火山燒 (Closed)

抵食！ ！ ！昨日約了Sikky和嘉嘉在我收工後食飯。她們在如心廣場逛中，所以我下班後，就直接去荃灣西找他們……. 荃灣其實有很多餐廳食肆，想食什麼都有，最後她們說腳攰了，想快些坐下來食晚餐，所以我們便走進了火山燒餐廳。餐廳地方不算大，但食物好好食，職員態度服務都有禮貌，而且食物價錢亦相當便宜。(喔，小補充，可能因為我們進去時，是5點幾，剛好未夠6點，所以還可以點下午茶餐，哈哈，結果賣單261元 ，三人，平均每人87元。)首先我們三個人各自叫了下午茶餐一個，每份下午茶餐都有送忌廉湯。忌廉湯一小碗的 ，但味道和質地都好飲。家家說好好飲想飲多一碗。哈哈。吉列芝士豚柳溫泉蛋丼（下午茶$50.00）白飯的份量都不小，而其中吉列芝士豚柳比較印象深刻，外脆，金黄色的豚柳，尤如豬扒般的，不過裏面還夾雜芝士，肉質不硬不乾。煙肉蘑菇芝士忌廉意粉（下午茶$48.00）份量不似下午茶份量，似正餐份量，因為份量都幾多，無論是意粉，還是煙肉蘑菇等配料，份量都好多。所以真心覺得好抵食。至於味道都ok，忌廉和煙肉，本來就和意粉一起煮好夾。意粉又有彈性， 48元一份，很便宜。吉列流心芝士豚柳湯烏冬（下午茶$50.00

荃灣好多美食，好多都要排隊，今日見呢間唔係好洗排，就試吓先！1)香燒雞扒咖喱蛋包飯：雞扒煎到好香口，肉質都juicy ，唔乾身！甜咖喱配上蛋包飯，屬穩陣選擇！2)泡菜五花腩肉湯烏冬：只係薄薄幾塊肉片，烏冬太軟身欠缺口感，有點名不符實嘅感覺！3)和牛肩胛肉溫泉蛋珍珠飯：肉質香軟，將溫泉蛋拌勻一齊食，好味！每個餐都附有餐湯（忌廉湯或面豉湯）及餐飲，選擇都算多元化，都屬大眾化抵食之選！唯一缺點係餐廳內座位太近太迫！

好少寫食評， 但真係太難食。 我地叫左兩個下午茶餐。 一個流心芝士豬扒烏冬茶餐，另一個係豬肋骨焗飯茶餐。 首先，跟餐麵豉湯只有麵豉， 無任何湯渣； 另一個忌廉湯係勁稀罐頭湯， 又係無任何湯渣。 流心芝士豬扒竟然係炸豬扒上面痴住一塊溶左的卡夫芝士， 說好的流心去0左邊， 勁頹。 一入口塊豬扒勁梅， 又肥， 完全無味， 可以話大x 樂都好食過佢。 個烏冬的湯當然係勁淡 的味精粉開既， 成個餐無樣掂。 豬肋骨焗飯 個豬肋骨感覺係搵水烚熟左先再焗， 完全無味。真係無下次， 好耐無食到一肚火之前見佢有人排隊， 仲以為好好味， 完全失望。

𝒥𝒶𝓅𝒶𝓃𝑒𝓈𝑒 𝒮𝓉𝓎𝓁𝑒 𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃餐廳裝修算明亮，而且𝘥 燈飾同掛牆既擺設都好特別，幾適合黎食個午飯/ 𝘵𝘦𝘢 同朋友吹下水咁。🌟吉列流心芝士豚柳手打烏冬 𝗛𝗮𝗻𝗱𝗺𝗮𝗱𝗲 𝗦𝗼𝘂𝗽 𝗨𝗱𝗼𝗻 𝗪𝗶𝘁𝗵 𝗚𝗶𝗹𝗹𝗲𝘁𝘁𝗲 𝗖𝗵𝗲𝗲𝘀𝗲 𝗣𝗼𝗿𝗸 ($𝟲𝟱)🍜佢既主食烏冬做得好好，食落好煙韌、口感唔錯，亦都唔會好碎好難夾。湯頭有芝士味，加入左芝麻同粟米，唔會太膩而剛剛好。個豬扒入面既𝘤𝘩𝘦𝘦𝘴𝘦係 𝘮𝘰𝘭𝘵𝘦𝘯 𝘴𝘵𝘢𝘵𝘦 (仲拉到絲添)，不過有少少乾。特別要讚既係佢配左個黑松露沙律醬黎點豬扒，黑松露味超濃，非常加分呀!🌟聖安娜安格斯封門柳(𝟮𝟬𝟬𝗴) 配飯 𝗦𝘁. 𝗛𝗲𝗹𝗲𝗻'𝘀 𝗛𝗮𝗻𝗱𝗶𝗻𝗴 𝗧𝗲𝗻𝗱𝗲𝗿 ($𝟴𝟴) 🥩餐廳好貼心咁準備左條圍裙，防止𝘥牛肉汁彈污糟件衫。牛肉放係熱石上咁𝘴𝘦𝘳𝘷𝘦，自己鐘意幾成熟都可以控制。舊石真係好熱，一路都聽到燒緊果𝘥 "吱吱”聲，仲不斷飄出香味。本身舊牛底面都已經燒過，我鐘意食外面焦脆而入面生𝘥，所以將佢切成細細粒咁燒多陣。牛肉既脂肪好少而且牛味濃，仲有2隻醬汁可以點(一隻係甜甜地既醬油

