牛摩+ (沙田中心) (Closed)

星期六下午嚟食火鍋放題，揀咗最平嗰間餐，每位$109+$10假日，有加一。呢個餐係只有雞肉同豬肉，仲有類似花枝丸嘅嘢揀，同埋牛摩飯，都任食，手機落單，好快送到。另外佢嘅自助吧有好多款菜、丸、沙律、配菜揀，都幾豐富，同埋有白飯，仲有飲品同雪糕任添。手摩飯係加咗肉燥，味道有啲太濃，唔係好夾打邊爐。湯底就揀咗豬骨湯同埋養生蟲草花雞湯，都好濃郁，唔洗點加豉油都夠味。整體嚟講算唔錯，環境幾舒服，不過係貴少少。

今次叫左HKD122 (假日+10$）💵💴牛肩位套餐🐄🐂 會員仲有95折👀 日式放題黎講價錢相對便宜🙂🙃價錢都反映質素😉😂 牛肉質素比已前進步🧐 已前曾經食過逆紋嘅真係放唔入口🤮🤢 今次望到啲牛正常返啲（ 起碼冇逆紋）但相比起同類型「牛陣」👹「牛摩」👺就一般了👀其他配料方面種類甚少🥱有提供基本4-5種菜🥒🥦🥬栗米🌽菇菌類及其他丸類🧐想食下平時嘅響鈐生根都冇😭 飲品種類唔算多🧐

放工經過沙田突然間想食火鍋，諗起朋友之前介紹沙田有一人一鍋好平好抵食，就諗住嚟試吓，有好多個套餐可以揀，最後揀咗個美國牛小排套餐，有牛肉豬肉雞肉，佢嘅牛肉好好食！墨魚滑都好新鮮，出邊有自助吧可以自己拎菜同埋一啲丸。另外又有壽司同前菜🤩湯底就揀咗壽喜燒同埋蕃茄湯底,壽喜燒依然會有一隻生雞蛋，配搭牛肉食真係好好食，最特別係佢有沙冰🥳無限咁樣飲,食完熱辣辣嘅火鍋配一杯沙冰好正！打邊爐任食，價錢嚟講都算唔錯推薦食牛肉，牛舌都好正

最近想打邊爐，路過沙田牛摩，就入去試一試因為朋友唔食得辣，見到佢係一人一鍋，就岩晒我地! 湯低口味都幾多選擇，最後叫左麻辣鴨血湯同豚骨濃湯。打邊爐配料選擇都幾多，除左一般打邊爐必備的蔬菜和各種丸類，仲有壽司同冷盤前菜，可以食住黎落單。至於套餐方面，我地選擇左美國極品牛小扒海鮮四點盛，其中最中意的食物: 牛小扒, 娃娃菜, 牛丸, 海蝦, 泡芙, 麻辣湯包，特別係牛小扒，牛肉肉味濃，脂肪分佈亦好平均，切得又夠薄，涮幾秒都已經食得，食完一碟馬上要encore。另外海蝦大大隻，好鮮甜爽口。飲品方面: 沙冰, 汽水機, 咖啡茶都有，款式都不少仲有雪糕機 (朱古力味)，甜品都有幾款選擇。$309 任食美國極品牛小扒再加海鮮 真心幾抵食 岩晒牛魔王 而且服務都幾好, 經常幫忙加湯，送菜速度都幾快，仲要係用QR CODE落單, 好方便阿! 下次有機會都會再去食~~

今日lunch吾知食咩好，冇試過午餐食放題就入去試試，想食好啲就點左中價啲慨餐，個餐包括有美國和牛、牛舌、黑毛豬、墨魚滑、鴨血等等都幾多選擇，另外自助吧有多款菜、丸、沙律、甜品選擇😋😋😋，但因為我係一個人食，所以冇點晒所有食物，只點左幾款我比較鍾意的食牛肉、墨魚滑、牛舌，食物都吾錯😋😋

今日路過沙田，見到牛摩+。好耐冇食打邊爐了，就決定食佢啦佢地係在門口落單然後再安排位置的。我就聽店員介紹撿佐$269的極品牛小排海鮮放題，湯底撿佐壽喜燒配鮮雞蛋店員表示頭盆會幫我上住美國一份黑毛豬，牛舌及海鮮，如再需加單可以掃QR code自行落單。佢舖頭唔算大，但配菜種類都算齊全，也都有我鍾意的沙冰同泡芙。入座後幾分鐘，店員就上齊曬d嘢啦。速度都算好快。上黎的牛小排真系驚艷到我，雪花好均勻，入口即化，十分嫩滑，配上壽喜燒同鮮雞蛋，簡直一絕黑毛豬及牛舌的表現都不會遜色。味道都好濃郁。中途店員上黎表示，我的餐包埋2款牛丸同墨魚滑。味道獨特，可以嘗試一下。咁我當然要試一試啦。佢個蟹籽墨魚滑真係唔錯，十分彈牙。最最值得讚揚的係個牛骨味牛丸。味道真系驚艷，牛味濃郁，口感彈牙，回味無窮最後用小小甜品及一杯北海道乳酪結束今日的戰鬥據店員說乳酪也是牛摩的一大特色最後仲有個小小的驚喜，埋單時，店員話星期一至五惠顧90分鐘放題會有免加一真係物超所值！！大大大滿足！

