小酒窩餐廳

Open Now

Now Closed

今日同朋友係尖沙咀掃完貨 朋友心血來潮竟然話想睇塔羅牌 但係我哋諗塔羅牌應該夜小小先開 跟住就專登去廟街附近搵嘢食食完再去 廟街選擇真係好多 但係既然覺得咁多選擇梗係食一啲平時小食難搵到嘅嘢 行過呢間小酒窩餐廳 睇咗餐牌覺得幾多嘢揀就入左去 坐低侍應好快就拎咗一碟兩塊嘅脆餅黎面頭冇任何調味粉 但係食落鹹鹹地有調過味 應該係麵團嗰陣已經加咗味道落去 隔離綠色嘅醬汁睇落去以為可能係酸酸地 但係原來類似蛋黃醬 中和左鹹味Mango smoothie $48正正常常普普通通 本身因為覺得走有少少貴所以就叫杯冇酒精嘅 食咖喱咁大浸味嘅嘢我自己本身都鍾意飲返啲果汁 🍹 酸酸甜甜解渴一流 份量就唔算話係多 所以一人要我一杯先夠Lamb kebab $112嗰卷好大卷 啱啱好女仔每人一個 都幾飽肚下 如果平時食晏晝嘅話我諗我食佢一半就啱啱好我覺得佢包得幾靚 成日食呢啲卷最睇嘅就係佢入邊肉多唔多 同埋係咪肉碎 成日覺得出邊街嗰啲墨西哥卷 成日用切都好說嘅逐水去整係因為本身唔新鮮 同埋係刮骨上邊剩返好少嘅肉出嚟 但係呢一間嘅墨西哥卷入面嘅羊肉係一塊塊㗎 份量仲要唔小 唔會食到一半就發現得菜牛油雞咖喱 $1

早左放工，去左試依家餐廳，食到一半，餐廳就full左要等位了，好彩早左黎😆👍👍環境舒服，staff and boss都係外國人黎😆而且音樂幾好聽我同朋友兩個人分別叫咗土耳其雞肉烤餅 豬肋骨半份，再加一個墨西哥意大利飯。前菜係一啲土耳其色嘅薄餅，就似我哋成日食嘅薯片咁。可以點上mint mayonnaise sauce, 幾fresh幾特別。土耳其雞肉烤餅 烤餅隔離有一啲嘅沙律，沙律係甜甜地辣辣地嘅醬汁配上一啲嘅簡單沙律菜，非常開胃。卡巴熱辣辣，令人食指大動，好大嚿一定非常夠飽。而且入面呢有好多嘅菜，烤雞啦同埋沙律醬，口感非常之豐富。烤雞啦亦都有一種煙燻嘅感覺，增加咗佢嘅香味。墨西哥意大利飯呢個意大利飯嘅份量啱啱好，唔會太多又唔會少，而且佢係醬汁非常之好味，食落呢會有一種好天然嘅番茄味，同時我亦都食到其他嘅蔬菜嘅甜味。呢一個意大利飯入面嘅都有好多嘅蔬菜，例如南瓜，洋蔥，番茄，芹菜等等非常健康。而且佢嘅味道濃，唔會令人覺得係食緊素菜。BBQ ribs炸薯仔大舊又熱辣辣，非常之好食，ribs係非常之容易切，同埋入口溶化。佢嘅醬汁甜甜地鹹鹹哋亦都非常之香🤓💓每人二百左右，食剩左少少，唔大食既朋

平日晚上嚟到小酒窩好好食一餐晚飯，係繁忙嘅工作天獎勵一下自己。第一次嚟到呢度，感覺環境幾安靜，又有啲格調，Menu都幾厚，有好多唔同食物種類。而且一坐低就有份小食，既開胃又有風味👍🏻首先叫咗廚司特別沙律，黎到都好驚喜，因為份量都幾大幾足料，又有好多牛油果，加埋特製醬汁都好正！之前做功課見好多人都推介呢到嘅Kebah，當然要一試！叫咗雞肉烤餅，辣辣哋幾惹味，一樣好大份！最後仲有芝士烤餅，一上個陣差啲辣親手，真係焗起就上！芝士溶晒好正😋兩個人食三樣野都好飽😂咁舒服既環境，好扺！

