火山燒 (Closed)

第一次寫食評完全是因為火山燒, 朋友極力推介去所以抱著期望食好野, 點知食物完全不合水準, 雖然是任食, 但每樣食物是點過一次都不會再返點的, 三百七十幾蚊可以有更好的選擇。即時問推介的朋友原來佢都係第一次來, 佢係聽過人介紹知道有啤酒任飲覺得好抵, 其實任食既野從來都不抱太大期望, 在極度肚餓下食左一輪之後朋友叫我睇吓仲有咩想食, 我認真睇完之後都係叫唔落, 呢間真係會令人想停落嚟快d埋單去食過囉。最後我們真係埋單出去再食過。

今日我和女朋友都懷著興奮的心情來到這間出名的火山燒, 火山燒共有兩層,日本式的裝橫再加上別出心裁的背景音樂使顧客有置身於日本傳統燒肉店的感覺,從環境和氣氛的營造上看出了店主的用心。坐了下來以後, 呈現在我們臉前的是跟購物袋大小一樣的燒烤爐,原來這邊是要顧客燒給自己食的。燒烤爐不大,每一次不可以烤很多的食物,但是我們選的這個套餐是有限時的,只可以食兩小時。不計算享用食物和交談的時間,單每一次把食物烤熟就需要用上十至十五分鍾的時間, 兩小時內可以烤上八至十二次的食物,平均每次就消費大約是二十多塊錢至四十多塊錢,這樣計算好像火山燒有很好的性價比。      但是最需要注意的還是食物的質素而不是可以燒多少次, 如果食物品質不好,再讓你燒多少次都是沒有意義的。就火山燒的食物來分析,它的食物種類不多,而且以蔬菜類為主;而引人食慾的肉類和海鮮類都不是新鮮的食材,而引人食慾的肉類和海鮮類都不是新鮮的食材,說真的這個套餐真的不值$350。我們在光顧火山燒之前有看到食評,它在食評上的評分是屬於中上,我們覺得食評上的評價應該會可真實差太多,但事實卻是令人什傷心的,火山燒的食物真的沒有評論上寫的那般好。火山

首先，員工服務態度良好，很快會幫忙執拾枱面。由於抽油煙機會有漏油情況，但員工都會定期巡視，用布清潔爐邊，以免有油漬滴在顧客身上，所以問題不大。另外，食物選擇很多，但有些肉類切得較薄和太小，在別類的食物選擇中，有些較適合火鍋，在燒烤方面，很容易燒焦，這就浪費食物了。還有，支裝飲品建議雪凍會更佳。最後，環境尚算整潔，燈光還可以，座位也舒服闊落，店舖有壁畫設計加添氣氛。因此整體感覺不錯，只是價錢偏中上價，平日來吃會較划算。

款式少 野飲又要額外加錢先任飲 個爐又細 覺得唔應該係呢個價錢成3百蚊一位 唔多抵 同想像中差好遠 都冇咩點食覺得個價錢應該要調整下咁去到既時候已經後悔應該唔會再去食多次真心唔抵但服務唔錯

食物款色少，當日招牌上的海鮮說因為洗魚缸沒有新鮮供應，蠔燒起來完全無法放入口，一股腥味的，肉類資素也是比較低級的！我從未試過食放題只食了4塊肉，真的十分失望。菠蘿是不錯，但每片切得很薄，口感上不太好，要說什麼好吃，我真的說不出來。如果收費是一般廉價放題，約$200我還是接受，但當日同行的朋友，沒有一個可以接受$350食這樣的質素，$350這價錢接近了一些普通酒店自助餐了吧，我真後悔！這餐廳絕對不值得我再到！

We were here for dinner and we had to wait for a long time before they serve the food every roubd. They did not even mention that some dishes were off the menu such as chicken wings/ heart. We even had to wait 15 minutes to get the change!!! We do not recommend this place at all.

今日 一行8人到火山燒食野，諗住食得韓燒，放題多拉，試下新野～我地訂佐夜晚11點30分 我諗應該系平日，所以五會有太多人，去到見到得兩台。 第一感覺裝修幾特別，好有日本feel,應該會五錯嘅。坐低佐，侍應就收走我地一個爐，一開始訂枱，我地系訂10位，後來有朋友黎五到，改佐8位。個爐我就覺得好細，不過系日本食個爐都系甘細細個，8個人shared 兩個爐，都可以接受。叫野食時間，我地就叫佐好多，侍應擺底佐d醬汁，就走佐，我地嘅理解系燒食物，自己加醬。但後來，埋單，忍五住問下d醬係咪甘用，侍應答我地系燒完自己點，我地真系見識少，用錯嗮。同佢講翻，你地一開始無人教我地，五好意思都無句，就行走佐。自問，我系做飲食業，你地系完全無服務可言，睇翻你地嘅 openrice嘅評價，知道你地五憂做，甘多好平，但係再仔細睇翻d評價，我真系五知係真心覺得好食，定我地此行太過五好彩，食佐你地最差嘅野。之後我地一路燒，d吉碟無人收過，叫人無人彩，望嗮個場，得兩張枱，五知你地有幾忙，我淨系見到個侍應哥哥企系到五知睇咩，全程，系拎野食，拎野飲俾我地，過黎我地張枱到望下，其他時間，離我地九杖完。總括而言，服務系 0食物

