小酒窩餐廳

Open Now

Now Closed

聽聞這餐廳豬肋骨不錯，今日午餐便去試一下 ，份量頗多，好似一星期没食飯。。哈哈 菜湯？豆湯？。。熱辣辣味道不錯，胡椒餅冧咗小小 午餐價錢優惠 碟好靚 Baby Back ribs味道有點像义燒很入味，没有雪味，肉質冧冧地，火喉不错，唔會太乾檸茶也不錯，吾似茶包，茶味很好

(真心火滾! 呢篇又話我試食!! 朋友約我去, 我真係第一次去呢間WO! 甘都算"試食"?!??!!?? 甘要去過幾多次先唔算係試食!?!?? ) 上星期五幾位朋友約左我地雙子妹去哈比Friday～唔係佢地帶路我地真係唔識嚟～餐廳好中東feel,感覺好特別～餐牌上有印度菜、尼泊爾菜、中東菜、美國菜，果然係多國菜餐廳～開餐：。。👄鮮蝦蘆筍沙律 $120👉🏻個汁酸酸地好開胃ga, 蝦又超彈，最正係大大片牛油果，大愛～。。👄香蒜辣椒蝦油大蒜意粉 $128👉🏻勁濃蒜味，意粉亦好彈牙，應該係自家製～重口味之選呀～。。👄四季薄餅 $118👉🏻酸酸甜甜同好濃嘅芝士味，大愛～每塊薄餅上都有蝦，唔使爭～。。👄波菜雞肉意大利飯 $128👉🏻飯整得好軟，唔會太硬～飯撈埋有雞肉同菠菜，汁亦夠濃，但唔會咸，幾好～👄特嫩豬肋骨 $138👉🏻真心特嫩，平時其他地方食啲肉好鬼硬，呢間好軟滑ga。。👄Free cocktail 👉🏻waiter話happy Friday請我地飲ga~

有朋友極力推介，CP值極高又好食，唔係唔試呀？呢個位置唔睇地圖都唔識黎，平時絕少行到呢條街，但原來晚市都好多人排隊攞位，唔早啲排隊我諗8點半黎到都幾難有得食...🤔餐廳名非常尼泊爾feel，夾雜尼泊爾 + 中東 + 印度菜，見佢菜單有尼泊爾隨街既地道小食Momo餃子，同時又有印度既Masala & Tandoori經典菜，兼且中東既Kebab，連Greek Salad同泰國野都有，果然名符其實一間多國菜餐廳！喺印度飲過Mango Lassi好鐘意佢既健康清新，係印度菜經常都飲到。Mango Lassi係新鮮芒果 + 乳酪飲品打成既，其實尼泊爾同印度既芒果同呂宋芒唔同品種，青色外衣、D肉比呂宋芒深色D，但一樣好香甜，打成飲品好正架！佢都整得好正宗，如果食到太辣又可以解辣，好飲到飲唔停😋我地5個人，叫5樣野，首先食既係招牌沙律，份量好大，大過menu張相好多喎！食厭左平時食既Salad，呢個配搭對我地黎講好fresh，有烚蛋、黃紅椒、沙律菜、牛油果、車厘茄配以蜜糖芥末汁，全部食材都充滿水份同新鮮既味道。跟住叫左Spaghetti Aglio-olio with Shrimp Butter

屋企人生日，訂枱食飯，講明帶生日蛋糕，已經問清楚可以免切餅費。去到叫左pizza, 意大利飯同咖啡雞同簿餅，每樣野都幾好食，有印度風味。問題係服務好唔得。去到未齊人又問幾時到齊，到齊又催我地落單，食左半個鐘左右，就話last order，我地唔加野。侍應好快收左d餐具，仲有2個人未食完就唔收住。心諗洗唔洗咁趕呀？我老豆係生日主角，仲食緊最后一舊咖哩雞時，侍應已經播生日歌，仲拎個蛋糕出來點蠟燭，都未食完，係咁催住曬。我地都好快切蛋糕，未食完又放低張單。我問佢到底晚餐有冇限時，佢話冇，咁又係咁催人走？仲要收切餅費，好在有check單，最後取消左，所以以後唔會再去！

