海港燒鵝海鮮酒家 (Closed)

我果次叫了全隻燒鵝, 勁好食. 同深井果間有得比美. 個翅都可以, 可能吾係叫最貴果幾款啦, 都吾會無翅食. 燒鱔又好食, 其他普通的小菜又吾差喎. 平日都好多人架, 最好訂位啦.

幾年的大年初二早茶的春節習慣今年繼續，但不同的只是帶了大小女朋友及哥哥一起到這裡嘆早茶。年初二早上光顧客人不多，除了不用排隊等位外更可選了一個靠窗四正的旮旯位置的檯，舒舒服服的來這個開年早茶。點的都是意頭點心，當中除了那客步步高昇相當不濟之外，其他的不會因為是新春假期而出現品質參差的問題。滿以為春假早茶的價錢不菲，但結果只是稍為比往時的價錢高一點而矣，況且沒有什麼加二加三的問題，日後的開年茶聚又多一個就腳方便的選擇。

The takeaways here are excellent value! The roast pork with rice is highly recommended as the skin is usually crispy and the meat is never too lean or fatty. There's usually enough meat to the portion of rice too (and you can ask for more sauce to go with the rice!). Takeaway service is quick and the other roast meat are delicious.At $15 per container, you can't ask for more!

是晚夜了回家, 見過了九點, 不如就來這裡吃個宵夜, 價位偏低, 幾抵食的. 平時週末係有排等的, 閒日的晚上, 直入就得.要了四樣菜色.脆皮燒鵝皇$45: 7分, 難以取替的一碟, 始終來得這就, 總想要碟燒鵝. 宵夜時段, 只係要$45一碟, 也幾大碟的, 兩個人吃都好夠. 皮繼續係幾香脆的, 但係是晚的肉係老了點, 不過也食得過的.白灼油菜心$15: 7分, 只係收$15, 平過飲茶叫碟菜食. 菜葉比較小, 不過都算新鮮的, 這價位來講, 收貨了.菠蘿咕嚕肉$28: 7分, 炸得幾香口, 脆卜卜的, 也沒有太多粉, 但係最大問題係甜酸度不太對勁.鳳爪排骨煲仔飯$25: 6分, 其實係等了好耐先有得食, 不過吃落口又不太吃到煲仔飯的味道, 排骨係幾肥, 鳳爪只有一件, 留給文迪, 不吃了.香滑芝麻糊$3: 6分, 宵夜糖水係跌價到$3, 費時留過夜? 芝麻糊係好一般的, 粉粉的, 想起讀書時最愛吃用滾水沖的芝麻糊, 味道真的好似.海帶綠豆沙$3: 7分, 這個就有火候, 清清熱氣, 不錯的.食物水準不算好好, 但係真的幾抵食, 平平地吃得飽一飽, 也可以的.

Try the roast pork with rice if you need a take away. Not only does it taste great, it cost just $15! THe pork skin is crunchy and the meat and fat has an almost perfect ratio. It's much tastier than the ones bought from the wet market, and the service is efficient.

這間同海皇其實是同一集團，只係在馬鞍山的市中心兩頭各開一間，我地都會間唔中幫襯這間、間唔中幫襯那間，這兩間雖然話係同一集團，但係d 點心價錢同種類都唔係一樣呀!下午茶有時這邊土特價，就那邊唔特價，咁我地食開的話就唔會點唔特價的o野，好似個煎韮菜蝦餅係海皇抵食d，因為係當大點，而海港就要13元呀!講話d o野食，好似係海皇炒o野就好d，燒鵝同打邊爐就係海港好d，但係我地近排覺得這兩間的打邊爐都越來越唔好食，d 料又唔係咁新鮮，個湯底又冇味呀!又唔抵食，不過係馬鞍山區來講這度已經算係咁呀!所以佢不停慢慢加價，d人都會繼續來呀!同埋飲下午茶佢係幾抵，好過去茶餐廳呀!只係這度迫d呀!

