牛摩 (Closed)

之前食開最平果款牛肉都寫過食評讚賞，講過最平果款cp值高唉上網見到團購買左午市極品澳洲和牛點知食落就中晒伏第一眼望落好似唔錯點知一夾起就發現大半塊肉都係純白脂肪只係用遮掩及摺疊既方法用紅色遮住下面既白色，隱藏住 真相唔好講笑，呢d係極品和牛？！肉還肉，脂肪還脂肪 4成肉6成肥明顯下欄貨好！我試下咬碎晒口入面混返肉同脂肪但係唔work😂肉果邊有牛味但鞋口唔甘香，白色就淨肥膏囉係唔好食既！而且每碟如是，問侍應都幫唔到我地女侍應話：和牛就係咁肥架啦！唔肥就唔叫和牛！真係駁都費事駁佢講句「唔該晒」比佢就ok了男侍應都嘗試搵碟好少少比我地不過都係50%純肥⋯唯有去隔離間家品店買把食物剪逐塊剪開佢⋯但就算肉果邊，都係唔好味⋯淥幾秒即食，都係鞋試左幾碟都咁差⬇️不斷用食物剪走d純肥膏唔係我浪費呀！我點既係牛肉，唔係純肥膏！放棄了睇尼搞團購都係為左散貨⋯⋯應該註明係「澳洲和牛既下欄邊位」下次再來只會叫返最平果隻牛，真的比佢更好味！絕對唔會點呢d咁「極品」既「和牛」！今次我呢個常客，點都要比返個負評！為「極品澳洲和牛」呢6個字討回公道！

從前，新都城有牛陣，執左然後，開左日牛，我做左常客之後前年（定好似上年），開多間牛摩仍記得當時新張開業，我就衝去試食果陣時，湯淡，配料少，醬料少，乳酪難食，自助飲品機成個區域係臭既！😰😰之後當然無再去啦！但做常客果間近年牛肉既質素每況愈下，點第二級數牛，都仲係全紅無雪花⋯⋯仲要等好耐位於是再比多次機會牛摩最近吃了好幾次，都選了最低最平級數既牛肉🤑壽喜燒湯底（不用加錢）每人送雞蛋一隻$99（午市）$138（晚市）每碟牛肉居然都滿是雪花，而且肉味濃郁（真的沒想過點最低級牛肉會有這種味道），比去開果間好得多！食物選擇同其他火鍋店差不多，不用多介紹自助飲品區乾淨企理，仲有即沖茶包，乳酪好味左（但不及日牛）仲有不同口味綿花糖添！醬料也很多選擇！仲有日式咖哩、炒飯、糖水任食！每次都食太飽，未有試：壽司、沙律吧、日式咖哩、炒飯、糖水！值得再比機會呢間日式火鍋店！有機會再點高級一點既牛肉！（雖然門口個侍應不斷推銷，說第二級肉更好，仲送海鮮任食,但我認為最平果級cp值較高，因本人不喜好吃冰鮮海鮮）掛住食，唔記得影多幾張相

很久沒來將軍澳, 位置實在是很偏僻, 不過今日要做堂哥的兄弟, 幸好只是做一個下午, 晚上他就請了我們來這裡吃任食火鍋, 呵呵, 吃任食可以封頂, 果然是對付某大胃王最佳計策 其實這裡地方也很有趣, 很日系有牛陣的感覺, 不過選擇比較多連壽司也有嗎? 看起來很不錯, 但飯粒太硬身了...玉子也冰冰的, 看來不是強項啊堂哥對我們實在太好, 點了最貴的日本和牛! 看那雪花紛飛, 漂亮得令人驚訝, 因為每片都好薄, 所以煮2-3秒就可以, 那種入口即溶的感覺令人難以忘懷!豬肉也是10秒鐘就熟的好東西, 口感不錯, 有咬口之餘又不會很肥, 亦沒有多餘的雪藏豬公味雖然是日式火鍋, 但中式醬油一應俱全, 炸蒜頭, 指天椒, 蔥段, 而且頻頻refill, 感覺十分新鮮!菜也是很特別, 菜心在外面的火鍋店很少會見到, 生菜也很多水份, 不錯爽脆至於丸類, 腸仔也很彈牙, 沒有奇怪的雪味, 味道不錯啊最後送的yogurt, 怎麼有一陣sorbet的口感? 卻嘗到yogurt味, 那就不得而知了...!

一班小學同學多年後相約聚會，來到了將軍澳牛摩，排隊排了１５分鐘才右才能入座，餐廳很很歡迎呢一班８婆們的聚會，當然是ｂｉ　ｌｉ　ｂａ　ｌａ，餐廳因為我們非常熱鬧呢門口的公仔相當有趣這兒的餐廳是有牛肉和豬肉，牛肉是和牛，豬肉是黑兒豬，質素與價錢是成正比，我們選了２００多元的套餐，質量算是不錯，最大好處是不停ｒｅｆｉｌｌ黑毛豬比較多油，吃起來比較ｊｕｉｃｙ，不過時間要耐一點才熟和牛質素麻麻，太薄所以吃起來口感一般，不過味道還是不錯其餘的丸類整瞌感覺不錯，特別喜歡肉丸，比較彈牙蔬菜不算太新鮮但解油膩一流最後我們拿了滿滿的食物，壽司也有不過質素當然不能與壽司店相比啦臨尾每人一杯ｙｏｇｕｒｔ，這兒的ｙｏｇｕｒｔ相當嫩滑，味道香濃不錯的聚會地點，期待下一次見面

小姐同友人打完波，體力透支，一定要食番多d野！去到球場附近既新都城，呢到打邊爐都有不少選擇。最後黎到牛摩，因為見評價都唔錯。我地揀左中級既牛／豬／仲有海鮮（青口，蝦，帶子）任食 ＄18x其實海鮮就真係麻麻，黎左一碟已經無再叫。好細隻又唔夠新鮮...反而牛既質素就唔錯，夠薄又不失牛肉味，而且油脂平均，我地一人都食左差唔多2碟。呢個2個人一個鍋，我地3個人可以揀2個湯底蕃茄湯，味道有點太甜，好重既茄膏，好奇怪，不過黎呢d放題邊爐都唔expect個湯有幾好。另外一個係必點既sukiyaki，配兩隻蛋。呢到個湯都唔錯，唔會太甜又有個香味。

同幾個兄弟最開心當然係打邊爐啦，今日就一試牛摩。其實D火鍋店越來越多，間間食物都差唔多咁，呢到比較唔同係海鮮任食，感覺亦抵返晒咁。我地有4個人，由於人太多，就篇咗去後面D 兩人枱度，兩張兩人枱好近，仲間有個位出入咁，不過成日話「隔離飯香」，就麻煩在想偷隔離個鍋D野食都好唔就手。我地呢邊就係番茄湯底，隔離就係豬骨湯。小弟就係鍾意番茄湯底夠濃，打咗成晚D味都KEEP得住。豬骨湯都唔錯，不過唔知係味落得太多肉，打得耐有點油，而D 味開始淡咗。我地食中間$189的特級牛肉，有90分鐘時間食，D牛唔錯，唔鞋口，好鮮嫩。海鮮有蝦、青口、帶子，青口唔錯，好新鮮，而且食落有嚼勁，而帶子軟腍腍，不停Encore。呢到仲有得自取壽司食，期望唔高，不過嚟到點都試下ge，飯好易散開，上面刺身唔太凍，味道一般。除咗食肉之外，出面自助的食物選擇多元化，其中丸類款色可以話晌食過咁多間火鍋店中最多最齊，連Wasabi丸、墨汁丸也有，而小弟最鍾意Wasabi丸，不停咁囉返嚟食，一咬開粒丸Wasabi味爆出，辣辣地好好味。對呢到的評價唔錯，牛、豬、海鮮都幾好味又新鮮，而且自助食物款色都算多，飲品就連沙冰都有添，但坐得比較

以前食放題一定係食魚生, 之後多左牛涮鍋之後就成日去食打邊爐放題, 因為其實食火鍋都係食佢D牛啫~其他配料都冇乜所謂~但就要出去旺角食~估唔到而家將軍澳都有火鍋放題餐廳, 咁近就有得食, 好野!間餐廳都算幾大, 坐到50人到啦一字排開其實好多野揀, 瓜菜同埋丸仔腸仔都有, 不過我地當然要瘋狂食牛啦!佢地第3貴果D和牛其實好幾靚嫁啦, 好多雪花, 食落又稔又香牛肉味, 仲入口即溶, 好似唔使咬咁, 好正嫁! 不過就好似有少少薄, 要3塊一齊食先感覺良好佢地既豬肉都係好軟稔又薄, 反而幾好食! 因為豬肉薄薄地好易熟, 而且豬肉本身有多D咬口, 唔似和牛咁即溶左囉 拎左少少雜物~XD不過大家食就唔係好多, 其實佢地D丸用黎送烏冬都唔錯既, 但就冇乜特別, 有D有少少雪係上面, 都係食番牛好D~XD和牛配麻醬一定係最好食既, 超級好食呀~~~豉油加生蒜就係個人喜好黎~好日本式既咖哩飯煮到有少少爛, 不過咖哩汁味道唔錯, 唔辣得黎有D甜味, 好岩老人家同小朋友食, 食落好有日本既味道呀!

