Vanilla (Closed)

10月28日又來我好喜歡的soho,明知嚟買走,久排才番到屋企,但都忍唔住,心思思想食brownie同tiramisu 1)tiramisu ($28)-回到家中,面頭嘅可可粉同個底已經濕晒,呀...............買嗰時當然唔喺咁啦.............不過人地亦無諗過你買完咁耐(都應該有2個鐘,全程室溫)先食...............非戰之罪-餅底好有咖啡味,但酒味欠奉-mascarpone portion夠多,又滑-雖然整體變得濕咗,不是最佳狀態,但仍好enjoy~~~ 2)brownie ($8)-呢個好嘢,放落雪柜雪雪佢,無影響都個外脆(薄嗰隻,唔厚)嘅表面, 裡面好似食梗朱古力truffle咁,好幼滑,完全唔多食到麵粉的存在,咁足朱古力,唔濃才怪呢!!-好滿足

買了一個lemon cheesecake返屋企食，好好食，有淡淡的檸檬味，配上軟滑的芝士及充滿牛油香的曲奇餅底，令人再三回味。

我睇完到呢度既評語同推介,今日去左vanilla, 食左Chocolate & Espresso!中間是軟軟的朱古力蛋糕, 底部有較硬的餅底和面上的cream, 中和了中間濃烈的朱古力, 令整個蛋糕不會太膩。好想再試其他蛋糕, 不過怕落到山蛋糕會溶, 所以打消了take away的念頭。如果平時只係去開大型的連鎖cake shop, 可以試下vanilla既精緻蛋糕。

第二次，無再食Chocolate Truffle，唔再痴痴呆呆，不過一樣咁開心、舒暢。今次只係叫咗：1. Apple Custard Tart味道唔錯，微酸帶脆嘅蘋果（雖然有d怪，似富士蘋果）、清甜嘅Custard、難得香脆嘅餅底，做成一個美味嘅組合。2. Chocolate & Espresso (Fudge?)好味，唔錯。但係好似個朱古力味蓋過咖啡味。口感上，佢比Truffle薄身、滑溜。不過可能唔及Truffle咁震撼。開心舒暢，原因可能有好多，呢度嘅cake真係好好味係好重要嘅原因，Vanilla周圍環境好悠閒亦都係其中之一。不過最重要，都係有好友同行，可以一齊分享美食之餘，亦都可以一面散步去搭車，一面分享生活點滴、共同嘅愛惡...。回想，同好友去過地方真係唔少，可以令我地一試再試嘅，都只係得三幾間。呢度，我地一定會再黎。

超好味道! 仲有Lemon Cheese cake 個淡淡檸味及幼滑cheese, 齒頰留香!

點解冇人提到cheese cake, 我覺得啲cheese cake都好好味．唔係好多地方啲cheese cake都整得好味．好多地方啲blueberry cheese cake 啲blueberry都係好求其用藍莓醬就算,但vanilla係用新鮮藍莓,新觧果肉加埋幼滑芝士,芝士味適中，真係好好味．仲有個baked cheese cake (即係new nork cheese cake)都好好味,我尋咗好耐先尋到一間咁好味ga cake shop, 希望它可以越做越好.(p.s.依家vanilla啲cake ga price 貴咗, 大約$28~$30一件,但留意到它請多咗幫手,星期一至星期六都延長開到夜晚8.30,so都係值得呢個價ge.)

聽完一個人好悶0既人講了2.5 hours 好悶0既0野, 心情糟透, 見仲有1.5 hours 先到"下場", 想對自己好d, 即刻衝上巴士0黎呢度, 目的為chocolate truffle cake!賣相(圖左下) 唔錯, 食落超掂- 一大層fudge 加一層薄cake, dark chocolate 味極濃, 口感又rich 又唔會太乾/濕, 又完全唔會覺得太漏/太甜! 極力推介!另外見到之前有食家推介scone, 又買了個raisin scone (圖右下) 試試... 賣相一般, 食落唔會太甜, 幾鬆軟, 極黐牙... 比起0係澳洲食0個d 差一大截, 不過整體都幾好食, 如果有jam/cream 蘸就好了.食完個chocolate truffle 成個人心情好返晒! 下次要帶埋朋友0黎食!

在上環吃完Burger，我們又再上半山，找尋可愛的餅店。　路程頗遙遠，不過我覺得這次經歷還是值得。因為，原來人人叫好的chocolate truffle cake，就是去年九月在Orange Tree (OT)吃過的美味甜品。( http://www.openrice.com/big5/commentdetail.htm?commentid=125811)　由於位置相近，估計OT是向Vanilla拿貨。之前講過，朱古力餅味道濃郁(與Royce味道極似)，朱加力成分達3/4，在OT吃加上芒果賣$58+10%，我與媽咪都覺得抵；在Vanilla吃就只需$28，我感覺絕對是超值!　另一款甜品Apple Crumble就較差，因為已經凍了。不過大大隻才賣$16，又是非常便宜的。　見Tiramisu有精美膠兜盛載，我又外賣一盒回家給媽咪享用。後試試有芝味有酒味，雖不如意大利餐廳中堂食滋味，但$28亦是絕對吃得過。　如果腳骨力夠好的話，真是一間值得推介的餅店。

