火山燒 (Closed)

《火山燒》荃灣喺荃灣睇完戲喺附近揾食，最近黃店就係＜火山燒＞，差不多半年無黎過，今日唔係點解成13：00都無人排隊，咁就直接選擇佢啦！😙＜金標和牛肩胛配68°温泉蛋珍珠丼＞🍱和牛肩胛有少少似慢煮感覺，肉味唔算好濃少少油脂既味道，入口還算軟腍😋加埋温泉蛋當然直接加分，牛肉下面有木魚碎，又加返少少咸味，夾埋特別好食☺＜極品豬肋骨燒汁焗飯＞🥘豬肋骨炆到已經骨肉分離，唔會食到好論盡，飯底唔算好多但用好多芝士去焗，個人認為膩多過飽🧐男士黎講可能份量不足夠＜彩虹棉花糖特濃朱古力＞🧋＜炭培烏龍茶玫瑰海鹽奶蓋＞🍹唔算好特別，只能話有Cream同棉花糖既朱古力囉！至於杯奶蓋烏龍茶，我不建議🙁個奶蓋一黎已經係一pat野，又無咩味，最後我只係飲純烏龍茶，唔飲奶蓋※全日無加一收費

琴日同個朋友去荃灣行街 咁我地行到荃灣賡場果陣好攰好想搵個地方坐低抖下食下野 咁我地見到商場入面好似唔太多選擇所以我地落左去大街行下睇下有咩食  咁我朋友就見到呢間火山燒望落好似唔錯裝修好靚 餐牌睇落都幾吸引 所以我地就入左去 入到入面環境都唔錯 waiter都好有禮貌咁我地就叫左個香煎牛肉餅溫泉蛋飯賣相好好 食落都好好味 十分我會比八分 另外我地叫左個極黑安格斯牛既鐵板燒 好大塊 味道好好 入口即溶 好有牛味  

係荃灣行完街，喺條街度見到呢間餐廳好多人排隊，原來係日式小清新嘅新店，望到Menu有食肉獸鐘意嘅牛飯&我鐘意嘅意粉🍝就入去幫襯了menu都幾多種類，有飯又有熱石燒仲有低升糖嘅意粉，加$29 仲有得升級套餐叫埋小食我叫左「原條蟹柳68度溫泉蛋明太子忌廉意大利粉」，上菜時好香噴噴，望落都好足料，食落明太子味道好出，淡淡嘅忌廉汁都好充裕沾滿每一條粉，而且又唔膩「和牛肩胛肉68度溫泉蛋珍珠米丼」數左足足有7塊肉，吉爆溫泉蛋撈落飯到好和味，岩晒要食肉又要飯嘅男友食飯當然唔少得野飲😋我地2個都叫左特飲，左邊係烏龍茶玫瑰海鹽奶蓋🌹淡淡清香配上咸咸奶蓋，中和左好好飲；彩虹棉花糖焦糖朱古力，唔會勁甜，所以食埋上面嘅棉花糖就岩岩好😋

同老公仔仔瞓醒出去搵食嘢。已經係午餐。午餐set都幾多唔同類型嘅食物選擇。有牛扒餐、烏冬、燒牛肉飯、日式咖喱飯同意粉。看見餐牌，樣樣都很吸引。餐廳內所有飯都係用珍珠米。口感不錯。最後揀咗兩個金標和牛肩胛肉溫泉蛋珍珠飯同煙肉蘑菇芝士忌廉意粉。三個餐跟三個白餐湯。白湯都偏向日式。+3杯嘢飲。平均$68一個餐。整體上味道都唔錯。我們都很喜歡牛肩胛溫泉蛋飯，燒汁不錯。同分量十足。見到餐廳內還有其他特色飲品。下次幫襯可以再試下。

