越潮

Open Now

Now Closed

第二次食，生牛河依然係我食過香港最喜歡最重要係湯底好好飲兩次食都趕時間唔記得影相，下次會試下佢招牌蒸粉卷另外一提個冷氣好凍，問老闆可唔可以熄細啲先知原來係裝咗新冷氣！好彩老闆好好人幫我少少

好耐冇食，今日去食午餐，食個生牛肉粉，價又加咗，生牛肉變熟牛肉，得2小片，跟餐小食又縮咗一半分量，酸辣鳳爪味道差咗，粉卷細件咗，又冇冷氣，食到成身汗，食物質素愈來愈Hea，相信這次是最後一次光顧

呢間我成日幫襯。老闆似乎係越南人，呢到嘅食物相信都好正宗！通常嚟到都係嗌雞扒湯河。佢嘅雞扒肉質鮮嫩，超好食湯底都唔錯有時候我肚餓會嗌雞扒飯，因為佢真係比好多飯，大約係2碗飯嘅份量。飯有甜豉油調味，好香口，碟野仲有啲生菜絲，撈埋飯同雞扒食都唔錯架！最後要提一提，呢度嘅奶茶比平時嘅鋪頭苦澀，本身少甜開嘅可能會比較啱飲呢到嘅正常奶茶。

冇試pho生牛肉粉畢竟響胡志明市小店吃過碗到而家為止最好味嘅pho所以試咗蟹羔湯檬湯冇想像中濃郁, 材料亦唔係好多只有兩塊扎肉、兩粒蟹丸及一堆生菜蟹丸有濃濃黑椒味成碗粉會俾60分小食炸春卷有水準，新鮮炸起.餡料豐富，包生菜+魚露食，係會追究住食朋友碗香茅豬扒金邊粉朋友評語ok個menu 太多樣化，好想試多啲嘢但兩個人每人吃碗粉都已飽..下次想試三色飯😆😆

黎咗兩次，但兩次杯奶茶都係好稀。本身奶茶係平價野，點解要沖到咁稀？另一杯係檸檬茶，比較澀，但都過得去。叫咗兩碗撈檬，一碗係豬頸肉一碗係燒牛肉，都好食嘅。燒牛肉就比較香口，都好食。不過可惜既係d檬粉有d未煮散，痴埋一舊咁。一共$105兩碗，價錢都ok，包野飲 店員服務態度普通，無甚特別整體黎講我覺得餐廳服務態度一般，而且煮野冇乜心機咁。門口沒有張貼安心岀行，小心d啦商家。只有量體溫，不過都靠食客自覺。店員基本上唔理。

好耐冇食越南生牛河，呢間店想試好耐，趁去開附近即刻留肚去食。生牛肉河：🐮🍜湯底飲得出係非常濃郁嘅牛高湯、混合香料同魚露味，唔覺有味精，超正！生牛肉份量足，味鮮而且真係半生熟咁上枱，不過黐埋一舊舊係唯一敗筆。河粉大大碗，仲係赤色幼幼嗰種，而唔係白色又粗又濶嗰啲。我鍾意呢隻，感覺比較無添加，而且爽滑又唔梗胃。配菜生洋蔥爽脆唔辣，白蘿蔔軟腍入味又冇渣。讚！本來想叫生牛肉加雞翼雙拼的，但老闆娘話冇得叫雙拼，於是畀我加 $10 多隻雞翼。即叫即炸蔥油香茅雞翼：🐔雞翼香脆嫩滑又透出淡淡香茅味，配搭蔥油可謂一絕。而且雞翼唔係炸到好透好乾身，所以即使係鮮炸，都唔覺得好熱氣。而伴碟嘅生菜亦好新鮮，一啲都唔馬虎。減肥人士寧願淺嘗都萬勿錯過啊！當我食食下雞翼嘅時候，老闆娘突然拎一小件豬扒畀我，話今日啲雞翼比較細隻，所以送件仔豬扒畀我品嘗。嘩！咁好嘅？😍即叫即炸蔥油香茅豬扒：🐷水準同雞翼一樣，又香脆又嫩滑，一啲都唔會又乾又嚡。雖然豬扒係送嘅，但蔥油都一樣冇慳到，正斗！呢間店好街坊價，可謂下午茶嘅價錢，午餐嘅份量！各位西環嘅街坊行過路過記得嚟試下！😋😋😋

星期六有野做經過西環就上網search下附近有咩好食，本身諗住試當區人氣小店金祥排骨麵但冇開，就去咗呢間越南小店試試。去到估唔到2點都要排隊入內，不過等大約10分鐘就有位，我諗如果係lunch hour時間應該都要排耐少少，而且等野食都見好多人買外賣。由落單都出菜時間大約10分鐘左右，第一個嘅係香茅豬扒湯河 ($51)。值得一讚嘅係個湯底，有濃濃嘅蘿蔔清湯味，而河粉軟硬適中，勁正! 唯一美中不足嘅係香茅豬扒有少少凍，可能放咗一陣先切，但豬扒鬆軟好食。而另一個叫咗嘅係招牌火車頭($62)，亦都係越南特式菜之一。湯底相對香茅豬扒湯河當然有多一陣重重嘅牛味，適合好牛人士選擇。而配料都冇因應價錢偷功減料，仲有一大舊白蘿蔔配送，值得回頭再食。見佢地同廚房溝通都用越南話，價格又唔貴而且味道又好，值得再黎食!

