沙律吧任取沙律一次. 每個食客都發揮各人的小宇宙, 疊得有咁高得咁高.我的作品:沙律吧內有: 生菜, 車厘茄, 薯仔蓉, 粟米粒, 紅腰豆, 水浸吞拿魚, 罐頭杏桃, 罐頭菠蘿 和 果汁啫喱等等一些大路材料. 質數同味道都算ok 可接受. 後來發現原來呢到的吞拿魚撈薯仔蓉沙律都幾好食, 下次可以再試多次.芝士海鮮焗飯有多種海鮮, 如蝦, 蜆, 青口, 魚柳, 魷魚等等. 食落冇雪味而且海鮮份量合理. 焗至有少少焦黃的芝士熔化地鋪係面, 芝士香味引人垂涎, 但始終芝士食得多都幾膩. 好在最底層係茄汁炒飯, 味道酸酸地可以解一解膩的感覺. 唯一可惜係飯炒得不够乾身, 較濕爛.和風鮮菇帶子意粉味道偏清淡的一道意粉, 食落冇咩味道, 可能係 “和風” 日式的關係. 帶子係一開二, 只有四块, 同以前的份量差好多. 記得以前見朋友食係成隻帶子上, 有四粒的, 而家實際得返兩粒. 帶子都算彈牙但就冇咩味道, 菇類新鮮, 而意粉的口

浪子早前有一段時間頗喜歡到UCC，一來是那時候的分店都較為就腳，而來那時候的沙律吧是好食一點的。後來原本去開的分店都搬遷了，整個2016年的上半年都沒有再光顧過UCC任何分店。這天恰巧去了奧海城一趟，看到有一間UCC分店，又不用等位，就與友人決定食這間。記得以前是在餐牌上選主菜再加錢才有沙律吧+飲品的。但兩個人光顧，如果都加沙律吧+飲品好像有點太多，只加其中一個的話，又只有一杯飲品。現在晚市原來新增了一些Set dinner，已包括餐湯/薯仔沙律+飲品+甜品。而主菜+$43有自助沙律吧一次仍然有效。我們決定Set dinner一個，另加主菜+沙律吧一個。那就一人有一杯飲品。沙律吧選擇不多，不過10款配料以內，也不是甚麼特別的配料。蕃茄仔，薯仔沙律，生菜，吞拿魚碎，提子乾，蝴蝶粉......醬也只有兩款。感覺上失色不小。兩杯都是招牌咖啡，香氣不錯，酸度和濃度都在想像以內，還是比一般餐廳的咖啡來得好。叫了一個海鮮薄餅。脆邊而薄，芝士味濃。而海鮮的分佈頗為平均。另外叫了帆立貝墨魚汁飯。墨魚彈牙爽口，墨魚汁是我的至愛，也是是日最好食的。飯粒分明，而且乾身，口感不俗。最後來了一客甜品，本來還猜想

不是第一次食UCC或呢間UCC,愈來愈差,今次實在十分十分差勁.下午3:00到店,十分冷清,不夠10枱客.落order, 店員只聽但沒有任何下單工具,聽完就走左,十分不專業. (佩服大概客少到可清楚記得每個客人的order)上菜, 我和友人order了兩個tea set- 一個意粉,一個french toast同凍熱咖啡各一. 索價大約$140.等了5分鐘才上一杯凍咖啡,重點是製作方法:是把全熱咖啡倒進一隻只有幾粒冰的凍杯裡. 1,十分不專業的做法因為冰溶會令咖啡變淡. 2, 此時凍咖啡根本不夠凍.於是,問服務員給我們一杯冰,換來"你覺得杯咖啡咖啡唔夠凍係咪呀?我幫你加啲冰。" 就把咖啡拎走了,加完番來,仲係唔夠凍.........點解要漠視我的需要.............我只想要一杯冰!算了.再過了5分鐘,熱咖啡才來.兩杯咖啡,得一份奶..大概20ml.....for兩杯咖啡? 真的嗎?!都算了.....過10分鐘,意粉來了............再過10分鐘........意粉都食完....先黎最後的french toast.....(我們並沒有request甜品最後來)仲要個f

