火山燒 (Closed)

我同老公俾門面及餐牌氹左入去。。。叫左一份美國頂級牛板腱火山燒，加$29 跟餐，揀左麵豉湯，雞串，飲品。另外再叫左燒千層安格斯肋腰背忌廉滑蛋珍珠米丼。碗麵豉湯得一粒豆腐仔，好咸，份量少，兩啖飲哂。。。雞串係我食過最難食既，啲肉又硬又鞋。。。飲品揀左特濃朱古力，第一眼望落去外表包裝得好靚，啲cream好味既，我地即刻食哂，無撈落杯朱古力入面。但朱古力部分係奶茶色，完全飲唔出係特濃，味道同普通茶餐廳用粉沖既朱古力相差無幾。（一開始好靚個時無影相。。。）牛板腱啲肉正常，不至於好好味。至於安格斯肋腰背真係唔得，雖然好淋，但專登咬多幾下都無牛味，忍唔住問老公覺唔覺得食極都唔知自己食梗咩肉類？老公都同意，食牛板腱好過。。。最後到碗飯，又乾又硬，真係食唔落。。。賣單約$350，食啲咁既野。。。餐廳外觀幾靚，餐牌都吸引，但難食，食完過一陣仲要勁口乾，不停飲水。。。以後都唔會再去！

朋友話好想食石燒我就提議去火山燒講真以前食石燒真係好貴今次呢間真係經濟又實惠質素又ok我同朋友都揀食牛其實除左牛都有好多選擇的不過黎得緊係試佢既石燒啦我地一個叫左極黑安格斯肋腰背一個叫左1855頂級高腰西冷佢就加錢可以轉set幾好有野飲有沙律有湯有串燒比你4揀3都係$29好抵沙律好新鮮夠晒fresh湯朋友就話不過不失串燒我地大家都覺得好好食4揀3一定係膽正！佢一開始已經比醬汁你幾好朋友個安格斯肋腰背就夠晒淋又好有牛味好正配埋白飯真係一絕我個西冷就有返d咬口都好juicy石燒有度好係自己可控制火候生d熟d自己選擇我覺得女仔就200g都夠食另外反而飲品又好有驚喜我地叫左茉莉花茶海鹽奶蓋茶底清清地配埋海鹽奶蓋好夾以為呢d唔係主力做飲品既會一般反而可以比得上出面賣個d飲品舖頭鮮葡萄巨峰梳打朋友就話好fresh唔係假味d巨峰味又係不錯總結呢度真係性價比高如果想食石燒真係可以黎試下

嚟到荃灣我一定會食依間 火山燒 嘢食大份，價錢平，超啱同囡囡嚟食😍叫了1️⃣吉列芝士夾心豬柳蛋咖喱蛋包飯 $88 豬柳裏面有芝士食起嚟好夾，咖喱又超正，成碟飯比我食晒2️⃣聖安娜安格斯封門柳 200g $128 索到可以自己控制，唔會overcook，啱啱見到東張西望都介紹緊之後 +$29 有沙律，飲品，炸蝦🍤食到飽飽😋😍😍下次經過荃灣都會再試，當日佢唔算好多人，冇人排隊可以直接入去坐，餐廳環境都舒服，坐位都幾多。大家都可以試試

芝士蕃茄比肉丸更像主菜……………焗肉丸 似白烚咁， 正常現成肉丸應該已經調好味，但佢好似用水烚走曬啲味咁，如果係自家手打更應該有味道才是……………..可惜佢啲肉丸完全似白烚無味！飯底還好是炒飯底…….只能靠芝士蕃茄食埋啲飯………………..而且份量偏少！似下午茶啲迷你焗飯，不過慶幸佢份量少，伏一個大飯真係仲大鑊…………….其實之前食其他野都係正常，估唔到食哩個會咁伏！伏到我忍唔住要出評論！!!!!!!!

