Video
4-min walk from Exit A2, Sai Ying Pun MTR Station
continue reading
Additional Information
招牌菜式A4級 和肉
Above information is for reference only. Please check details with the restaurant.
情人節過了 但聽說仍有情人節套餐售賣計算起來 套餐比分開買的划算爸爸最愛吃牛扒 所以不如點個套餐和家人試試吧買了一個情人節套餐一試($328- 美國安格斯牛扒+帶子/老虎蝦)雖然很想買＄780 的日本A4級和牛 不過有點怕中伏 所以還是先個最便宜的一嚐吧!在網上購買後的第2天 已經收到他們的電話 問套餐想要帶子還是老虎蝦十分快速 另外還會詢問送貨時間 盡量配合顧客在家的時間 實在不錯有一個袋子印有精肉店標誌盛載著一個盒子以下就是我所購買的情人節套餐($328- 美國安格斯牛扒+帶子/老虎蝦)之前也會擔心在家煮的味道跟出外吃的不同畢竟我們也不是”有經驗”的廚師(大家都懂的! 哈哈..)不過精肉店也很貼心地附上解凍及烹調說明書不懂解凍 不懂怎樣烹調 怕用錯方法浪費了食材?不要緊 說明書能將你的疑團全部解開這份詳盡的說明書實在加分不少我照著說明書的指示 解凍牛扒和帶子我們不是吃什麼蠋光晚餐 又沒有香檳 紅酒簡簡單單的煎牛扒 打算大家一起分著吃把牛扒浸在水中 30分鐘換水一次 大概一小時 牛扒就能完全解凍之後把牛扒放在吸水紙上 吸去水份打開灶爐, 放下牛扒(記住要轉至細火,不然表面很容易燒焦)每隔15-20秒 把牛扒翻去另一邊 (十分隨心!)因為家人最近腸胃炎 所以決定把食物的煮得比較熟 以確保食物熟透牛扒煎好後 用碟子盛牛扒 隨即把帶子落到鑊中煎由於帶子太大隻 所以我們把帶子一開二就算一開二後 帶子仍然好大顆 足料!!把帶子每個表面煎到金黃色 就差不多成功了!!看過一些食評的介紹 看到煮好牛扒後先不要立即切開我們也跟著做 稍息一會 才把牛扒切開 切成條狀牛的肉質很好 肉味濃郁 不加鹽已經很有牛的味道家人都大讚好吃 下次再有套餐會想試試 A4 日本和牛西冷更值得一提的是精肉店的帶子, 我把帶子輕輕煎熟帶子十分軟身 雖然煮熟了 但仍然很有鮮味齒頰留香 實在好味得沒話說!對於不常入廚房的我 精肉店令我對自己的廚技增添不少信心!
