御前牛盛日式涮涮鍋 (Closed)

上次行到旺角 行行下街都想搵間野食醫下肚 咁岩想食日本野 又行完信和就去左呢間御前牛盛食放題 見個價錢都OK抵 有打邊爐有魚生食 一坐低發覺有D頭盤食 幾正 有雞翼有雞腎食 都幾醒胃 之後先食D刺身 真係唔錯 由其係三文魚 平時自己都唔太鐘意食 但呢度真係厚切 同埋係真係好食既 另外 鮑片係另一樣我好鐘意 好多地方既放題個鮑片都係冇乜味 同齋鮑魚冇乜分別 但呢度食既真係鮮既 而打邊爐款式都好多 有好多海鮮 食到飽1飽 最後仲有幾多甜品食 有隻雪糕好好食 食到停唔到口 呢餐真心抵食

果日同朋友經過旺角想打邊爐咁岩就搵到依間打邊爐放題上到去唔洗等有好多好特別既湯底可以簡 岩哂我依d花心鬼嗌左個龍蝦同豬骨湯 真係有成大隻龍蝦同豬骨係入面架！之後就上左成大盤刺身！！好正好新鮮 配料好多送簡真係好多多到食唔哂試唔哂又有海鮮魚皮較好脆 佢就連菇都有好多種我簡 我最鐘意食hahha！！！佢出面仲有個bar 係夾熟食都有好多簡真係好好 ！所有食物都好滿意覺得佢好有心真係為左比客人食得開開心心服務態度勁好真係一次好好晚餐！有好多好好味既雪糕同雪米磁作美好完結！！埋單都係＄180／1 食到好飽好飽 朋友飽到幾日唔敢食野haha

其實旺角一直都係年輕人的美食聚集地，平時一大班人去食飯，第一個首選一定係旺角。但旺角食物質素太參差，近年來日韓風大熱，放題火鍋多不勝數，但想找間好吃的餐廳也不容易。但是，今天，我們找到啦～找到了～找到了～今日放學同同學仔決定去旺角覓食，啱啱交完REPORT， 心情大好當然好食返餐大餐獎勵下自己！遊遊蕩蕩終於穩啱間日式火鍋！仲要係放題！！我地去到御前牛盛日式涮涮鍋已經係九點幾，所以只係$159一個人起，要加埋刺身，加多$30，其實都算係正常價。因為我地有5個人，上到去時間都唔早，咁餐廳都超好幫我地準備左張大檯。今次我地仲叫左兩個湯底。東京番茄龍蝦湯同韓國人參雞湯。龍蝦湯底真系有龍蝦，意料之外，好堅！雖然龍蝦湯底味道已經令我覺得好驚艷，龍蝦啲香甜出曬，但我更加鍾意韓國人參雞湯，有紅棗、杞子、人參等藥材，真·好香，甘香滋潤！打邊爐點可以無肉，食肉獸出動啦～擺盤都好細心，哈哈。睇下牛肉有幾大先，只手仲要係男仔手。其實唔單係大，牛肉絕對唔似係平價牛，脂肪比例啱我，牛肉真係有牛肉味呀。海鮮！同行有個朋友勁鍾意食海鮮，所以一定要有海鮮，啲青口超新鮮，而且海蜆只只都開～魷魚筒同魷魚都彈牙，食得出係新鮮

傳統酒樓任食邊爐食到厭？牛x鍋等又限時好像打仗？仲想食埋刺身？？？那就試試這一間！刺身更有牡丹蝦可選，大大個煲適合愛把打邊爐變為一品鍋的朋友。而且少有地有芝麻醬，亦同時有日本豉油、沙茶醬、蔥蒜等任君選擇，卡位又坐得舒服，兩個人也能吃到很多款式！每人都只需$169加一！比放題更抵！先選湯底，筆者與友人都不嗜辣，無須選鴛鴦湯底，最後選了三文魚豆乳湯，襯未放生肉前嘗了一口，濃郁的魚湯味美，就此喝一碗都行！再來當然是先吃一盤刺身！牡丹蝦大大隻！很鮮美！這裡生肉選擇也多！牛也有數款，有少有的牛舌，加拿大牛筆者較喜歡美國肥牛肩胛肉則較有咬口。筆者則愛吃美國肥牛。注意牛舌淥耐左會老。牛肉點芝麻醬已很鮮味，其他配料筆者沒有點豉油已覺得夠味。這裏更有筆者最愛的響鈴，加上鮮味十足的湯底與芝麻醬，大滿足！丸類種類也很豐富！筆者最愛芝士丸及較少地方能吃到的黃金麻吉燒！湯底夠味，連豆腐都很入味，不用點醬油亦很鮮甜。這裡飲品選擇也非常多！而且庫存充足！店子有細心之處，除了每位顧客的餐具外，亦會預備多一對，夾生肉就不怕不衛生！值得加分！根據筆者現場觀察，大約8-9時店子客人較多，所以建議可早一點到來呀～

