URBAN Café Commune (MOKO新世紀廣場)

Open Now

Now Closed

Cozy lunch place 🖤 Urban Coffee💫..b呢日出左黎旺角做完野，就係MOKO 約朋友食lunch🍴，見到一間裝修滿有風格既半露天西餐廳，環境舒服而lunch set 都幾抵食，跟Soup (龍蝦湯味道濃郁) & 香甜 Iced Peach Tea🍹🔸LK Raclette Cheese Burger $158漢堡🍔 大份，配上香脆有味薯條夠惹味。🔸LF 1/2 Roasted French Chicken $118雞件🐥 用香草焗製嫩滑，同樣配上香脆薯條。..最後甜品：Chocolate Cake (Cookie Monster) 跟餐都係 +$25，呢度款款蛋糕都好精緻而且質素不錯吃！黎到記得要嗌蛋糕🍰🍴 食喔！..×××××ש旺角太子道西193號MOKO新世紀廣場1樓121及188號舖..

相約朋友到新世紀廣場行街🛍️， 行到中午時間， 大家都想搵間餐廳坐低休息下順便食午餐。到URBAN Café Commune， 餐廳開揚，採用開放式設計， 加上自然光滲入， 幾舒適的。 午餐🍽️ ～ 63度溫泉蛋卡邦尼煙肉意粉$98、 升級晨光第一炮$158、 凍朱古力咖啡$18、 士多啤梨蛋糕$25、 龍蝦湯和凍蜜桃茶。 🔸龍蝦湯🥣🦞 ～ 龍蝦湯味道香濃， 湯裏面有粒粒蝦肉，真材實料。 🔸升級晨光第一炮🥗 ～ 有巴馬火腿、煙三文魚、法式香腸、香滑炒蛋、烤大啡菇、慢煮蕃茄和牛角包， 非常豐富， 牛角包🥐香酥美味， 值得推介。 🔸63度溫泉蛋卡邦尼煙肉意粉🍝 ～ 濃濃的芝士香， 配上質感綿滑的溫泉蛋和鹹香味重的煙肉， 每條意粉都掛上蛋汁， 美味可口。 🔸凍朱古力咖啡🥤 ～ 面層有柔軟的忌廉、 配上濃郁的咖啡和朱古力香， 口感軟滑。 🔸凍蜜桃茶🥤 ～ 味道清新， 解渴一流。🔸士多啤梨蛋糕🍰 ～ 忌廉香軟， 蛋糕的質感綿密， 甜度適中。整體食物有質素， 性價比高。

行開新世紀商場見有點攰就隨便搵左間Coffee shop坐下，閒日下午3點幾左右冇乜人可以靜靜地坐，鐘意佢開放式設計但有少少擋板可以保持私癮又唔會太迫焗。唯衛生可以做好少少，因為四張凳有兩張都有水漬，店員又唔幫抹只係俾紙巾，如果尼間係快餐店就可以接受...Order兩個Afternoon Tea set，一款朱古力蛋糕，另一款New york Cheese cake 朱古力蛋糕夾層係厚cream，打得好滑。Cheese cake味道亦好濃郁 蛋糕質素是可以的。配凍桃茶

啱啱一星期超忙，終於到咗星期五晚，當然要出下街食下野！員工服務態度好好，餐廳亦會提供口罩袋，好貼心。我地一人揀咗一個set, 我食IMPOSSIBLE 豬柳具果早餐（$147），朋友就揀63°C溫泉蛋卡邦尼煙肉意粉（$143），跟餐大家飲龍蝦湯配迷你牛角酥，再加$25點埋芒果蛋糕同士多啤梨蛋糕。餐飲就要咗蜜桃茶。先嚟既係龍蝦湯同迷你牛角酥，牛角酥亦一如既往既美味，湯入面有爽口既龍蝦肉，即時加分！63°C溫泉蛋卡邦尼煙肉意粉有一塊香脆煙肉，意粉本身既醬汁都唔少，混合埋蛋汁，食落更creamy!IMPOSSIBLE 豬柳係第一次食，食落都幾似真既豬柳👍🏻至於bagel就口感煙韌，可以配豬柳食，亦可以加cream cheese 同果醬食，個人更鍾意後者。士多啤梨蛋糕賣相夠特別，有裝咗士多啤梨醬既針筒插咗喺蛋糕上面。芒果蛋糕都唔錯，食完正餐再食甜品，正！