continue reading
這間「精肉店」，因為是一間位於西環商廈內的進出口食品貿易公司，所以所有經手的食材，全部都是透過網購形式來做生意的，讓幫襯的顧客只需撥個電話，便可上門自取，又或是由專人把食材送到客人家中，十分方便 。為了讓更多人知道它，所以「精肉店」在前陣子舉行了一次特別的試食會，邀請了多位食友試食它從日本北海道進口的「富良野A4和牛西冷」和從本州進口的「千葉縣黑豚肉豬扒」，一試它進口的優質日本牛扒和豬扒，而自己，也有幸獲邀 。這次試食會是特別的，因為「精肉店」並不是一間食肆，所以試食的地方，設於同樣位於西環的一間餐廳 One Stop Ristorante & Bar。而在這一夜，我們除了品嚐到「精肉店」為我們準備的「富良野A4和牛西冷」 和「 千葉縣黑豚肉豬扒」外，還嘗試了數款 One Stop大廚烹調的菜式。先說牛扒，這晚的和牛西冷來自風景優美的北海道富良野，富良野一向以夏日裡七彩豔麗的薰衣草花田吸引無數遊客到訪 ，出產的牛奶也十分有名，原來這兒的牛隻因為在廣闊開放的環境下放牧飼養的關係，肉質特別纖細，油花比例亦重，令人充滿期待 。這天的A4和牛西冷，共有兩款，分別為厚切和薄切。兩者之中，以厚切較佳，口感較為實在，肉味亦較為濃郁，外層雖已烤得深褐色，裡面仍然粉嫩鮮紅，肉質幼嫩，肉味豐厚。A4和牛，確是佳品 。不過薄切則可能礙於肉地較薄的關係，肉味未如厚切般濃郁，相對厚切感覺較為遜色。以半開放形式飼養的千葉縣黑毛豬，是這天和牛西冷以外我們試吃的另一款扒類，伴以蘋果醬同吃，感覺都不錯。黑毛豬扒的肉味比一般的豬扒來得濃郁，肉質雖烤得有點乾，不夠軟熟，幸好問題還不是太大。始終，這可能只是餐廳大廚一時的小失誤，與豬扒本身的肉質無關。這豬扒給自己的感覺，還是正面的 。這天的豬扒、牛扒比拼較量，就自己的感覺而言，來自千葉縣的黑豚肉豬扒，是比薄切的富衣野A4和牛稍勝的，但最好吃的，仍然要算厚切的富良野和牛西冷，確是質優味美 。同枱的三位女食友，雖然可能因為胃納較少和不想吃得太多紅肉的關係，剩下一部分西冷牛扒沒吃，但我與另外兩位男食友卻老實不客氣地把她們沒有完全消受的牛扒照單全收，伴以紅酒同吃吃得不亦樂乎呢 ！要是你對「精肉店」的進口食品有興趣的話，不妨登入它的網站 www.WagyuDoorToDoor.com看看，除了和牛與黑豚豬外，它還有不少進口自外國的海鮮、肉類，好像北海道刺身帶子、越南老虎蝦、紐西蘭羊架等供應，價錢合理，你大可以在揀到心頭好後，買回家中一展廚藝呢！
continue reading
經朋友介紹先知道原來有間外賣速遞食店, 見到friend 分享d相搞成到自己都心思思想試下. 終於新年前見到佢出左個$500 4人套餐, 於是買返黎試試同ma 屋企人一齊慶祝新年, 因為新年太忙而家先有時同大家分享 個promotion package 有免費送貨, 最適我呢d懶人 送貨時間好准時仲早左幾分鐘添! 所有食物放矖係個盒裏面, 仲有包保冷包係裏面 成個$500 package 總共有4款食物: - 4塊美國安格斯肉眼扒（每塊9 - 10盎士）或 2份紐西蘭羊仔扒(每份7-8支骨、約19盎士) - 4隻越南老虎蝦（約400克、約16-18cm長） - 1包北海道刺身級帶子（每包約7隻、約重300克）- 1個配料及工具套裝 (喜馬拉雅粉紅晶鹽、解凍用吸水紙及煮食指引)除左食物之外, 盒裏面有張煮食指引, 就連初學者都可以得心應手煮到一塊靚牛扒! 但係我已經唔係初學者, 所以要用進階式煮法!我睇左段video 廚藝界的大師 Heston Blumenthal 教點煎一塊完美既牛扒, 想睇段片我可以PM 你 (我真係做定功課嫁) 依照大師教路, 應該等到個鑊燒到最熱既時候先放塊牛扒去煎! 咁先可以煎到牛扒外脆內軟,而肉汁又鎖係塊牛扒裏面 牛扒每格15至20秒就反轉牛扒一次, 直至牛扒中間至55 度(5分熟)就可以上碟!!!最重要既point !!: 煎完既牛排千祈唔好馬上食!! 要靜止5分鐘否則當你切開塊扒d肉汁就無曬 (個中原因個video 我都唔知點解釋, 但係個video有教)我自己比較鍾意濕而有汁既牛扒, 所以自己特制蘑菇汁!! 我技術都唔錯, 岩岩好煎到5成熟, 肉質岩岩好!!咁大舊既帶子當然生食先食到新鮮既味啦!好新鮮既帶子, 大大塊超有口感!!至於蝦方面, 由於太大隻(仲長過部i-phone)比較難煎, 所以決定用蒜蓉焗開邊蝦!!!焗既好處就係蝦可以鎖係肉身裏面, 煮完拎出黎未食都已經流曬口水...嗰晚成家人都食得好開心!! 呀媽都有讚我煮野食有進步! 一定會再幫襯過!!
