海港酒家

Open Now

Now Closed

一排無飲茶，老婆話去試間新酒樓，去到發現全場都要搭枱，所以轉陣去番海港，等左半個鐘多d終於有位，8號風球下，好多人等位搵食😆點心款式比以前多左😁 質素算可以😊

基本上呢間酒樓晚飯每個月最少幫襯一次，覺得幾好味，以下是綜合左幾次用餐的食物:避風塘軟殼蟹--蒜香又脆脆地，好味，美中不足是多油西蘭花珊瑚蚌花枝片--珊瑚蚌花枝吃落鮮味又彈牙~金磚豆腐--呢個要趁熱吃，外脆內滑，凍左就唔好吃了脆片乳豬件---唔多脆皇阿瑪鮑魚雞煲--鮑魚彈牙，雞件幾入味，好味蜜椒雞中翼--每次來都必點的白玉冬瓜盅--正常啦~用料足，有元貝,細粒鮮帶子,蝦米,豬肉+雞肉....燒鵝皇---吃落像鴨多過鵝鮑螺片花菇扣鵝掌煲--鵝掌唔夠入味清蒸老虎斑--蒸的火喉剛好，魚肉好滑拔絲咕嚕肉--酸酸甜甜，好吃黑椒豬手煲--豬手炆得夠淋，某人的至愛

表伯娘大病初愈實在值得慶祝，我們大伙兒一同到離她家不遠的海港酒家吃個慶祝飯。酒家相當大之餘，裝潢亦見優雅，大廳中央都放置了一盞又一盞漂亮的水晶燈。我們一行十三人到此吃晚飯，選的當然是經濟實惠的超值全包宴，愛它款式多之餘，同時包啤酒兩瓶跟橙汁兩渣，星期五的價格亦只是$1798一席。鴻運乳豬全體點了菜不久，先上的是鴻運乳豬全體，全體上的鴻運乳豬份量多而霸氣，樣子非常吸引。乳豬燒得皮脆肉嫩，豬肉味香濃，肥肉又不多之餘仍帶甘香，平時不怎樣喜歡吃乳豬的我也蠻喜歡這裡的乳豬。竹笙海皇燴生翅隨後上的是竹笙海皇燴生翅，看到那足料的樣子就知它一點也不欺場， 呷一口翅，鮮甜味十足，再跟海鮮料一起吃，味道更鮮甜濃郁，口感爽口彈牙，喝完又沒有口渴，那便知道這個翅用料上乘又新鮮。竹笙海皇燴生翅隨後上的是竹笙海皇燴生翅，看到那足料的樣子就知它一點也不欺場， 呷一口翅，鮮甜味十足，再跟海鮮料一起吃，味道更鮮甜濃郁，口感爽口彈牙，喝完又沒有口渴，那便知道這個翅用料上乘又新鮮。脆玉瓜雲耳炒龍躉球吃過出色的金銀蒜蒸龍躉頭腩，我大概知道脆玉瓜雲耳炒龍躉球應該也不錯。結果它正如我所想的一樣不錯，龍躉球炒得香口而不油膩，鮮味之

我今日一早就去左飲茶，飲番壶靚茶--水仙！鮮蝦菠菜餃，3隻大餃脹卜卜，綠綠嘅顏色感覺上好健康，菠菜包住隻大蝦等緊我去食，一咬落去，陣陣菠菜味飘入口中，鮮蝦又爽！皮好有彈性！美味！朝洲粉果馅料咸咸地，有花生，沙葛，紅萝卜粒等等混合而且，用薄薄嘅透明皮包住，格外吸引。醬汁凤爪，正呀！好入口，而且啖啖肉！

今日三兩知己到天水圍茶聚中午時段人好多但都能找到位，選擇了數款點心咸魚肉餅飯，飯好乾爽沒有多餘水份，咸魚很野味，肉餅很淋味道調配不差鮑汁鳳瓜很入味，不太硬或太淋糯米卷表皮很鬆軟，糯米很軟甜甜中有点咸，口感不錯還有鮮竹牛肉球，色澤不會太紅，入口沒有騷味，芋絲長春卷很香口，並不會太油，味道確不錯，崧化雞蛋散非常鬆化，勝在也不會太油太甜很好吃，總括來說每款點心水準都ok，美中不足是服務員人手不足，不是說服務員服務不好，而是各有各忙分身乏術！

過農曆新年， 親朋戚友一大班人，少不免一定會選擇去飲茶， 要等位實在所不免， 不過只係等咗半小時就有位喇，呢間街坊酒樓價錢合理，選擇又多， 合桃馬拉糕又香又鬆化唔錯，啱曬啲老人家，腸粉夠滑，春卷又香脆， 蝦餃皮好薄， 唔會成口粉👏， 可惜今日漏單比較多， 除了我們漏了幾個點心，其他在也不停催促， 不過唔緊要啦，過年最緊要食得開心