水準唔差嘅日式西餐而且價錢唔貴😎————————————————————————————🍽餐廳：火山燒 🇭🇰位置：荃灣大壩街75號地舖😋食物：7/10💰價錢：✅雜蘑菇香蒜溫泉蛋天使麵🍝$48🔘每條天使麵都掛滿醬汁😎配搭埋蒜蓉味🤓食完一啖有一啖✅蛋白煎芝士夾心雙層三文治 配極品燒醬豬肋骨🧀$55🔘豬肋骨燒得好入味👍🏻而且肉質夠滑🥺✅蒲燒日本鰻魚粒忌廉滑蛋珍珠米丼🍚$58🔘粒粒米飯都好軟熟👍🏻夾住少許鰻魚同蛋香🤓perfect ✅炭培烏龍茶玫瑰海鹽奶蓋🥛$24🔘鹹香嘅味道🤩仲有一陣清清地嘅花香✅彩虹棉花糖焦糖朱古力☕️$24🔘普通水準—————————————————————————————2人⭕️是次人均消費：$100—————————————————————————————茶餐廳格局但食物水準真係唔錯價錢又合理🥶—————————————————————————————.............#日式西餐 #荃灣美食 #荃灣好去處 #香港美食 #香港好去處 #天使麵 #foodie #foodiehk #foodporn #food #foodphotography #igers #igd

喺荃灣大壩街都幾多野食，經過見到火山燒有石燒牛同蛋包飯都幾吸引，又見排緊隊就諗住試下，排咗一陣就入得，可能因為加埋隔板， 2人位都有啲迫🤔 我哋叫咗兩樣野食，其中一個+$29升級套餐，可以揀濃湯、串燒、沙律或飲品其中三款，我哋揀咗粟米濃湯、串燒同飲品，串燒同湯都正正常常，飲品係炭焙烏龍茶加玫瑰海鹽奶蓋，奶蓋好稀，好快就溶緊落烏龍茶到，偏淡味，但加$29有3樣都抵嘅～•🥢 聖安娜安格斯封門柳 $128呢個係石燒牛，上菜前店員會提供圍裙，避免一陣啲油彈到件衫，幾貼心！👍🏻 封門柳要自己石燒，200g都幾大件，燒到自己鍾意嘅程度就可以切開配飯一齊食，封門柳嘅牛味幾濃，唔會太韌，燒完都仲幾juicy😍 飯面嘅飯素都有啲少🥶•🥢 吉列芝士夾心豚柳咖哩蛋包飯 $88本身對芝士夾心充滿期待，但切開發現芝士有啲少，得中間先有，芝士味都唔夠😤 豚柳都算大塊，炸咗肉質唔乾，但有啲嚡；而蛋包飯都只係薄薄嘅蛋皮包住個飯，唔係全熟，都嫩滑嘅，但太薄😢咖哩就正常茶餐廳嘅咖哩味，唔辣，好食嘅，都夠配晒啲飯～ 飯份量都唔少，好足夠～

餐湯細細碗，很可愛，暖胃得來又不會喝飽。沙律有蟹籽，puchi puchi的口感增加整個口感，配上爽口的生菜，以跟餐來說做得非常好。蘋果冷泡茉莉花茶：清新又不會太甜，用新鮮蘋果，可以吃不只是裝飾。香煎帶子鮮野菌忌廉意大利粉：帶子非常好食，有鮮味而且煎得剛剛好，不會起一絲絲，完全沒有渣。菌也超級多，配菜比麵還要多，抵食。吉列芝士豬豚柳咖哩蛋包飯：芝士做到流出來的效果，豬柳的肉質是比較彈牙結實，整體不錯。

我和朋友在荃灣廣場購物後，便到對面街的「火山燒」午膳。上一次幫襯的經驗不錯，所以今次便不作其他選擇了。餐廳不大，但裝修雅緻，枱面還有花磚的裝飾。我們點了兩個午市套餐和一意大利千層麵。所有午市套餐都跟湯和飲品。麵豉湯不錯，很濃味。“金標和牛肩胛肉眼200g”，特別厚切的牛肉塊在鐵板上發出吱吱響聲，我們小心翼翼地把牛肉切成小塊，然後在鐵板上面慢慢煎。牛肩肉爽口，點上附設的醬汁來吃，特別惹味。“頂級高腰西冷200g"，西冷扒比較肥美，勝在多汁，一口咬下去，滿口都是肉汁。西冷跟牛肩肉比較，真是各有千秋。鐵板燒套餐都配上日本珍珠米白飯和酸蘿蔔。"意大利千層麵”，意式千層麵相當幼滑，茄汁肉醬，再加上特濃芝士，香噴噴，非常美味。“彩虹棉花糖焦糖朱古力”，跟餐加12元一杯的飲品，朱古力味特別香濃，上面蓋著七彩繽紛的棉花糖，非常吸引。這裏除了食物可口之外，價錢還相當大眾化，真值得一再幫襯。

