侘寂珈琲 (西九文化區)

Open Now

Now Closed

每到夏天我要去海邊海邊有間咖啡店其實海邊的咖啡廳如果有足夠的冷氣就已經很加分了叫了coffee tonic爽快的感覺咖啡與tonic的比例很好唯一要挑毛病的地方就是不太凍

入邊可以望到海邊，而且仲可以睇到日落，呢一個係窗邊嘅枱嚟嘅，不過啲陽光就會曬住囉入邊食嘅時候，夏天嘅時候會覺得有啲熱啊，間餐廳其實冷氣又唔算太大嘅話。其實西九呢間野餐廳好係好在近海邊環境好優美同寧靜咁樣，至於嘢食就一般啦。鮭魚意大利麵蒲燒鰻魚意大利麵章魚小丸子

今日帶個朋友去西九文化中心，佢未去過，而我就去過未食過入面嘅餐廳。嗰陣兩點幾，所以就諗住揀間Cafe入去。經過呢間，望望Menu覺得OK就入咗去。其實呢間cafe，環境幾好，望到海，但係嘢食真係好難食。我嗌左個三文魚意粉$128，真心唔誇張，係我食過最差嘅意粉。成碟意粉根本就係過完冷河直接放落去，之後上面加三文魚，意粉係沒有任何汁。而且三文魚好鹹。我問過侍應，想問呢個意粉係冇汁㗎？佢話係，我叫佢換過碟。佢同我講，叫廚房整啲汁俾你。之後就俾咗一碗，好希好似水嘅汁。最後，我食咗一啖三文魚，成碟冇食到，之後走左。劣食，以後唔會再去，亦都唔會推介任何人。

今日去圓方買野，商場嘅食店一係之前食過，一係太貴，所以就一個人行去西九海濱長廊搵野食😋天氣唔係幾好，落住毛毛雨，所以人流好少，睇左幾間都係覺得呢間最岩feel😌負責帶位個男侍應幾靚仔😍好有笑容，把聲好溫柔又幾有禮貌👍🏻即刻加分+++!!入座前已經同我講有最低人均消費$80同有限時，不過我黎之前都有睇過menu同都冇打算坐得耐，所以同佢講ok就入座了🙂餐廳有得揀outdoor or indoor嘅座位，出面天氣麻麻地冇咩景睇所以我揀左室內🤔啲位算隔得疏，感覺都幾舒服👍🏻Main揀左明太子意大利麵 ($98) - 賣相同味道ok，食得出明太子味，唯一係覺得太creamy，有啲黏口嘅感覺😂就咁食唔飲野應該唔得～飲品揀左Dirty ($52) - 出面比較少見到有😀不過黎到反而有小失望，雖然外觀上係做到好靚嘅分層同漸變嘅效果，但以呢個價錢黎講算細杯，同埋咖啡偏酸，唔太岩我口味

星期日早啲起身去西九文化區，可以有位泊車同埋餐廳有位坐今日唔曬天氣幾好，附近有好多狗狗行嚟行去好得意餐廳風格、口味幾日式🇯🇵坐外面幾舒服，好乾淨有瓦遮頭，唔會好曬好熱、有啲風吹，涼涼地！幾正可以再嚟！個景又靚🤩pizza雖然唔似Pizza但味道都OK $88凍Latte咖啡細杯左啲🤏$52但係好香烘焙味😋好飲！🅿️原來用電子消費有泊車優惠，B1整，泊B2有lift搭👍🏻🐶不過餐廳唔可以帶狗

上次介紹完cafe☕️ 如果係西九餓了點算好? 一於試下呢間喇🥳餐廳落地玻璃窗設計🪟 完美飽覽成個西九海傍景色🤍 餐廳明顯闊落過上次既cafe 大部分座位可移動喔😇 室內環境日式文青風 打卡之餘 仲可以睇展品食物方面試左唔算多🙈 唔係特別驚喜 不過餐廳有西式同日式食品 種類都幾多 值得試既😌✦ 黑松露蘑菇意大利麵🧆味道幾好 黑松露味重 份量剛好 夠多汁🤩✦ 鮭魚意大利麵🍝有少少失望 意粉比較淡 醬汁唔太夠 三文魚係碎既 份量亦唔多🙈 希望下次試其他會好啲😇