因工作關係來到將軍澳，同事們帶我到一家火鍋店晚餐，起初還以為是中式火鍋店，想不到的是日本和牛火鍋大餐，超高興呢餐廳上列明有不同價錢的分別，我們最後選了澳洲和牛，希望不錯吧火鍋爐上列明餐廳的名字，相當有氣勢到處可見牛摩的名字湯底出來了，我的是味噌湯底趁湯未熱吃點壽司，味道不錯，魚生算是新鮮海鮮拼盤上來了，帶子，蝦最為吸睛，等湯熟後立刻放進去澳洲和牛出場，牛的紋路十分清晰豬肉也上場了呢來一杯ＡＳＡＫＩ，今晚不醉無歸湯底熟了後，立刻放食物進去澳洲和牛味道不錯，牛肉鮮嫩，入口即溶豬肉也是不錯，不過還是牛比較出色整體感覺一流，下次還會再來

話說今日OT，放工後同同事覺得應該吃一個邊爐relax下，近近地既，就去左試牛摩，因為大家都係牛魔王黎！首先揀左極品澳洲和牛，除左有牛肉同豬肉外，仲有海鮮食，真係超正，湯底我地就揀左味噌蜆湯。揀完湯底就可以出去拎醬汁同埋其他菜呀、丸呀之類，但我地今日既目標係要去大擦和牛！所以其他配料都係攞少少算！拎醬料時都幾驚喜，因為呢度竟然有柚子醋醬油拎啊！自從係朋友家吃過一次柚子醋醬油後都念念不忘，今日竟然係呢度遇上，即刻加分！番去既時候已經有兩碟牛肉、豬肉同埋海鮮拼盤係到啦！以任食黎講，啲食材都幾靚幾新鮮！仲有啲蠔同蝦都幾大隻，而且啲肉又唔會好削。我地瘋狂食，又瘋狂加單，上野都幾快，唔錯！下次必定encore！

最愛壽喜鍋底涮牛肉，牛摩的涮鍋牛足夠新鮮，一下鍋就熟，越新鮮的牛才會這樣吧，牛味也是濃郁，易嚼爛本來一直對海鮮不是很熱情，經不住同桌好友的誘惑，決定嘗試一隻蝦，煮完後，入口肉質結實緊實，彈牙，脆！十分驚喜，新鮮的蝦才有這種質感了，蝦味也是濃而不腥。油麥菜是我最喜歡的蔬菜，牛摩有很多蔬菜可以選擇，聽小哥講，餐廳阿姨會在自助開始前去買菜以保證材料的新鮮，油麥菜熱愛者真是無比開心。

陪妹妹去買禮物俾契女.於是試埋一直想試的牛摩...入座前選擇了90分鐘放題,被安排在兩人座位,自成一格倒也不錯....未取食物前先揀選湯底,要了豬骨湯底...湯底未黎前先出去巡一巡有甚麼好吃...由於當時己兩點多,肚子有點餓,見外面有烏冬和冷麵,那便取2碗作冷吃...麵和烏冬也是水準平平,任食當然唔會要求太高,在肚餓時拿來填肚子也是不錯啦食物也是一般的丸類,菜和麵食...比較特別是公仔丸類.可惜的是只有樣貌比較可愛,質素倒是比較差,那個用來氹小朋友食還不錯...豆腐一向係任食邊爐我的最愛,可惜這店的豆腐唔夠滑,豆味更欠奉.這兒還供應玉子豆腐,可惜未食己嗅到一股難聞氣味,最後放棄沒有吃啦!90分鐘的放題是任食牛和羊...這兒的牛還可以,尚算有肉味,可惜豬沒有味之餘也比較鞋,最後沒有再加點了....湯底要了豬骨湯底,湯唔夠濃,無乜味道..食時只好靠醬油,值得一讚芝麻醬不錯....最後食乳酪,乳酪質素一般,略嫌唔夠酸...吃了一杯便放棄了這兒的食物質素平平,價錢98尚要加一,實在沒有再光顧的理由...服務:無乜,除了收過一次碟,湯底只加了一次.想搵待應也唔容易,食到最後幾乎全部待應坐埋一邊,

weekend又係睇戲嘅日子 (for我黎講XD) 睇完都7:00pm, 再行下街就係時候搵野食la….因為男朋友想打邊爐, 首先就去左牛摩拎飛先, 因為weekend例牌多人…我地當然無甘蠢la, 去埋對面刷刷鍋拎飛, 諗住都有排等…..所以周圍行下, around 10mins後翻去睇下….原來已經pass左….不過佢講之後可以補翻…..再等多10mins到就有位….等位期間比我發現到原來150cm以下好似唔知免費定有discount, 其實我都係高少少je….LOL 限時1 hr, 好快出去拎野食先, order左豬骨湯，牛同豬都係任refill ge, 因為我地入座已經過左9:00pm, 宵夜period $98/ppl (成人), 都幾抵食嘅….. so far d 食物選擇唔算太多， 蔬菜，腸仔， 魚蛋, 丸….etc 好彩有d sushi食下….野飲我地都係飲coke, 打邊爐僅係要飲coke la…..XDD d肉就不過不失la, 當然無得同牛一果d比, 不過又唔差ge, 偏向薄身d, 我地2個人食都refill左3-4次….最後僅係要食翻杯Froyo la, 有自選t