同朋友喺旺角行行下街覺得肚餓 上網揾到呢一間喺我哋附近嘅火鍋店見到佢有咁多好評就走上去試一試😊😊 果然冇令我哋失望! ❤ 我哋叫咗一個蕃茄湯底 但估唔到入面竟然有大大隻龍蝦!!! 唔係講笑真係一隻有手掌咁大嘅龍蝦頭 放咗喺入面好似浸緊溫泉咁勁好笑😂😂😂 通常去打邊爐其實我揀咩湯底都冇乜所謂因為淥熟咗出嚟之後其實都冇乜味嘅🙈🙈 但呢個真係有好鮮甜嘅龍蝦味㗎 真心好推介大家可以去試下呢個湯底😍 個湯底好濃郁仲有好香嘅番茄同龍蝦味真係非常之特別👍從未喺出邊試過有啲咁特別嘅湯底嘅😂😂 我哋一開始就叫左一大盤刺身 啲刺身都好厚切都好新鮮😊 仲有手指咁長嘅甜蝦💖 之後就叫咗唔同嘅肉類 佢擺得好搞笑好似喺度晾緊衫咁樣😂 啲牛肉豬頸肉嗰啲都好有咬口 冇乜肥膏嘅💁 我哋都叫咗好多唔同嘅海鮮 好似 蝦 帶子 生蠔 青口 嗰啲😊佢本身應該冇乜味嘅 但係因為佢吸收咗湯底嘅精華之後就變得好香好入味啦 帶曬嗰啲海鮮嘅鮮甜味出嚟😌😌😌 至於飲品方面有好多款可以選擇 有忌廉溝鮮奶 蜜桃茶竹蔗茅根精 +c都有 😝 順便一提 食火鍋最緊要就梗係個醬料架啦 🙆佢有好多種醬料可以畀你自己溝😏 最搞笑係佢仲有生雞蛋畀你可以撈埋

今次就黎左旺角搵好野食喇～呢間御前牛盛睇落好似唔錯～睇d相d牛好似幾好咁（重點一定係牛）9點後仲平d添～所以就去左食喇上到去冇人排隊,好快就入左去我地有5個人～有兩個湯底可以免費揀～於是就揀左人蔘雞同埋龍蝦湯底！！！！！！個人蔘雞湯我地食到完都仲未食哂d雞－0－仲有好多淨都食唔哂～勁多料至於個龍蝦湯一拎上黎就嚇親,頭咁大個龍蝦頭擺左上去湯底到～好入味仲有加30蚊就可以任食刺身～當然就要加啦刺身雖然唔係話好多野揀,咁當然啦想主要食刺身梗係去放題但係呢度既與素都唔差架第一次叫就成隻船係度唔腥肉厚～食左呢個都飽左少少添跟住落黎既主菜梗係唔少得係牛肉豬肉啦所以一開始就叫左好多到既時候又係成個架上～仲整左玫瑰花樣咁添～睇得出好有心思既塊肉夠哂大,仲大過隻手添！肥肉脂肪又唔多～好好味！牛肉正之後都叫左海鮮同埋例牌梗係叫d丸咁蜆同蝦都好大隻仲有青口絕對唔偷工減料佢既芝心丸好好食～仲有魚皮餃同貢丸！貢丸本人最唔中意食到有菜味既貢丸－－但係呢間冇！！所以好開心咁抵食9點後入黎都唔介意啦其他仲有好多野揀可以叫不過個人蔘雞同刺身都食到好飽叫唔哂其他野食黎試下野飲又多選擇都係自己去拎有成兩個櫃可以揀仲有可以自

