海街丼 (E-Max) (Closed)

又梨到Happy Friday食好野！今日去咗emax試一間新開未食過嘅日本餐廳，餐廳主打食丼飯。選擇吾多，有生嘅魚生丼，都有熟食嘅親子丼。呢區梨講食物價錢算貴，最平既丼都要$90另收加一，每個丼都有跟一個湯同小食，個有茶類飲品，有烏龍茶同綠茶揀，其他飲品就要加錢。我同同事分別叫咗海寶丼(並)同(上)，兩個嘅分別就係(上)丼多咗蟹肉。上菜都算快，等一陣就有得食。呢間餐廳啲飯食法幾特別，d飯本身無落壽司醋，分開上一碗唓喱醋比你伴飯食。個醋酸酸甜甜，同平時d壽司醋有d吾同。加左個唓喱醋之後都好夠味，可以吾洗加醬油。我個(並)丼上面有帆立貝裙邊、三文魚籽、章魚、蛤蜊、青瓜、不同嘅紅肉白肉魚生肉，全部都係切到一粒粒。小食方面，今日係醬燒茄子，上面有d木魚。同事個個(並)丼d餸大致一樣，係多左大半碗蟹肉絲。

係she.com度睇過姜濤嘅採訪節目留意到呢間餐廳嘅😁趁過黎九展接人所以專登去左呢間餐廳打卡，點知收穫倍增，發現好食店😍呢間主打日本丼嘅餐廳好新，環境較為悠靜，好適合三五知己黎呢度relax下飲下小酒食下d野傾下人生😝我地點左兩個丼，一個海寶丼特上一個海寶丼並，(⊙o⊙)哇！足料又新鮮，店員仲好nice教我地點樣溝啫喱醋點樣溝湯😵我太蠢都系由我個B整埋俾我食😋個人比較喜歡撈湯，因為d魚湯超鮮甜呀！個啫喱醋第一次見，都幾特別，撈湯至前加小小令到d海鮮飯個味更加豐富👍🏻最後都係姜濤B張櫈打左卡😽😽openrice第一個食評要獻給姜B呀❤

試下新開既海街丼，Lunch set 有幾款選擇，我同朋友都係order左海宝丼，其實都係雜錦刺身飯定食，入面有紅肉、白肉、章魚、穴子、蛤蜊、小扇貝、青瓜，味道就一般，真係咩都有D，都係魚身前前後後既部份，我同朋友就覺得麻麻地，始終個定食都HK$90 set，會對份食品有期望。定食有一份前菜、麵豉湯同一杯茶，如果想加飲品需要加錢，飲品價錢都合理的。個人認為，不會再試此間餐廳，HK$90 再加10% service charge，水準應該可以再好些。

為了捉緊暑假的尾巴，今日一家大細去左九展睇天氣之子，睇完戲後就去咗地庫間新開嘅日本餐廳食個中午飯。打開餐牌已發現有我最愛嘅海膽同埋甜蝦😍，我急不及待就點咗客海寶丼特上。店員介紹咗今日廚師精選有拖羅、吞拿魚加海膽丼，老公二話不說就叫咗一客(真豪氣😘）,而小朋友唔食生野，就叫咗客滑蛋豬扒飯。海膽、甜蝦非常鮮甜味美😋。連一向奄尖腥悶嘅老公都話拖羅充滿油香、入口即化，吞拿魚夠新鮮唔腥，亦無雪味，無得輸！阿囡都話豬扒又大又厚又多汁，食到佢停唔到口。仲話下次要再黎🤣

琴日睇到某雜誌介紹呢間日式餐廳，今日中午去試下個午餐，叫咗個廚師發板，同雜誌介紹嘅完全貨不對辦，仲晒伏！今日係吞拿魚加兩片所為的赤魚，加兩塊蛋壽司，另應該跟菜單就兩片㗎海膽，但係我個餐就得一片，已經貨不對辦先。再講吞拿魚係普通貨色，並唔係雜誌所講嘅吞拿魚腩拖羅種，唔明咳雜誌點解可以講到話入口即溶，可能佢嗰碗特製囉、而海膽食落就呃呃地，一啲都唔新鮮，而且我個碗得一片。另外果兩片係所為的赤身，更加不知所謂、一啲魚味都冇，最離譜就係嗰碗飯睇落去好似好大碗，實際上連正常屋企飯碗嘅半碗都冇，太小氣了。毎份午餐$170連加一$187，絕對五值！

喺九展返左工一段日子，其實d餐廳食到都好厭啦😌。終於開左新嘅日式料理餐廳， 梗係要同同事一齊試新野啦！新張期間，排左大約15分鐘終於有位， 我地坐十人tatami 枱， 感覺都幾寬敞😊 午餐主食主要分為刺身飯🍱，豬扒飯同親子丼🐥🥚🍚，選擇唔算多。 我揀左海宝丼［上］，賣相都唔錯， 有d似角切魚生飯 ：有蟹肉，吞拿魚，三文魚，章魚， 穴子，小扇貝等。午餐附送味噌湯， 小食同冷/熱烏龍茶。不得不提係壽司飯並冇添加醋， 反而以壽司醋啫喱形式另上， 份量自由添加。另外由於飯嘅份量唔算多， 我地無論男女同事都要加大先夠食😂😂

