雲海日本料理

Open Now

Now Closed

當天老闆請我地食午餐~一行8人訂了位～比了間房仔我地坐～好舒服～唔會好嘈～好寧靜～加州卷蟹子都好鮮甜～開胃前菜～前菜 刺身同漬物三文魚同吞拿魚都好新鮮～又好肥美～漬物酸酸地幾開胃～日本鰻魚飯主角出現啦～我最愛既鰻魚😍的確好有水準～雖然未及京都某間專門食鰻魚飯店～但煎得好香～好有魚味～仲要無啲細骨～鰻魚醬都好味～加上蛋絲～綠茶心太軟配綠茶雪糕個心太軟焗得剛剛好～有綠茶朱古力慢慢流出黎～雪糕都好香綠茶味～日式甜點 紅豆年糕年糕煎得剛好～加上紅豆～口感一流～P.S.環境同服務都好好～食物都唔錯～驚喜係個年糕

嘗過今早失望的早餐，晚餐一定要食返餐好，補償心靈的安慰。銷售員A和會計員M及家人共7位，今晚來到來到尖沙咀喜來登酒店內的日本料理，印象中已經是第四次到雲海。如以往一樣，餐廳安排了一個私隱度極高的房間予我們。銷售員A今晚選擇了一個鐵板燒晚餐Akasaka Course，包括有前菜，刺身，燒龍蝦，鮑魚，澳洲M9和牛，龍蝦湯，雜菜，炒飯，甜品等等。食物質素，服務等均一如以往，長期保持於極高水準。前菜刺身鐵板燒龍蝦鐵板燒鮑魚龍蝦味噌湯單點了一客原隻海膽刺身，極為鮮甜，味道一流單點天婦羅粟米餅，不油膩，推介菜式酒店日本鐵板燒料理，酒店式享受，酒店式消費。銷售員A回頭指數: 5分

喜來登酒店入面既雲海鉄板燒一聽就知道貴😂😂請呀媽食飯無所謂啦，豪就豪..........1次甘多啦開頭食左啲沙津，前菜鮑魚切到好薄，又甜，又吾難啃帆立貝鮮甜，彈牙！生熟度煮得岩岩好龍蝦肉質飽滿，口感細膩，一樣鮮甜大蝦同銀鱈魚2樣煮得都好到位鵝肝綿密多汁、入口即化如果可以配埋黑醋汁就非常好啦和牛薄燒入面包左蔥同蒜片，好油膩呀不過好好食，如果下次再去我諗我會叫美國牛肉，因為和牛太油了整體黎講，餐廳服務，食物既質素都同價錢成正比，一分錢一分貨

短短的一周，經歷了喜悅與悲傷，真是人生如戲，但「生老病死」總有定期，衷傷過後，還是要站起來，才是對親人的尊重。 畢竟，跟人分享飲食體驗，是自己的興趣，重拾筆的一刻，將情感化成文字，正好沖淡了哀愁。這麽多年來，多得大家的支持及關心，實在是點滴在心頭，亦是人生中最大的財富。好感恩，早前就有好友跟自己慶生，品嚐了優質的海膽。 地點就是口碑一向不俗，位於喜來登酒店的雲海。 餐廳既有吧檯，又有鐵板燒，而今次就在廂房享用時令的海膽。雲丹祭 Sea Urchin Festival 雲丹冷奴 Sea Urchin Cold Beancurd 海膽凍豆腐（$180.00） 近日天氣悶熱，絹豆腐雪得微凍而不過火，正好帶來絲絲涼意，放上了海膽，增添了滑溜的感覺，幸福感悠然而生。Fresh Whole Sea Urchin 原隻海膽 （$480.00） 選用原隻北海道紫針海膽，也未免太奢華了吧？用小巧的茶匙舀起，色澤自然潤澤，看得出的新鮮，放在舌尖，細意感受慢慢溶化的感覺，甜味緊密包裹了舌頭，真是大自然賜下的財富。海膽壽司（兩件） Sea Urch

平時係香港食teppanyaki,一向都價值不菲，難得今次有信用卡優惠，重可以係酒店入面食teppanyaki放題，而且清酒同啤酒係無限任飲，當然要去一試喇。頭盤先黎係一個豆腐小吃同三文魚甜蝦刺身👆🏻👆🏻👆🏻然後就開始係主菜喇👇🏻👇🏻👇🏻銀雪魚扒＋三文魚扒帶子+蝦仁肥美鵝肝洋蔥牛肉簿燒除咗銀雪魚同鵝肝之外，其他ga都可以無限encore，推薦encore帶子丶牛肉簿燒同羊架。無論係款式數量丶食物質素同埋酒店餐廳ga環境，性價比都非常之高，值得推介。👍🏻👍🏻👍🏻