係荃灣廣場附近，見鋪頭餐牌幾吸引，於是便入鋪食個晚飯嗌咗兩個主菜，一個係燒安格斯肋腰背忌廉滑蛋珍珠米丼，另一個是香煎帶子忌廉意大利粉，兩個都跟餐，跟餐有個湯，串燒，沙律同野飲。粟米湯同串燒係前菜所以都無乜特別，先上個牛丼，賣相吸引，滑蛋鋪滿飯，飯上面鋪滿牛，牛上面有啲鰹魚屑同紫菜，滑蛋非常滑，啲飯有啲燒汁，混起來吃口感不錯，牛肉有啲失望，咬落偏韌且味道淡，一般般，但份量多。意大利粉賣相也不錯，整體味體偏咸，洋蔥配料非常多，所以意大利粉食落洋蔥味好濃。嗌咗兩杯野飲，芒果疏打同埋烏龍奶蓋，芒果疏打不錯，烏龍奶蓋一般般。

今日同男朋友放工去荃灣食飯見到好光猛既招牌《火山燒》比佢餐牌吸引到 感覺上選擇好多😋就決定一於試試！同男朋友一人揀左一個餐我就試左佢個🍝香煎北海道帶子鮮野菌忌廉意大利麵$118入面有好多洋蔥🧅味道好濃 口感都適中不過如果鐘意淡味既 可能會有少少鹹但我比較重口味就覺得好入味！另外男朋友就叫左燒千層安格斯肋腰背忌廉滑蛋珍珠米丼$128呢個飯上面佈滿滑蛋 真係好滑可以每一啖飯都食到個滑蛋！牛既份量都好多 如果牛味再重就更加好😍我哋跟餐$29都有飲品&串燒&湯&沙律忌廉粟米🌽湯雞肉串燒 作為餐前小食

去開荃灣一田百貨，就在荃灣廣場的後街，發現了這間火山燒，現在很流行食熱石燒牛，見到這間價錢不貴，還有套餐，決定入去試一試除了熱石燒牛，這裏還有蛋包飯同意粉，選擇都算多，只需加$29 ，就可以變成套餐，任選一款飲品之餘，還有餐湯沙律和串燒等等，可以四揀一點了一個石燒牛之後，來了兩碟醬汁和清熱的蘿蔔加了兩個套餐，點要一個沙律，沙律菜很新鮮，加上了麻醬和蟹子，酸酸甜甜的一個開胃菜今天的餐湯是一個粟米湯，很清甜，有一點蛋花，另一個選擇是麵豉湯，鹹鹹香香的很惹味串燒方面，是兩串雞串消，雞肉鮮嫩，配上造型優美的燒汁，未食都已經賞心樂事主菜點了一個安格斯封門柳（$128），不想吃太多，就點了一個200克的份量，但這個份量來說，一個人吃已經很足夠石燒有一個好處，就是可以自己控制牛的生熟程度，想吃熟一點的就燒得比較耐一點這一種封門柳，肉味比較濃郁，入口比較有咬口，有著吃牛的質感切開一件件之後，看到肉汁豐富，非常滿足吃燒肉的時候，最佳嘅拍檔就係一碗白飯，一啖濃郁味道的燒肉，配上一口白飯，絕對是最佳拍檔另一個主菜，點了一個吉列芝士夾心豚柳咖喱蛋包飯，豬柳揸得很金黃，大大件，上面灑滿了一點紫菜，味道層次豐富切

叫左欖油香蒜辣椒意粉半香草醬燒牛肉， 意粉都可以係無味，真係好多欖油， 個燒牛肉un 到咬唔開...放棄同佢講，佢再燒過，今次生d,但係凍既...全熟到咬唔開夠生，但凍的浪費食物，可惜

