URBAN Café Commune (MOKO新世紀廣場)

Open Now

Now Closed

見佢環境幾好，諗住試下。叫咗個2人套餐(諗住做得套餐嘅應該都係D signature dish)再加個tiger prawn linguine。點知伏到... 😓得個樣見得下人...沙律菜同飲品冇得錯嘅，其他就...個龍蝦risotto嘅龍蝦肉梅嘅，所謂嘅焗肥雞柴口嘅，tiger prawn冇味嘅成個pasta勁flat，連D fries都唔夠脆。$7xx埋單我另願捐咗去😒大家都係去下飲嘢食下cake算了，不過D staff我又覺得Ok嘅...

成日聽朋友講哩到既牛角包好好味 終於搵到機會黎試下🥰最後因爲Set lunch太吸引 牛角包都係留返下次先試😂cappuccino同榛子咖啡兩杯都好好飲 咖啡豆味好香 卜卜脆炸魚漢堡炸薯條同煲仔蕃茄豬扒意大利飯 都係普通set lunch 不過薯條係好重薯條味既薯條😂因為飲左杯好香好濃既咖啡 心情即刻放鬆哂❤️可能咖啡太出色 令到今日叫既兩款lunch唔算太驚喜 所以下次一定要試埋牛角包🥐期待～

火燒牛仔* (10安士美國西冷扒配薯條, 炒雜菇)💰約238🔸5成熟剛剛好，很重牛味🔸牛肉多汁，肉質嫩滑🔸薯菜不過不失63˚C 溫泉蛋卡邦尼煙肉意粉💰約98🔸半熟蛋超流心，超香蛋味🔸意粉彈牙，醬汁好creamy🔸份量ok🔸煙肉厚身濃味，有咬口西班牙海鮮飯 (二人份)💰約238🔸有青口，蝦，帶子等，海鮮鮮甜🔸米飯超濃郁番茄味🔸米飯粒粒分明‼️以上均配是日龍蝦餐湯及飲品一杯🔸龍蝦湯好濃既蝦味，有幾隻蝦仔，足料🙂餐廳座位闊落，坐得舒服🙂餐廳裝修饒有風格

一朝早嚟到呢邊做嘢，想搵個地方食早餐又可以坐低慢慢做，唔好俾人趕😂 呢度真係一個唔錯嘅選擇Urban最出名當然係佢嘅牛角包🥐平時買外賣都會買，菠蘿包皮或者焦糖皮，好好食😋所以佢嘅早餐當然有牛角包🥐我就叫咗個雞扒蛋套餐，嗰個蛋都有啲surprise，幾好食😂 不過個雞扒就不了嗰桃茶都有啲喜出望外，幾好飲，但太甜😅不過坐喺度真係好舒服😌，可能因為太早嘅關係，呢個商場冇乜人，又唔會俾人望住叫你走咁😂

一間餐廳幾好食都無用，服務態度已經令我同屋企人接受唔到，坐低幾分鐘未叫嘢食就走。事情係我本來一行三人晚上6點幾行過，諗住入去試下，餐廳有三個女服務員，一個白色制服兩個藍色制服，餐廳內唔多客，但我地照樣喺餐廳門口等人招呼，等左兩分鐘有位藍色制服嘅服務員問我地幾多位，我話三位，之後我地自己做安心出行，之後個服務員安排我地坐近門口，但我地見裡面有枱要求坐入面，個服務員都話無問題，叫我地入去坐，我地就入去坐低，坐低張枱原來未抺，不過唔緊要，因為我地自己要求坐入嚟，但喺呢個時候，另一個著藍色制服嘅服務員就行埋嚟，張枱未抺，然後望住我話：「呢度要帶位入嚟！」我答佢：「係，另一位服務員叫我地入嚟坐架喎！」之後佢怒啤嗰位服務員，然後好唔滿意咁行返去後面執啲餐牌，我本身以為執俾我地，結果佢全程唔理我地，就行返去餐廳門口位置，我見佢喺度鬧緊叫我地入去嗰位服務員，但就一直無人嚟我地，無餐牌，之後我地決定走，行到門口同白色制服嘅服務員講返件事，而態度好差藍色制服個位服務員聽完就話一句：「唔係我帶你地入架喎」我話「緊係唔係你帶啦，但你第一句就話有帶位，話我地自己入嚟，之後就無諗話招呼我！」講完到我走，佢由始至終

