海港燒鵝海鮮酒家

Open Now

Now Closed

今日本來去呢個酒樓為爸爸慶祝生日食飯，因為訂枱見到留名既姓氏同人數都錯，叫女侍應減番一個人既茶位，佢態度整差將個單掟落餐枱上面，我當你忙心情唔好，全餐飯女侍應叫極唔應黑口黑面到最後想借火機點生日蠟燭，問女侍應，佢望一望我地扮聽唔到，咁我地再問黑色衫既經理借，經理為我地搵左好耐，最後經理都係問左女侍應借火機，我地好神奇你有火機做咩扮聽唔到，佢一句咆哮式大叫「我有都唔一定要借比你！」我明你忙亦都明唔一定要借比我，可以唔回應，但唔代表你可以咁樣鬧個客人，eq咁差仲要做服務性行業，全程好聲好氣就比你鬧，之後向經理投訴就唔出聲。態度惡劣女侍應極度趕客，希望酒樓管理層好好教育員工同做好培訓

第一次俾朋友約去屋邨海鮮酒家食慶生飯。第一次去屯門既海鮮酒家，見係泰國餐廳老細大力推介。半信半疑🤨得黎都係有啲期待既。喺商場迷左陣路，分唔清東南西北，有位姐姐叫我搵萬寧，見到轉上去就係。果然見到萬寧就搵到佢。依！好full下喎！普通海鮮酒家裝潢。埋到位。上左幾碟小炒-清蒸魚 同埋 煎魚西蘭花🥦 係一魚兩食, 一般般燒雞幾好味、黑木耳枝竹煮節瓜 清清地跟住 上 清蒸長腳蟹 ！嘩！好大隻啊啊啊。一人一隻腳 - 原本見咁大隻腳，心諗就算好有鮮味，都應該鞋口🤨點知！鮮甜、飽滿又嫩滑🤤炒飯到有位靚仔frd，默默地把餘下既蟹肉拆左一碗。個炒飯一到，成碗倒落碟飯。鮮蟹肉炒飯🦀️🤩好味好味😋。炒飯係幾出色。粒粒分明。呢餐唔算好飽，但佢既蟹真係好

放學一行十人去左海港飲茶，12:05到 等了大約50分鐘先有大檯入得食物水準正常酒樓點心味道 不過不失啦😅😅不過午餐時段佢爆哂場，畫完點心紙舉手都無人理，見唔到，我要行出去搵侍應比佢，想想搵人拎碟辣椒油，完全無人會理到你。

琴日晚上，約咗親朋戚友，歡歡喜喜嚟食飯，點知俾啲所謂唔知係咪經理定主任個女人，搞到一肚氣，事緣我哋16位，但有三位臨時有事嚟唔到，坐低點菜後，同佢講，話我哋13位，但佢話定16位就要俾16位，咁都算數，我都照俾。跟住我哋攞紅酒出嚟飲，佢話要收開瓶費每支50元，好聲好氣同佢講，我哋打電話嚟嗰陣時問清楚，係唔收開瓶費，話佢個反應癲咗－樣，即刻call咪劉前台，當住客人面前攞威，態度極之惡劣！簡直不知所謂！食物質素非常一半，加上呢種人嘅服務態度，以後想幫襯都難😡😡😡

晚餐唔夠十二人又唔想諗散叫咩好，我哋就叫個八人餐。首先嚟隻脆豬仔，外皮香脆，呢隻略肥，不過口感同味道還好跟住係上湯龍蝦伊麵，口感味道同出面都差不多，基本操作跟住呢個不得了，係全晚我最推介嘅，椒鹽鮑魚，個鮑魚係彈牙但唔難咬，椒鹽外層炸得非常鬆脆！西蘭花炒貴妃蚌帶子，呢個都係，一般操作無出事，蒸魚時間掌握得啱啱好，呢隻剛好熟，所以口感都幾好。呢間叫海港燒鵝，真係成也燒鵝敗也燒鵝，呢碟食剩半碟壽包佢就有兩隻味，一半係傳統蓮茸，一半係奶黃。呢個飽幾吸引，所以食飽咗都要食返個先

都唔知食咗啲咩，啲餸係得個大字，話係套餐，原來連個湯都冇，一啲都唔好食、又唔夠人做嘢，出菜又慢，全程咩都要等，啲餸菜大碟都冇用，因為唔好食，有鬼用咩，冇下次！又貴又唔好食 👎🏻👎🏻👎🏻👎🏻👎🏻

海港燒鵝海鮮酒家位於屯門屯門鄉事會路2A號H.A.N.D.S S區3樓S-321號舖,  這是在愛定商場之內, 由安定輕鐵站進入商場搭扶手電梯至頂層便可. 當晚我們是享用套餐, 餸菜有乳豬全體, 西蘭花魷魚片, 炸子雞, 原條海斑, 雞絲翅, 冬菇鮑魚, 大壽飽, 蝦球伊麵等, 我們又另加了炸蝦餅及炒飯. 乳豬肉厚多汁, 件數足, 但因是首道菜式, 一剎那清零. 蝦球伊麵的蝦球彈牙非常, 伊麵則是小朋友至愛. 炸子雞雞皮炸至爽脆, 海斑則是蒸至剛熟, 魚肉混薑葱滋味無窮. 我們親友一起食至最愛的大壽飽, 非常滿足!