每次嚟呢個商場行街都見到呢間餐廳坐滿食客，今日嚟Lunch叫咗兩個Set, 跟埋餐湯同飲品，好有質數，唔怪得長期都咁多人。仲有卡位，坐得好舒適。估唔到餐湯咁正龍蝦味好濃郁，仲有粒粒蝦肉「晨光第一炮」最鍾意食All Day, 兩款勁粗勁Juicy嘅法式香腸，炒蛋好滑好Creamy,牛角酥勁酥脆，切開再夾上厚切蕃茄．煙肉．炒雜菇，混埋一齊 食仲正。「一山不能藏二虎蝦意粉」好耐無食過咁有質數嘅意粉，先講佢個醬汁，好濃郁蕃茄味，因為真係加入咗鮮茄煮成，虎蝦大大隻 好爽口，下次一定再食多次。「Bloody Berry」士多啤梨醬注入針筒，添加上蛋糕增添味道蛋白打成嘅蛋糕，同Cream融在一起，軟綿綿又唔會太甜甜品蛋糕有好多款 Lunch set +$25真係超抵食「Cookie Monster」加上Oreo同棉花糖，大人小朋友都難以抗拒，夾著朱古力忌廉好幼滑，大大件好有份量「凍桃茶」凍冰冰嘅桃茶，桃味好香，同茶嘅濃度好夾，比起飲汽水更健康。

今午遇上一場豪雨，我同兩個密友避咗入Moko商場，行過「Urban Cafe Commune」，見到下午茶好吸引，就食咗先講😄😄🔸慢煮法國黃油春雞（1/2）$108香草燒烤的法國黃油春雞皮極薄，肉質細嫩多汁，配上新鮮沙律及香脆薯條🍟，正👍👍🔸小龍蝦牛角三文治$84小龍蝦切成粒状、洋蔥絲、混合咖喱忌廉醬汁，清新開胃、生菜，蕃茄仔夾在香脆概牛角包中、一啖入口、幾重風味、唔錯！🔸招牌切件蛋糕🍰$58一入店內已見到多款精緻蛋糕🍰，我哋揀咗芒果蛋糕，軟滑忌廉及鬆軟海綿蛋糕、每啖都有清新芒果味，好誘惑。🔸蜜桃🍑茶（跟餐）Free香濃蜜桃茶，唔太甜，好Refresh😗😗升級咖啡Cappuccino +$18拉花的Cappuccino ，濃郁咖啡，香滑奶泡，完美融合一起，舒心愉意😍😍

呢間位於MOKO Mall嘅Cafe,我平時都經常來，不過多數是早餐。所以一直都想來試佢地嘅正餐Menu。今日終於夾到時間在下午茶時段過來， 餐廳可以透過App下單，因為在控制飲食中， 所以我點了份溫泉蛋手撕雞沙律，同一份黑啤藍青口，配了冰蜜桃茶。過了一陣， 幸好服務員過來提醒， 原來我可能按錯了，所以未下單，後來幫我直接下單了。先來沙律，都說我蔬菜吃不夠，這份沙律用了雞肉做配菜， 手撕出嚟啖啖肉但食落冇負擔，感覺健康。好耐冇食青口了，以前久不久會自己煮， 但最後因為家人要戒海鮮，所以少煮了。藍青口特別大隻，餐廳用心處理，一點沙都冇。用左黑啤烹調，味道帶甜又有好香黑椒味道。原本整個配搭都好健康， 唯一是配菜嘅薯條破功了， 不過真係忍唔到口。