難得母親過來跟兩個乖孫食飯，想座得舒服又就腳的都是樓下的海港，起碼食味及招呼絕無問題。是晚早點落樓，跟經理要了個旮旯清靜位置，是以清淡為主，故沒有點其招牌燒鵝，只點了個冬瓜盅、大班兩味及干燒雜菌鴕鳥柳。冬瓜盅燉制火候足夠，鮮甜之餘冬瓜味濃，三大兩小朋友差不多到飯後仍未清掉，份量足夠；大班兩味分別為清蒸頭腩及翠玉瓜雲耳冰班球，新鮮的石班怎樣煮法都不會太差，況且在這裡的烹調理應信得過，而要求小油都能可以，不俗；燒雜菌鴕鳥柳是小朋友菜式，香口之餘亦佐飯都不錯，而份量頗多打包回家翻煮更滋味。招呼環境不用說，始終是街坊生意為主；平均百元的銷費尚算經濟，可惜這裡的例湯及燉湯欠奉，否則將變成長期飯堂了！

本來都只會在openrice睇下什麼好店睇睇有什麼好野食，試完就算啦。但是，d次不留言真是不得。在openrice都睇到這間”好店”出名燒鵝評分又高，是馬鞍山工評分最高食店，又以燒鵝做招牌，應該不會太差瓜最近在馬鞍山工作，放左工未去試下外賣自取，一盒飯都是$15，可以話是大學carteen價。入到去d staff 同個manager 在都briefing 緊，好像好有系統成間大公司款。之後入去燒味部，自己叫左個燒鵝飯，個師傅在都斬緊d燒鵝脾邊，我心念有無禁好死呀$15蚊盒飯有燒鵝脾? 原來d燒鵝脾邊是我盒飯d料，這d其他鋪頭不要的竟然放上盒飯度，真是想爆粗。成盒飯d料得三隻手指都不知有無，重要是大部得d肥”高”同d皮，肉就連食指都無，”門小”這兩個字真是想即場講出黎，食落又無特別同樓下d燒味差唔多，重要多肥”高”多油，重衰過學carteen d 飯，以後咪洗指意我會再去，真是有d懷疑馬鞍山d食評，去過其他區d鋪，真是衰極都有個譜，這間……….哈哈。

好評這麼多，當然有股衝動想試下，雖然馬鞍山有點遙遠。五個人，等到9:00pm的宵夜時間，入坐率依然有80%(星期五)，我想試小菜，單上每款若$30。我們點了：例牌燒鵝1/4隻，椒鹽雞膝，滷水牛碾，蝦米雜菜粉絲褒，避風塘炒麵，白雲鳳爪，甜品。招牌燒鵝夠大碟，平時$55，宵夜$28夠兩個人送飯，味道算不錯，而且啖啖肉。相比之下，椒鹽雞膝就有點馬虎了，一碟若有30粒，而且味道較淡。滷水牛碾味道OK，只是份量較少。蝦米雜菜粉絲褒很大一鍋，而且用料都新鮮，算是菜單上最健康的一道。避風塘炒麵...把鬼，自己亂炒都好味過佢，又鹹又油又冇料，同樣$28? 白雲鳳爪我不好，一碟若有4隻($16)，都算抵食。生果是送的，不過也沒有甚麼好評價。傳統甜品由$6起，咱們點了紅豆沙，綠豆沙，芝麻糊和賣光了的百花糕。紅豆沙我沒有試，不過朋友覺得OK。綠豆沙夠沙，但只有少少的海帶和果皮味，見仁見智，我覺得還算有心之作。最後是芝麻糊...好難食呀~ 比開粉更加無味，而且杰得太過份，明顯不是芝麻糊。埋單連加一也只是$310，雖然服務態度有點差，不過食物算不錯，只是要挑食。燒鵝必點，想吃菜可以點粉絲褒，避風塘炒麵及雞膝就可