餐廳佈置簡潔明亮， 人氣熱石燒牛肉， 不但美味價錢又抵食， 吸引不少街坊粉絲支持， 令我再一次到訪。蒲燒鰻魚忌廉滑蛋珍珠米丼(午餐)$68忌廉湯餐湯， 入口香甜順滑，好 creamy。 肥美的鰻魚，表面燒到微微焦香及鋪滿紫菜絲， 放在飯面上， 賣相吸引， 鰻魚肉質鮮味嫩滑， 每口珍珠丼飯沾上甜甜鰻魚汁，與跟配忌廉滑蛋一齊吃， 滿滿的蛋香 ，令人食指大動。吉列流心芝士豚柳湯烏冬(午餐)$65即叫即製的吉列豚肉， 外面的薄薄粉漿炸到金黃色， 酥脆 可口， 中間夾著流心芝士， 美味邪惡， 跟配的烏冬口感煙韌彈牙， 並且掛上香甜湯汁， 份外滋味。頂級高腰西冷200g配珍珠飯麵豉湯 (午餐)$98厚切的西冷上枱時， 最好先穿上餐廳提供的圍裙， 牛柳放在熱石上， 發出「吱吱聲」， 即時香氣四溢， 令人垂涎， 牛柳自己 DIY 烹調， 控制幾多成熟， 自己話事，牛柳沒有多餘的調味 ， 純樸的牛柳原味道，先將牛柳四邊煎封，鎖住肉汁，燒至五成熟， 入口軟嫩，充滿肉汁， 再沾上燒汁， 與白飯一起吃，讓人樂在其中。煎芝士三文治牛肉肉餅(下午茶)$48金黃色的三文治， 煎香後散發著誘人焦香及蛋香， 中間還夾著

同男朋友係荃灣打完波，想搵d肉食下，上網搵搵下就搵到呢間火山燒網上介紹係食石頭燒肉既 而且價錢唔貴，就黎試試性價比高唔高啦！環境好闊落我地兩個人就諗住嗌兩個main,加個小食主菜可以加$29 升級超級套餐，可以係串燒雞肉BBQ, 沙律，飲品和濃湯中4簡3樣我地升級左一個套餐，另外再嗌一個主菜同小食沙律，沙律菜新鮮，唔會瘀瘀實實飲品 - 荔枝冷泡茉莉花茶有茉莉花係飲品內，幾特別荔枝味都突出，不過冇提供少甜，有d 可惜另外仲有串燒雞肉BBQ, 就同一般係惠康買到既雞肉串燒一樣到主菜300G既聖安娜安格斯封門柳 $178呢個餐係跟飯，唔需要加錢既有兩大舊，份量都唔少肉質好爽口，有封門柳既爽口感👍侍應教我地每15秒就翻一翻舊肉，仲提供左圍裙比我地因為都幾彈油，翻肉同切時要小心d肉紋十分明顯卡邦尼煙肉煙火腿溫泉蛋天使麵 $78一上菜就見到大大隻溫泉蛋同火腿 份量一樣好足料，勁多天使麵岩晒我地做完運動補體力溫泉蛋切開後，蛋汁撈晒入卡邦尼天使麵到食到飽飽木魚花凍豆腐 $38我地完全冇估到會咁大兜，$38勁抵食豆腐好滑，撈埋木魚醬汁一齊食好好味夏天食都好有風味最尾成枱都係灣食 勁飽飽總結呢間性價比高，

行完荃灣廣場，肚仔餓，諗住搵啲嘢食下，喺大壩街見到一間餐廳，個名叫火山燒。入到餐廳，揾張枱坐低先，枱上面嘅裝飾已經令我有耳目一新感覺，非常特別。用白色瓷磚襯底再配上花花綠綠五顏六色嘅花紋，感覺好清新。由於實在太肚餓嘅關係，所以二話不說，叫咗個金標和牛肩肉眼。原來係用鐵板上，起初見到和牛肩細細件，唔太起眼。但係一用刀一切，牛肉既香味即刻由牛肩飛出嚟，再切開佢，擺入口，嘩，真係不得了。講真，同我去開食三四百蚊嘅牛扒絕對拍得住，真係唔係講笑。另外再叫多個蒲燒鰻魚忌廉滑蛋珍珠飯俾仔仔，唔睇價錢仲以為呢碟野坐底收我百六七蚊。味道好食唔在講，份量仲一啲都唔小，細食嘅真係要兩個人先食得晒。仲有杯彩虹棉花糖朱古力，諗住叫比自己飲，點知亞仔飲下飲下飲咗大半杯，留返細本俾我。味道濃郁唔在講，棉花糖煙煙韌韌，令到成杯飲品口感十足。到埋單， 兩舊唔使，咁既價錢，咁既味道，唔嚟多幾次，點對得住自己！

