純麵舍

Open Now

Now Closed

I don't think I can supplement anything in terms of food - you can just read all the other fantastic reviews and look at the nice photos. What stands out for us was the people here. I just feel so sad when there aren't more of these hospitable folks in town.The homemade noodles were chewy and just the right level of hardness.

1 基礎沾麵好多時湯唔夠熱 而呢一間湯係熱的 出晒白煙個隻影完相 食到尾 岩岩好涼 夠食晒個麵 （但可能因為我食野快 for女士可能唔夠耐熱 建議個湯都仲可再熱啲）2 湯底湯底基本味道 魚介醬油味 感覺有啲柴魚味入口咸 尾韻甜 不會太濃既可沾麵 亦可單飲有一種好純粹既味道3 麵麵 幼身 彈牙 有麵味（本人雖然鍾意粗身麵多啲 但呢間都唔差 夠彈牙）4雞蛋雞蛋 有入味 熟度岩岩好 有醬油味5 叉燒叉燒 肥瘦適中 有調味 齋食叉燒一個感覺 沾湯食又另一個感覺 份量正常有兩塊 加錢20蚊仲有4塊6 其他小食小食份量不多但亦不貴味道正常 食個日既是日小食係醬油茄子7 服務服務唔錯 一入黎會有人介紹menu埋單想比tip支持下仲拒收8 價格價格親民 麵+叉燒+小食都只係103蚊

純麺舍地址：鰂魚涌英皇道963-967A號多寶樓地舖今日我又要介紹間隱世小店，鰂魚涌一個小轉角好可能大家都好會易Miss 咗，但呢間野真係好正！店內沾麵款式只有三種，簡簡單單而且唔貴😍，今次我就叫咗淡麗系豚魚介沾麵 淡麗系豚魚介沾麵 🍜$68等咗短短10分鐘就已經食得啦，香氣濃郁的沾麵一上枱就已經見到啲魚介湯白煙慢慢咁冒起，沾麵麵條偏幼乾硬但好爽口彈牙😎，而且好清楚咁見到佢真係粒粒麥粉，自家製作。魚介湯好清澈透明，一啲都唔油膩，而且唔會太鹹，真係好岩清淡人士。唔講唔知原來叉燒係用上本地豬豬🐷，但真係食落好肉質鮮嫩，入口快蓉，而且糖心蛋暖暖地又有少少流心😇，正！CP好好好高。#nicefoodie鰂魚涌

淡麗系豚魚介沾麵$68淡makade special 麵$68.淡麗系沾麵從來都冇食過，食落啱晒啲唔鍾意食濃味沾麵嘅朋友，佢個沾麵汁唔係濃厚豬骨質感，反而似係淡醬油湯質感，清清的😯.個麵個口感做得啱啱好，好彈牙，而且佢係幼身，配埋啲沾面汁，好正。食拉麵索住黎食係一種禮貌，呢個麵好適合，每索一啖都會有麵香再加埋沾麵汁嘅鮮甜味😝.叉燒係薄薄嘅嘅兩塊，加埋啲沾麵汁食好清新，另外豬肉係無激素豬同埋食海藻嘅，食完之後個感覺好健康😂.糖心蛋，係流心嘅，正常發揮🥚.佢同其他沾麵唔同，佢配料有海藻，食落無味道，偏向爽口😃. 店員話special 沾麵會每日唔同款，今日係配料多咗蘿蔔蓉，自己就鍾意食原味多啲😁.佢哋中午剩係做沾麵，夜晚會做埋丼飯外賣(六點後)，會用日本米🍚.CP值及夠飽喺香港其實普遍嘅拉麵起碼都要$80，$90，呢間算幾平，而且口味清新，啱女士食，分量正常😄.翻啅絕對會番黎食😋