辛苦完一輪，同囡去UCC 玩沙律吧先。輪候入座期間，己同囡商量吃甚麼，又希望不要被安排坐窗口位，因怕被輪候的食客望住我們， 一路食一路比人望住好尷尬呀。大步檻過，我們被安排坐離窗口較遠的座位。order 一個海鮮蕃茄湯意粉(99元)， 另加45蚊包餐湯及一次沙律bar。侍應給我們一隻碗後，便去玩沙律bar了。個個食客都好醒，好似時時來砌沙律，砌得好高，我和囡囡都玩了十分鐘。主要取薯仔、蜜桃、 紅腰豆、 蝴蝶粉、 粟米粒和小小菜，但我最喜歡啫喱糖。有兩款沙律醬，不要直接放在沙律面，可用兩隻碗分開盛載。上面的一款沙律醬，有點酸加鹹味，下面的一款沙律醬就有點酸加甜味。這兩款沙律醬同薯仔一起吃，是非常合襯。砌完沙律，回到座位，湯及意粉己到。好大碟，好吸引，有四隻蝦，數件墨魚圈，蜆，带子，雖然材料不少，但要記住是一百元碟，都吾平。餐飲要橙汁，都吾錯。我倆差點飽到行吾到

本人一向都好鍾意食沙律，尤其係自助果D，鍾意裝幾多就幾多，好似細個去某著名意大利薄餅專門店鬥裝得多咁。是日屋企人生日，我地一行5人黎到食午餐，一共叫左4個main course，3個沙律去share。沙律吧都好豐富，有粟米粒，菠蘿，紅腰豆，薯蓉，桃，吞拿魚等等。其實裝沙律係有秘訣架，細件既放下面 ，大件放上面，中間可以視符需要加d醬，咁可以裝多好多架。講真呀，五個人叫3個沙律真係差唔多架啦，一個碗真係裝到唔少。我地食沙律食到一半時，main course 都開始到啦。煙肉忌廉意粉: 意粉既忌廉味好香濃，個汁亦都整得好滑，意粉口感彈牙，非常美味，上面仲配上溫泉蛋，食既時候只要將溫泉蛋攪拌後再食，會特別好味。煙三文魚薄餅: 材料只係用左少量既三文魚同埋大量既水牛芝士，唔好芝士既我嫌佢份量過多。至於薄餅底做到幾香脆，唔錯。茄汁海鮮繪飯: 呢個飯都可以算係主菜中最好味既一個。入口感覺似係用蕃茄湯黎煮，煮到D飯吸收晒湯既水份為止。雖然飯既質感唔似正宗既意大利飯，但係口感都幾好，又咬口，茄汁味又酸酸甜甜，食落都幾開胃，中間仲有好多海鮮，有青口，蝦仁，帶子同魷魚，食落無咩雪味，值得推介。香草鮮蝦意粉

今日下午我們去咗奧海城嘅「UCC」食下午茶！我們叫咗巴馬火腿夾餅、吉列魚柳夾餅、綠茶紅豆法式多士同蜜糖檸檬法式多士！巴馬火腿夾餅同吉列魚柳夾餅嘅夾餅餅質整得比較脆身，唔算好鬆軟，但味道都幾香甜，巴馬火腿嘅味道好芳香，而魚柳炸得都幾香脆，肉質亦幾嫩滑！綠茶紅豆法式多士同蜜糖檸檬法式多士嘅多士炸得表面都幾金黃香脆同鬆軟，紅豆蓉嘅味道好香甜軟滑，蜜糖檸檬嘅味道酸酸甜甜幾開胃，而賣相就綠茶紅豆比蜜糖檸檬嘅吸引！