小酒窩餐廳

Open Now

Now Closed

小酒窩一向無論平日定假日既夜晚都大排哂長龍，如果冇book位既話，想walk-in幾乎係不可能的任務。今日尼到佐敦，又諗唔到食咩好，就膽粗粗尼碰下運氣啦！行到過尼見到lunchtime竟然唔洗點排隊，當然係喜出望外，即時就入座啦！小酒窩既外形其實已經好吸引，算係附近既餐廳當中比較有特色既一間。入到去，就比呢到既環境吸引到，周圍都好有異國既風情，非常特別！員工都好親切咁比餐牌同埋幫我地落單，非常好服務。今次我就叫左咖喱羊腩＋Naan咖喱既味道好濃郁，羊腩都好林，唔會酥。Naan係最正既，其實我都係想食呢個先尼。下次如果可以食dinner再寫過食評啦！

有一次去到冇位，店員話要等20分鐘所以冇等，所以第二次去之前就打電話book咗位先~一入到去燈光比較暗，好有情調，而且裝飾好靚(menu design 都好靚) xdxd ~不過餐廳唔算大，得好少位，所以成日full booking ;(食物方面，果次嗌咗一個四式芝士pizza同一個雞肉卷，首先講pizza，芝士味好濃，食得出落足料！！！再講雞肉卷，特別中意個醬，雞肉配呢個醬特別夾，好好食！！！雖然呢間餐廳價錢比較貴，但係絕對係物有所值！！！

由於友人幫咗我一個忙所以於同日就請咗佢食個飯啦佢話未食過 但聽過呢間想食既由於我之前同同事食過都覺得唔錯所以就帶佢黎食啦我地點咗個特選豬肋骨同埋一個PIZZA仲有各自點咗兩杯野飲不過睇黎太高估自己啦點咗豬肋骨同埋個PIZZA兩個人係食唔晒呀所以我地係食唔晒個PIZZA既首先講個豬肋骨先心型碟 好靚 賣相一流味道都係一流燒得岩岩好好好味 水準之作之後個PIZZA我就覺得OK既都唔錯啦 叫好食既 只係我地食唔晒咁解小酒窩食野其實都唔錯氣氛幾好 入面環境都算幾有情調

小酒窩成日都好full booking. 難得book到抬，今日就約埋班friends 放工就去食下喇！😀去到門口都有好多人等緊，坐哂係門口。諗住自己book左抬，唔洗等，直接入……點知原來出面個d人，都係book左抬架……即係都要等‘😫’……仲要等左成9個字先入到去.餓死人 。終於入到去喇。我見都係外國人食既多 😯間野唔係好大，唔怪得等咁耐。叫左佢出名既 four seasons pizza真係幾正。佢個底唔會話好厚，焗得外邊位好脆。個塊都有蕉忌廉芝士，食落去好重既芝士味。👍仲叫左 尼泊爾餃子呢個就麻麻地…無咩特別。同佢個皮唔夠薄。再叫左 香菇雞肉闊條麵，都唔錯。都幾多雞肉，同d雞肉都夠滑。整體黎講，食物都唔差，但環境就一般般喇。有少少逼。

去佐敦廟街呢一度，永遠出現人龍嘅當然少不了呢一間小酒窩餐廳。我係呢度都食過幾次，今次朋友生日亦都推薦佢哋喺呢度食，其實都係源自於我嘅自私心，因為我都好想食。我哋首先打黎book位，因為驚到時候太多人排隊無位。我哋book咗八點半，不過去到都要等一陣先入到去。呢度嘅招牌沙律好出色，不過我哋今次就叫咗鮮蝦蘆筍沙律＄132，呢度嘅沙律份量好大份，足夠三四個人分享。鮮蝦非常爽口彈牙，另外佢都先用d醬料餣過，所以鮮蝦非常入味。沙律菜亦都好新鮮，佢用少少酸酸甜甜嘅黑醋汁調味，所以更加開胃！仲有我最鍾意食嘅牛油果！主菜我哋叫咗最出名嘅四季Pizza $138， Pizza餡有好多雞肉同埋芝士，超級好味！特別嘅係佢上面有啲cream cheese，所以令佢味道更香更濃。佢係薄批，所以好香脆，食多幾件都唔會覺得太濟。忌廉鮮菇意大利飯，非常香滑。意大利飯好煙銀，粒粒分明，好creamy嘅感覺，忌廉味好香好重！另外都叫咗半份BB豬肋骨＄148，佢係比較林身，所以好易就能夠分開肉同埋骨，食得方便。另外佢嘅賣相好靚，用心形碟上，同情侶去食就啱晒！最後埋單＄500，但係食到超級有質素嘅西餐，好滿足！一定會再嚟。