位於喜來登酒店既日本菜🤩氣氛一流，暗暗的燈光很浪漫，座位與座位之間privacy亦很高，很適合情侶dating❤️壽司質素高，魚生新鮮，天婦羅炸得剛好，沒有成口粉既感覺!!當然價錢不菲，但久不久食餐好係需要的😂😌👍🏻

由於之前join左Sheraton 酒店的buffet club member, 所以盡量想試曬酒店不同的餐廳，用盡所有的折扣優惠。而試過酒店的buffet,中菜及雲海既日本鐵板燒之後，最令我印象深刻，念念不忘既，就係雲海既鐵板燒放題，讓我一再光臨。今次適逢週年紀念日，我地又再來吃個痛快，最重要既係，呢到個鐵板燒放題連清酒都可以任飲。前菜莎拉-新鮮開胃三文魚刺身-肥美鮮甜鐵板燒:蝦-肉質新鮮彈牙帆立貝-肉厚彈牙，讓我一再加單三文魚-魚皮燒得脆，都算美味，但魚肉不算嫩滑，可以留肚吃多點帆立貝，蝦及和牛簿燒鴨肝-整個放題燒得最好的就是鴨肝，分量剛好，燒得外脆內軟，入口有溶化的感覺，可惜的是鴨肝每位衹供應一件，吾可以再加單任食和牛薄燒-和牛夾着燒得香脆的蒜片，蒜味香濃，跟和牛極配，不過吃兩份已經好飽，還是留肚吃多轉帆立貝會冇甘膩什菜-炒得香口，可以平衡一下膩感炒飯-其實已經飽到上心口，所以可以預早同廚師講衹要少量淺嘗便可甜品-簡單既雪糕甜點為整餐寫上完美既句號以$5xx 來講，能係酒店既餐廳食到大廚係你面前即做既鐵板燒，一邊飲酒，一邊細味品嘗，真是人生一大樂事~!

雲海日本料理」位於「喜來登酒店」3樓，唔知係 烏龍定係點？我搭lift上到3樓，服務員又叫我落一層，點知落咗一層之後，又要沿住大堂樓梯上返一層令原本已經遲到嘅 遲上加遲 一早到咗嘅朋友已經揀定食物，有 選擇障礙 嘅我，左睇右睇個餐牌... 最後都係跟大隊要咗個 汁燒牛柳定食 （沙律、湯、魚生、牛柳、白飯）先嚟嘅前菜有沙律、醃菜，材料好新鮮 因為朋友唔食魚生，服務員幫佢改咗要 天婦羅，外觀都唔錯而我哋嗰兩份 魚生，一直未見蹤影 反而 牛柳 先上枱，廚師將牛柳煎得剛好五成熟，牛柳肉中間仲係粉紅色㗎，肉味好夠、好嫩滑 美中不足嘅係唔夠熱，似乎擺咗一段時間先送過嚟，無咗香煎嘅味道 不過份量就好足夠，加埋碗白飯... 同遲大到嘅 魚生 足以令 飽咗半日

點了一個松花堂，一個鰻魚飯，也不知那個跟那個套餐的前菜和刺身了。先上了前菜滷豆腐，醬汁有點太濃稠。兩點刺身有三文魚和油甘魚。看著很漂亮的松花堂這裡的刺身挺普通的，且油甘還帶點腥。煮物有南瓜，紅蘿蔔，白蘿蔔，和鮮甜彈牙的蝦，整體味道感覺還是好像沒什麼心思。天婦羅粉漿薄，脆而不油膩。燒銀雪魚有點粗鞋。蛋卷不滑嫩調味也淡。伴有一點芥末八爪魚。清湯裡的蛋是一個小驚喜。漬物可能是我吃過最不喜歡的。這鰻魚飯，以酒店的質素來說我只吃了兩口就停了。

我今天個人第一次食咁貴的一餐！首先感謝🙏🏻老闆的荷包！今餐老闆請🤣😂！首先講下今次的套餐-雲海套餐頭盤-是吞拿魚卷+魷魚🦑+支豆跟往刺身😓掛往食唔記得影相 不過刺身好新鮮由其是wasabi 好好味是新鮮磨出來食落甜中帶辣！🎊🎉重頭戲來了！龍蝦有靚仔廚師👨‍🍳在你面前煮理！🤤😍😍十條龍蝦排排企各位觀眾龍蝦山之後的鵝肝外脆內軟帶子仲有和牛.........總結價錢-比較貴味道-好到爆登滿滿分💯環境-好有日本feel ，係要小心行路因爲設計有些特別半路會有塊石做裝飾差一點跌倒！整體來說-過時過節去一去都不錯👍🏻