位於廟街既小酒窩唔單止大件夾抵食 食物質素都好高好好味特嫩烤豬肋骨配自製燒烤醬 ($135)份量有半份及全份兩款選擇 見到其他客人點既全份真係好長好多好吸引 不過半份份量都好多 仲有炸薯角同少量沙律菜伴碟 非常抵食豬肋骨煮得軟腍入味 可以輕易將骨肉分離 面層烤得微脆而入面肉嫩多汁 醬汁仲好惹味 果然係招牌菜伴碟既炸薯角都唔會濫竽充數 熱辣辣炸得非常香口海鮮什錦芝士薄餅 ($120)薄餅有十多款款式選擇 呢款海鮮什錦芝士薄餅配料有龍脷魚 青口 鮮蝦 同墨魚 仲有海量超厚芝士鋪面 每啖都食到極多芝士同海鮮 帶有陣陣獨特既惹味香料味道 滿足感爆燈而批底較薄食多幾件都唔會滯 批邊仲好脆添

是一間很地道的土耳其&尼泊爾餐廳, 親切又美味的食物, 值得再吃◦晚餐有很多不同可供選擇, 價錢約100至150元, 菜式都有別具土耳其的風味, 水準較為平均。而店員都很親切，當日落大雨，我和Fds都雞手鴨腳收好雨傘進入餐廳時，有位男職員走上前幫助我收起把雨傘，還弄乾雨傘才給我擺好。除此之外，由點餐至進餐都非常貼心服務。 值得一試的： 土耳其啤酒：COBAR BEER 土耳其烤餅

讀u果陣好中意同朋友黎宜間餐廳食飯…覺得又好味又好氣氛~年幾無黎，今晚就帶女友黎試下順便緬懷下哪些年入座之後，店員一如以往送上烤餅。烤餅辣辣地十分上癮!瑪莎拉雞唔係好辣，岩哂怕辣既女朋友食~同平日食既咖哩好唔同瑪莎拉雞唔香椰汁味又唔辣，反而有小小酸酸地! 雞件嫩滑但有D雞蘇味!四季PIZZA材料豐富但係pizza一律係薄批，欠香脆而且咬落餅底比較靱!臨走時，餐廳仲送左杯COCKTAIL。初初飲落酸酸地似檸檬味，期後有陣薄荷涼涼地既感覺~

尼泊爾餐廳，呢度完全感受到每位員工熱情的服務,老闆好好客。必食:1)瑪莎拉雞:用左红椒既蓉溝咖哩煮成,非常惹味2)燒豬肋骨:醬料非常入味,肉質軟諗3)羊肉沙拉:非常大盤，好清新老闆好好人溝左杯酒送俾我地飲，埋單仲俾個電視框我地tim

星期一晚同朋慶生食左多國菜小酒窩。waiter系中東人， 好熱情，入到去有中東feel,,但地方就比較細,坐得有d迫。不過裝修令都ok啦四個人叫左4個樣菜式，都夠。有pizza, pizza醬汁甜中有辛辣,幾野味，而且有芝士月口海蝦配,好食。第2 就系豬肋骨,用叉燒醬醃再烤,擺上黎已經好香豬肉味,以為好硬身，但食上去好軟熟,配飯 一流。第3 叫左個意大利飯,好creamy, 而且有西蘭花配上白汁,都ok!第4 就叫左tuna沙律，tuna外面是薰過黎,內面系半熟，食上去好似有種刺身加肉既口感, 不過魚既份量唔多，菜就好多，配上黑醋，開胃解油膩，4個人食系夠。所以朋友都食得好開心呢！

小酒窩是一間食多國菜的餐廳，waitress 同廚師都唔係本地人，呑拿魚沙律：當我見到沙律時，即刻哇左一聲因為佢好大份，好驚會食唔晒。呑拿魚好特出！佢係經過處理,邊既芝麻令呑拿魚更添味道！好好味，齒留香！而且沙律有加入黑醋調配，就算唔中意酸醋既我都覺開胃半隻燒雞：烤雞幾惹味，但質感覺“鞋”口，好似食緊雞胸肉咁，麻麻地pizza: 好juicy 好多芝士 個底好脆好好味！最後來個大啤酒！！總括黎講，食物質素係高，價錢仍合理！會再來試其他菜式！但建議多人來食，因為每一碟既份量都非常十分之多！ 但地方就一啲迫，可能因為好多人等位，佢會多次主動問仲有冇其他order, 我估其實係想叫我哋快啲埋單