EMax 又有戲院又多outlet，重要連假日都唔算多人，係一個炎炎夏日既好去處，雖然佢有一層係food court，但價錢唔算特別親民，選擇亦唔係算吸引，係basement見到呢間日本餐廳，裝修好靚同高檔，但lunch set價錢只係$80 - 百幾蚊左右，可以一試！我大約12.30去到，有幾檯客人，坐位舒服，環境寧靜，而且裝修有落足心機，有身在日本居酒屋既感覺。海宝丼（並）（亦即係最普通），有得免費要大盛，不過飯量都唔算話好多，不過佢地話其實無限任添！ 最特別係配柚子醋啫喱，佢飯唔係壽司飯，自行試味落適量既啫喱，柚子醋啫喱配上飯上既碎海鮮，鮮甜開胃！吞拿魚蓉飯個人覺得佢個魚蓉既汁本身偏咸，鐘意海宝丼多Ｄ佢地可能開業唔算耐，見到有幾檯客（包括我地）都出現錯單，雖然侍應都即刻道歉而且立即重新再送上正確既柯打，而且侍應都姊有禮貌，長遠都有需栗改善錯單情況應乎更多既客人。

本身係喺九龍灣高銀金融國際中心嗰邊返工 ,所以基本上每日晏晝都係九龍灣區嗰度食, 有三分一到一半時間,都會去Emax嗰邊食晏晝, 不過食咗咁耐,坦白講,大部分食過嘅餐廳,都係一啲普通嘅餐廳, 淨係適合填飽個肚就算,冇諗過放工要再去食嘅...咁啱禮拜六,約咗人去嗰邊睇戲, 睇完戲之後,真係想搵一間好啲嘅餐廳食下... 咁啱見到呢間餐廳新開,仲好多花牌喺門口... 就入去試下, 環境的確唔錯, 好有日本嘅居酒屋feel, 尤其是個廚房,整得幾靚,啲廚師著曬製服,都幾整齊... 不過食物款式比較少, 店員話因為啱啱開張,所以有啲食物都仲未準備好,淨係得幾款魚生飯可以order... 揀咗個吞拿魚嘅魚生飯, 賣相幾靚, 食落去好有驚喜! 原來啲魚生佢哋加咗啲味, 唔係普通魚生, 另外佢哋係用白飯嘅 ,唔係用壽司飯, 佢另外畀咗一碟啫喱狀嘅 醋, 畀我加落啲飯度食,酸酸甜甜又幾過引, 最特別係佢哋跟多一 壺湯, 嗰壺係魚湯嚟嘅,畀我哋撈飯食,嗰個湯好好味, 不過大家要小心, 唔好就咁飲, 我就係唔小心,一啖飲落去淥親條脷... 不過整體都覺得啲食物唔錯, 而且都幾特別,之前無試過喺第二啲日式餐廳

今日同老公特登去emax嗰邊睇戲,因為間戲院d櫈又舒服,環境真係唔錯... 睇完戲,諗住喺度食埋飯先返歸, 點知發覺好多鋪頭都閂咗,吾多選擇... 當我哋行到落去b1嗰層, 發現咗呢間日本餐廳, 見佢啲裝修唔錯,就入去試下啦... 坐低咗細心睇下個menu,發覺原來呢度主要係賣丼飯嘅, 即係食魚生飯之類嗰啲... 本身我哋夜晚都唔係好鍾意食飯類(因為怕肥), 不過因為冇乜選擇,就叫咗個炸豬扒蛋飯再加個沙律。點知當個豬扒飯同埋沙律嚟嘅時候,發覺真係好有驚喜! 個豬扒蛋飯非常非常之好食, 啲豬扒又夠厚又有肉汁, 雖然用蛋煮過,但係個面仲係脆架!(真係好想知佢點樣整) 仲有啲飯應該係日本米,粒粒圓碌碌好好食, 同埋估唔到碗飯都幾大碗,一碗飯差唔多ko咗我同老公, 呢個真係值得推介! 個沙律同樣精彩, 諗住一個普通日式沙律應該冇乜特別, 啲菜食落係甜甜地嘅,加埋個醬汁非常之正! 本來諗住咁夜唔食咁多,只係叫一個丼飯,一個沙律,點知碗飯又大碗,個沙律嘅份量都夠食飽一個人 (我指一位女士) 所以最後清曬枱上面啲嘢,食到兩個人個肚腩脹卜卜先走... 今次糊里糊塗求其揾既餐廳,竟然都俾我地撞到間有裝修

Umimachidon in Quarry Bay has been on my to try list for quite some time, but I still haven’t gotten a chance to see how good its sashimi rice bowl is. I was surprised to see a second branch opened in KITEC, Kowloon Bay, which is so close to my work place. No reason not to try, and save a trip to Quarry Bay, hurray!Lunch menu isn’t big. There is also chicken fillet don. Staff said more snacks are available in dinner menu.I ordered a regular Kaihoudon Seafood Rice Bowl lunch set to try, it came w