荃灣大壩街是出名的美食街 一條街有齊各國美食 價錢豐儉由人今晚與友人揀了火山燒 日式fusion 菜來食荃灣廣場一過馬路就到 地鐵站過嚟唔洗10分鐘超快睇左門口大大塊menu最想食石燒牛加29蚊 有set 可以揀多三樣嘢食 都經濟實力所以我哋兩個人都揀加錢轉set 我哋叫咗300g 封門柳石燒牛set先上石燒牛配料加圍裙再上set餐前菜跟手就石燒牛啦！300g封門柳 兩個人食剛好 封門柳是牛肉味最濃的部分，全隻牛只有一條，緊貼着橫膈膜，與內臟接近，脂肪不多而肉味濃厚，呢度既封門柳絕對係上乘之選物有所值，值得一試。石燒的好處是你想燒幾熟就幾熟 自由發揮 即燒即食 yummy !另外我哋又叫了豬肋骨滑蛋飯 set 餐呢個餐汁比較多 而豬肋骨都燒得唔錯呢間店無時限可以慢慢傾計都得晚餐每人18x元 也合理

朋友想食燒烤、又想食牛，於是帶他來這兒食店內陳設光猛、新穎雅潔，啱哂我哋呢班年輕人。餐牌中四大類選擇，朋友揀咗安格斯封門柳；我不嗜牛，點了客～鰻魚飯加$29便可升級套餐，四款任選三款，各適其式。套餐之中的沙律、忌廉湯及鷄肉串雖然店家收錢不多，但也落足心機去做，賣相及味道均十分之好。石燒封門柳，肉質嫩滑、牛味十足，借助火山石的熱力，將牛柳慢慢煎，煎到自己喜愛的生熟度就食，自得其樂。賣相超靚的鰻魚丼，一捧上來即聞到陣陣蛋香，撥開滑蛋，鰻魚香氣呼之欲出，再加上蒲燒醬汁香氣，有層次得嚟又好夾。食落更加冇得頂，鰻魚彈牙、燒汁醇厚，珍珠米飯粒粒分明，香糯可口，鷄蛋嫩滑且香，所有材料加在一起，令整碗丼更趨完美。這杯碳培烏龍茶玫瑰海鹽奶蓋，烏龍茶帶炭香之餘，滲出淡淡玫瑰甜味，含海鹽味的鮮奶，覆雜的材料、味道卻簡單，一個字講哂～正。

野食質素同價錢成反比。完全唔知間餐廳雪櫃係咪有問題，逢親肉食啲肉質都淋嘅爛嘅，食緊bb仔肉泥咁。雞肉串明顯係翻叮急凍食材，大把餐廳用微波爐翻熱野食，但起碼人哋嘅食唔出係用微波爐整。同埋湯同蛋包飯上菜果時已經凍咗，睇得出餐廳管理不善。呢餐成百幾蚊食廚餘咁，間餐廳就賺得過癮啦！

近來大壩街成為我們覓食新地方，這般整條街都是食肆，又多長龍餐廳。今天來到火山燒，準備做隻食肉獸。這裡裝修明亮，大部分座位都是卡位，感覺坐哪張枱都ok。本來以為只有肉，打開餐牌發現除了石燒牛，也有蛋包飯、珍珠米丼。聖安娜安格斯封門柳+飯 $128（+29升級套餐）跟忌廉湯，串燒，韓國菊花園蜂蜜牛柳肉味香濃，肉質軟腍，石燒可自行控制熟成度，三成八成熟也可。剛上枱的時候石板很熱，油會四圍彈，好在店家主動提供了圍裙，白T-shirt safe。聽說封門柳即牛橫隔膜肌肉，每隻牛只有一條，值得一試呀。吉列芝士豚柳咖喱蛋包飯 $88（+29升級套餐）跟麵豉湯，串燒，凍華田蛋包飯份量足夠。半熟紐紋蛋很滑又不會太熟，有蛋漿，加上從不令人失望的日式咖喱配珍珠米，可媲美蛋包飯專門店質素。跟餐的串燒和湯