同女友行哂沙田幾個商場🤣🤣，行完就搵方食dinner，見到呢間唔多人等，又任食一人火鍋，就拎籌等下。不過都等左好耐，4-5個no都等左半個鐘😱😱😱入到去都8點3-4☹️☹️入去點左要咩價錢既牛同要邊款湯，問題係我地想要既湯都話賣哂，要叫其他湯。咁黎既野都好快，不過份量同我地叫既好似有啲分別，出面既食物亦比較小，冇咩有特色既野，烏冬比較粗同硬，。甜品櫃得半個，亦似買返黎既，得2-3款。雪糕機9點左右比人枝完唔會加，咁我呢啲8點幾入去食既人，一係就一早食，一係就冇得食，好自然我係後者。本身都覺得呢間啲牛都ok，但係因為其他食物及甜品選擇太小同冇哂唔補充返，分數大減，下次黎沙田，應該唔會再食呢間

📍 牛摩+ (沙田)沙田橫壆街2-16號沙田中心3樓61-63號舖👀第二次食，d friend話唔想咁頹食kfc😂咁我地就打邊爐啦咁，唔洗煩，上次食過覺得ok所以今次再黎食➡️一個鴛鴦湯底（壽喜燒同沙嗲湯）同一個麻辣湯底，total兩個報👅麻辣湯底，估唔到原來麻辣湯底挺香辣的，後來越滾越辣，湯底更加香辣，同埋個嘴都麻痹左🤣👅壽喜燒湯底，用嚟碌牛最正,甜甜地👅沙嗲湯底，由於食麻辣個個條俐麻痹左😂我食唔到沙爹咩味😂😂👅d牛好高質，雖然我地揀就係最高質個隻😂👅其他同外面打邊爐一樣👅沙冰好飲，上次個人問題飲唔到今次仲要飲到😂👅乳酪雪糕都係好食😋💰313-HKD（連加一）

🏠牛摩+ (沙田)沙田橫壆街2-16號沙田中心3樓61-63號舖食到勁飽，有得打邊爐，又有得任飲，又有雪糕甜品，最鍾意就係可以滿足曬我需求嘅😆😆😆➡️湯底揀左壽喜燒，壽喜燒唔會太甜，仲有無菌生雞蛋比我點牛食，增添牛嘅滑感😆➡️牛，都唔差，幾好味😋➡️出面有好多丸啊，菇個d➡️甜品：泡芙同乳酪雪糕都好好味➡️嘢飲方面，有凍有熱，聽d friend講d沙冰好好飲，不過個日我唔飲得所以無飲到🫣

又來到呢一間平價食牛嘅打邊爐餐廳啦！呢間餐廳我最鍾意嘅就係壽喜燒湯底，原因係佢會越煮越龍越有肉香嘅味道。佢出邊嘅配菜唔係話特別出色但係都幾健康嘅。入面全部都係蔬菜其實如果間唔中去食下，你會發現佢有某一啲菜品係會有菜式嘅更換嘅，其實以平價色牛打邊爐來講佢嘅肉唔算低質，食落去冇筋。雞肉的話就麻麻啦因為佢煮得比較耐。飲品方面今次因為我唔想飲得太甜所以我將梳打水溝咗汽水淡咗得來又唔會冇氣，雖然我哋今次坐得好入但係職員都會定時幫我哋加湯。平時諗唔到食咩呢個真係10分推薦呀

一开始点了三盘牛肉，只上了一盘…问阿姨怎么不上，她说怕我们吃不完…之后点了六盘，只上了三盘，阿姨还觉得我们吃不完，还解释了半天…吃过的最烦躁的放题…比马鞍山那家烂多了…

成日見到朋友去牛摩打邊爐，今次終於到我去試下喇～黎左依間位於沙田中心既牛摩+, 火車站沿商場行幾分鐘就到，非常方便餐廳近期主打三筋肉放題，所以我地都簡左依個套餐餐廳環境闊落，燈光明亮，坐落唔會覺得有壓迫感有多款醬汁及調味料可供自由選擇有壽司可以食，都幾新鮮架！配料選擇都幾豐富，丸類菜類都有好多選擇，岩晒唔同口味既朋友飲料可以任勘，除左有汽水仲有咖啡同鮮榨果汁每枱都會有一客既精選海鮮，有墨魚滑、帆立貝、海蝦、墨魚仔、花膠， 海鮮好新鮮唔會腥。海蝦既蝦肉夠晒爽口彈牙，墨魚仔都係😋 黎到邊爐既重點 牛肉喇！三筋肉係牛肩胛後部分嘅肉，一頭牛只取得 5-6%，極為罕有。由於肉面肉底及肉 中間都分別有一條薄薄的筋膜，因而得名。油脂雪花分佈細密，肉味濃郁，入口肉汁 豐腴嫩滑，絕對係罕見嘅滋味🤤湯底都有好多選擇架！我地就簡左麻辣鴨血鍋同壽喜燒鍋。麻辣湯底真係有d辣架，唔太食得辣既朋友要自行斟酌，但d鴨血就好入味呢！而壽喜燒鍋就夠甜，好味！食到最後當然要食返個雪糕做甜品啦～餐廳係提供雪糕機，食客可以自己選擇份量多少，而旁邊都仲有d小配料可以添加～個雪糕都幾好味呢！！總結而言依個火鍋放題真係幾唔錯而且抵食

今日約咗朋友收工嚟到沙田食飯 突然間大家都好想食打邊爐 咁就去咗 牛摩+ 呢間打邊爐放題基本上喺香港好多地方都有分店 之前都食過沙田呢間 環境係唔錯 咁就決定食佢啦😋 去到門口望一望餐牌 對比起上次我哋黎食 出咗新嘅湯底 見到有麻辣鴨血湯🤩 愛辣嘅我即刻要入去啦😬 仲有呢個「5%稀有」三筋肉海之幸放題 淨係睇相都覺得吸引🤩 90分鐘堂食放題 任食13款美食 好吸引呀😋 最後我哋當然係揀咗呢一個啦☺️ 外面有自助區拎蔬菜、丸類、前菜、飲品、雪糕、甜品、仲有壽司添😋 咁我揀咗麻辣鴨血湯 湯底滾左係勁香🤩 辣度適中加埋我喜歡既鴨血 推薦👍🏻朋友就揀咗經典嘅關東風壽喜燒 日本醬油甜甜地 仲有隻生蛋好滋味😋 首先推介當然係 美國三筋肉☺️問左店員即係咩 佢話 三筋肉係牛肩胛後部分嘅肉 一隻牛得 5-6%好罕有 同埋肉面肉底肉中間都分別有一條薄薄的筋膜 所以叫三筋肉咁我地就試啦 油脂雪花分佈細密 肉味濃郁 唔使點豉油已經好好食 肉質嫩滑 真係好好味😋 跟住就試特級牛肉 佢唔似三筋肉有筋會有種脆口嘅感覺 油脂分佈都好好 都好食😋 黑豚肉同埋豚肉切得好薄嘅一片好快就熟 好滑好好味😋 唔覺唔覺食左好多碟

好耐冇食過火鍋，揀咗$279晚市90分鐘美國極上和牛放題。食得呢個價當然冇諗過係特別好食嘅和牛，但諗住起碼會比平時又柴又冇味嘅牛肉好少少。首先佢哋唔係用電話QR code落單，只係用口嗌。亦都唔會俾個餐牌你，所以你要預先影低個餐牌你嘅套餐有啲咩，然後先至叫。第一碟嚟嘅牛肉正常，油脂分布唔錯，係好味嘅。我哋基本上3分鐘之內已經K.O.左一碟牛肉。我哋三個人，其實每人都係得幾塊。之後再叫，啲肉遲遲都唔來。無論要幾多碟，佢都只係會上一碟。食到大概第三或者第四碟左右，已經好明顯牛肉質素下降，覺得好似喺佳寶買啲最cheap嘅牛肉咁。仲要每碟之間起碼要呆坐五至10分鐘。要鴨血，冇鴨血。要和牛，就俾啲下欄嘅我哋，仲要等好耐先至有。環境逼夾，好多嘢都癡粒粒，感覺好污糟。出去攞完啲火鍋配料，成隻手癡立立。同埋火鍋配料選擇非常之少。埋單+1每人$304。肉嘅質素非常之差，火鍋配料種類少，服務態度差，環境差，以呢個價，有好多更好嘅選擇。以後都唔會再幫襯。

好耐都冇打過邊爐啦！趁疫情嚴重之前就想食一次火鍋放題，行過路過見到中學時候嘅回憶牛摩，望咗望個餐牌發現佢個湯底多咗好多選擇，而且地方闊落，於是就入咗去啦。職員會喺你入去之前叫你揀好個湯底，之後坐低你就可以自己去攞嘢食。食物嘅款式都唔算少自助攞嘢食主要都係蔬菜同埋各式各樣嘅丸，最特別嘅係佢有豆皮結，真係好好味吖佢嘅牛紋路都非常之靚，食落去唔會有筋同韌，肉香味重，牛嘅質素比起以往好咗好多值得讚揚吖！我揀咗壽喜燒湯底，佢會送一隻雞蛋，沾埋充滿蛋汁嘅醬料，真係十分之滿足。價錢合理質素又高，推薦