係tw既一間日式／西餐廳🙈係大霸街果頭 行過見無咩人等位就入左menu 感覺性價比算高 百幾蚊就有個飯🤗（晚市）， 午市應該會再平d。menu圖片非常吸引，千挑萬選後，小編簡左一飯一麵：金標黃牛肩肉68度溫泉蛋珍珠米飯 ＄118係openrice有人推薦，但係勁失望，牛肉好難咬 完全吞唔到😓 叫左右店員換，好彩有返d水準👍🏻 終於食到真 牛肉 但唔算好好食，無驚喜～卡邦尼煙肉火腿溫泉蛋天使麵 ＄79 （＋29升級做套餐）賣相唔錯🍹不過味道中下 同平時食既卡邦尼無分別，感覺好頹＋29升級套餐餐湯，串燒，salad，飲品 四選三望羅好似好抵，簡左餐湯 串燒 and 飲品（彩虹棉花糖焦糖朱古力）餐湯係忌廉湯 好難飲 串燒變左做炸蝦🍤麻麻地啦 野飲都係一般無咩大家都唔洗試😂

💛💛💛火山燒💛💛💛好多時經過都見到有人排隊，今次見到唔使排隊就去試吓啦🤟🏻。要講一講個環境，裝修唔錯，好colourful，但真係好逼，姐係唔係坐得舒服到坐兩個鐘個啲餐廳😂。主食加$29 就可以揀4揀3 包括有餐湯、沙律、串燒、飲品好欣賞佢加$29就可以揀三款，好鬼平😎。我哋揀咗餐湯、串燒、沙律，我地冇揀飲品嘅原因係低隔離枱個女仔：「嘩！唔好飲既。」一望就見到我本來想叫既朱古力，所以我就唔想試啦😙。餐湯同沙律不過不失，以呢個價錢來講係絕對值得嗌。串燒係兩隻炸蝦，唔錯👅。千層麵 $98味道唔錯，不過略嫌有啲鹹，可能我平時真係食得好淡🤔。每片千層麵之間都充滿咗蕃茄醬，個醬似係茄汁加鮮蕃茄整成，唔錯，酸酸甜甜令人好有胃口😚。千層麵上面既芝士絕對做到拉絲效果，亦因為依塊芝士，我加左分😛。聖安娜安格斯封門柳200G跟白飯 $128佢有好多款牛肉可以揀，分別係唔同部位，點解我地會揀呢個呢？其實只係貪個名得意，好似好勁咁😂。以呢個價錢來講肉質都唔錯，冇乜筋位或脂肪位，所以成塊牛排都可以食晒🤪。牛味都唔錯，唔似日本牛咁只係食入口即溶。不過可能就係因為脂肪分佈得比較平均，所以食落有少少鞋口，唔重油脂香味

呢間日本野野食好食，環境又靚，搞到哥成日食完又想食。上次冇食到石板燒肉，今次一於食番先！加左廿幾蚊做套餐，可以揀沙律，餐湯，嘢飲，四選三我同朋友就揀咗串燒同忌廉湯，不過不失，作為前菜一流英式紅酒肉碎汁燒豬肋骨蛋包飯諗都冇諗過佢哋會將咁西式嘅紅酒汁煮法融入日式蛋包飯度，雖然呢個唔係傳統嘅日式和風煮法，西式紅酒汁加上蛋包飯又有另一番風味蛋包飯隻蛋依然做得好滑好出色，米飯用上珍珠米，加上紅酒汁依然令人胃口大開聖安娜安格斯封門柳定食石板燒最大好處就係幾多成熟，完全由自己決定。即使放咗好耐，發現肉質過生，都可以用石板溫熱煮返適當嘅生熟度，無需麻煩到廚房幫忙再次烹煮。安格斯牛柳又大又厚身，燒到medium左右，完全保留到佢原本嘅肉質口感鮮橙柳丁梳打，鮮芒果肉梳打兩款都係非常清爽嘅飲品，飲完成個人都好refresh 不過有樣嘢怪怪地，唔知做乜個店員好趕住收我地d 碟，明明都唔係好多人，有咩咁趕呢？不過overall 都係開心同好食既😌