小編對咖啡既認識真系吾多👉👈，而且系少之又少會出去飲，大多數都係朋友話去飲先飲🤣，但系呢間啲咖啡都系我可以接受既咖啡苦度，吾會太苦易入囗，今次亦都系我第一次飲Flat White，個人認為覺得仲好飲過Coffee Latte🤔，但係可以坐系西九文化區咁舒服既環境，而且個度仲有好多狗仔🐶🐕，最後cafe既服務態度都係好親民👍仲同我地有講有笑添🤪

泥到西九 有乜可能唔飲咖啡睇靚景😏😏我叫咗杯凍long black 不過都幾細杯😶🤣 個咖啡豆味道夠出 比較酸 不過幾清嘅木味😂😂😂如果唔介意咖啡酸d 可以不妨試下

感覺幾舒適, 所以入左去...野食麻麻, 其實都消費左過百蚊一個人頭...(最底消費80蚊)但感覺唔太喜歡人坐係鋪頭...明明平日都唔多人~鋪頭大把位..唔知戈個係咪老闆, 有趕客feel~但樓面兩個員工感覺好nice~唔會再去~又唔比坐得耐, 野食又唔特別好食, 重要唔係平~

肺炎疫情持續，不但未有受控，反而愈演愈烈，沒完沒了，一向熱愛旅遊的香港人不能外遊減壓，只可留港消費，每到假日，郊外更是人山人海，比市區還要熱鬧，其實即使身處鬧市之中，也有不少地方既可欣賞美景，又能避開如鯽的人潮，西九文化藝術區正是這麼一個所在。即使在周末，這兒的公園範圍也不算太多人，大片的草地正對著美麗的維多利亞港和對岸的高樓大廈，在這兒找一間坐得舒服的咖啡店，喝杯咖啡，實在不錯。這天我光顧的，是來自日本的「侘寂珈琲」。「侘寂」，根據店內餐牌的解釋，是「一種日本傳統的美學，對美描繪成一些簡單、低調、不華麗、不完美，甚至不完整的形態。所有美，無論人、物及大自然陳是來得短暫和不完美的」，所以「侘寂珈琲 喫茶希望透過咖啡和簡單的美食帶領客人到一個簡約、自然而不完美的空間，無拘無束地互相交流和和分享咖啡之餘，亦在這短暫的『一期一會』中去珍惜與你相聚的人......片刻寧靜，始於侘寂」。看這咖啡店的陳設，的確合乎簡單、低調、不華麗的特點，不過店內的環境，可是簡單得來舒服，座位與座位之間的空間闊落而不侷促，店外的座位，更可近距離與不遠處的綠油油青草地接觸、親近。我的 Iced Coffee Lat

看到朋友都在西九文化區渡過了一個又一個的閒日，我也一直很想來看看。這天天氣很好，藍天白雲，陽光普照，來跟朋友一起散散步，看到大草地上一個又一個的家庭在耍玩，樂也融融。海傍這幾間餐廳人也挺多的，我們選了這間日式西餐廳。餐廳環境很愜意，自助型式點單盛水。雖然也排了很久才能入坐，但坐下後就是一番悠然。他們沒有時限，我們便吃著吃著，聊著聊著，就一個下午了。我點了自己最愛的鰻魚。一般都是鰻魚飯的，而這裡則是配意粉，正合我意，因我本來就是較喜歡吃意粉的。份量和味道均讓人感到很滿足。原條鰻魚淋上惹味的鰻魚汁，這裡沒拍到，但意粉實在也是滿佈鰻魚汁的🍝😋，最後蓋上日式炒滑蛋，吃得我津津有味。近來在省錢的我，就沒有點咖啡來試了，因為價錢也不算便宜。

早前一家人到西九文化區打卡影相，發現原來那裏有幾間幾有特色嘅食肆，打卡之前我哋就揀咗其中一間坐低醫咗個肚先，呢間日式西餐，裝修簡約。職員都好Nice，原本室內無位，唯有坐外邊嘅座位，不過有啲曬，在職員協助下，很快便能安排到室內座位👍我們點咗幾樣嘢：黑松露什菌意大利麵🍝：黑松露好香，素食都可以好好味😋西京味噌鮭魚🐟意大利麵：醬汁好味，三文魚如果多啲就更好，亞女都好鍾意食和風芥末吉列豬扒配薯角🍟：吉列豬扒、薯角都好香脆，但不會太乾，配埋個芥末醬，啱啱好👍雖然價錢不算平，但有環境、服務都唔錯，下次再嚟戲恒下其他幾間食肆先！