今日近2點先放飯，兩餸飯賣哂大部份餸，就試下隔離呢間平時排長龍既沾麵舖。到舖頭嗰陣差唔多2點，但店內仍然全店滿座，店員向我介紹可以買外賣，話每日只推出三款沾麵，其中一款係每日限定，我未食過沾麵，問店員會唔會太咸太油，佢話唔會，問我會唔會鍾意食辣，食得辣可以揀2號，於是我就揀咗辛辣豚魚介沾麵。2號辛辣豚魚介沾麵68蚊，付款後等咗15分鐘左右，外賣拎到返公司仲熱，沾麵彈牙，麵條似係人手拉出嚟，沾麵湯底只係微辣，辣度為譚仔10小左右或更小，沾麵湯唔會太油，唔會有層油脂，味道有啲似鰹魚味但傾向鮮味，湯底好好飲全部一飲而盡，沾麵餸有兩大塊豚肉，一隻溏心蛋，整體嚟講比丼丼屋嗰啲連鎖店更好味，食完十分滿足，如果麵既份量可以多返啲會更好，食量大既人應該要問舖頭有無得俾錢加底。食完麵望下個外賣袋，發現袋既背面有漫畫教人點食沾麵，但我早已用自己方式食哂。下次如果嚟唔到堂食，仲可以提早whatsapp買外賣，電話6324 9081。店員話夜晚如果有堂食既話會有飯供應，lunch只有沾麵，希望遲啲無禁堂食可以試下豚肉飯。呢間沾麵舖太受歡迎，每次放飯時間都勁排長龍，希望下次可以入去舖頭食麵感受氣氛！

鰂魚涌呢個地方平時lunch time真係人山人海，但係一到放工之後其實就冇乜人。有一日放工行過想食啲嘢先返屋企，就發現呢一間新開既鋪頭，入面雖然唔多座位，但係勝在好有日本小店嘅風味。坐喺個拉麵師傅面前佢即席整拉麵俾你食，師傅仲好好教我點樣食沾麵先至係品嚐到佢哋拉麵嘅特色，雖然睇落去份量好似唔係好多但係其實一個女仔食係超 級 飽！而且佢個湯同我喺出面食嘅沾麵係有分別，出面嘅湯底係會比較濃稠，但係呢間小店嘅湯底就比較清澈，但係又唔會冇咗平時沾麵嗰種湯嘅味道，所以話其實食得出佢哋係好有誠意去整個湯底，用咗好多材料去熬製而成，值得一試。每個人嘅口味都會唔同，有讚亦都會有彈，唔好嘅地方係佢個面嘅質感好似煮得太過淋，所以變相左食嘅時候有啲黐埋一舊，同埋個湯底雖然係好清但係其實都有啲油浮咗喺面，所以都唔敢飲晒佢個湯底。雖然我叫呢個係辣湯底，面頭有可能係辣油，但係其實明顯地分得出，辣油定係個湯底本身油嘅感覺。

純麵舍兩個月前朋友同👧🏻介紹鰂魚涌開咗間新沾麵，平日LunchTime都見到有唔少人食，今次襯weekend少人返工日子終於可以試到🥰🌟純Makase Special是日特別沾麵係淡麗系豚魚介沾麵加大根(白蘿蔔)蓉🥕，睇返介紹先知道原來麵條係用上另一間頗有名氣嘅拉麵店- 彩 特製嘅麵條，肉眼可見每根麵條都充滿全麥粒小麥🌾 麵條比平時其他店舖嘅沾麵幼身，軟硬度屬於正常偏軟身，麵條過冷河後依然有黏埋一齊😣湯底係用上魚介湯，唔似平時嘅豚骨魚介湯咁重豬骨味同肥膩，反而係非常清新，充滿麻油香+鰹魚湯底，其香味同顏色不禁令人回想起出前一丁🤣湯底就唔掛湯，食起有啲似點冷麵汁🤣叉燒用上香港本地豬肉🐷，瘦肉比例較高，幸好口感不錯唔會打柴。溏心蛋蛋白🥚醃得非常入味，蛋黃就相對比較流心。海藻幾清爽，同湯底好夾👍🏻食左半碗時湯底已經凍咗，店員主動幫我地加熱湯🍲，又問我地有冇興趣試埋辣味，咁就緊係試埋啦🤓 👧🏻就揀咗小辣，沾麵湯加咗袐製辣油同幾塊蒜片，加辣後湯底香到痴線，唔係講笑！佢嘅辣係慢慢滲出嚟，不過大大啖飲就容易嗆喉😳（應該係平時食開譚仔十小辣/清湯嘅👧🏻太廢）以$68呢個價錢，呢碗沾麵水準非常出色😍以同

2022年第一餐經過門口俾佢外表吸引咗入去舖位細細感覺有點在京都員工熱情招呼之後點了辣味沾麵一碗熱辣辣面就在眼前一人份量剛剛好佢有三款不同湯底的選擇$68一碗價錢絕對合理不錯的選擇