#小秘書 今日好肉痛呀... 雖然會員幫襯有75折，依然覺得呢餐有啲貴💸 平時唔係咩特別日子，我都好少可lunch食得咁豪👉🏻👈🏻 不過朋友要返澳洲，又好想用埋酒店啲coupon先走😅 唯有捨命陪君子... 豪一次啦！「雲海日本料理」位於「喜來登酒店」3樓，唔知係 #小秘書 烏龍定係點？我搭lift上到3樓，服務員又叫我落一層，點知落咗一層之後，又要沿住大堂樓梯上返一層🥴令原本已經遲到嘅 #小秘書 遲上加遲👀 一早到咗嘅朋友已經揀定食物，有 #選擇障礙 嘅我，左睇右睇個餐牌... 最後都係跟大隊要咗個 #汁燒牛柳定食 （沙律、湯、魚生、牛柳、白飯）🐮先嚟嘅前菜有沙律、醃菜，材料好新鮮🥗 因為朋友唔食 #魚生，服務員幫佢改咗要 #天婦羅🍤，外觀都唔錯 而我哋嗰兩份 #魚生，一直未見蹤影🤔 反而 #牛柳 先上枱，廚師👨🏻‍🍳將牛柳煎得剛好五成熟，牛柳肉中間仲係粉紅色㗎，肉味好夠、好嫩滑🤤 美中不足嘅係唔夠熱，似乎擺咗一段時間先送過嚟，無咗香煎嘅味道🤨 不過份量就好足夠，加埋碗白飯... 同遲大到嘅 #魚生🐟 足以令 #小秘書 飽咗半日🤣

今日好開心同朋友五人一齊去到雲海食壽司 ! 經服務員嘅熱烈推介同埋有拖羅手卷嘅關係 ,我哋揀咗精選Omakase! 食呢個真係值回票價格， 又有刺身又有壽司又有烏冬同埋湯落手卷仲包埋雪糕， 真係飽到上心口，咁抵都唔知去邊度有！ 加埋師傅風趣幽默，同我哋傾得不知幾鬼開心！ 下次一於再encore叫多啲朋友拉大隊嚟先！

好同事牛一想食鐵板燒，我哋二話不說就訂定喜來登酒店雲海嘅午餐鐵板燒放題，平日$499+！呢間野一定要訂定位重要講明係要食放題，因為佢會用鐵板燒吧枱來做放題用，如果唔訂好嘅話就要食最平都要差不多價錢一set嘅a la cart啦我哋一坐低就梗係叫咗嘢飲先啦，（任飲）最衰係要返工唔可以嗌酒，所以大家都叫做汽水，其實可樂配燒肉真係一絕嘅！之後就跟Menu咁樣先來個前菜刺身，再之後就係三文魚，蝦，帶子,羊架，雞肉，鴨肝（只有每人一客）同埋澳洲和牛薄片！三文魚皮脆肉嫩，超香，心機之作蝦爽的，帶子也外香內軟，好味鴨肝又厚又油，滯但正！和牛薄片配上洋蔥同埋炸蒜片，入口是有牛油嘅香味，洋蔥中和了點又加埋啲炸蒜片真係満足到味蕾！醒目嘅大廚見我哋幾個意猶未盡唔使出聲都幫我地整多幾件蝦同帶子！之後仲order定廚房切多20片牛肉片出嚟招呼我哋幾個！當然我哋仲唔執輸再叫下三文魚咁～最後仲有炒什菜，炒飯（滋賀縣米），面鼓湯同埋綠茶雪糕.... 大滿足的一頓豐富午餐呢～

又一非常美味嘅晚餐😋 一如以往保持好食物水準，用料新鮮，調味一流，價格都合理，服務都好好，上餐流程恰當，而選擇食鉄板燒，當然係食物吸引之餘，還有視、聽覺享受「鉄板師傅」嘅廚藝、鏟子嘅噹噹响聲⋯👍當晚三口子共選擇咗三款鉄板燒套餐，先來頭盤：飛魚子、八瓜魚、枝豆、什菜沙律，再來魚生拼盆。主菜海鮮有：巨形大蝦、珍寶帶子、銀雪魚、三文魚、鮮鮑魚，另外，仲有澳洲和牛：薄切、厚切都有。再來就是炒飯、炒什菜、蜆肉湯。最後，甜品有多款雪糕、或是生果，任君挑選。

今晚我同太太結婚6週年揀咗響雲海日本料理慶祝 ,我哋被安排响一個好private 嘅table。經服務員嘅細心講解同推薦下我哋揀咗北海道赤鯥同象拔蚌刺身， 口感非常彈牙 ，經過火灼嘅赤鯥充滿魚油香， 肉質亦非常滑 ，真係冇介紹錯！跟住我哋揀咗鐵板銀鱈魚同鵝肝， 煎得非常香脆到連皮都可以食 ，鵝肝用多士墊底， 食落唔會好漏， 總括嚟講雲海你食物同服務都好好嘅餐廳 ，真係值得一試再試！