小酒窩已經響佐敦都幾多年下今次係第二次食，味道一樣咁正，唯有打篇野讚下作為無朋友嘅邊緣人所以自己一個食飯入面燈光幾暗，幾好FEEL，啲枱大大張凳又坐得舒服呢個吧枱好正酒精飲品種類好多款Sweet Lassi咁一條友就唔飲酒喇呢杯野雖然成差唔多50蚊但個味道絕對值呢個價超濃乳酪味，同埋結結地攪兩攪就知無偷工減料咁加水Donar Lamb Kebab 羊肉烤餅比較過幾間嘅lamb kebab，呢間真係最正拎起熱到辣手，舊餅烤得剛剛好，睇啲色就知入面嘅羊肉多汁有羶味份量仲好重手，夾埋啲生菜絲，蕃茄洋蔥之類個味道襯到流眼淚老闆都好nice可能都見我毒食好慘都有行埋黎問味道如何好好禮貌又主動拎埋紙巾放響枱面

今日有得放早一支公喺附近佐敦搵嘢食 就去咗廟街行吓睇吓有咩啱食發現原來佐敦廟街接近柯士甸道原來好多嘢食 乜嘢菜都有 心血來潮想食咖喱 仲要唔係想食日本嗰隻見到間餐廳名咁得意叫小酒窩就睇吓餐牌 見到個環境雖然細細地唔係話裝修好特別 但係莫名其妙地想食下中東嘅咖喱🍛 就膽粗粗入咗去坐低試吓一坐低就會送一份類似烤餅嘅嘢 一人一塊已開胃小食來講 搞到我都想叫返一份炸嘢食個綠色醬睇落去以為係辣 但食落似係蛋黃醬味 但係點解都係綠色就冇特別去問 但係絕對唔會奇怪 大家可以放心食 大點特點叫咗 特色奶油雞Butter chicken $112在另外配一個香蒜薄餅 Garlic Naan $32 首先講下薄餅先我比一上枱已經聞到好香嘅蒜蓉味見到薄餅嘅面層好令身 應該係薄餅整完之後喺面陳再加上一層蒜蓉油 我想嗰塊薄餅係「煙人」得黎 又夠淋身 真心屬於好好食嘅薄餅 一啲都唔馬虎 再講下我今日最滿意嘅咖喱成日都怕咖喱入邊嘅餸會整到硬晒 但係佢嘅雞係超滑 一啲都唔太硬嘅跡象 就連我平時因為嚴硬最唔鍾意食雞胸 都唔覺得佢嘅雞胸硬 就知道佢處理個雞處理得好好咖喱香料味好足 啱啱好食晒所有薄餅所有汁都用晒 所以份

夜晚同同事食飯☺️咁啱見到e字頭app訂位有半價！所以我哋就一齊去食！5個人食到飽都係3百幾蚊咋！小酒窩餐廳，4,5年前已經食過！如今再食，餐廳冇以前咁暗，加多左燈，食物仍然好味👍🏻服務都唔錯丫可能因為食早飯，訂6點，餐廳冇乜人，照顧周到✌🏻食物熱辣辣！雖然間餐廳係主打食尼泊爾菜，但佢都有其他菜式，puzza不錯喔呢啲薄餅，叫Naan ，當晚我哋叫咗三款分別有芝士，薯仔，Garlic ！款款都好好味又飽肚不得不提呢一個蝦餅，你唔好見佢得三舊好似好少咁，但係其實好大，成個網球咁大尼泊爾餃子，基本上同山東餃子冇分別，唔同之處就係個醬汁，小小辣，同平時食開嘅中式醬汁唔同埋單每人都係80蚊咋

佐敦最近都多咗唔同種類嘅嘢食，雖然大部份係以泰國菜或者香港地道野為主但係最近亦都發現咗有一間係食印度野，所以都是一事個地方都係處於旺區嘅地帶所以係好容易搵到而且嗰度成條街都係圍繞餐廳所以呢一方面都唔使擔心質素會差一坐到張凳個侍應就好熱情咁招呼你亦都會比每人一篇嘅印度除薄餅作為一個開胃菜而且係唔收錢自己都覺得幾特別小食食喺上嚟都幾脆卜卜配合埋啲印度特有嘅特製青醬隻確實係開胃嘅好開始咁今次就試咗印度嘅Pizza， 就簡單啲試咗辣肉腸pizza外表睇起上嚟同其他薄餅店相差無幾但係食得出就係個薄餅皮亦都係算係好趣而且用了都幾講究因為個味道同平時正宗嘅Pizza店係有少少分別而且佢都係即叫即整雖然時間會來少少但係味道方面絕對一流尤其是辣肉腸係非常之入味整體上都幾好另外都要左尼泊爾餃子雖然外表睇起上嚟同香港我哋平時食到嘅餃子差唔多但係入面啲肉完完全全係尼泊爾人會用嘅肉所以風味上已經有少少唔同就同平時食開嗰啲已經有好大嘅分別再配合埋啲辣醬都可以用惹味形容