📌 侘寂珈琲 • 喫茶~尖沙咀每次嚟到西九文化區都人山人海🤭基本上間間餐廳都坐滿人🤯今次嚟到呢度野餐 就諗住嗌杯咖啡試吓見呢間相對上冇咁多人就入咗去～裝修走日系簡約風 主打日式茶館料理亦有介紹喫茶文化🍵店員都有介紹咖啡 態度不錯吹住海風飲杯咖啡真係好嘆😌仲可以睇住日落 同狗仔玩下🐶1️⃣ 𝗜𝗰𝗲𝗱 𝗖𝗼𝗳𝗳𝗲𝗲 𝗟𝗮𝘁𝘁𝗲 $𝟱𝟯 (𝟱.𝟱/𝟭𝟬)賣相幾靚 有漸層嘅效果😍咖啡帶有微微嘅果酸感份量偏少 沒有咖啡的香醇味☕️口感尚算順滑 味道普通🤔2️⃣ 𝗖𝗼𝗹𝗱 𝗕𝗿𝗲𝘄 𝗧𝗼𝗻𝗶𝗰 $𝟲𝟯 (𝟲.𝟱/𝟭𝟬)呢杯相較上比上一杯好飲啲😂賣相一樣有漸層嘅效果但係裝唔滿 詢問店員之下佢哋話份量係固定左俾咗呢個價錢但係裝唔滿真係有啲失望😅Cold Brew加上Tonic Water幾好飲雖然味道不錯 但性價比超級低😓💡整體嚟講 咖啡味道無驚喜😩略為失望 價錢偏貴💸經過可以試吓 但唔使專登去啦🧐✨✨✨✨✨✨✨✨✨✨✨✨整體味道😋: 6/10性價比💵: 5/10 打卡指數😍: 8/10 環境服務🥂: 8/10 推薦指數👍🏻: 5/10✄-

假日好天氣，同閨密行下西九龍文化區。🌞相比起周邊其他café同餐廳，依間主打日式裝修既咖啡店係比較少人排隊，排左20分鐘左右入得🐙明太子章魚丸章魚丸內餡唔太足料…入面得1小粒章魚粒，其他都係麵糊🥴，明太子醬適量，咸香🍟黑松露薯角薯角炸得唔夠脆口乾身，似焗多過似炸。黑松露醬唔夠香唔算濃郁☕️Latte & Flat White咖啡偏淡口，少酸，我地叫左Skim Milk，相對奶味冇咁濃，飲落口感亦比較薄身啲整體黎講，如果唔係間間條隊都咁長，其實唔會揀佢，價錢亦都偏貴，唔多抵食🤪 唯一可取佢開正係海傍，影相打卡呃到like既~不過我見到好多朋友仔話佢地服務態度差，又會鬧客，我反而覺得佢地幾有禮貌，而且幾貼心，係咪因為已經炒左有問題既同事呢？

🌍今年天氣特別好，唔知係咪因為少咗飛機嘅炭排放呢✈？呢啲天氣真係好啱野餐，西九啱啱開嘅時候嚟過一次，印象中只係一大遍草地，今日嚟完全唔同晒，多咗好多餐廳，又有單車租，飲水機……設備真係好完善，唔怪得咁多人嚟野餐，遛狗🐶🐱，真係好寫意。旁邊有幾間餐廳，大部份都有outdoor位置，好舒服，喺門囗睇下menu, 最後揀咗呢間，想點杯咖啡同小丸子，入去order , 其實餐廳裝修都好靚好文青🌿，不過我地帶咗野餐墊而且唔想嘥咗咁靚嘅天氣所以都係決定唔坐in door，原來take away 餐廳只做飲品唔做食品，咁我最後只點咗杯mocha ，mocha 都有啲貴，HKD63, 唔太大杯，味道同某集團差唔多，不過不失，不過侍應好有禮貌同效率😉, 所以整體感覺都幾好👍