今日約咗一個阿sir食飯，佢講明要抵食嘅餐廳同埋要喺旺角，咁第一時間就梗係諗到要食放題啦！喺旺角嘅放題愈開愈多，質素亦都參差，話明要同阿sir食飯，就梗係唔可以失禮啦！喺openrice度search一search，就揾到呢間評價都幾高嘅放題，於是就拍板決定book呢間啦因為要就一就阿sir嘅時間，就book咗9點先開始，仲平啲添！樓下仲有姐姐派coupon可以減10蚊好抵，而且每人加30蚊就有刺身食，為食嘅我地當然要加啦話明係食火鍋放題，第一時間當然要揀湯底啦，呢間湯底嘅選擇有好多，大路嘅豬骨湯當然有，特別啲嘅就有人蔘雞湯、壽喜燒湯等等 我地5個人可以揀兩個湯底，咁就揀咗特別嘅人蔘雞湯同埋龍蝦蕃茄茄湯 兩個湯底都非常之唔錯，非常之足料，人蔘雞湯底直情有一隻雞嘅份量！食極都仲有雞喺個煲裏面 龍蝦蕃茄湯有一個超大嘅龍蝦頭喺裏面，超型配料方面都有好多嘢食簡，火鍋唔少得嘅肥牛好高質雪花分佈平均，超靚冇雪味同好新鮮其他肉類都好新鮮，有肉味，唔係普通街市嘅雪藏貨而且上菜嘅方式都好特別，會砌到靚一靚咁上，喺其他任食嘅火鍋店完全見唔到丸類方面，個人推介芝心丸同貢丸，特別好食，唔係街邊嗰啲水汪汪嘅芝心

即興食晚飯，醒起附近有一間新開嘅餐廳，主要都係食火鍋，湯底好似幾有特色，同普通酒樓嗰啲好唔同。去到見到有好多餐牌，都係野點菜單，要食刺身就加錢，刺身質素唔錯，大大兜冇花冇假，全部都幾新鮮，啲甜蝦真係夠晒甜。三文魚大大件，非常肥美。我哋就選擇韓國人蔘雞湯，好香又保健，平時如果出去叫一個人心湯底都要幾百蚊，喺呢度幾百蚊已經食到飽飽。平時屋企就唔會食田雞，因為媽媽話怕殺生，但係估唔到呢度有得食田雞，即刻叫啲嚟食，好嫩滑，應該係急凍田雞。當然少不了係片片一樣大小嘅牛肉，加左人蔘湯就甜中帶苦，仲有超級補身的海參！素菜之中金針菇夠吸味，豆卜之類食品都好吸引。除咗飲品任飲之外仲可以食埋甜品，紅色嗰個裏面係朱古力硬殼包住雪糕，超好味一定要試！

放題料理已經成為旺角區嘅特色，兆萬同創興已經食得夠多，今次就試下信和隔離呢間。星期一晚六點鐘上到去一個客都冇，心諗唔知會唔會中伏。 既然上到嚟又見到159蚊一位就試下啦(刺身+$30)，坐低後有幾位紋身哥嚟招呼 ，佢哋又幾好禮貌喎，一開波要揀個鍋底先，有12款。我就揀咗個「龍蝦蕃茄湯底」。一上枱比個龍蝦頭嚇一跳，好大隻龍蝦頭 有驚喜！有睇頭！跟住又來畫飛仔落order嘅時候，睇睇下之後哥仔走嚟問我地有咩刺身唔食，佢話想先上一盤刺身畀我哋先，我就話冇特別啦，跟住好快就嚟咗，可能冇乜嚇嘅關係啦執得都唔錯，跟住其他火鍋配料都陸續上。估唔到佢嘅肥牛啦海鮮啦都執得特別靚仔。未食之前都已經好開心。刺身都係夠凍夠爽口，唔會差過其他日式放題專門店，自己本人最鍾意食大赤蝦同埋甘蝦，跟住就是下個湯底，都幾濃味唔似其他火鍋店都係名不過實。至於火鍋料肥牛同墨魚鬚就最吸引，—墨魚鬚非常爽口，返叫咗四次—生蠔就麻麻哋雖然上臺前係冰封，但係涮完之後有啲枚。 —生蝦就非常新鮮，剝殼就知道，完全離殼，蝦肉爽口。—菇類亦都好新鮮好飽滿。—炸魚皮同響鈴都脆口。—仲有聲稱「日本海參」， 因為太細條，錄完之後唔記得食，但係之後