今晚我們去咗天水圍頌富商場嘅「海港酒家」食養生蒸氣石鍋！我們叫咗一隻阿拉斯加長腳蟹，由於係新鮮即叫即劏，同埋我們選擇咗清蒸，所以肉質極之結實彈牙，味道超級鮮甜！另外！我們叫咗個四位蒸窩全包餐：八頭南非鮑魚肉質非常爽甜彈牙，而且都幾大隻同清洗得好乾淨！龍躉頭腩好肥美肉厚，魚皮嘅質感超煙韌彈牙，膠質相當豐富！紅棗雲耳蒸走地鷄嘅鷄肉吸收晒紅棗香甜味，肉質好香甜鬆軟！黑蒜豚肉丸嘅黑蒜味令到肉丸更加鮮味！爽滑黑豚肉嘅肉質好爽滑鬆軟，肉味亦好濃郁！鮮甜沙白蜆超新鮮清甜！手打蝦丸相當爽甜彈牙！新鮮冰菜好青嫩無根！到咗最後就係所有食材嘅精華都落晒去嘅瑤柱鹹排骨粥底，令到粥底嘅味道更加鮮甜，而且好軟綿綿！

同朋友食過两三次，次次都一定會有两三個杯，碗有污積，今次仲離譜、、、、、、成車碗筷洗唔干淨，就咁企喺條走廊度拿块污糟布見積就擦，睇到反胃，無晒胃囗，！呢間野以後都唔敢入去食！

由於今日係一年一度嘅聖誕節必定會有好多人去咗食西餐，所以今晚我們去咗天水圍頌富商場嘅「海港酒家」食晚飯！開頭以為祇有西餐廳會好爆，但入到見到全場爆滿！我們叫咗晚飯孖寶：清蒸游水青斑嘅肉質好嫩滑，味道好鮮味！上湯焗波士頓龍蝦嘅肉質好爽甜彈牙，上湯汁嘅味道控制得啱啱好，唔會過鹹！濃湯螺頭花膠煲鷄煲得火候十足，湯底嘅味道好鮮味濃郁！西芹炒蚌柳嘅賣相好色彩繽紛，蚌柳相當爽脆彈牙，而且份量都幾多！醬烤牛肋骨嘅肉質非常鬆化軟滑，完全唔會有韌嘅感覺，牛肉味相當香濃！

好耐無同屋企人食飯，所以家人就吹雞食個晚飯。仲以為星期六既晚飯時段會好多人，但係又出乎意料之外地唔洗等位。懷住滿心歡喜既心情入去，點知一打開張menu 就知咩事唔知係咪臨近冬至，張menu都焗你叫set，散叫既餸得個少少。咁唯有散叫一D又叫D SET啦D餸都係正正常常，無乜特別，不過有兩個餸個餸唔對路。其實白灼蝦都唔會有咩要求，但係拎D死蝦去灼，一陣UP味又梅仲苦苦地，我成碟蝦都無食過呢個金菇瑤柱豆苗真係好小氣，雖然睇餐牌都知係金菇扮瑤柱，但係無諗過金菇既比例會係咁多其實不如改改個menu 做蒜子浸算啦。下次同屋企人食飯都係唔好貪平貪就腳，食飯最緊要都係開心嘛

有朋友從美國來探我，我自然要盡地主之誼帶他們去嘗美食。見氣温驟降，決定去天水圍再嘆養生蒸氣石窩。一行九人，我重款不重量，於是點左個6位長腳蟹蒸氣石窩餐，連瑤柱蝦乾粥底已經有11款。阿拉斯加長腳蟹全包餐已包3斤的，但嘴饞的我見加$188便有多一斤，可獨享一隻蟹，不用因點例牌而和別枱分享。一食就發覺这是個明智之選，單是大大隻長腳蟹上枱視覺一流、又大體，且蟹質鮮甜，海水味十足不用沾醬油就已夠味道。其他跟上次試的一樣水準，鮮味度keep得頗懚定，但沙白、蝦及花錦鱔就不能不讚，因鮮甜美味。沙白的鮮不亞於長腳蟹，蝦上枱要用碟蓋着是謹防蝦跳彈離碟，哈哈哈半個鐘仲見佢地腳伸伸，難怪入口這麼彈牙，花錦蟮肉質結實，好味又有益。總的來說，這餐鮮味十足，個個讚口不絕！