這一間小酒窩，食物質素是好的，本來令大家吃得喜悅，臉上有小酒窩。可惜一個小時後，因不再order，就突然被埋單，不歡而散。食物來說，是美味的。不過沒有水提供，需要買的。招牌沙律，沙律汁調得很好，令蔬菜變得很鮮味。燒雞就一般，雞肉燒得來香但失去嫩滑。Ribs 肉質也很香甜，但骨很大，我比較喜歡同區的 Four Seasons，他們的骨和肉比例較均衡。印度薄餅和羊肉咖喱是很好的配搭。招牌pizza 也很野味，燒得不錯。尼泊爾餃子是最好的一份。最後，因為要預備一張長長長枱，一行七人的我們，有老有欶，就被埋單了。😭就這樣，什麼美好的回憶和分數都一筆勾銷，只記得不歡而散這一幕。這樣做生意，就只能幫襯這一次吧。No more。

朋友生日黎到小酒窩慶祝一下，餐廳環境舒服，適合同朋友摸酒杯底傾計，食物種類又多😋叫咗廚司特別沙律、雞肉烤餅Kebah同芝士烤餅。食物都好大份，叫咗呢三樣野，兩個女仔都食到捧住個肚。沙律有好多牛油果🥑，足料又開胃。Kebah亦又大份又好味，醬汁辣辣哋，雞肉同配料都好多🤙🏻好有風味！芝士烤餅最後上，已經差啲食唔落，但熱辣辣嘅芝士夾心真係好難抗拒，咬落滿滿嘅芝士味，仲可以拉芝士絲😋食左一小時多啲，都唔會話有好嘈嘅時候，食得舒服，絕對會再來！

幾個人提前訂位吃飯，點了咖哩羊，garlic naan, pizza, back ribs, tandoori chicken 等，差不多一千元消費。食物質素可以的，不過未算驚喜。問佢攞幾杯水侍應好驚訝點解唔叫酒水，而飲清水就要叫bonaqua水盛惠二十大元一小支。最令人O咀是一吃完正餐就催我地點甜品，剛剛將最後一啖甜品放入口，侍應就將賬單放我面前叫埋單，趕住翻枱比下枱客，又入舗到出前後只有65分鐘，冇想到食一千蚊會趕到食快餐咁．．．冇下次幫襯！

因為朋友的推薦，今日係旺角行完街之後，黎左油麻地廟街呢度食小酒窩。我地大約7:30到達，入面已經8成滿， 小酒窩入面唔大，但係佢哋膳用所有空間，所以入面位置都唔少。目測都有4個staff，所以服務都快，我哋一食完一碟，佢哋就幫我收走啲嘢(唔係趕你走嗰種)，因為我哋食曬坐係度吹左10分鐘水都冇人黎催我哋埋單。有個頗有特色嘅水吧。枱唔大，我哋叫咗三樣野，擺落去已經成張枱滿曬。羊肉kebab ($112)之前喺歐洲嘅時候試過kebab，當時對佢一試難忘，返到香港嘅時候發現呢一款美食都比較少見，黎到小酒窩見到緊係要叫黎回味下。落單既時候，有得揀自己鍾意嘅dressing，因為我英文唔太好聽唔明，淨係知道有三種sauces，最後揀左mix，另外兩種就唔知係咩黎。kebab外邊用錫紙包住，一拎上手發覺個錫紙其實都幾熱㗎，所以食嘅時候要小心啲。另外提醒大家錫紙搣一半好啦，如果唔係呢驚入邊嗰啲餡同汁太多流曬出嚟。最後嘅部份就建議成個底搣咗佢，用刀叉去食，唔係就會食到成手都係汁，呢個我係經驗得出嚟嘅教訓。咖哩牛腩($116) + 香蒜烤餅($32)咖哩落咗番茄醬，所以除咗有微辣之外，仲帶有少少酸，食落都