終於同男朋友都夾到一日假😍可以行街食飯喺旺角搵嘢食，上網見到呢度個番茄龍蝦湯底好似好吸引，事不宜遲即刻上去試一試我哋六點鐘去到，未有太多人，唔駛等位侍應叫我地落左個鍋底先，咁當然叫番茄龍蝦湯底刺身選擇唔係太多所以我哋每種都叫咗生料選擇好多，睇到我眼都花埋所以比男朋友揀😝出去拎野飲先，飲品選擇又係好多，不過作為酒鬼野飲啤酒啦～係韓國hite beer,偏爽口醬料區基本野有齊，最驚喜嘅係有生雞蛋任食好少見佢仲有幾款小食可以俾你食住等雞腎，豬耳，蕃茄沙律，鳳爪，同三文魚壽司不過男朋友唔俾我拎話要留肚食刺身同打邊爐😅湯底好快就嚟啦，好大個龍蝦頭啊等緊湯熱嘅時候我哋就食刺身～擺盤好靚，食慾大增赤蝦好大隻同我喺一田買＄70 4隻嘅阿根廷紅蝦冇分別食多幾隻都已經回本喇象拔蚌刺身幾爽甜其他刺身都做到正常水準正喎湯滾起就試一啖湯底先因為一開頭唔係煮咗好耐番茄味比較濃，只係有淡淡龍蝦味不過湯底酸酸甜甜都幾開胃，之後有幾正下面再講蔬菜方面竟然有任食好少見既窩筍又爽又甜好正呢度所有嘢食似乎擺盤都係有花過心思好靚仔喎！竟然仲有牛肉玫瑰花😂本地活海中蝦真係睇得出新鮮的而且確，滾完出嚟爽口又彈牙我同男朋友都係大胃王

朋友聚餐， 最怕就是選擇食店， 三五成群， 有些人鐘意日本放題， 想食刺身，有些人鐘意打邊爐， 鐘意食肥牛！ 揀來揀去， 為了滿足各人既喜好。在openrice 找到些日式火鍋，有刺身又有火鍋！ 最終於揀咗這間， 有刺身嘅日式涮涮鍋👉， 要一舉兩得， 原來就係咁簡單當大家坐下見到張湯底紙嘅時候， 真係覺得好誇張， 竟然有12 種湯底俾我哋任君選擇， 樣樣都好吸引， 最終我哋揀咗鴛鴦湯底， 👉東京蕃茄龍蝦湯 & 椰子雞湯 《東京蕃茄龍蝦湯》我睇個賣相已經覺得好吸引，大大隻原隻龍蝦頭在鍋裏面，這個湯真係超級正， 有龍蝦鮮甜味，還有清新嘅蕃茄味 《椰子雞湯》當湯滾起嘅時候， 我已經聞到香濃嘅椰子味，我立刻夾了一件雞，香濃嘅椰子配上柔嫩嘅雞件， 真係好好味， 店主還提供了「一個」椰青， 作加椰青水之用 ！ 值得一讚 👍👍自助吧有多種醬料俾你自由配搭，鍾意鹹又得， 鍾意辣又得， 任君選擇， 最貼心嘅係有雞蛋！ 👍👍嘩！刺身有好多種類，有三文魚， 象拔蚌， 甜蝦， 赤蝦，螺片， 鮑片， 等等。刺身總括來講都幾新鮮， 特別是三文魚， 大大件，肥美可囗 ！ 食完round 刺身， 其實已經飽了一半，