早兩日起旺角買左戲飛睇早場 諗住未夠鐘就去食個早餐先啦😉今次揀左起moko 入面既Urban cafe commune!! 成日去moko經開呢間店舖都會好想去食佢既牛角包🥐 終於有機會試啦☺️我揀左早餐B set 係火腿蘑菇芝士炒滑蛋 配法國A.O.P牛角酥或丹麥吐司 套餐可以配迷選飲品一杯 就可以揀桃茶、汽水、咖啡或紅茶 呢一set係$39我當然係揀左食牛角酥啦😍 然後叫左杯cappuccino +$15 滑蛋冇咩特別但可能係啲菇令到佢有啲水 不過重點係牛角酥🥐 真係好香好好味🤤 再加埋杯cappuccino 點都係一個good morning laa!!!😌

去旺角開完會，正值午飯時間，見Urban Cafe Commune 不多人，同事亦未食過，便順道幫襯。它在MOKO一樓，空間感大，視覺開揚，坐得舒服。午餐選擇很多，連餐湯及餐飲。我選擇了Urban 3小時慢煮烤鷄（$98）而同事選了煲仔蕃茄豬扒意大利飯（$78），這個價錢，在商場內的餐廳，算是抵。龍蝦湯望落顏色橙中帶紅，幾靚！湯底香甜，不太稠或稀，有龍蝦香味。難得的是，以這個套餐價錢，還有龍蝦肉，雖然份量不多，也覺超值。👍🏻👍🏻👍🏻煲仔蕃茄豬排意大利飯上枱時樣子不錯，可惜一時心急，每人裝了一碟，變成圖中樣子。這個飯不單有蕃茄，也有什菌，食落口感豐富。因它用了很多蕃茄，味道香濃。而意大利飯亦做得煙靭，好咬口。美中不足的是，豬扒很薄，咬落無乜肉味，印象中以前的豬扒較厚身和好味。😋烤雞上枱已聞到陣陣香氣，它用咗很多香草醃，食落皮薄而脆，肉質鮮嫩可口，兼十分juicy，好味！雖然旁邊有烤汁，唔點都好夠味。😍😍😍薯條炸得香脆，有薯味，表面還加了五香粉，提升其味道。沙律菜亦新鮮，脆卜卜，清爽健康，亦能中和烤雞的油膩。👍🏻👍🏻👍🏻熱桃茶桃味香濃，雖然略甜，但當茶包浸泡耐D，茶味濃咗，便更加有桃茶感覺

今個周末到旺角做運動前進了Moko醫肚，之前有經過Urban總是見到有小小的人龍，趁今天有時間排一排，很可笑的是明明餐廳裡有很多空位，但沒有人清潔或帶位，我們去問一下職員，誰不知他串串貢地回覆說因為疫情所以有maximum capacity, 其實有疫情操施絕對明白，但與其要人呆等，倒不如給一點指示牌？本來心情被影響都不想吃了，但剛好到我們就order了牛肉鵝肝漢堡配薯條，低溫煮雞肉沙津，每份餐點都有湯（龍蝦湯)及飲品(蜜桃茶); 食物評價是不錯，很足料，當然價錢是不便宜，比simply life更昂貴，但兩人share還可以！

到URBAN Cafe Commune食午餐， 地點位於新世紀廣場， 餐廳採用開放式設計， 非常開揚但人流很密集。 點兩個餐～晨光第一炮$98、升cup晨光第一炮$128。⭕晨光第一炮🧆（牛角包、法式香腸、香滑炒蛋、炒雜菇、慢煮蕃茄和煙肉）～ 整體最好味牛角包， 外脆內軟， 煙肉口感硬， 其他都是普普通通。⭕升cup晨光第一炮🧆（牛角包、法式香腸、香滑炒蛋、炒雜菇、慢煮蕃茄、煙三文魚和巴馬火腿）～ 升級版多了煙三文魚和巴馬火腿， 味道正常， 都是牛角包最好🥐👍🏻。⭕餐湯🥣～ 龍蝦湯有幾粒龍蝦仔， 味道都幾香濃。⭕熱咖啡☕～ 咖啡味道香，但入口不夠濃。餐廳食物普通， 用餐時間一個鐘有點趕， 牛角包🥐的確幾好味。

上次黎食個waiter 同waitress 同今次完全係兩碼子事今朝一開舖去到，冇人帶，係外面等左陣就有個一副唔想撈的waitress 毫無禮貌聲都唔出咁齋帶位之後到點餐，完全唔會問你食乜，等你自己講朋友唔知冇凍奶茶，佢就好唔客氣咁講一句：We don't have any 凍奶茶，We only have this and this.... (指住個餐牌）然後朋友話咁要可樂啦，條友問：two?我話要一杯熱桃茶然後我講都未講我係要牛角酥定丹麥包，佢已經走左佢我大聲少少同佢講要丹麥包，睬都唔睬我，頭都冇擰轉頭先唔講野食，d 服務態度差到極點唔想做唔好做吖嘛仲要又中文又英文咁最後上檯的係牛角酥，唔係丹麥包真係不知所謂到一個點超級劣，冇下次想受氣想嗌交就黎呢度感受下