星期五早上在佐敦上堂，落堂時間已經是食午餐的時候，同一班同學在佐敦搵吃，由於沒有什麼心水餐廳，就帶大家來到我已經吃過幾次晚餐的地方：小酒窩餐廳。lunch 一向都較晚餐為抵食，大約$60的價錢已經有湯有主菜有飲品。我最愛吃kebab ，每次來這裡吃飯都是我的必點菜。當然今次午餐都不例外。午餐的價錢雖然比較平，但kebab份量和晚餐是一樣的。餐湯有點似羅宋湯，但沒有菜，好浠，少少酸的，但我不太愛，只試了一啖。不要緊，chicken tikka kebab 才是主角。愛吃kebab 是因為一份已經有齊一餐的主要原素：碳水化合物、蛋白質和纖維。哈！即是有薄餅、雞肉和沙律菜。雞肉的香料味好重，生菜夠爽脆，沙律醬少少酸的，好開胃，薄餅不會太粉太頂胃。不過份量的確很大，食完兩份已經很飽。溫馨提醒：食kebab 的時候要用手，不要用刀切，而且不要一次過將錫紙拆開，否則會散開，這樣會食到成手都是汁和沙律醬。

今日同成班朋友食生日飯, 選擇左呢間多國菜既小酒窩餐廳, 星期5既晚上好多人等位, 好彩朋友一早book左, 餐廳環境都好迫下, 同埋要同其他人搭枱, 睇番野食, 選擇有好多, pasta, pizza, ribs,都有, 最特別係有印度咖哩同naan, 真係咩人都有野岩食~一坐低店員就送上餐前小食, 印度脆餅, 睇黎呢度主打印度野, 店員都係外國人...我地一行6人點左four seadon pizza, 菠菜雞肉意大利飯, tuna salad, full rack ribs, 咖哩魚同牛油naan~先黎既tuna salad好大份, 有好多tuna, 沙律個汁酸酸地, 好開胃, 亦配左蛋黃醬, 混埋更好食, 而吞拿魚外圍包左黑芝麻, 食落好香口, $138咁大盆都幾抵食, 足夠6個人share~菠菜雞肉意大利飯亦有驚喜, 個汁好rich 好creamy, 入面亦有好多菠菜, 係幾好食既意大利飯~呢款four season pizza係呢度既推介, 上面有燒雞, 菠菜, 薯仔, 菇, 配左甜辣醬同sour cream.成個pizza好多料好豐富, 加左sour cream令pizz

到佐敦覓食，發現心水舖頭已易手，新店又不合眼緣，失望之餘唯有到附近碰碰運氣。 小酒窩的店員相當勤力，一直在介紹店內食物，就入內試試吧。 先點羊肉卡巴Kebab，Kebab 是一種原自土耳其的美食，肉烤熟後切碎碎的放在烤餅中，配上特色醬料及沙律菜，捲起來吃。小酒窩的烤餅，明顯比坊間一般舖頭的烤得香，配合起來特別好味。 跟著到來的 Chicken Spinach，雞肉煮菠菜蓉，加入少許香料調味，適合不吃辛辣的朋友，加 garlic naan 點汁食，雞肉亦嫩滑，非常美味。 最後到來的羊肉炒飯，選用了長米，乾爽，炒得粒粒分明，香料調味有特色，還有大件羊肉粒在飯內，非常大方。 早利亞對處處也非常滿意，只是要留意，這兒晚市不供應清水，有需要可以點一些特飲或瓶裝礦泉水。在香港這樣做比較少，香港人未必習慣，希望這點不會令你卻步，因為小酒窩的食物的確不錯。

已經係第二次黎食，由訂台到食完離開，服務態度好好，好友善！食物唔洗講，堅有水準！第一道係牛扒，我地叫左medium well。我一直不愛吃牛，但見媽媽吃得津津有味，我又聞到煎得好香，真係要試試，嘩，果然好juicy好正，$208大推介！ 之後食Four season pizza, 好喜歡佢面頭既sour cream令塊pizza好moist，好惹味呢！最後我地就點了signature ge salad唔記得咩名，好正呀好多菜同牛油果 埋完單出門，waiter哥哥仲出門同我地講byebye呢

呢間鋪雖然有d僻同難搵，但d野真係好好味。牛扒都幾諗同夠味，d雜菜個汁好特別好正。d咖哩好夠味同個包好夾。食個lunch都唔算好貴。同埋服務態度都好好。 所以遲d可以試下夜晚。