有別於層層蒸的海鮮塔，海港酒家的蒸氣石鍋餐只有一層有窿的蒸盤上放荷葉，海鮮及其他食材都是單獨分開蒸的，食材不會同時蒸熟，避免左食得蟹來、魚又凍的情況。朋友們一起研究後，覺得放荷葉的作用，可免食材黏盤、提鮮及減少食材蒸出來的精華蒸發。可能大家會問盤有窿的，精華唔蒸發掉也滴鬼左去石鍋内，咪一樣浪費左。錯錯錯！精華滴下是加左落下面用咸排骨、瑤柱、白米現煮的粥底内，好等食貨們食完所點的食材後再品嚐以其精華加料的鮮味粥，簡直是“壹之棒“的安排。今晚我們一行七人就點左一個"十二道滋味“的全包蒸氣石鍋6位餐，包一枝嘉士伯，原價$1,080，我們九點入座即減$200。這優惠已夠我們點一碟安格斯肥牛、一揸咸檸七同一罐可樂。 其實不追加這碟牛，餐量已夠我們七人捧腹已回，怪只怪嘴饞受不住優質安格斯的誘惑。二隻大大的法國麵包蟹，膏多、肉厚，在石鍋時間提示器嚮起後揭蓋時鮮美搶閘湧出，未食聞到都流口水。還有海水濃的刀貝，鮮味到不肯的沙巴龍躉，肉味足的走地鷄…………飯後，朋友們都讚我一句好介紹，滿足，真是極滿足。

心血來潮想飲茶 天水圍無咩選擇就去左試下呢間話晒都係集團式 估吾到可以禁差侍應叫左票號就叫我地入去 完全無人帶位 要自己揾張枱係邊去到原來一張十人枱搭左成4組客人 有d客人坐得太疏 根本無2個連位俾我們最後同個侍應講先安排另一張枱俾我地服務認真好一般 至於食物方面就....好食絕對談不上 賣相都吾太好個流沙奶皇包一上菜就爆晒漿係咩玩法個土尤肉餅飯  飯身好硬吾再講肉餅既大小都係世界級 論價錢吾算特別平 但禁既服務同食物質素無下次

中秋節應該係一家大小開開心心食飯慶祝,因為大部份酒樓都滿座,家人致電呢間有枱，諗住試下啦，一試就難忘.......(1)訂枱8:15,到成8:50先有枱，員住職員係咁叫咪入面執枱，冇人理,成日答我地執緊枱，(唔該下次對話時唔好比客人聽到啦)(2)坐低派碗筷，冇匙羹，咁問係咪漏左....職員答:我地唔會主動派匙羹，😮見你有小朋友,比2隻你啦！,但見隔離2枱個個都有,仲全部大人....👉👈(3)最激氣部份:叫餸時叫左半隻燒鵝，由起餸到食完都未嚟過,d餸差唔多嚟晒食完喇，問個部長,可唔可以睇下隻鵝得未,佢答:燒緊喇，仲有5分鐘,我入去睇睇....好,冇問題啦，我地等,(其實冇入去跟過)等埋條魚上菜,食完隻鵝都未嚟，已經又過左20分鐘,再問個職員,佢地今次答:嚟緊喇，後面2枱都未嚟,咁又話入去跟,好又等.....等左10分鐘,再問職員，佢今次答:雙鵝燒黑左,唔比得你地...部長話送番糖水補番😬😬😬.... 你地冇鵝咪話比客人聽冇囉，點解三番四次講大話喺度拖呢，我地可以選擇並他食物㗎，(4)嚟左糖水放低,仲喺咁講話隻鵝燒黑唔會比客,唉,仲講,果位"咁負責任"嘅部長,就逃之夭夭，....最攪笑係，

今日下午我們去咗咗天水圍頌富商場「海港酒家」飲下午茶！我們叫咗翡翠筍蝦餃皇、水晶豆苗餃、碧綠帶子腸、養生棉花鷄、眉豆蠔豉豬骨粥同紫薯荔枝球！翡翠筍蝦餃皇嘅蝦肉非常爽口彈牙，餃皮嘅煙韌度十足！水晶豆苗餃嘅餃皮相當晶瑩剔透，餡料亦好惹味！碧綠帶子腸嘅腸粉好軟滑，味道好鮮甜清新！養生棉花鷄嘅魚肚炆得好腍好入味，鷄肉亦好嫩滑！眉豆蠔豉豬骨粥嘅粥底煲得都幾綿，豬骨嘅份量都幾多！紫薯荔枝球嘅賣相做到好似真係一粒荔枝咁，入面嘅紫薯味道相當香甜軟滑！係本人嘅必食推介！