大年初一朝早未洗拜年住，就出去兜個圈啦，順便係旺角行下花墟。最近就係MOKO，平時URBAN CAFE都要排隊，今日竟然唔洗，一於試下啦.-龍蝦湯，好濃郁連湯上既牛角正常質素。-蕃茄大蝦寬扁意粉，個扁意粉好好味😋我淨係食到兩啖😂其他比大少食晒。而且連蕃茄都食埋。不過大蝦就一般般，肉質大硬，亦無乜鮮味。Staff好細心咁提醒我個意粉係辣既，建議我走辣-洋蔥圈，熱辣辣上枱好好味 又唔油膩。總結：食物質素都可以，Staff好nice

疫情期間好多餐飲業都推出好多外賣優惠，今日見到呢個超值外賣套餐幾抵食，所以就幫襯下。叫咗溫泉蛋卡邦尼意粉，辣洋腸日曬蕃茄薄餅，龍蝦湯。溫泉蛋卡邦尼意粉 : 睇個賣相有啲流，但食落估唔到真係幾好味，個汁味道好正而且又夠多，可以均勻地掛在每條意粉上，非常出色。🤤辣洋腸日曬蕃茄薄餅 : 由於有人太肚餓嘅關係，我連相都未影就已經冇咗一塊 😝 估唔到薄餅拎到返屋企都依然咁脆口，材料雖然好簡單得幾款，但估唔到又幾正喎。呢度既凍蜜桃茶好好飲，但見到有龍蝦湯，真係掙扎咗陣，最後揀咗龍蝦湯，果然冇揀錯，龍蝦湯味道好濃郁之餘仲有啲龍蝦肉食。😋

老媽常說這間牛角包很有名，又說阿嫂常攜同姻伯母來吃燒雞，在暗示該當安排她來一嚐馳名佳餚嗎🤔？我喜歡吃牛角包，却又不至於衆裡尋牛，老媽總是惦念著這間店，我便悄悄地一馬當先，身先踩場採樣.....即使疫情嚴峻也坐無虛設，候台人龍很短，不多時便有台入座。咖啡廳位於商場內的心臟地帶很吸眼球的開放式設計，走進去成為坐上客的感覺像是金魚🐳正被商場遊人觀賞😆沒有下午茶特設的套餐，自是隨意單點，我選了Mrs Cow和焦糖拿鐵咖啡。不知牛太是多人選定冇人點，供應似乎有限，服務員再三確認是否有材料後下單，有點不祥之感🙄大杯飲品先來，早已說明大杯要紙杯上，我却忘記了在公眾地方必須帶上口罩，不可離場邊逛邊喝，正自納悶，牛太便上台了。牛太是咸餡甜包，厚切黑豚豬火腿扒配上芝士和煎蛋，有點像早餐的配搭。外皮酥脆鬆化帶甜，極像菠蘿包的外層脆皮，而裡層蜂窩結構被整塊餡料砸上去，便失去了蓬鬆內層的效果和口感，加上濃烈豬味也搶盡了牛油香酥味。總括來說餡料過多，跟麵包也九唔搭八。豬火腿扒味道過咸本身已很難食，飲品普通，不濃不淡沒有咖啡香！我想說以後不會再來，但，老媽老是說著姻伯母也來吃這裡的燒雞，總要帶她再來一次光顧其遠近馳

朝早行新世紀，除左快餐店，應該只有這間Coffee Shop🥲☕️不過性價比偏低，如無意外，都唔會再去。當日係精選龍蝦湯，真係令我喜出望外🥰湯裡面仲有幾粒龍蝦肉仔🦞味道濃郁👍🏻我都幾高評價！全部菜式最鐘意呢項❕-飲品就選擇熱嘅英式早餐茶🫖味道還好🙌🏻普通茶包都好難會難飲～炸洋蔥圈🧅如果以$58來說，性價比不算高～因為份量太少了，所以唔建議單點。All Day Breakfast🪄我覺得過份欠缺誠意😂太普通了😶蛋無味，連落埋黑胡椒都救唔返🙏🏻唯一牛角包先好少少🥐牛肉漢堡🐮個人覺得牛肉太大😣(影相角度無就好🙏🏻所以睇唔到實際厚度）加重了進食者的難度，令到要分開兩次食，但味道方面我就無試喇～-薯條幾好食👍🏻全因為調味粉令薯條加分左好多😜我都忍唔住偷食左幾條🙈

Coffee shop價錢，茶餐廳服務水平，1小時交枱，隔離枱有兩個客夠鐘，真係俾佢趕走，但當時有吉枱冇人排隊。仲有，叫乜冇乜。食物水平未到可以用咁嘅營運手法。唔會再幫襯。淨係想做好啲生意，服務同食物質素完全忽略晒。