天氣冷,,這家火鍋店的門外也有不少人等位第一次試這家店晚市90分鐘放題點了$168的嚴選牛肉餐牌介紹是牛肩胛肉吃不起穀飼和牛&黑毛和牛呢~~湯底則選了壽喜燒湯底,,是微甜的味道~~牛肩胛肉比一般肥牛沒那麼肥肉質也較有咬口,,也有牛肉味呢~~吃了一round又一round,,不知何故,,最後一round的好似較好吃!!肉質與味道都較之前的好!!這裡當然不是只有牛肉..但既然店名叫牛摩老公說不要點豚肉和雞肉..所以不知味道如何呢~~還有其他火鍋配料熟食,,甜品&壽司供應火鍋配料都是一般的丸類,,瓜菜類最貼心的是拉麵,,烏冬&豆腐都裝成一小碟的,,方便人取呢~~配料都算新鮮,,不會難吃~~壽司雖算不上好吃,,但總過得去甜品有puff & froyopuff還是要凍一點才好吃froyo則可自行加配料..是最著通的一種froyo味~~其他食物不算特別出色但牛肉好吃就夠>v<!!

禮拜日喇，朝早洗完晾完衫就出門口喇~ 今日約咗表弟表妹出去睇戲，感覺上佢地放假冇野搞一係喺屋企附近流連，再黎就已經習慣性去將軍澳了（記得上次同佢地睇戲都係去將軍澳）我又冇所謂wo，反正我好少去嗰邊，對我黎講幾新鮮吖 睇完戲大概一點了，我又冇食早餐，雖然話睇戲嘅時候食咗啲爆谷飲咗啲汽水，但係時候食午飯了，去邊度食好呢~ 哩邊對我黎講係個陌生嘅地方，咁就隨便搵啦，不知不覺就黎咗哩間【牛摩】火鍋店嘅門口了，自助火鍋wo，有人對哩間店幾有興趣，我就有啲猶疑喇，任食wo，我自己知自己事，一定會追飯食的（肉都一樣），又想食又怕肥，已經唔係18廿二了，點減呀，肥硬啦，哈哈~~~ 喺門口猶疑咗一陣，餓了，唔想周圍再搵了，問問門口侍應妹妹一啲資料後，就決定入去了 侍應妹妹帶咗我地入去最角落嘅位置坐底，地方幾乾淨吖，白色檯面上有兩個黑色電磁爐，間食店嘅大名清楚咁印（?）喺電磁爐上面，非常醒目，加上和風木板牆同造型獨特嘅吊燈，感覺幾舒服吖~ 坐低後首先要決定嘅係食邊隻牛肉，經過商量之後就決定要最基本嘅任食【美國肥牛】吧 然後就要決定要咩湯底了，表妹想要【長崎豬骨濃湯】，表弟就對期間限定嘅【日式芝士咖喱湯底】

除左用普通來形容，都找不到什麼字眼來形容好了。星期日，將軍澳的餐廳，晚上必是好爆場，我說不用等位的...應該可聯想到點解吧！原定是想食KFC 的我, 晚上7點就見到條排隊購雞人龍長達廿人，睇到都不想排，一路上見到間間食市都等位，唯獨這間，又有位wor. 諗住快快手吃完回家睇多啦A夢的我，見90分鐘放題，時間吃飽還足夠用龜速散步回家，就決定這家店好了。又是同桌選同一款肉的餐，最平的牛是$148, 但見餐牌上的相肉質都不吸引，選上一級$168 好了。一坐下就有鍋來，牛同豬都來了兩碟，地方淺窄吓，桌面跟不放不到多隻碟，加上取食物時更容易同待應碰撞，變相我就不太喜歡去取外面的食材了，只取了三次都不想再走，食材是新鮮的但沒什麼亮点！牛肉薄到像沙紙，我真有點好奇是怎樣片到如沙般薄，頭兩碟牛還真像餐牌的圖，但打後每次俾一次走樣，第四至五輪牛肉，出到來沒咁薄了，但卻多了好多肥膏部份，而且我個人吃了五碟牛，但都唔知到有無幾安士重量，但就有知一直在吃牛，但卻覺得無咩牛肉味！至於甜品方面有乳酪，但味到像沙冰多過乳酪囉。兩人埋單近$400，但卻說不出有甚麼突出或可回味之處，怪不得又是一個鐵證（飯市時間有位真的