友人點了烏冬，我點了咖喱蛋包飯，但我們二人都同樣點了夾心芝士豬扒，但味道令人失望。蛋包飯外表漂亮，但吃一口便覺飯米太硬，剛剛過水熟，咀嚼費勁；咖喱汁正常，但略嫌少了一點，不足拌飯；蛋有牛油香，是整個飯最好味的部分；豬扒普通，芝士非常少，差點吃不出有芝士，有點失望。午巿套餐包了一杯飲品及餐湯，餐湯為麵豉湯及忌廉湯，味道不錯，反而主菜失色。

火山燒💛雜蘑菇香蒜溫泉蛋天使麵 $59野菜天富羅湯烏冬 $55香燒雞扒咖喱蛋包飯 $59凍檸檬茶 +$3彩虹棉花糖特濃朱古力 +$12茉莉花茶海鹽奶蓋(少冰) +$12(送湯 可以揀麵豉/忌廉)-雜蘑菇香蒜溫泉蛋天使麵🍝睇落去佢冇乜汁本身以為佢冇乜味啦點知又好出奇咁有味喎🤣伴隨着啲洋蔥 香蒜好香🤤側邊仲有啲類似沙律菜同埋唔同嘅好多蘑菇👻天使面嘅質感啱啱好食落去feel到條條分明🤤．麵豉湯一般啦不過入邊有幾粒豆腐不過冇昆布🥺·熱朱古力偏甜不過造型係幾靚嘅💁🏻‍♀️·茉莉花茶海鹽奶蓋花茶係幾香😋不過好難同時間飲到個奶蓋同花茶🥲個奶蓋偏鹹因為海鹽🤣自己好似講緊廢話咁不過冇記錯 啲奶蓋好似唔會話太creamy·另外呢兩個係我爹哋媽咪食嘅👆🏽-好啦 我逃避咗好耐出post💁🏻‍♀️10/7 eat唔知點解 當日好似有浸坑渠味之後佢哋就噴咗啲香嘢 定唔知開咗啲乜嘢Sls🤣-好味程度：🌕🌕🌕🌑🌑抵嘅程度：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌕🌑

🍴照燒泰國無激素雞扒咖喱蛋包飯 78 蚊🐥🍚好靚既蛋包飯 蛋整得幾香滑 入面既飯熱辣辣🔥 咖喱同日本咖喱一樣帶 d甜 同軟飯好 match而佢既雞扒大大塊 皮夠爽彈 雞肉都夠嫩滑🐥 連埋咖喱 蛋 飯一齊食都好好味 🍴原條蟹柳頂級牛板腱68 度温泉蛋珍珠米丼 108 蚊紫菜木魚點綴 珍珠米整成既丼飯好煙韌彈牙有口感 有兩條好長既蟹柳 幾香甜有口感🦀 牛板腱夠哂足料 帶 d燒汁 牛肉幾煙韌 係比較有牛味嗰 d最後仲有半熟既温泉蛋整爛佢 用蛋皇蛋白撈飯🥚好食 🍴升級套餐 四選三 29 蚊放棄沙律 有忌廉湯或麵豉湯🍛都整得唔錯雞串燒🐥 帶 d照燒味 雞肉都算彈牙同 任何飲品 1.炭培烏龍茶玫瑰海鹽奶蓋🌹🥛奶蓋 帶 d芝士香 滑程度適中 仲有海鹽既咸味 烏龍茶茶味偏濃帶 d甘香 連埋一齊飲甜甘配搭得唔錯 👍🏻2. 彩虹棉花糖特濃朱古力🍡🍫朱古力味好香濃 再加上棉花糖裝飾 幾美觀#西餐 #日本菜 #珍珠米 #牛肉 #雞扒 #蛋包飯 #烏龍茶 #奶蓋 #朱古力 #咖喱Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor