URBAN Café Commune (MOKO新世紀廣場)

Open Now

Now Closed

星期六日tea time要排下隊，雖然排都好快，十零分鐘會有位架啦。原本朋友係推介我食croissants嘅，但長期餓底嘅我食一個麵包係唔會夠飽架喎🥺 見到幾枱都係叫burger，賣相都唔錯，心諗：應該唔會伏掛！！所以我order左鵝肝牛肉漢堡$168加$25可以包餐湯(當日係serve龍蝦湯，唔知會唔會轉)包多杯drink (部分咖啡補差價)個burger都幾大，女仔應該要逐樣慢慢切先無咁輪盡😅但薯條質感一般 唔脆同埋唔夠熱 好有可能係炸定🤭🤭最後偷食左一啖朋友嘅牛角包，係最值得食！夠脆同鬆化

在旺角開完會，又到醫肚時間，想起Urban Cafe 樓底高，空氣流通，座位舒服，即來試試。它在旁邊有卡位，並有弧形背板上到頂，設計有特色。而部份座位更可望到地下及樓上商店，十分之開揚。午餐選擇頗多，有13款。我與同事一個揀了A餐（煲仔番茄豬排意大利飯），一個D餐（Urban 三小時慢烹肥鷄1/4隻），齊齊分享，可以試多D菜式。套餐包餐湯及一杯飲品，今日餐湯是龍蝦湯，餐茶除咖啡丶紅茶外，還有蜜桃茶，我選了熱蜜桃茶。龍蝦湯做得唔錯，很滑溜，有少少龍蝦香味，兼不太稠。湯內還有新鮮小龍蝦，有咬口。慢烹肥鷄一點也不肥，健康。伴碟沙律菜尚算新鮮，味道清新兼健康！👍🏻 鷄用咗很多香草醃制，表皮香口。不過雞肉雖然嫩滑，但無乜味，似乎之前醃制沒有落足調味，稍為遜色。👎🏻煲仔飯一上檯已聞到陣陣芝士香，芝士味濃。豬排有兩片，厚度適中，肉質鬆軟，好味道。飯是意大利飯，煑得啱啱好，對於喜愛香濃芝士的我，這個飯正合我口味。Yummy ! 👍🏻👍🏻👍🏻蜜桃茶香濃，不過落了太多桃味糖漿，掩蓋了茶味，令整杯飲品過甜。總結而言，它的食品不過不失，以價錢計，則不算超值。

位於Moko中間位置的餐廳，用餐範圍好開揚，每次經過都必定大排長龍，開咗好耐嘅呢間餐廳，我其實都係第一次幫襯😚Lunch售賣的食物種類好多，主打牛角包之外，仲有烤雞等等🥳▫️All Day Breakfast 必嗌既，份量很足😍牛角包🥐酥脆可口，有兩款香腸，香草炒滑蛋，炒菇，燒蕃茄，煙三文魚，火腿，整體係一份好食嘅食咗早餐❤️▫️ 手絲肥雞溫泉蛋沙律🥗肉質頗嫩，好健康嘅雞胸肉，烤得不錯，配上新鮮嘅沙律菜，係一個健康嘅選擇😊▫️買咗一杯熱Latte☕️拉花同味道都不錯，估唔到一間西餐廳嘅咖啡都可以有咁嘅水準❤️URBAN Cafe Commune太子道西193號MOKO新世紀廣場1 樓121及181號舖

食物係可以嘅但係啲侍應嘅服務態度真係好麻麻啦等左5分鐘有多都冇人行入嚟全部企曬喺收銀外面傾偈！ 問攞紙巾應咗又冇人攞嚟講真服務態度差啲嘢食幾好食都冇用啦返工時間對埋一堆喺度傾計又唔願做！

呢間餐廳食過幾次，之前因為鍾意飲佢杯蜜桃茶，而且食物水準都唔錯，所以今日再嚟！今日等位耐左少少，因為冇得訂位，要排隊！我哋點了青口配薯條、鵝肝漢堡包，餐飲係我最鍾意嘅蜜桃茶！可惜青口有兩三粒都有點怪味。而且埋單時間非常耐，足足等了15分鐘。