continue reading
轉眼間已經踏入2014年了，年頭的月份象徵著期待的大節日農曆新年，情人節也快到了 想要在特別日子大展廚藝的時候，奈何發覺節日的食材的價格總是往上飆！這次謝謝食友和公關，讓我認識了一間以合理價格售賣優質肉類的網上商店，選購以後安坐家中，肉品就會直送到家，既省錢又方便，節日好幫手～到家的除了有以真空包裝的肉品，還有用來解凍的吸水紙，調味的喜瑪拉雅山粉紅晶鹽，說明書及煮食指引，非常貼心，就算是烹調新手也會容易掌握，不會白白浪費了食材 這晚試吃的有港人近年大愛的和牛和黑豚扒。當中的和牛是來自北海道的富良野，溫暖的夏日和涼爽夜晚，使其出產的和牛品質掛了保證；和牛更是通過檢測後才批准出口，並無輻射，是美味又安心。A4日本和牛西冷和牛分薄切和厚切，油亮油亮的，輕輕的煎成外皮金棕色，內裡還保留粉嫩的粉紅，很為吸引呢。厚切的西冷入口散發著濃濃的脂香和肉香，但又不會過於油膩；肉質細緻軟腍，咬下還有豐盈的肉汁噴出；由於是厚切的關係，吃的時候更有口感，感覺也更為滿足，喜歡呢。薄切的西冷肉質也夠軟嫩，但筋的部分較多，所以更有嚼勁；瘦的部分肉味比厚切的更重，不過個人還是比較厚切的呢。日本千業縣黑豚扒店家讓黑豚扒切的厚身，表面還有烤過的格格紋，很有在外國燒烤的feel～很多時候黑豚扒給人一個乾柴的印象，但這個完全不會呢，反而外皮帶脆，肉質鬆化多汁，沒帶半點豬羶味，一吃就知道來貨優質，不比和牛差，非常的可口，推薦呢。旁邊酸甜的蘋果茸配著吃對味又解膩，在家也可以試試這樣的吃法！
continue reading
依家入廚真喺易咗好多，早前試過食材網購概念店Secret Ingredient自煮晚餐，輕易就做出有板有眼、似模似樣嘅4道菜西式晚餐。如果喜歡鋸扒，咁網購商店「精肉店」嘅產品就啱晒你，因為佢哋精挑優質精肉，又直接從生產商進口，免去中間人費用，又有送貨服務直接送到府上（當然你都可以選擇親自提貨），足不出戶就嘆到，細嚼靚肉可謂近在咫尺！日本和牛較多聽到嘅產地都喺佐賀、宮崎、神戶、鹿兒島、飛驒，雖然店方主打都喺日本和牛，但據介紹，對頭拍檔單位喺北海道空知郡上富良野嘅谷口農場（http://furano-wagyu.com/taniguchi-farm/index.html，網頁只限日文），北海道唔止風景秀麗，畜牧業亦有一手，北海道牛乳已喺街知巷聞嘅土產，易化多汁嘅富良野黑毛和牛更不容忽視。其實，店方產品又豈止和牛，就算和牛都有多個部位選擇，基本煎扒嘅如西冷、肉眼，其他做火鍋嘅仲有牛肩胛、上腿腱、後腿外側……等，此外，美國安格斯牛、日本千葉縣黑豚、西班牙杜洛克黑豚、北海道鮮帶子、越南虎蝦、紐西蘭羊架……等等，唔散買亦有套餐可揀，總之就全部都喺嚴選靚料。