話說見到朋友響衣間火山燒自己燒好過癮，仲有海鮮燒，之前2次即日book夜晚7-8點都冇位，得返廚房燒咁就冇去啦！今日行完街夜左又諗起，試下博博再打去問下，竟然有位自己燒喎！我都打左個突...仲重覆講清楚係自己燒可能當時我book 9點啦！已過黃金食飯時間掛。預約時店員已提醒只收現金同埋去邊一層，因為佢有2層的(9樓,10樓)上到去座位不是太多，但我地都可以坐梳化位，好寬敞好舒服，唔洗同人迫只有衣張食物紙劃食物，款式看得晒，唔包飲品！飲品加$20/位，酒精類$30/位，隔離枱唔知道想要杯茶，店員話冇，佢先知要加錢先有飲品，所以預左要加$20飲品喇！枱上有3種醬汁(燒烤汁、蜜糖汁、辣汁)同調味粉(花椒粉同鹽/胡椒)，燒烤中食物塗上醬汁味道加倍好味，由其燒烤汁最正剛燒完既肉類沾上少許鹽又係一絕之前見人地有燒蝦，但食物紙唔知點解冇喎！但海鮮類都有生蠔、青口、帆立貝！生蠔有排場但冇乜內涵，粒蠔非常細，反而串帆立貝幾好肉類款式唔似韓燒果d咁多，但勝在夠精，一款牛肩肉，金菇牛肉卷已經夠晒，不停encore牛肩肉未燒見到d紋理都覺得靚金菇牛肉卷好味在金菇好爽，牛肉同金菇都非常易撕開，唔會有時撕都撕唔開

“首創以岩燒石來燒烤的日式串燒專門店”，聽落幾吸引，但去到係一舊岩燒石都搵唔到，gas就有兩罐。話就話放題，但飲品“每位加$20”，變相成張枱一齊加，一係就唔好飲。一張可以坐十個人嘅大枱，抽氣扇就成張枱咁大，但枱面其實放得兩個gas爐仔，細到兩隻手掌都遮得晒，仲要咁多人用，放得隻雞翼又放唔到條腸，燒到聽朝都未燒完。與其利用呢d不良營消手法去降低成本，一係就唔好做放題，一係就加價，誠信先係一間公司最大資本。

早兩日book左位6人，餐廳要求交左500訂先，但朋友遲遲未入數，到當日都confirm我地booking，可以唔洗我地俾訂金先，直接去就ok食物大部分都唔錯，推薦蒜蓉包，最重要係蠔任食嘛。不過都係有某啲伏，例如個芝士年糕。佢除左有3種醬係度俾人搽，但如果好似我咁唔中意醬料都有辣粉可以瘋狂加。298加一3小時任食串燒放題加20任飲果汁汽水茶加68任飲酒精飲品選擇其實都幾少，但因為係自己燒，過程好玩既 。少少失望係我地係咁點蒜蓉包都冇黎，要問先講我地知如原冇哂餐廳有2層，一層細細間，得幾張枱，一啲都唔逼，屬於聚腳好地方。

俾openrice食評'吸引'過黎，時間尚早 5：30鬆D 入去無乜人 順利坐到卡位。卡位得一個爐頭， 3個醬：辣（其實一D辣味都無），蜜糖（水），燒汁（用得最多，如果唔係會無味）食物：選擇唔多，小食好過肉類，海鮮燒完完全無味...靠燒汁/5味粉調味。＊推介豬肉漢堡，燒完仍好多肉汁，而且因為漢堡已調味，係全晚最好食的飲料：加＄20可任飲，不錯的是有夏枯草可下下火（自己呃自己..）＄298任食， （＋＄20）＄318就任飲可樂茶支裝飲料 任食，食物質素一般，選擇唔多， 最多當下玩cooking mama燒下串燒， 但燒得黎又食唔切，食得黎又燒燶左， 唔係用開個爐頭對自己廚藝有信心既都係唔好玩啦，呢個價街外放題都好多選擇，有人燒俾你，質素有保證，所以唔會有下次。