荃灣愈嚟愈多嘢食，其中就係呢間石板燒。呢間餐廳係新開嘅，而且仲要去食石版燒，十分吸引！環境佈置都唔錯，枱面有好多唔同嘅花紋，而環境都幾簡約，感覺幾舒服！點咗一份石板燒套餐，有串燒、有飯、有湯、有前菜，當然唔少得主菜——聖安娜安格斯封門柳。套餐的忌廉湯唔算份量好多，而且都幾creamy。前菜有酸蘿蔔，有醬汁，醬汁係用嚟配燒肉的，令味道更加出色。串燒係有驚喜嘅，係雞肉嚟嘅！雖然份量唔多，但係小食嚟講都好正👍🏼主菜份量都好大，而且肉質都好鮮嫩由於石板熱力會令牛肉慢慢變熟，所以要適時切開，令牛肉裡面都可以夠熱。朋友就點了呢碗蒲燒雙層鰻魚滑蛋丼，份量都幾多，蛋都好夠滑，值得一試

大壩街出名多美食，不過朋友想食石燒牛，便選了「火山燒」吃晚餐。見到門面裝修幾靚，餐廳內佈局也很精緻，枱面的花花磚紋令食物更添色彩🥳。這裏點任何主餐都可+$29 升級套餐 (四選三）濃湯、沙律、串燒或所有飲品，連特飲都可以選擇，都幾抵食🥰。SRF 金標和牛肩胛肉眼 200g $158300°C 火山燒～侍應先提供圍裙給我們以防比油濺到，這一點值得一讚👍🏻。我和閨蜜都比較細食，所以選了200g。估唔到呢塊和牛肉眼都幾夠份量，建議燒熟咗表層，邊食邊切開成細小塊，慢慢煎熟到7成，就非常好吃了😋。仲有大大碗和式飯，白飯帶點飯素幾開胃。香煎奈良手打芝士牛肉餅咖哩蛋包飯 $88千代田旋風蛋包飯～賣相滿分，一定要相機食先📸。咖哩汁甜甜的而且沒有辣味，小朋友都啱食。蛋包整得很滑溜，整到成座山咁，好得意！

同朋友係荃灣閒逛完見餓餓地想搵d野食下 咁岩附近有間日式小店 咁就狗衝入去了小店走呢個和風風格座位全部都設計成卡位坐得都幾舒服韓國泡菜邪惡五花腩肉手打湯鳥冬賣相精緻 令人食指大動滑嘟嘟烏冬 咬落口感彈牙不愧為手打烏冬雖然話係邪惡五花腩食落d腩肉又唔算好油膩有爽口帶少少辣的泡菜 配埋幾香油脂味的腩肉不得不說泡菜配腩肉真係絕配黎金標和牛肩胛肉眼之前係其他餐廳試過一次石燒牛見到火山燒有當然要再食石燒牛石燒牛上枱時係會有用牛油紙cover住當你ready的時候就 待應就會將牛油紙拎走厚切肉眼係塊超高溫石板上 一路熱住 發出—滋..滋..滋聲空氣中瀰漫著好香的油脂味我個人偏向食開比較生的牛所以切開後都係輕輕辣幾下兩邊就開餐了入口軟腍 口感嫩滑咬落都幾juicy  幾有牛味以lunch黎講 呢個價位有呢個質素都已經很不錯了醬汁方面有配燒汁同埋有個帶有酸酸地的sauce無論係原汁原味咁食 定係點埋d醬一齊食都係各自有各自的風味由於是套餐 有包餐湯同熱飲餐湯係麵鼓湯同煙肉忌廉湯其中一杯野飲我地加錢轉左茉莉花茶海鹽奶蓋清香的茉莉花配上奶蓋的咸香好滿足呢