我今日放lunch行過一間賣沾麵嘅小店，見老闆娘熱情推薦，咁就去試吓啦，豚肉好新鮮，肥瘦剛剛好，肉質好鮮嫩，個湯又清甜，飲咗都唔會覺得口渴，聽老闆娘講，d豬係喺香港農場自己養嘅，而個湯有冇落味精。突然間有一種令我覺得返咗去日本，去當地啲小店嘅感覺。

屋企附近新開一間麵舍🍜喜歡試新野既我當然唔放過機會。初時有d猶豫過。因為只得沾麵食，同埋款式只得三款。不過今晚試完後，令我有d改觀😁 佢地煮沾麵麵質有彈性，而湯底清甜而不腻。唔會好似其他沾麵太咸或太膩。食完後唔需要飲太多水。食到差唔多。大廚問我洗唔洗加熱湯🍲，佢話個湯可以飲：因為佢地無落其他調味料。飲完後真係幾好味😋。 跟住同大廚傾吓，原來店舖係兩個老闆，一個係賣本地豬肉；另一個係賣麵。所以舖內主要食材都來自於自己店舖出產。 所以食物質素有保證。再加上大廚對烹調執著：令甚少寫食評我，都罕有再一次寫食評。

小店 日本廚師 相片見到細細碟 説豬肉係本地無激素豨 所以決定一試 湯夠鮮味👍🏻 豬淡淡的 沒有好咸的濃味，麵係新鮮廚師手垃 ，價錢公道只有少量堂食 所以唯有外賣，但返到公司湯都仲夠熱，絕對可以試吓 有誠意的。

個湯出前一丁咁既味根本唔係沾麵，係普通好淡嘅麻油味湯。我叫左一個普通湯，一個辣湯。辣湯好似出前一丁味，普通湯無乜味。個麵係正常唔太差，個蛋唔似日本蛋。個叉燒柴到呢。。。。。。。仲要兩個人坐得嗰個半人位，迫到手踭撞手踭，成個過程都唔愉快。堂食同外賣都唔會再幫襯。

拉麵迷朋友介紹我嚟食呢間新開嘅拉麵店，小店位置唔多，星期日一點幾嚟到啱啱好坐到最後兩個位，唔使排隊等位。餐牌上只有三款沾麵，包括原味嘅淡麗系豚魚介沾麵、辛辣系豚魚介沾麵同每日不同款式嘅special。另外，麵條、湯底同配料都可以自由配搭。由於廚房得一個廚，落單後等咗廿分鐘先有得食，等得比較耐。沾麵配料有四塊叉燒、溏心蛋、紫菜同海藻。叉燒用上香港本地蒓豚，肉味香濃煮得夠晒腍今日嘅Special係鹽燒，同樣係魚介沾湯，但叉燒就加咗鹽蔥，蔥油好香，食落比起原味更惹味，係個好好嘅配搭豚魚介沾湯屬於淡麗系，湯色清澈透明唔油膩，比起香港最常見嘅豬骨白濁湯感覺清爽得多，而且無咁重口味。湯底魚介味突出，帶微微甜味麵條用上彩拉麵嘅自家製麵，可以清楚見到麵條中一粒粒嘅全麥粉。麵條食落小麥風味突出，少少彈牙，本身鍾情於粗麵嘅我覺得呢款幼麵都唔錯值得一讚嘅係麵條過冷河程度剛剛好，大概係室溫，唔會太凍。整體嚟講沾麵好有水準，價錢亦好合理，難怪新開無耐已經要排隊。每日都做唔同限定口味，睇得出小店心思。希望可以保持住質素💪🏻

之前有同事介紹過呢間但幾次見都好多人排隊所以冇食到今次冇咁多人就終於試左真係有驚喜！平時都好少食沾麵印象中沾麵既湯都係比較黏稠今次呢個好唔同感覺比較清同健康個麵係佢地自家製 入面仲有紫菜 好特別重點係 $68有成隻蛋（仲要超好味）同兩大塊叉燒, 真係好大塊（都幾好食）d麵+湯汁一齊食味道好好！整體黎講同事都覺得好正老闆娘仲好nice^^一定會再幫襯！～～(間鋪頭細細 但感覺幾乾淨)不過都幾多人，如果多d位就好了