去銅鑼灣食火山燒，有多款海鮮，肉類，野菜的濱燒放題每張枱有個油煙機，所以不會弄至烏煙瘴氣。放題可自由任點，Menu 有海鮮，野菜，肉類等，而飲品只需加$20任飲，我哋叫咗海底椰同埋夏枯草清一清熱氣先。搽在食物上作燒煮的醬汁有蜜糖，辣醬，燒汁。海鮮當然唔少得燒生蠔，好大隻，任叫真係抵喎。牛肉粒，火㷫㷫。燒帶子一串串上，彈牙，放上燒汁好夾。雞翼搽蜜糖當然一絕。另外應該係配給既大蝦，每人兩隻。還有肥牛金菇卷，玉子，雞腎，餃子，雞肉燒大蒜 ，燒菠蘿，茄子好多選擇。最特別有雛雞點，以香草燒燒熟，上枱後加熱便可，好滑嫩，又大隻，推介。還有义燒,醃得惹味，多春魚夠脆口，還有牛肩脊，夠淋身。因係放題，不自覺叫完又叫，食到超飽呀！每人約$350都合理呀！

今天我和朋友來到銅鑼灣火山燒食日式串燒放題,由於當天是閒日的關係,未有訂位上到去也能馬上入座,十分方便!由於本人十分喜歡吃海鮮的關係,所以便點選了海鮮和牛盤!海鮮要好吃,首要條件當然係要新鮮,另外火山燒店內是要自己動手燒的,所以要時常留意食物的進度,因為此店的新式燒烤爐火力十足!你看看以下本人燒的海鮮功架!外相绝對唔差!這裏有十分多種類的日式串燒!比較令本人喜愛的就是這日式糯米燒雞串!在香港十分小有地方有這类食物可以提供!十分特別!

介紹朋友黎食銅鑼灣火山燒，有好多海鮮肉類既濱燒放題。放題菜單以點心紙形式，有海鮮，野菜，肉類等，而飲品有冇酒精加$20 或叫啤酒加$28第一輪狂點海鮮，包括生蠔好肥美，自己加啲鹽調味，仲有帶子串；魷魚鬚，好彈牙。還叫了特色札幌八爪魚餅，有啲蔬菜夾埋，成支雪條咁。之後叫牛肩同牛肉粒，火㷫㷫，還有腸；秋刀魚有濃濃魚肉香味；又有大蔥雞肉串，燒時搽上燒汁，香噴噴。另外每人有配給兩隻大蝦，爽口大隻。有魚翅福袋，係素翅加腐竹袋，燒至脆口，甚有特式，還叫了一堆小食，有燒年糕，魚蛋，玉子同即食枝豆。之後見到雛雞，到上枱時原來有半大隻，醃了香草及已燒熟，上枱後加熱便可，已調好味。最尾再encore 生蠔，叫幾多隻都得。最後叫了秋葵同菠蘿，清淡及清一清口味。埋單約$350@，不錯。

其實一向有留意開飯，發覺有人唔太喜歡其食物味道，甚至質素問題，我個人認為都是口味及個人對食物質素的品評不同久不久都喜歡跟朋友來吃過放題串燒，但今次原來不同了，係未有用火山石燒，而係真正用燒烤爐燒的串燒，今日同公公去開附近睇醫生後就過來，公公好滿意，特別係海鮮，不過年紀大，當然不讓他吃太多，所以點了不多飲品選擇不錯檯上有燒汁，辣醬及蜜糖醬，燒時可自行選擇塗上令串燒更美味安格斯牛粒，好新鮮公公喜歡吃蝦及生蠔所以點了些，新鮮又肥美大隻事不宜遲燒燒燒睇到留口水燒時已夠香除了海鮮及牛粒外，亦點了牛肩肉，厚薄圴稱好有牛味，中間的香草羊背肋則是我公公最愛，香而且肉唔會違，口感不錯，右面的是鱆魚蔬菜棒，個人認為甚有特色，而且入口唔會膩及'濟'，好有口感，煙韌帶點蔬菜的爽口，味道不鹹，好吃這個秋葵冷麵更是吃過後就愛上，麵條帶爽，加上秋葵香氣及有點微微酸帶點辛的味道，很是美味吃過一個後，連我公公不太吃澱粉質都要來一碗，而味附筍吃過後，令人好開胃的前菜，夠爽我至愛這個也是必吃之選珍珠帆立貝味鮮又好吃右面的糯米雞肉棒更不可錯過入口有點黏帶嫩的糯米及雞肉微微的甜帶點香，煙韌又好吃個人始終偏愛用火山石燒的串燒，味