女朋友同我都一樣咁大食,為左滿足我同佢既胃口,見到御前牛盛有任食火鍋又多選湯底齊選擇,於是黎到依度醫肚!店舖雖然細小,坐位都舒舒服服,每個梳化位私隱度充足,好適合一對情侶黎依度打邊爐!湯底多達12款選擇,而且兩個人同時唔想剩係試一種湯底,不仿+$18就可以鴛鴦(兩種)湯底!我同女朋友揀左韓國人參湯底同黑松露豆乳湯!黑松露豆乳湯湯底剩係聞都聞到好濃郁既黑松露既香味,加上用豆乳製成湯變得又香又滑 ;韓國人參雞湯,見單張寫上用唔同名貴材料同BB雞煮成,湯味甘香,打邊爐同時又可以補補身體,的確係唔錯既選擇!如果剩係打邊爐,感覺唔夠喉,每位+30就可以任食刺身,剌身有14款選擇,特別推介有頭甜蝦同珍寶帶子刺身,剩係食依二款刺身都可以食夠回本!前菜,丸類火鍋配料,汽水都係自動形式,所以要自己去拎黎到打邊爐當然唔少得係牛,特別揀左美國進口牛肉片！睇賣相牛既色澤相當唔錯,證明新鮮又夠份量,肉味又濃厚鮮嫩其他配料繫多,有海鮮,蔬菜,肉類選擇,比較特別既有海參,咬入口爽口又唔腥,推介👍🏻但有限時間為2小時,大家可以每樣叫少少就可以試到唔同既配料食飽飽之後仲有雪糕雪條食,又多選擇,想食幾多就幾多,讚總結黎講

先黎一個大合照，笑~~~嘩嘩嘩! 好震撼呀! 周圍啲食客都好驚訝，係咁望住我地枱嘅嘢食。 你睇吓隔離枱個食客隻手指你就知佢幾驚訝啦~ 放題都係多人食先好，食到成枱食物，咁先夠氣勢(但我地冇浪費架)。【重料湯底】呢度啲野除左大大件，最深刻就係個湯底。一般去任食火鍋放題，個湯底都係簡簡單單，唔會落重料。網上睇見到人地食評啲相個湯底好正，梗係要黎試！有好多款湯底揀:一早上網就睇中左三個目標湯底，東京番茄龍蝦湯、御前芝士、椰子雞湯。御前芝士湯底有爆多芝士好吸引，有芝士粒同片狀芝士好大堆頭，但朋友睇完相就話芝士火鍋太飽太膩，所以就剔除左！最終鎖定龍蝦湯同椰子雞湯，鴛鴦湯底每位要加＄18架，我哋四個人就大概要加＄80，但我哋都要加!!!!龍蝦湯底，好大隻龍蝦頭喺入面，仲有幾多新鮮番茄。 唔知你知唔知，蝦呢，蝦殼蝦頭就最有蝦味，熬湯底用蝦肉係冇乜蝦味架，全靠蝦殼蝦頭先出味。你睇下個龍蝦頭，仲大過罐飲品。一個字: 巨! 個湯真係好重蝦味同時又好清甜既番茄味，四人齊齊豎起手指公大讚。椰子雞湯，睇下啲雞肉幾嫩滑。一上枱椰味香濃四溢，好香好清甜。仲要附送椰青一大個，俾我地自己加入個湯度，落足料，唔係味精湯底

一直都想試龍蝦湯火鍋, 早前某快餐廳推出過龍蝦湯火鍋, 湯底不錯, 但食材質素不高, 份量不多, 吃得不夠盡興, 但由於太愛龍蝦湯所以還是吃了兩次。Openrice上看到這裡有龍蝦湯涮涮鍋, 而且非常誇張真係有龍蝦煲湯, 二話不說就找好友一起大刷一番。餐廳其貌不揚, 感覺不夠明亮, 不過為了龍蝦湯底, 這些都不算甚麼。【醬料區】一般涮涮鍋的醬料都有。一個小小的亮點是雞蛋也可隨便拿, 我最喜歡是涮牛肉沾上蛋汁, 牛肉有蛋香之餘又不會搶走肉味。【刺身】刺身種類不多，但日本角螺片、象拔蚌刺身在其他同類食店比較少見。刺身拼得非常美觀，令人食指大動。刺身來說虎蝦算是大隻，而且蝦頭沒有發黑非常新鮮。【湯底】很有派「頭」的湯底, 龍虾頭在水面好像在「嘆」溫泉一樣。我喜歡龍蝦湯及蕃茄湯, 但兩者混合則不然, 怕蕃茄搶了龍蝦味。這個湯則龍蝦味足夠亦有少少鮮甜蕃茄味, 非常不錯。 椰子雞湯也有其特色, 整個椰青給我們自己倒, 還有椰肉可吃, 證明絕對新鮮, 湯裡的雞肉很嫰滑。兩個湯底絕對是誠意之作。【火鍋材料】涮涮鍋主角當然是牛類。我們點了美國進口牛肉片、加拿大牛肩胛肉片、鹿兒島豚肉片。當中加拿大牛肩胛肉