通常星期日都系好晏起身，中午12點幾出門同人打招呼都係「早晨」，去旺角行街食飯。Moko新世紀廣場中午已經人山人海，睇嚟香港經濟重振就指日可待啦。urban café commune波浪型卡位設計 相當吸睛👀 ✨ALL DAY✨A-N 十四款選擇，跟餐配龍蝦湯及指定飲品（汽水，凍/熱蜜桃茶，熱咖啡或英式紅茶）我覺得佢哋牛角包🥐細細粒，好可愛😌酥皮鬆脆，有著超級邪惡的牛油香味…. 卜卜脆炸魚薯條 搭配橄欖醬，一開始我以為係黑松露醬，但估唔到橄欖醬都很不錯，橄欖帶清新的咸香味，炸魚薯條賣相吸引，的確金黃香脆，炸粉不算厚，香口不油膩，魚肉爽滑有質感👍 63 ℃溫泉蛋卡邦尼煙肉意粉🍝 最鐘意脆脆口感的火腿，同溫泉蛋煙肉的配搭，沒有任何違和感，反而豐富口感層次，蛋汁混合埋卡邦尼十分creamy,是我喜歡的類型😚

今日一起身就好想食All day breakfast!即刻約埋個friend齊齊去URBAN Café Commune撐枱腳先!【升CUP晨光第一炮】有齊巴馬火腿、煙三文魚、煙肉、法式香腸、香滑炒蛋、烤大啡菇、蕃茄、鮮果乳酪、牛角窩夫份量十足，一上枱勁吸晴！炒蛋滑嫩、煙肉香脆、煙三文魚肥美豐滿，仲有我最愛既牛角窩夫，外層酥脆內層柔軟，勁重牛油香，味道濃郁，啖啖鬆香，正！【63C溫泉蛋卡邦尼煙肉意粉】好友就揀咗Carbonara，流心溫泉蛋滑順濕潤，意粉彈牙又煙韌，醬汁濃厚，鹹香味重，勁滋味。餐湯包龍蝦湯，質感滑稠夠哂香濃。餐飲揀咗凍蜜桃茶，香甜清新，飲落好fresh!

今日同朋友經過 Moko 見到 Urban，突然心血來潮好想食，所以就拉咗朋友入去陪我食 😝 好彩啱啱係 Tea 前入座所以可以食平啲。🥰Tea Set 大概有 15 款食品提供，想健康又得，想飽肚又得，想輕食亦得，而且重有套餐選擇添。識飲一定飲佢哋嘅凍桃茶，因為實在太好味，而且又唔使加錢換，性價比相當高，凍比熱更好飲。晨光第一 炮 ($92) : 啱晒我呢啲晏晝先起身嘅人 🤗 有香腸、煙肉、炒蛋、雜菇、番茄同又香又脆嘅牛角酥。慢煮法國黃油春雞 ($108/半隻) : 半隻春雞加上大量薯條同蔬菜，分量比我想像中多，雞肉肉質相當嫩滑，即使唔配搭醬汁都好好食，想滋味啲嘅話就試試佢個自家製醬汁，包你食慾大開。😋

吐話說襯星期日兩公婆去逛下街，黎到Moko諗起呢間cafe有小弟最鍾意嘅fish and chips，咁老婆就建議左黎呢度食。兩個人叫左兩個set，一個係fish and chips (卜卜脆炸魚薯條)，另一個係tiger prawn pasta (一山不能藏二虎蝦意粉)，仲加左個煙肉薯條同兩件slice cake。個set本身跟龍蝦湯同牛角包，仲有杯飲品。牛角包上枱係凍嘅，不過食得出本身味道唔錯，有啲可惜。個龍蝦湯……勁鹹！除左鹹之外，無特色囉……到主菜，老婆叫果個pasta不過不失啦，唔算出色，不過無出事囉。我個fish and chips呢，就大鑊喇……一上枱，見到嘅，係塊炸魚同薯條浸住油咁囉，OMG，唯有即刻放張餐紙巾落去索，索滿成張餐紙先可以拯救番差啲浸死嘅魚同薯條……食落口呢，個薯條係唔熱嘅，至於個炸魚，啲肉一切落去係碎開嘅，食落係軟爛嘅唔係正常用cod果類魚整嘅有咬口果種，總之就完全唔掂啦……最後果2件slice cake，NYC係ok嘅，唔算太甜亦都比出面少cream，口感會有啲crumbly，但無咁滯，至於件strawberry Elmo，老婆話食唔到strawber