呢間餐廳其實已經排左隊好多年...每一次去到都一定要等....之前試過想訂位..但竟然同我講要兩星期後...今次打電話去訂到..所以都要一試究竟!!睇到其他人話呢間野係食西餐!但一坐底睇完餐牌....被FAKE....原來係似外國的印度餐廳...主力賣印度野兼賣西餐,.,,,不過小插曲就黎喇...原來已經坐底左...點知侍應就埋黎講話有另一台客到左想我地換位....自己都係做呢行..明白佢地有佢地的難處...就話好...換俾佢..點知...佢俾左對住門口個張台俾我地....幾乎冇冷氣...成台人一坐底就話熱....仲要最絕係店員成日唔關門...仲要開門同街外人吹水...個刻真係想走....但同台人仕話算數.....侍應見我地有的燥...都主動俾左支水話送俾我地....但係唔凍的....入返正題....食物又如何呢??當晚都叫左幾款唔同食物...凱撒沙律..呢個當然好安全喇~所以都係正常的味道..冇咩特別炭燒雞肉/豬肉串 - 大家對呢個都有期待的..但食左之後就發現唔夠味...正常香料味會重好多~但係佢就冇咩味...雞仲有有的酥...大家都食唔曬..雞肉Masala同garlic naa

喺廟街嘅呢一間小酒窩餐廳，每一晚都會大排長龍，所以我哋都習慣先book位。餐廳位置不多，而且好狹窄，但個氣氛唔錯，食物質素都好好。有時候餐廳老闆仲加送一杯甜酒。呢度嘅出名菜式就係燒豬仔骨同埋Pizza啦！Pizza以four seasons Pizza最為出名，批底唔算好厚，係好實淨嘅嗰種。但係上面嘅醬汁非常香濃，再加上的是泰式辣醬，雞肉，同埋酸忌廉，每一啖都充滿醬料香味！加上香烤完既芝士，賣相好之餘，真係好嘢味！

小酒窩餐廳附近都係泰國或越南等東南亞餐廳，最初睇店名仲以為係中菜館，一睇menu先知唔係😆門面唔算好突出，慕名去就要花小小心機望招牌😂一坐底就有小食送上，味道幾特別，似印度薄餅再配小辣的醬個人幾鍾意呢款lamb kebab，羊肉好香但唔會太酥，個醬都好食，仲有少少沙律伴碟，兩個人食完都飽左7成😋Four seasons pizza，都係少辣，唔係太大驚喜，但份量都算多。店員見我地食唔哂都會主動問需唔需要打包。原本唔打算叫飲品，不過既然水都要買，就試左杯banana date，係香蕉奶昔，但味道偏淡🍌店員態度友善，值得一提的是全部店員都係講英語🔤

朋友係佐敦嘅地膽，突然想食西餐，經介紹黎左呢間小酒窩，價錢偏貴.7點半黎等 15分鐘唔算耐, 可能呢間坐唔耐, 食完就要快快咁走.服務員都係外國人, 比較慇懃.前菜送咗一碟小食，當充下飢。朋友介紹食凱撒沙律，個沙律認真唔錯，但係啲牛肉太韌。另外我哋仲叫埋Pizza ,同埋豬肋骨，Pizza夠拉絲, 味道唔濃, 豬肋骨太乾，肉鬆軟，感覺麻麻, 有D失望，可取之處是份量多。飲品叫左杯mango smoothie, $48 有點貴食完每人送小1 shot cocktail , 幾驚喜埋單around HKD$ 200. 