要熱奶茶給熱咖啡，跟老闆娘反應也不理，雞絲河粉味道還可以，但跟道地越南河粉還差的遠，連基本的芽菜檸檬和生辣椒也沒有提供，午餐時段價格跟其他越南河粉店也沒有便宜很多，總之沒有下次！

繼續尋找香港好食的pho其實已經嚟過好多次，但次次一上菜已經急不及等食野而唔記得影相餐廳是正宗越南人開的。一入嚟感覺到小店的家庭氣氛。今日揀咗正宗越南火車頭河粉。一上枱見到仍然係粉紅色嘅牛肉就知道水準依然。湯頭清甜，喺香港來講算係高水準。可惜沒有芽菜同靑檸。牛河足料豐富，除咗牛肉仲有牛丸，牛腩同筋。蘿蔔吸收晒湯嘅精華。食完好滿足。除咗pho bo 之外, 小弟亦非常喜歡呢度嘅蒸粉包。可惜個胃位置有限，唯有下次再食。

今日放假約了男朋友食下午茶，選擇的當然是良心小店，這間之前去過自己食，地道越南人開，覺得唔錯，所以今日再嚟環境簡單樸素，地方不是太大，光線充足；服務員也快手快腳，見佢哋同熟客有傾吓偈1. 順化湯檬粉男朋友點了這個，好足料，有扎肉、豬手、牛腩、分蹄，肉的世界，湯檬粉濕濕又軟滑，湯不會太咸2. 下午茶餐：燒豬肉撈檬粉燒豬肉有咬口又香口，喜歡這個多蔬菜的，撈檬我一向喜歡（酸酸甜甜辣辣，好開胃）3. 炸蝦餅炸蝦餅外脆香口、內面彈牙

招牌火車頭 $60(牛丸、牛肉、牛腩、牛柏葉、扎肉)火車頭用料十足，滿足我每樣都有得試，牛腩切得較碎，小小片但肉質有點硬，豬耳扎肉爽脆好味，牛柏葉爽口不會韌，食落冇異味，牛肉片唔係肥部位，都唔會覺得嚡口，牛丸唔算好彈牙。生牛肉河粉配春卷$49一碗pho最重要係湯底，先飲一啖熱湯，湯底濃郁鮮甜，濃濃的牛味，飲得出用牛⻣去熬，飲左唔會口渴，一啲都唔油膩，每條河粉吸滿湯汁，食落好滑溜，生牛肉軟腍幼滑，肉質鮮嫩，鮮味十足，春卷外皮酥脆，唔覺得油膩，午餐配小食，好抵食。

Came here for some food to go the other day. What did I get... I got a 春捲撈檬 and 串燒. Everything was really great.I guess the skewers were a little on the more expensive side, and actually the bun cha (English/Vietnamese name for the other thing) is enough for dinner to fill you up, so you can order just that by itself and it’ll be enough food. I got my food to go and it was ready really fast, like about 10 mins or less.Maybe try not to use the bathroom here though, it’s pretty awful.

One of my neighborhood favourites, Viet Chiu is a very reasonably priced and delicious joint. Their vermicellis are on point and the best part is their fried food. I have tried their satay beef, their wings and this roast beef vermicelli which was also great. All fried food here are super delicious and piping hot, especially the spring rolls and chicken wings. The roast beef in my vermicelli is also super aromatic and crunchy!Would definitely recommend people trying their raw beef glass noodles

石塘咀一田附近，就是為了幫襯這間正宗越式良心小店！雖然無乜文宣也不是金黃色，但之前有表態就已是有良心了！所以放工來支持一下地方不是太大，但好多客人幫襯，星期一至日都有下午茶，都幾抵食！排了一陣就有坐位！點了燒牛肉撈檬，更配送熱飲燒牛肉撈檬牛肉有口感好香口，配有大量生菜絲、花生粒、香蔥粒及紅椒絲，加入撈檬汁（酸酸甜甜），撈檬好爽口彈牙份量也好多，配了汁及餸一齊食，好滿足好美味熱檸水去下素解下酸，不會加糖更健康

越潮一定是全香港最抵食、最便宜、最地道、最好味的越南餐廳，由越南人開辦，在中西區服務了很久很久，對面就是一田超市，吃完可以過去對面行行消化！！午餐選擇了生牛河＋粉卷（４９元），半價１４元加配三色冰。生牛河 4.9/5分 - 是越南吃到的味道,唯一跟我在胡志市吃到的分別,相信是北越的牛河? 牛肉有點兒過熟但入味、牛湯底看似不夠清澈卻超級好飲、沒有南越的芽菜和葉做配料，給予滿分的分數～粉卷 4/5分 - 夠薄夠熱，下次可以點全份，才真正吃到其味道，不夠呢！三色冰 3/5分 - 不過不失，但椰汁夠甜是我在香港吃過最高質素的牛河，一定會再來～