行完荃灣廣場出黎 見到火山燒門口有一條人龍好奇之下就入去試吓好唔好食餐廳有唔少選擇而且價錢唔貴我同朋友就叫咗一個火山燒同埋一個意粉由於我哋叫咗火山燒店員都好貼心咁樣為我哋送上圍裙我哋兩份煮食都升級左套餐叫咗一杯鮮芒果肉梳打 同埋彩虹花糖特濃朱古力兩杯飲品賣相都唔錯套餐仲有有雞肉串同湯雞肉串放上石版燒後 味道更佳😋😋終於輪到主角出場聖安娜安格斯封門柳牛肉嫩滑 肥瘦適中肉味濃 而且份量十足原條蟹柳68度溫泉蛋明太子忌廉意粉呢個意粉好有驚喜雖然只係$88但分量十足明太子同埋蟹柳嘅份量一啲都唔小而且好creamy 好夾！餐廳性價比真係好高下次黎開荃灣廣場 都會再食😋😋

今晚到火山燒食晚飯。點了聖安娜安格斯封門柳，照燒雞扒咖哩蛋包飯。兩個都加錢轉set,4選3下大家都選了湯+串燒+飲品。店員好細心仲俾左圍裙以防弄髒衣服。聖安娜安格斯封門柳：石燒熱辣辣，上菜時熱力十足，自己想幾成熟就自己處理一流。肉質良好，口感好好。照燒雞扒咖哩蛋包飯：咖哩香口配上薯仔和飯一起吃不俗。蛋香滑可口，雞扒煎到香口。忌廉湯：味道不俗麵豉湯：味道不俗串燒雞肉：正常串燒，夠香口。彩虹棉花糖特濃朱古力：味道夠濃，香朱古力味仲有棉花糖甜一甜都幾正。炭培烏龍茶玫瑰海鹽奶蓋：茶味良好奶蓋香濃，配合起來不錯的選擇 。

見依間野好似幾多人食下睇過餐單好似幾吸引就入去試點知真係嬲到爆 明明寫住晚市套餐 熱飲係免費凍飲同其他飲品加錢本身都諗住飲熱野所以就叫咗依個餐點知道最後叫嘢飲嘅時候 問佢係咪包一杯嘢飲 佢竟然勁無禮貌話唔係 所有飲品都要加錢 仲要係加原價 都唔係餐牌上面所講嘅跟餐價！聽完我都再睇多左幾次究竟係咪我哋睇錯但係根本就唔係！！！明明寫住熱飲免費！凍飲仲有跟餐價再問過侍應 佢敷衍我哋話叫經理同我哋講點知等咗好耐都冇所謂嘅經理然後我哋再問另一個侍應 佢先至話係打錯 午市套餐先至係有嘢飲！ wfh???我覺得係存心呃人 唔係所謂打錯囉我話咁你點解唔即刻拎筆刪左依一頁？無左就刪左去啦 但係佢地又唔咁做喎完全講大話！ 根本就係呃人 唔問都唔講！仲要死不悔改 話只係打錯 我哋唔係想要嗰杯嘢飲攞着數 係原則問題 係唔應該咁樣呃人！寫明免費熱飲同跟餐價 原來係無架！佢逼人加$29套餐升級！我又想問 原來原本都唔係一個套餐又如何升級個套餐呢 ？非常過份！仲話自己係黃店 一樣成個政府咁呃人 黃？個場你話哂事 你話無免費咪無免費囉 價錢收錢賣$999 比人發現話menu打錯都得架啦可？真係太過份！服務態度又無又唔

之前成日見到都好多人排隊，我以為係得燒肉食，原來佢仲有唔同款式食品可以食～有日式丼、蛋包飯、意粉，價錢都唔太貴晚市有dinner set，加＄29就可以有飲品、沙律、湯同串燒，4樣揀3樣。個人黎講都覺得ok~我同朋友都叫左蛋包飯吉列芝士豚柳蛋包飯 （＄88）蛋又幾滑，豬扒又炸得幾香脆，咖哩唔會太辣，如果鍾意食辣就未必岩你心水。煎牛肉餅芝士豚柳蛋包飯 （＄88）我對於expectation 會高d，牛肉有汁但唔太入味，不過肉係實ge~我覺得汁同肉味唔太夾，個人黎講覺得一般。

火山燒位於荃灣大壩街，荃灣廣場對面，好容易搵到晚餐都幾抵食，只需加$29就有埋餐湯、沙律、串燒、飲品，4選3餐湯係濃郁粟米湯，香甜吉列流心芝士豚柳，非常鬆脆厚身，配上黑松露醬，增添鹹香味金標和牛肩胛肉68度溫泉蛋珍珠米丼，和牛軟腍，份量亦好多，好滿足溫泉蛋超滑溜極黑安格斯肋腰背，大大舊見到都流晒口水可以自己慢慢燒，想要幾成熟都得肉汁爆發晒出黎，肉香新鮮，配上燒汁以及珍珠飯，粒粒分明鮮橙梳打爽甜炭培烏龍茶玫瑰海鹽奶蓋，微甜而且茶味濃香，奶蓋味道突出