知道你因為看到我貼上來的pic 後，所以去試一試，感到很開心哩! 不過要向那位「善良人」say sorry 啦。haha。‧‧‧這證明vanilla 真的很有吸引力~「即時係有種high上腦嘅感覺，到成個鐘之後仲有d痴痴呆呆！」haha，看到你這樣寫，笑死我了~ 但這充分代表那chocolate truffle 巧克力的香和濃!很高興你和為食貓都這麼喜歡vanilla~~~

為食朋友介紹話呢度"cheap and good", 就同另一為食朋友搵到0黎呢度.Chocolate Tart (圖上) 賣相幾得, 食落仲得... 好香濃0既dark chocolate 味, 唔甜, 食完都唔覺得漏. Tart 皮幾硬, 不過好香牛油味. 推介!Apple Custard Tart (圖下) 就一般, 食落只係一個凍0左0既曲奇餅皮蛋撻咁味, 中間的蘋果食落唔係好似蘋果, 我都係prefer 蘋果酸少少.環境無特別; service 都一般, 外籍女店員幾cool 無乜笑容, 禮貌就ok 的.有機會會0黎試Apple Crumble!

見到ｍｅｉ～＊張相影得個Choco Truffle咁靚，就算一早約咗另一個善良人食晏，都飛咗佢，同為食貓兩個出去捐竉捐喇。首先，我地係堅道食咗一餐好唔滿意嘅日本定食，跟住就一路源住卑利街向上行，一路担心會唔會落雨。係一個完全唔起眼嘅街口，見到一間花舖同一間狗狗saloon，心唸都係要check吓去到邊條街嘅時候，就發現原來已經到咗。入到去，我地左望望、右望望，一時間都未發現到個咁靚嘅choco truffle，而係見到好幾款朱古力做嘅cake同tart，仲有幾件lemon meringue, fruit tart, lemon tart, cheese cake...最後終於見到個choco truffle啦。經過一輪討論，最後決定要一件choco truffle，一件lemon meringue，同兩杯iced mocha。因為兩杯iced mocha（$22）係即做，所以等耐咗。杯野味道唔錯，仲要比starbucks做得好d添。因為我地share，所以兩件cake都要切開。先試lemon meringue（$16），一切之下，發現件野係好鬆好靚，食嘅時候，仲發現個味道好鮮，好有天然

後面是kitchen，裡面全是外國人，這店就是一位外國女人開的。現場即做的，很新鮮的cake。有些款式，賣完就沒有的了，要再等補充，所以就要碰碰運氣嘍。在店裡邊吃邊看著客人來來去去的，一直都有客人進來買cake，可見生意不錯。========================chocolate truffle $25 在網上看過，說這個是signature cake，所以就一定要試~　upper layer 是truffle，bottom layer 是sponge cake。巧克力味道香濃，truffe很幼滑的，黏力很高，黏著fork，黏著舌頭，也黏著牙齒，吃時，每一口都好像跟巧克力來一個frensh kiss 一樣~ 巧克力粉絲不可放過呀!========================apple crumble $15在網上已看過食評說這平平無奇。果然，crumble、蘋果和肉桂味道淡而無味。我真要問：「有用牛油嗎？有用蘋果嗎？有用肉桂嗎？」面層很硬很結實，不是一碰即散的那種。每口都明顯吃得到片片的oats。========================scone胃還有位置，難得

星期六7:30去到, 地點都幾難搵, 又會開響果到?! 夠唔夠生意架?! 剛剛開門, 有新鮮牛角包、Hazlzeut Nut Bread同chocolate truffle.我地先試包, 個牛角包好食到…. 死! 又鬆又脆, 係極品中既極品, 好過好多大酒店, 我食過外國d牛角包好多都唔夠佢好食, 真係好掂! 依家都好想食Hazlzeut Nut Bread (唔識串!) 男友話好好味, 但我唔鐘意食肉桂味, 所以覺得ok! 個包質感都唔錯.最後忍唔住要試埋最出名的Chocolate truffle 應該係隔夜, 不過cake隔夜最好味. 一試之下, 正! 朱古力味濃到爆, arm曬我地呢兩個朱古力精, 質感又好, 總之正! 不可不試!!!!!!!!一定有下次, 因為依家都好掛住好想食, 下次試下另一d cake先.

朋友食完話d cake 好掂，得過x 華酒店。心0念唔係阿馬，超"格涉"，又平，得??? 結果上山朝聖，試完cheese cake 同一件朱古力蛋糕(唔記得咩名，三角形)，嘩!!! 笑左出o黎，好食到巔，欽敬，欽敬。

常經過, 試過多款cake和tart都幾好, mille feuille外型和味道同食開的半島酒店的好似, 我本人很喜歡(我和鬼妹同事都食得甜) (老闆=chef是個英國女士, 幾friendly), 平均都很有水準, (我個人唔太喜歡有些新餅店只賣cheese cake), chocolate truffle 質感幾濃, lemon meringue tart 上面像baked alaska (焗蛋白之類)下面有lemon sauce, 外型好好, 味幾特別.croissant 好味, 最愛的是tomato mushroom tart, 上面有數粒cherry tomato, 酥皮做得唔錯, 但經常賣完.tiramisu ok, 但不是傳統有酒及lady fingers recipe, 不過以我自己做過不同recipe 的經驗, 覺得tiramisu 用sponge cake做吸coffee sauce時會好過lady finger (會小小濕)(但ifc 個間via quadronno的tiramisu又真係好好食, 因為連lady finger 都自己做)(舊年聖誕見過有鬼妹同事