既然精肉送上門等閣下大顯手，「便捷」自不然先行。每樣食材都急凍直空包裝好晒，仲附送吸水紙和喜瑪拉雅山粉紅晶鹽，前者喺解凍牛扒時吸走多餘水份嘅好幫手，而後者源自天然無污染喜瑪拉雅山古石脈，咁先令啲優質精肉發揮更好。吓！唔識解凍，又唔識煎扒？無有怕，因為盒內俾埋兩張小秘笈（說明書），教埋你點解凍同點煎扒，好想快啲食，揀1小時快速解凍法就得，唔心急嘅，用隔夜解凍法又得，後者更喺店方嘅理想建議做法；而煎扒方面，選家庭式煎法又得，專業廚師煎法都得，得咗，仲有個溫馨小貼士，透過用溫度計檢測牛扒中心嘅溫度，就可做到生（45ºC）、偏生（50ºC）、半熟偏生（55ºC）、半熟（60ºC）及全熟（70ºC）效果，真喺我要做廚都未必喺難事！今晚，唔使落手落腳，毋須解凍，更毋須入廚房煎扒，就試到多款精肉，因為老細搵咗相熟開餐廳嘅老友，借咗餐廳一角嚟招呼我哋。A4日本和牛西冷為咗品嚐到唔同嘅口感、肉味、油脂，刻意將西冷以厚切同薄切嚟處理，眼見面前大大碟和牛西冷，煎得香噴噴，又點會唔食指大動吖！題外話，咁A4意思又喺乜？曾幾何時睇雜誌介紹過，日本有嚴格規定，評得A級表示隻牛去骨剔筋後有72%以上作成食用部份，而再根據雪花密度、色澤、肉質鬆緊及脂肪顏色由低至高定為5級，所以A5級可以話和牛中最頂級。店主解釋棄A5而取A４，因為覺得煎出嚟肉味與脂肪喺最平衡。薄切和牛西冷薄切嘅牛扒大概1/2吋厚，因為已煎熟，無機會睇到真物油花嘅分佈，不過，從入口嘅感覺，大概感受到滿口油香，又富肉汁，雖唔似美國牛咁濃郁紮實，但肉味實在不俗，而肉質鬆軟細緻，喺另一種口味嘅選擇。厚切和牛西冷厚切又如何呢？厚切嘅牛扒大概3/4吋厚，因為厚身，較易煎到肉心仍帶有些微血水，外層亦煎得一流，散發著肉香。入口同樣油香豐腴，但唔會覺得肥膩，跟薄切最大分別，更富肉汁；其實，肉味一樣不俗，仲因為大啖大啖食，味道感覺更香更濃，不過，美中不足喺筋膜較多，影響口感。日本千葉縣匠味黑豚算小弟見識少，匠味豚依個名字都喺第一次聽，嚟自千葉縣嘅匠味黑豚豬扒，據老細介紹，喺取自近腰部位，貪其肉質細緻鮮嫩，而且匠味豬本身肉味豐富，鬆軟多汁，實在好期待。老細實在睇得起我哋，預備咗3大件匠味黑豚豬扒，燒得賣相一流，食落真喺估唔到咁軟腍，果然細緻鮮嫩，而且肉味勝預期，又唔會有豬臊味，再配以大廚為依道豬扒所製作嘅蘋果蓉，實有畫龍點晴之效。富良野和牛晌市場上較罕見，老細家族又專營世界各地急凍食物，與谷口農場喺老拍檔，所以和牛定價可以比超市平兩成左右，如鍾意日本和牛，又喜歡久唔久落下廚，真喺不妨一試！
continue reading