If you work or live in Jordan, you will find there are hundreds of restaurant serving different cuisines at comparatively better price among Hong Kong.One of my recommendation is this fusion style western cuisine restaurant.They have several middle eastern dishes like Kebab🌯 and Naan bread.I've tried Kebab meal once before. I bring my mum here today.All lunch choices within $100. Not expensive at all. I add $20 to get a glass of Mango Lassi. It's freshly made and worth much more than $20. Lunch

Book了4位七時半晚餐。我自己一個7:15pm早到，看到餐廳有十多個吉位，問過侍應，她不準我入坐，並說需要等人齊，實在令我有點生氣。7:30pm朋友們到了，叫了四季pizza、蝦意粉、墨魚餅。食物味道實在普通，而且偏鹹，令人失望。重要的是，餐廳的飲品（包括水）是要$35或以上的。因此，我四個朋友都決定不要飲品了。全程用餐1小時内，就被侍應問需不需要飲品4次，以及可否先埋單3次，煩得不想再吃了！我不會再來。

第二次黎，平日同假日夜晚都會滿，價錢不貴，碟頭都大，要多幾人先可以試多些款式，最好訂位呀。今次七個人，冇影ribs ，個ribs 一般般，個沙律同四季pizza 好好食，mango smoothie 都好好味，會再黎

After two hours body massage in Tsimshatsui, my wife and I had an sudden idea to have a taste on curry dishes, we then approach this familiar restaurant that our friends celebrated a birthday night. This afternoon we ordered two lunch sets, (Lamb kebab $68 & Tandoori chicken with rice $70). First of all, as for we Hong Kong Chinese people we supposed that's better to serve to naan with soup of the day (the soup is so tastey) and the naan maybe a bit salty if it's without soup. For the main co

一間店面細細的餐廳，全是南亞裔的侍應生，但沒因為大家的膚色及語言的不同，產生隔膜，依然客似雲來，座無虛席，全因食物的味道收納了很多客人來試菜，加上在等候的期間，門口的侍應姐姐的親切笑容及閒聊間樂意推介食物，可令客人減少等位時苦悶感覺，加上其餘員工們的配合，收拾動作快捷，可加快給客人抬子的速率，剛坐下，侍應們先來一客脆脆餅連一小碟鹹鹹帶點點辣味道的青咖哩點醬，今次我們點選了餐廳的熱門選擇……薄餅軟軟靭靱而邊緣脆脆還帶有一點點甜味的四季薄餅，沒有太多調味的大大份新鮮沙律蔬菜加烤雞肉配上半生熟牛油果與嫩嫩烚雞蛋的招牌沙律，似燒烤义燒醬汁，肉質口感嫩而不乾身的特嫩豬肋骨，併配點點鹹味的脆薯角連一小點沙律菜，確是一份可飽肚的餐點，充滿了香滑忌廉白汁的軟綿松露干貝燴意大利飯及清新帶甜味的菠蘿汁，淡淡芒菓味道滑溜溜感覺的芒果優酪乳類飲品，如有朋友生日，又不介意坐位背貼背，通道狹窄，有點擠迫感的話，不妨在此慶祝生日，因店內會為壽星播放輕快熱鬧的生日歌來助興，增添了生日的氣氛，客人用餐完畢，還會奉上免費小杯份量的調酒飲品，真有一點點意外驚喜，另外餐廳是沒有收取加一的服務費，這是餐廳給客人另一份驚喜，好味

呢間小酒窩餐廳位於廟街，我都食咗幾年。每次都大排長龍，所以我都會預先預訂。不過預訂咗都要可能等返20分鐘先入到去，因為實在太多人慕名而來。其實環境唔算好舒適，都幾狹窄，只能夠坐到40、50人。但係啲嘢食就真係好味，最出名就係four season pizza同Baby ribs. Pizza上面嘅醬汁非常濃味，佢係屬於餅底較薄身嘅脆皮pizza，芝士亦足夠鋪滿整個Pizza，另外有少少泰式甜醬，味道好有層次。baby ribs嘅醬汁甜而不膩，配上薯條，好味。