服務要再再再加強難得冬至早收工，所以去食個下午茶獎勵吓自己，URBAN Cafe Commune平時都排長龍，可能因為我去到嘅時候大約三點，所以已經冇乜人，入邊嘅座位大概只有三份一有人坐，侍應姐姐都俾咗張四人枱我一個人坐可能係因為特別日子， Menu上只係得返三款下午茶可以揀，我就揀咗小龍蝦牛角三文治配薯條，飲熱蜜桃茶估唔到係冇乜人嘅情況之下，成個餐都要等20至30分鐘，當中仲要摧左waiter幾次，連杯熱蜜桃茶都等咗20分鐘先至有得飲講返食物，個牛角包嚟到嘅時候係熱嘅，咁證明佢係即整，當中嘅小龍蝦餡料好多，亦搽咗好厚嘅醬，感覺上係好豐富，薯條亦都炸得好脆，點埋茄汁一流，再配埋杯好濃味嘅蜜桃茶，成個下午茶好豐富如果佢嘅服務或者出餐可以再快少少就更加好，因為連埋單我都再等咗10分鐘，真係唔知如果佢客滿晒點算

10:30am 只有三個人在等候早餐，餐廳卻因工作效率差，叫客人等11am後食午餐，服務態度非常惡劣，其實一般客人都很快吃完，枱數目也不少，只是員工工作表現差，坐下點餐又不説明雞排已經沒有，要客人再三考慮才能下單！一

平日下午茶時間，人唔算太多，剛剛好坐咗九成枱，環境夠開陽⋯都算係一餐 happy tea time 1/ 牛油果碎蛋沙律 bagel $58 + 凍薄荷朱古力（另加$18）包質唔錯，屬於硬身但係我鍾意碎蛋沙律正常，但係牛油果就略嫌少咗啲 （4小片）配沙律菜都OK2/ 小龍蝦牛角三文治配薯條 $84 + 熱蜜桃茶小龍蝦配嘅沙律醬有少少咖喱味（唔知有冇錯呢），都OK好食牛角包鬆軟薯條正常商場有輕音樂播放，餐廳坐落於商場中央可以望到地下嘅聖誕裝飾，安靜之餘又感受到假日氣氛加一後$176 埋單，算是一個不錯的選擇

呢間menu嘅選擇好多 所以經過個陣就被吸引住 而且由漢堡到其他經典主食包羅萬有 門口counter仲有擺放超大件嘅蛋糕同埋牛角酥！感覺呢間甜品比主食更加吸引～呢度有set dinner 每個套餐都可以配一杯野飲同埋餐湯 今次係龍蝦湯 上面仲有小小忌廉飄過 整體口味偏鹹左小小 不過配餐嘅迷你牛角酥真係好正 細粒得來又飽滿 有齊應有嘅牛角包組織 表面酥脆 點湯更濃味呢🍔香煎鵝肝牛肉漢堡配薯條💰168由於佢係開放式廚房 我仲可以見到員工親手擺鵝肝同牛肉係漢堡包上面！牛肉餅同鵝肝上面有一大疊火箭菜 下面都有好多生菜 麵包係偏黃色的類似餐包口感 甜甜的而且特別軟！鵝肝真係好邪惡 入口即融 好似食緊一舊固體油咁 而牛肉餅都幾多油 咬個陣會不斷滴油 但係整體口感唔錯 係略嫌油左D🍝一山不能藏二虎蝦寬扁麵💰148呢個名好有gimmick 上來個陣都冇出乎意料地見到有兩隻幾大嘅玻璃蝦！蝦肉好彈牙而且真係好大隻 一隻都要食好耐🤣下面嘅寬扁麵都沾上幾多番茄汁 口感咬落似餃子皮 不過係比較軟身D嘅 所以都幾特別 係手工意粉嘅感覺！☕️熱桃茶本身以為桃茶會係齋桃味嘅清茶 但係原來係果汁味勁濃嘅桃茶！簡直就好似飲