今日同朋友喺荃灣到行街嘅時候，喺OpenRice咁啱見到呢間餐廳嘅評價都唔錯，同埋個位置都就近，所以就去咗試吓。入咗之後店員嘅服務態度好好👍🏻知道我哋想食石燒牛，就安排咗一張更闊嘅枱俾我哋，同埋都會提供埋圍裙。我哋分別叫咗兩款牛，分別係聖安娜安格斯封門柳，同埋美國頂級高腰西冷各200g～兩款牛上菜嘅時候都係喺一塊熱石上面燒緊，都會燒到zizi聲，淨係聽聲都覺得好療癒，流晒口水。😋同埋加埋我哋可以體驗埋maillard reaction一路煎一路散發嘅香味，正！另外生熟嘅程度都可以自己控制，都幾好玩。兩件牛分別都各有特色，安格斯封門柳嘅味道相當濃郁，送飯嗰陣一啖牛一啖飯都幾正👍🏻而高腰西冷比起封門柳，肉味冇咁濃，但係肉質更鮮嫩，相當唔錯。另外加$29就可以包多三款嘢食，可以揀湯，沙律，串燒或者係嘢飲。我哋就揀咗個忌廉湯，串燒同埋嘢飲。我忌廉湯就不過不失啦，唔會唔會好似出邊有時會太稀。串燒就係每人兩串雞肉串燒，個燒汁甜甜哋配個雞肉都唔錯。葡萄巨峰梳打，個梳打配搭好好，飲落去非常清爽。另外好抵讚嘅點係入邊有幾粒提子。凍凍地咁食嘅提子係最好食嘅😉茉莉花茶海鹽奶蓋飲落有好香茉莉花香味😛都幾襯奶蓋

今晚同屋企人經過荃灣，就試吓依間餐廳。餐廳嘅裝修偏向日式小清新系列。首先我嗌左依個200g牛柳餐。原塊牛柳放喺石板上燒，燒到渣渣聲，好正。食落去肉質都幾嫩，有牛味。屋企人就嗌左依個近吉列芝士流心豬扒蛋包飯。Expect 係日本咖喱，點知係港式😬不過蛋都炒得幾滑。另外我地都有跟餐，我地揀左食雞肉串燒同埋忌廉湯。跟餐嘢嘢飲方面，佢可以俾我哋任嗌。我哋就嗌左凍芒果梳打同埋柳丁梳打。總括而言，如果喺餐廳嗌杯嘢飲，同朋友傾吓計，依間餐廳都幾好坐。

先叫咗個紐西蘭各自肥牛芝士珍珠米丼， 一上到黎就鋪滿左肥牛驟眼睇仲有好多塊上面有$1芝士未食已經覺得賣相相當吸引， 入面的珍珠米大大粒，配上肥牛獨有嘅醬汁， $78的價錢相當便宜。再叫咗個卡邦尼煙肉煙火腿溫泉蛋天使麵， 係成個貼盤上碟， 配上半熟蛋加上煙肉非常creamy, 味道相當不錯。叫了個小食， 玉子燒，玉子燒相當有份量，口咁偏硬，微甜嘅味道充滿咗蛋味。再叫了個大阪章魚燒，。章魚燒外脆內軟仲見到大大粒嘅章魚喺入面。飲品叫了個橙柳梳打， 酸酸甜甜的夏日來說相對比較開胃比較開胃。小店唔算大， 但食物不錯， 日本野㴝講價錢更不錯，經過荃灣可以一試！

個人認為間餐廳性價比低。本人叫了一個豬肋骨蛋包飯，豬肋骨的肉一點也不彈牙，沒有肉類的韌性。其次，29蚊的加餐，我願稱拒為韭菜餐。烏龍奶蓋中挺，但係所謂燒串不是燒烤味，沙律的菜都苦。 其實加餐質素一般可以接受，但是正餐都難食 真係估唔到。希望店家會審視一下自己餐廳食物質素。我下次應該不會黎