本身我都無寫開comment，但係呢間個服務態度差到好似係你求住要入去，而5係歡迎光臨咁，搞到好嬲。要入座搵個服務員搵左一陣，睇到場外無服務員以為無人，點知原來後面兩個傾緊計以為係等緊枱嘅人就係兩個服務員，我真係💁🏻‍♀️💁🏻‍♀️等人叫餐仲離譜，一利佢就同我講話限時一個鐘，我都接受同明白，因為好正常，但係5知佢呢一個鐘包5包叫佢過利落單個15分鐘？同佢啲人對視埋佢地都可以當睇5到懶懶閑咁走左去🙄🙄總之呢間個服務態度差到可以遮蓋住佢嘅野食品質，完全可以再搵第二間分店去試。

諗住買啲外賣去公園仔野餐，呼吸一下新鮮空氣，叫左幾個餐外賣，有啲有沙律，有啲有薯條。基本上薯條、沙律、同飲品都係用返飲品個膠杯。睇落係幾靚嘅，但對保存食物的質素係反效果。首先我都肯定薯條放入膠杯時係熱的，不過見店員喺其他食物都未做起嗰陣已經放左薯條入膠杯，所以一直焗住。食嗰陣薯條俾啲倒汗水浸焗住，有層水氣濕濕地咁。到燒芝牛肉漢堡，個漢煲用紙包再放喺個紙盒度，打開張紙溶溶地，唔肯定油浸到爛定係汁浸爛。不過味道黎講，芝士、蕃茄、酸瓜、生菜同包夾埋一齊都幾好食嘅，但淨食漢堡的牛肉係瘦同無乜味，要一齊食先好味，車打芝士的味加左好多分。而烤雞都唔錯，外皮好多香料，雞脾的肉位滑，軟，多汁，但除左個脾位之外，胸肉就鞋、無味、乾身啲。外賣做85折，希望餐廳喺外賣的包裝用心諗下點樣保存到食物的味道同口感。

一入去成間鋪既waitress 都口黑面黑，好似得罪左佢甘，落order叫野食叫到一半，個waitress 無啦啦走鬼左 =_= 勁無奈! 到野食部分:🥐我叫左牛角包食，但成個餐牌甘多款牛角包，得杏仁味揀，但哥陣先下就4點，同埋黎到個包好失望，5會整番熱，有d求其，甘同係面鋪包買包有咩分別，我5駛特別係coffee shop食啦!!🍔男朋友叫左個牛肉漢堡，成塊肉係有少少血水5係好熟，食到最尾直程係5熟，個waitress 一句sorry 都無，口黑面黑力走野，話換個一個比我地好失望，差評，5會再黎食!

Urban嘅牛角包曾經風魔一時，我亦曾經排隊45分鐘為左買個包，可惜分店林立後水準竟然大不如前...在MOKO見到Urban有早餐套餐，一於試試。首先，餐牌上話早餐可配凍、熱咖啡，waitress落單時話凍咖啡加$15🙄 我指住個餐牌同佢講，佢話要問問... 咁我話要加錢就熱咖啡啦。(平時我都飲熱咖啡，不過商場冷氣未開實在太熱....) 最終係上熱咖啡，但沒有任何交待... Fine，沒有交待只係無禮貌，但上咖啡只有奶沒有糖係咩玩法....講番個早餐，賣相ok，三文魚炒蛋都ok，敗筆係佢個Signature croissant。一刀切落去，咦？韌嘅？質感似隔夜，而且炒蛋嘅汁令到個底濕晒，又點會脆呢？我開始發現呢間Urban嘅問題已經唔係純粹服務態度或者甩漏，永遠black list是常識吧。

為咗唔想同人迫，提早一日慶祝父親節。行完金魚街又熱又攰，大家匆匆趕上去始創中心來一個hightea。本人極度鍾情烤鷄，今次都算冇失望。此店的烤鷄也算是皮脆肉滑，雞胸部份如果覺得唔夠味，都有四款醬汁任君調製，芥茉醬、茄汁、辣醬、還有最特別的薑蓉也提供埋，果然啱晒中國人口味。反而burger就有啲失色，嗰包用咗甜軟包來做，食落真係怪怪地而且burger調味不足要自己加鹽，仲有餐廳仲欠我一杯凍檸茶埋單也未能送上，不過服務員都好有禮貌嘅。下次都會再來幫襯