行過佐敦廟街見到呢間餐廳燈光暗暗地幾有格調咁，所以入黎試試order左無幾耐，餐廳就送左d香烤薄脆片，配上特別醬汁，我估有少少薄荷成份，都算幾開胃我地首先叫左個意式燴意大利飯，係素食黎，成個飯有好豐富既奶油香味，而且十分足料，有蘆筍啊磨菇啊，黃瓜啊，蕃茄仔等等，而家先知原來奶油sauce配呢d蔬菜一齊食係咁正跟住再黎個蔬菜意大利pizza，兩人份量黎講size都唔細，大概十寸左右，健康既配料好似黃瓜，橄欖，蕃茄仔，mushroom等，再搭配最最最最邪惡既拉絲芝士，十分好味飲品方面我同女朋友share左大大個左椰青飲，清甜可口是必然的...不用多說吧呢間餐廳服務其實都唔錯 更重要既係 佢呢度居然唔駛加一西餐廳黎講都算少見

呢間餐廳睇落好似係食印度菜，但其實除左印度菜，仲有意大利菜(pizza, pasta, risotto等),一次過滿足哂幾個願望首先餐廳附送小食，應該是印度的脆片，配上印度醬汁，幾開胃然後叫左個意式燴意大利飯，因我男朋友是食素的，好少可有西餐可以食素呢個奶油意大利飯非常足料，有新鮮磨菇，蘆筍，意大利黃瓜，櫻桃蕃茄，甜椒等，我特別鍾意佢個sauce,正之後我地叫左個蔬菜意大利pizza，大約十寸左右，每人可以食三舊，最正係佢個芝士，真係做到拉絲效果呢個pizza有意大利黃瓜，橄欖，蘆筍，鮮香菇，蕃茄，大蒜等，好豐富其實呢個pizza三個人share都可以呀最後我地叫左個young coconut,幾清甜抵讚既係呢到no service charge,所以一個人百幾蚊就可以埋單

我好少會去呢頭食飯，係朋友介紹呢間餐廳話好好食，所以先黎呢頭食。最好多d人去食，因為都幾大份架。呢間餐廳主打fusion菜，非常特別又好食🤤🤤我地一行四人，叫左四款菜，就已經食到好飽了！！我極度推介個吞拿魚沙律，好少食沙律既我，完全對佢著迷！而咖哩加蔥烤餅都係好食既，咖哩叫左少辣，朋友就覺得辣到飛起，但係我就完全唔覺辣 哈哈而野飲邊面，芒果奶昔真係有好香既芒果味，甜得黎又唔會太甜，岩岩好。唔似出面唔係用新鮮芒果整既飲品，呢個真係飲得出有新鮮芒果架！大愛！！另外，有個cranberry juice都唔錯，好少有餐廳有呢款飲品，中意cranberry既大家，可以一試。

突然想食印度薄餅，朋友介紹左呢間餐廳，話有好多唔同國家嘅菜式而且味道幾正宗，於是就揀左呢間餐廳。餐廳唔算大但係幾有氣氛，坐得都舒服，咩類型嘅音樂都會播，d staff全部都係外國人，而且好親切～感覺幾好。而且坐低會送個小食俾你。我地點左3樣嘢食同2樣飲品，全部都真係幾好味～～芝士烤餅 Cheese Naan $38本身好鍾意芝士同印度烤餅，所以次次都會叫芝士烤餅。熱辣辣嘅時候食可以拉到長長嘅芝士，而且佢烤餅質地比較厚，中間夾住芝士，口感唔錯，好滿足～Beef Fajitas $188呢個菜式比較少見，係墨西哥菜，有鐵板牛扒加一碟烤餅皮，同埋三種醬。鐵板入面鋪滿雜菜，有燈籠椒、洋蔥等，上面嘅牛扒雖然係全熟但係好香牛肉味，好juicy！最鍾意佢冇落鬆肉粉，食到牛肉本身質感～ 烤餅比較厚身通常我就cut一半嚟包住食物同醬料食。三種醬料都好味，有酸忌廉（白色），牛油果醬（綠色）同蔬菜辣椒醬（紅色）。其實唔係真係叫呢個名，但製作主要材料係呢d😂😂四季pizza $148pizza 係薄批，但係好熱辣辣好脆好香，仲可以拉芝～～好好味！上面白色嘅醬都係芝士，再加小小帶辣嘅甜酸醬，同埋有雞肉等等，好好