夜晚同屋企人黎左lee度食飯。因為係平日,所以唔駛等都有位,坐左係tv下面。之後4個人叫左1個湯5個送。川貝鱷魚肉燉豬展湯：清清地ge 1個湯,好鮮甜。而且,雖然有用肉燉,但都唔太油,幾好。清蒸頭腩(龍躉兩味)：lee碟冇食。翡翠炒球(龍躉兩味)：即係翠肉瓜雲耳炒魚,上面有d應該係炸瑤柱,幾好味。翠肉瓜同雲耳都幾好。以於個魚方面,我好驚佢會整到老晒同埋好鞋,但lee度佢炒完出黎幾滑,唔鞋口,唔錯。日式上湯什菜煲：所謂日式,即係加左幾塊日本魚蛋幾條蟹柳。重有西蘭花,菜心,生菜,白菜,磨菇,金菇,粉絲..普通的,清淡的。但有1樣野好加怪,我好想知d魚蛋係咪魚蛋裝飾用,點解重係凍,食野好似粉咁。鮮果咕嚕黑豚肉：用d士多啤梨jam,小量士多啤梨粒,菠蘿,青椒,姐椒炒豬肉條。好香酸酸地ge味,食落好醒胃。而且佢d肉炸得幾好,d粉唔太厚,又脆,d肉又唔un,加上酸酸地,好好味。富貴蝦：冇食,不過爸話好瘦冇咩肉。飯後有生果盤,菠蘿同埋西瓜。d牙姐好好人,有1個因為係舊屋個面酒樓做過,所以識得。其他個d牙姐都會同你傾下計笑下,唔錯。

此區有多間酒樓, 食物水準差不多, 但美心酒樓比較貴一點, 故星期天經常光顧此酒樓, 以往星期天任何時間也要等位, 近期加了價, 早上不用等位, 下午茶則要等十多分鐘.姨媽至愛肥牛拼鵝腸, 以往$18, 現在$25 大元, 燒鵝確實不錯, 新鮮也不肥, 每次也要吃, 其他點心也OK, 雖然滿座, 但食物也很快到.晚飯也不錯, 味道OK 也夠大碟. 缺點是waitress 比較照顧熟客, 她們都有些口音, 可能是新移民, 有客人跟接待員吵架, 原因是不滿熟客可以尖隊, 她卻等了很久也沒有位, 此乃大陸文化也, 是管理層之敗政, 香港人不能改變便適應吧! 否則幫襯快餐店唔駛激氣!

是晚由馬鞍山區名人請食飯，為了遷就大家，特意訂了這裡設宴，亦預訂了這裡最好的廳房。每年一次這種的飯局，服務方面較為貼身，而菜式亦以宴客菜為主；其中有部份菜式相當精致，值得推介：清湯龍蝦配烏冬，比起伊麵底更清新及美味；二熱暈中的酥炸鮮蝦丸并沙津海鮮卷，鮮味、小油及鬆脆；紅燒鮑魚配花膠，鮑魚味道普通，反而主角是花膠，炆制得相當入味及腍身，索盡鮑汁味道，不俗；燒鵝，這裡的招牌菜，怎差都有個譜，筆者覺得最美味的位置是燒鵝薄薄的肚腩，對嗎！水晶奶皇包，襯熱食味道相當好，尤其不過甜的更是我杯菜，而比起另外的豆沙味美得多。其他菜式普通，可以不提；而飯局大家食得相當開心，天南地北無所不談，最後差不多食肆關門才離開，盡興而歸。

仍是特價點心$5及$7.8，不過今次排骨飯失準，飯過淋，可能和生意太好有關；燒賣及糯米卷都是大量生產下的產物，要求不可能太高；但以一個人一盅兩件計，實在相當實惠！

海港是一間用心及誠意的食肆，睇早茶出名多人等已知。剛開張因香港經濟不景而推出的多款早市特價點心保留至現在已知是打街坊溫情，其他食肆已在業務轉好時馬上加價。難得水準一向保持平均，唔驚等位可考慮這裡。特價點心分$5及& 7.8，筆者尤其鍾情排骨飯，水準之作；而其他特價點心每週不同，算是每次都有不同的選擇；普洱當然不是上好，但比起坊間大部份的茶樓已算不俗，唯一問題是任何時間冷氣或室溫偏低，要做好預寒準備。下次有機會會再談晚市的食評。

雖然我好少去食, 但係間野的確幾好好在價錢平, 味道亦好不過服務就普通, 環境...亦因為太多人而略差每日每刻都會見倒有人等緊位, 食飯時間自然多, 下午茶宵夜亦唔會少人我真係見過4點幾仲有人等緊位...主要賣點都係野食唔介意服務同環境0既話, 的確係好選擇