來到URBAN 午餐，叫了個lunch set 及一個牛角包。1） 菠蘿牛角包： 聽聞URBAN的牛角包十分出名，可惜卻令人失望。外面不夠香脆，內面不夠鬆軟，亦都不夠牛油香味。2） 1/2 隻招牌烤雞+ 沙律+ 任添薯條： A) 烤雞外面有炭香味，亦有四種醬汁供客人選擇，個人最愛蔥油汁，有港式風味。不過雞肉似乎沒有醃過，裡面味道太淡，幸好不會太乾身。B) 沙律味道頗清新，正常C) I 薯條亦炸得十分香脆，添了一次薯條，整整一籃。+ $48 可有餐湯，甜品及蛋糕A) 龍蝦湯，不過不失，裡面有幾隻龍蝦仔B) 蜜桃茶，味道頗濃郁，不會太甜，不錯。C) 雜莓慕斯蛋糕： 很大份，不過有少許藥水味。總括而言，URBAN 的食物質素不過不失，份量大份，價錢中上，只是招牌牛角包並不是太過出色。

去MOKO搵餐搵餐晏仔食下，行黎行去，兜埋foodcourt，好似都唔係好知想食咩。中庭中間既urban，次次黎都經過，但係唔沉望餐牌都知唔平。今次經過見到外賣自取有八折，睇佢既晨光第一炮好似好豐富又幾抵食，就試試佢。成set野好豐富，望落就有種咩都有既感覺。炒蛋夠滑夠大份、香腸size都唔錯、炒菇都唔少。重點係，可能佢冇哂parma ham，用埋煙三文魚黎搭救既關係，老實講，除左自助餐，都好少一餐食成四五疊煙三文魚咁多，拎埋黎夾佢個牛角包都夠。呢分錢，呢個份量就ok既，有埋牛角包。但味道就有d別出心裁地淡，蛋、菇係冇咩咸味，腸都算係比較淡口，唯獨是煙三文魚係夠咸。自取八折，雖然折左一截，但都唔平呢。冇湯冇野飲，都係間中豪下就好。

早上時間經過URBAN Cafe Commune機緣巧合下記得他們的「牛角包」好味，款式又多，份量也不少決定買一買，試一試真偽玻璃櫃內的牛角包款式果真花多眼亂有原味、焦糖味、朱古力味、芝士、杏仁等等等等更有釀入不同餡料的牛角包我要了一杯americano和較普通款的牛角包畢竟是早餐，不用那麼複雜，簡單最好原來他們的牛角包是使用上優質法國A.O.P. 產地限定認證牛油製作所以牛油香味濃郁而不膩牛角包外皮酥脆香口，層次分明入面的氣孔呈蜂巢狀，充滿空氣感，帶濕潤鬆軟

來到MOKO逛街，累了餓了想吃點東西。這間URBAN有著開放的空間跟寬敞的用餐環境，就來試試看囉。挪威煙三文魚新鮮意大利國蛋麵拌三文魚籽香噴噴的上桌了。煙燻鮭魚跟明太子都非常鮮美，配上香濃滑順的奶油醬意粉，好好味。麵的份量也很剛好，吃完也不覺得膩。意大利北菇松露燉飯另一道點義式燉飯。每一粒米飯都有黑松露以及奶油的的香氣。米飯軟硬適中，配上菇類非常爽口。最後還送上幾根德式麵包棒，剛好當成我們的飯後零食。酥脆的口感非常好吃。整體而言，食物跟環境都很不錯，價位也很適中，選擇也很多。推薦給大家。

以前吃過Urban Cafe Comnune幾次，每次都要排隊而且不敢吃太久。大概是受疫情影響，今天不用排太久！店員一開始已經非常熱情，量體溫，給我們信封放口罩，又細心提示如果有人等位的話有用餐時間。Big Breakfast 田園晨光早餐（$128）用了藜麥牛角包，夠香脆。炒蛋果然好香滑，每樣都很不錯。偷瞄到別人的才發現大廚漏了給我們番茄，店員也馬上道歉幫我們跟廚房講再補回給我們，服務很好！63C溫泉蛋卡邦尼煙肉意粉（$88）意粉口感很好，加點胡椒完美！唯一美中不足是咖啡偏苦沒有拉花，但食物出品很好，而且服務真的非常好，難怪疫情期間依然人流不斷。