佢哋嘅攞位制度形同虛設，你企喺出邊等五個人位，但隨時俾二人、三人位爬頭，遲來先上岸，但係原來佢係俾咗五人枱人哋兩個人坐，尤其是前台有粒墨嗰位女士，問佢嘢好似欠咗佢咁，有人嚟咗10分鐘就有位，我哋仲有幾足45分鐘，喂有冇搞錯！

#海港酒家好味指數：⭐⭐⭐抵食指數：⭐⭐⭐⭐環境指數：⭐⭐⭐等候時間：30分鐘金豬全體賀新春乳豬皮脆，厚薄適中，乳豬肉不太肥膩，口感非常好吃。如意蝦球炒帶子蝦球比較大隻，很彈口，帶子嬌小玲瓏，帶子有帶子嘅鮮味。百花炸釀蟹鉗用新鮮嘅蟹膠製成，彈牙爽口，非常咬口，喜歡食蟹鉗的我一試再試。竹笙海皇大生翅相比其他菜式，竹笙海皇大生翅比較遜色，味道比較清淡，質感像白膠漿。發財金錢瑤柱脯又大又甜的瑤柱脯很有鮮味，正！清蒸蝴蝶龍躉斑廚師的廚藝非常好，蒸魚的時間準確，所以龍躉魚非常滑溜。原隻南非鮑魚扣鵝掌鮑魚size適中，不太大又不太少，鵝掌煮得好夠火喉，正！報喜脆皮醬燒雞好食！好夠脆！細細風修羅米飯佳節棗蓉糕棗蓉糕是今晚最受歡迎嘅甜品，不喜歡吃中式甜品的我，也覺得非常好吃！（加送一支紅酒）

最近天氣開始凍，食番個羊腩煲暖暖胃。呢間酒樓嘅羊腩煲都唔錯，味道夠哂濃郁，鹹鹹哋嘅湯汁用嚟送飯一流。羊肉份量都畀得足夠，軟腍易咬， 仲有冬菇、馬蹄、支竹做配菜，十分之入味。另外叫咗蒸虎斑，虎斑正常size，蒸得啱啱好，已經夠曬鮮味，魚肉容易離骨，唔錯。蜜味欖角骨十分香甜，感覺似細細粒嘅燒金沙骨配搭蜜糖，啖啖肉甜絲絲，食唔停口。最後叫咗個蝦球伊麵，伊麵分量十足，就係蝦球分量少啲，上湯味道唔錯，基本酒樓水準。

1.上菜特別慢2.食物一般貨色，味道唔得。3.除咗送食物嘅阿姐除外，服務態度最差嘅係帶枱服務員(帶位/鋪枱鋪筷子)嗰啲侍應，服務服務特別差4.見幾個隔籬枱碟壽包係完美整OK無豉油跡，但唯獨我哋嗰枱就求求期期擺一盆有時油跡嘅壽包俾我哋，係咪玩嘢😡專登加咗啲豉油，搞到唔似壽包(有圖為證)。5.啲菜心又老又黃，醬汁有啲酸。如果千幾蚊食呢啲差質素，以後都唔會喺度食，出邊仲有好多選擇好過呢間酒樓。所以大家千其唔好喺度飲茶或食晚飯，只會浪費金錢。

之前黎食過一次下午茶幾抵食，晚市就一般。今次有事去友愛所以同屋企人再黎飲茶。2點鐘下午茶門口都幾多人，夠鐘開始叫飛，都唔洗等好耐。大約1410落單，1430都未齊晒野，仲有架點心車擺晒野食泊埋一邊唔知係到做乜，隔離執枱既侍應又無理😱…食物一般，揀幾樣分享下就算。🔅黑金流沙包幾特別既黑色包，都真係流心既，但係流沙餡就唔多，個包就厚左啲。🔅紅油抄手幾鐘意佢個辣油醬汁，但個皮就略嫌厚左少少。🔅上海小籠包見到個樣以為好頹，但意外地唔錯，好多汁好juicy，皮唔會太厚。🔅中山甜薄罉屋企人鐘意食甜既薄罉，所以上次黎都有叫。好足料，有椰絲花生幾香，食一兩舊就夠晒喉。💬食物味道就普通，但侍應態度真係麻麻，愛理不理咁，係有個後生哥哥仔好人啲。不過4個人下午茶飲左差唔多$200又真係幾平既。

同屋企人去飲下午茶🍵，3點左右都幾多人👫👫，坐角落頭，坐得唔算逼，屋企人黎食因為可以用八達通俾錢😂。①鮮蝦菠菜餃🥟幾好，蝦都有蝦味，幾彈牙②中山甜薄罉🧈有椰絲幾香，不過食一舊就夠，太多會好滯③黑金流沙包包比較厚，一黎到就即刻食所以都流心，但唔夠香奶皇味④柴魚花生豬骨粥🍲食到底有啲豬骨，無乜柴魚味，因為係屋企人叫，搵番點心紙先知原來有柴魚😐，普普通通既一碗酒樓食到既粥⑤野菜松葉蟹柳卷🧈點心紙張相就幾靚，實物啲卷係瞓低晒，入面有西芹所以冇食🌝，但屋企人話都ok⑥養顏紅棗糕唔會太lum，幾有咬口，無薑味⑦蠔汁叉燒包普通叉燒包，包都比較厚⑧桑寄生蓮子蛋茶☕️屋企人叫，話幾有桑寄生味，我淨係試左隻蛋🥚，都有吸到少少味，類茶葉蛋咁

見佢開張一星期試,點知差到冇人有。首先餸菜份量勁少。當晚88蚊一芥菜(8716),食落半斤冇。會唔會食水太深啊。其次,員工態度差。問員工問題十問九唔知。新開當冇經驗,但係員工解決問題態度完全唔積極,無心理睬客人。十分失望。可一不再,不會再去。